INN - I’m Not Nothing (裕民坊YM²)

营业中

休息中

呢間位於觀塘裕民坊 餐廳環境佈置俾人好優雅嘅感覺❣️岩哂女士們打卡📸今次去食午餐 平均百零蚊到 份量都好大份 唔係細細碟嗰種😆午餐奉送餐湯同餐飲 今日係南瓜湯🥘上枱都夠熱 幾好飲🐖煎焗厚切豬肉眼配芒果蕃茄莎莎好厚既豬肉眼 但厚得嚟唔會好韌好難咬 反而好好食 大大份 朋友食完都已經好飽🐟 香煎鯛魚柳配巴馬火腿蘆筍卷擺盤好精緻 睇得出好有心機 鯛魚柳有兩大塊 煎得好香 底下仲有薯蓉 蘆筍卷上巴馬火腿 鹹香適中🥞薄荷朱古力梳乎厘班戟（期間限定）身為薄荷朱古力控既我一定要試吓 嗰奶油調配得好好 薄荷味同朱古力比例岩岩好 唔會搶味 梳乎厘即叫即整架 記得預返等候時間💕📍INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖

📍 INN - I'm Not Nothing每次行街經過見到都比餐廳嘅裝潢吸引住😻設計以西式歐陸風格為主，滿怖花卉🌸同植物，色彩繽紛，瀰漫着浪漫嘅氣氛💕🦞法式焗波士頓龍蝦配紅花忌廉汁手工意粉 $268成隻波士頓龍蝦好吸引眼球！龍蝦個 size 算係大隻，勁多龍蝦膏！兩個人share食會覺得啱啱好！色澤鮮艷，食落好爽口彈牙！🤩龍蝦肉保持柔軟嫩滑嘅口感，煮得啱啱好，唔會過煮或者過淋；而意粉相當掛汁，每條都食到龍蝦汁嘅味道👅🥞開心果梳乎厘班戟 $108開心果濃郁，正合我口味！梳乎厘嘅質地做到蓬鬆嘅效果，簡直係梳乎厘做到空氣感嘅效果，入口即溶🤤滿足感Max!!!🥰香濃嘅開心果醬同蛋香喺口度充斥，開心果粒粒增添唔少口感👍🏻甜品係即叫即整，雖然等得有啲耐，但好值得食！🥑牛油果奶昔 $58口感順滑，牛油果既味道啱啱好，唔會太淡或者太濃～飲落整體較清新，幾解油膩感；上面嘅忌廉甜甜地，好邪惡😈🥂House White Dourthe N1 $78充斥著檸檬同葡萄柚香氣，好適合一邊食海鮮一邊飲，酒味唔會太重，亦相當易入口😆⭐️好味指數：8.5/10📍 INN - I’m Not Nothing (裕民坊Y

生日月想周圍搵啲打卡靚嘅餐廳呢間 就係其中一間宮廷式設計 而且有好多花花襯托 今日同朋友嚟食晚餐叫咗2個main course 加多個梳乎厘🍝煙三文魚龍蝦汁意粉煙三文魚份量夠晒多龍蝦汁撈勻晒 每條意粉都有汁食落唔覺膩滯🍛北海道帶子南瓜蟹肉意大利飯帶子好大粒 又夠厚身 意大利飯夠creamy 蟹肉一絲絲撈埋落意大利飯度 🥞芝士奶蓋梳乎厘即叫即整 所以大家差唔多食晒main course就要通知店員起得奶蓋咸咸哋 濃郁芝士 🧀 食落幾重蛋味口感鬆軟 有空氣感

行過見到好靚 ，類近歐式宮廷風。主打白色 設立左好多打卡位 。我哋5點入坐，好快5點半已經要排隊。叫左帶子配蟹膏義大利飯 ，沙律，仲有杯特飲，黑松露薯條好食😋大家路過可以試吓

INN既特色就係採用優雅既法式🇫🇷佈置，行法式宮廷歐陸風，以白色為主調，凳🪑係藤椅，有用花花🪻圍城既美女與野獸景、女神雕像🗿、西式燭鏡台🪞、水晶燈💡、羅馬柱等等，出面亦有半室內既位置可以這樣喔都幾舒服😌 野食以精緻西餐🍴為主，幾靚之餘味道幾有層次～ 如果有人生日🎂，仲可以請佢地幫手畫碟tim😜(5 😍 係滿分，🤩係半分）牛油煎北海道帶子伴燒南瓜蟹肉意大利飯 🧈🔥⚪️🎃🦀🥘 - $188 (好味指數：😍😍😍😍🤩)上面有3粒飽滿既帶子⚪️，質感軟嫩，鮮甜彈牙，出面有用牛油🧈輕輕煎過，有啲焦香同香口啲～ 個飯🍚落足清香甘甜既南瓜蓉🎃同鮮甜綿密既蟹肉蓉🦀煮，配埋有鹹香creamy既巴馬臣芝士🧀、清香既蘑菇🍄‍🟫、有咬口既毛豆🫛同埋一大舊清甜軟糯既南瓜🎃，顏色鮮豔，層次豐富～香煎虎蝦扁意粉 🦐🍝 - $168 (好味指數：😍😍😍😍)另外一個就試左個扁意粉🍝，意粉🍝煙煙韌韌，味道幾清香，主要用左有煙燻香味既紅椒粉🔴🫑、清新既紅蔥同惹味香口既蝦頭油🦐去煮，感覺幾惹味香口又唔會漏，啲蝦🦐幾大隻飽滿，已經剝左殼，所以食既時候啖啖肉咁，鮮甜爽口，煎香左鮮味更加出開心果梳乎厘班戟 🥞 - $108 (好味指數：

今日國慶假期，Mina爸要OT🥹我就單拖同Mina到屋企附近的裕民坊商場～INN，食返個午餐先🥰呢度裝修好有歐洲宮廷氣息嘅INNInn，佢哋連食物嘅餐具同埋擺盤同裝修品，都恍如置身歐洲宮廷之中，啱晒大家嚟影相同埋打卡，有室內同室外嘅位置可以選擇，所有餐點嘅擺盤同裝飾都好精緻 🫖☕️🌟原隻虎蝦焗西班牙飯虎蝦大大隻，咬感爽口又彈牙，西班牙飯混合咗好多唔同嘅海鮮，吸收晒海鮮濃湯嘅味道，整個飯都口感層次豐富🌟 All Day Breakfast非常豐富的day Breakfast，配料包括：有沙律菜、烤番茄、香腸、煙肉、炒滑蛋、牛油果、雜菌同埋多士，炒滑蛋口感嫩滑，烤蕃茄酸甜開胃，牛油果香滑，令人非常滿足🌟南瓜忌廉湯濃稠嘅南瓜湯，口感幼滑，南瓜味重。🌟開心果疏乎厘即叫即整，需預時間30分鐘，所以大家要耐心等候！一上台熱辣辣，好香蛋味，口感細滑鬆軟，手打的開心果醬果仁味濃郁，Mina食完都同我講話好好味😋

倆口子中秋前夕黎晚餐，成個燈光、佈置都好浪漫，跟之前黎lunch 多了一份高雅感！ 🍴黑松露薯條配巴馬臣芝士薯條香熱脆口又有陣陣松露氣味，外配軟滑淡雅巴馬臣芝士，雙重味覺享受！🍖蜜糖芥末籽燒澳洲豬鞍架配烤菠蘿豬鞍架燒得香口，肉厚質感細嫩，輕淺蜜糖芥末調襯，簡潔表達出豬鞍架鮮味，配合原身油香度，慢嚼之下特別juicy。微微菠蘿果酸遇上豬鞍肉，嗰種奇妙口感都幾match！主食+$38 配 南瓜湯 同埋包 $28或以下飲品。 南瓜湯都有畫花，入口creamy 好重南瓜味！ 🥞開心果梳乎厘班戟梳乎厘班戟質感輕盈鬆軟，配合開心果醬、黑糖，微甜不膩。最後點上一杯long black 作結！

最近壓力太大，難得約到好朋友一齊去食野，傾下計，朋友選左依間餐廳，環境真係好靚好舒服，有好多打卡既佈置，即刻將D煩惱都忘記嗮，而且工作人員既態度非常友善，最重要當然係食物既質素真係好高，食材好新鮮，令我地都好享受今次既晚餐😊👍香煎虎蝦扁意粉———超級好味😋，第一次食到咁香滑既意粉，而且好入味，算係我最近食過最好味既扁意粉，而且有好多隻虎蝦，蝦已剝殼，所以好入味，重點係蝦肉好彈牙，完全食得出係超新鮮既蝦，大家有機會一定要試下😋😋😋❤️❤️❤️手工黑松露雲吞配野菌黑松露忌廉汁———賣相吸引，黑松露味道非常香濃，一口一粒雲吞超滿足😁😁😁雜莓梳乎厘———打卡一流，好想既雜莓醬味，梳乎厘處理得非常好，入口融化既感覺超正，而且有好想既蛋味，太耐無食過梳乎厘，今日食到依個咁正既甜品，心情都開心嗮❤️❤️❤️😋😋😋下次必定會再同朋友黎食，真係好出色👍👍👍

位於觀塘裕民坊YM² 既西餐廳INN - I’m Not Nothing ，餐廳環境以西式歐陸風格為主，滿佈花卉元素🌸🌻充滿儀式感 😆午市套餐包含頭盤、主菜同飲品🍹價錢由$128-$188不等，亦可以優惠價升級頭盤同飲品~是日餐湯係南瓜湯，湯既質感幾creamy，南瓜味道幾濃郁🎃而且有淡淡既南瓜甜味👍🏻紅酒燴牛肋條意大利飯（$138）牛肋條肉質軟腍易咬👄幾入味。意大利飯軟咬適中👌🏻吸收左紅酒同牛肋條既香味，唔錯~英式炸魚薯條($148)炸魚有兩大塊，外皮炸得鬆脆😋啖啖肉，配上酸甜開胃既他他醬，可以中和油膩感💁🏻‍♀️薯條亦炸得香脆，配炸魚的確幾夾👐🏻開心果疏乎厘班戟（$108）疏乎厘班戟口感鬆軟有蛋香，充滿空氣感💨開心果醬甜度適中，配上焦糖脆脆同士多啤梨🍓一齊食，口感更豐富👅

之前都食過呢一間嘅分店，覺得佢哋嘅裝飾同食物質素都相當唔錯，今日就嚟到佢呢一間位於裕民坊嘅分店，睇吓係咪都係咁高質。裕民坊呢一間分店嘅面積好大，分咗室內同半室外嘅座位，鍾意打卡嘅朋友應該超鍾意，因為佢係行英倫簡約風，成間餐廳每一個位都係打卡位。手工黑松露雲吞配野菌黑松露忌廉汁 $148之前食過意大利雲吞覺得好有特色，今日竟然喺呢一間餐廳見到，仲要係我最鍾意嘅黑松露口味。整體嚟講味道不錯，而且份量好多，野菌黑松露嘅香味同雲吞都幾夾，而且個皮唔會太厚，個人嚟講都幾鍾意。法式紅酒燴和牛面肉意大利飯 $168佢嘅和牛肉質好嫩滑，而且紅酒汁好入味，成個配搭好夾，而且擺盤超靚，打卡都非常之適合。我哋喺呢一個主菜仲加配咗套餐，有埋蕃茄忌廉湯同一杯餐飲，忌廉湯味道好濃郁，唔會好似飲緊水咁。開心果疏乎厘 $108最後以一份甜品作結，疏乎厘係啱啱整好，所以仲有暖暖地嘅感覺，唔會過甜，而且口感好鬆軟，唯獨是佢粒士多啤梨有啲酸😂，不過加埋開心果醬就可以平衡返。

💐裝修幾靚，好多花花。環境好有設計感，佈滿花卉同白色元素，完全係打卡熱點。同朋友去慶祝生日，佢仲會播生日歌。🍝煙三文魚龍蝦忌廉汁意粉 忌廉汁唔會太膩，煙三文魚配埋啲龍蝦汁，夾埋意粉啱啱好。佢嘅煙三文魚係煮熟咗嘅，份量都唔少。🐟香煎銀鱈魚柳配巴馬火腿蘆筍卷 銀鱈魚煎到外脆內嫩，巴馬火腿嘅鹹香同埋魚柳好夾，仲有椰菜花粟米蘆筍，呢啲菜，都幾健康。佢個忌廉汁係綠色嘅，味道都幾唔錯。🎂開心果疏乎厘同朋友嚟可以寫個生日牌，影相都幾好睇。內裡鬆軟，佢嘅開心果忌廉都幾有開心果味。

位於觀塘的裕民坊，有不少好嘢食，今日嚟到2樓的INN - I’m Not Nothing，即刻俾佢的裝潢吸引住，佈置得好靚，打卡一流，這裏的燈光柔和，感覺特別浪漫💕🌟香煎銀鱈魚柳巴馬火腿蘆筍卷伴蘆筍茸鮮魚忌廉汁擺盤十分精緻漂亮，銀鱈魚柳外焦內嫩，搭配蘆筍茸鮮魚忌廉汁，口感層次豐富，美味可口🫶🏻巴馬火腿的鹹香，提升了蘆筍的味道，鮮脆可口💗🌟法式紅酒燴和牛面肉意大利飯牛面肉肉質鮮嫩，醇厚的紅酒醬汁滲透其中，濃郁美味✨意大利飯煮得剛剛好，米粒吸收了醬汁的精華，口感滑順，與香料的搭配恰到好處，感受到法式料理的精緻👍🏻🌟Cheese Milk 疏乎厘疏乎厘外皮烤至金黃，內裏柔滑鬆軟，以濃郁的芝士風味為主，奶香撲鼻，口感輕盈，既不過於甜膩，又能帶來舒適的滿足感😋🌟蘑菇忌廉餐湯蘑菇忌廉湯濃郁而滑順，蘑菇香氣彌漫，讓人瞬間感受到溫暖❤️湯底的奶油味道恰到好處，增添豐富口感✨

INN - I'm Not Nothing (裕民坊YM²）📍尽管室内面积不大，但是装修每个角落都是打卡位，用了大量花簇将整个餐厅围起来，我像是在花园里与美食来一场烂漫的邂逅🥰天花板上的精致玻璃吊灯，由金银星光带连在一起，专门营造出浪漫奢华的氛围。整个餐厅的装饰充满法式宫廷风的元素，无论是同朋友来一场 party 还是同情人共度浪漫时光的，都非常适合。🦞法式焗波士顿龙虾配红花忌廉汁手工意粉+$38配餐汤及飲品用牛油烤过的龙虾肉质紧实，焗制后香气四溢，红花忌廉汁为意粉增添了一抹醇厚和鲜美。//餐湯：黑松露蘑菇湯蘑菇本身帶有一種天然的鮮味和柔滑的質地，而黑松露則增添了一層獨特的香氣和深度。湯絲滑且濃稠的，讓人感覺滿足🍝法式红酒会和牛面肉意大利饭：牛肉炖煮得比较软烂，入口就化，还带上淡淡的红酒香味，飘飘然的，一口一个上头🤤米粒饱满很有嚼劲。 🍹雜苺奶昔：粉红色彩的奶昔刚呈上来就聚焦了相机的灯光，打卡一流喔！蓝莓草莓榨成的奶昔口感很顺滑，酸酸甜甜，清爽解腻🤤🥧开心果梳乎厘：梳乎厘蓬松柔软，配上香浓的开心果酱，真的好吃！而且自制的焦糖都好好味，微微苦味带出甘甜，为今晚画上了完美的句号。食

INN -I I'm Nothing（裕民坊YM2)餐廳位於九龍觀塘協和街33號裕民坊YM2二樓,餐廳裝修簡約帶有西式歐陸風格,有花卉植物擺設,設有半露天戶外座位供客人選擇,餐廳主打西式咖啡多國菜,服務員青春活力友善有禮。餐湯蘑菇忌廉湯餐湯熱辣辣上桌,蘑菇味濃入口非常嫩滑好飲。餐沙律係香煎慢煮雞胸百香果油醋沙律估唔到廚師慢煮雞胸肉都咁好味,沙律新鮮,牛油果入口好綿滑,酸酸甜甜好醒胃。All day breakfast有腸仔,麵包,蕃茄,牛油果,煙肉,沙律菜,雜菌菇和腸仔等,材料非常豐富,色香味俱全,最喜歡煙肉夠香口,鹹,牛油果好新鮮綿滑。原隻虎蝦西班牙飯西班牙飯內有車厘茄,青豆,腸仔,墨魚仔,蔬菜和青口等,伴碟和擺盤都好精美,睇見都好開胃,大虎蝦新鮮彈牙爽口,微鹹,西班牙飯比較濕潤,入口軟糯。甜品開心果梳乎厘廚師連甜品擺盤都很精緻,微甜,香濃嘅開心果和好有蛋味嘅梳乎厘充斥口腔內,感覺十分滿足。餐飲香濃綿滑黑啡和新鮮檸檬水。

餐廳唔算好大間，仲有室外位，不過咁熱都冇人會坐🤣🤣揀左個二人餐食白汁芝士海鮮焗釀蟹蓋，正正常常，但下面既多士冇乜味，唔知自己食緊d咩🤣燒安格斯西冷扒配原條燒牛骨髓，揀左5成熟，牛扒都有牛味，都係正正常常。牛骨髓口感好似食緊肥膏咁🤣但個味幾好既。波士頓龍蝦海鮮西班牙飯，賣相幾靚，但食落又係覺得普普通通咁，個飯又係冇乜味咁🫠🫠唔太鐘意。跟餐甜品，唔知點解黃色部份會係液體😟😟唔係應該會係固體嗎？好奇怪！食完都唔知咩黎…..openrice訂位可以+$38換疏乎厘pancake，賣相真係幾醜🤣但個味出奇唔錯，有蛋香味。整體黎講性價比唔高，試一次好了🫠🫠🫠