ISSY MASON Cafe (已結業)

星期五晚，又係搵食既時候，今次見到樓下街招，覺得吸引，於是便上來一試！這裡環境寬敞舒適，可能是工廠區關係吧！顧客與顧客距離不會太近，幾好！除了提供食物，這裡還有書本提供，並售賣時裝，適合不同客人的口味。主菜香煎時令魚枊，配青豆面包布甸及牡蠣牛油汁。今次試咗鱸魚，香煎的魚塊有著肉汁，份量適中，好吃。青豆面包布甸，綠色軟淋淋，像蛋糕，但其實是布甸，賣相好得意！入口除了軟淋淋，仲有青豆的粒粒襯托，從來未有試過有呢個味道！另一主菜是美國雞胸配炒莧菜及甜薯蓉。雞胸肉裡釀著粟子及糙米，味道好夾，食起來有肉的煙韌，也有粟子粒粒的質感，再加埋d糙米，及南瓜醬，味道好特別！晚餐包括攴餐湯、蒜蓉包及沙律，還有甜品及餐飲，埋單大約每個$200左右，價錢中等。小女子第一次寫食評，若有不足之處，請多多包涵！

食物不錯， 有特色， 但份量較少， 較適合女士環境及咖啡就很好， 令人感受輕鬆。今次食午餐 揀左兩個餐 一個魚一個意粉 意粉有點鹹 ，魚就十分美味，個汁唔錯。服務很好。有機會再來。

今日happy Friday 老細話食好d於是一班10幾人由牛頭角行左去觀塘既駱駝漆，真係10萬里長征！上到黎9樓既issy mason 環境不錯而且侍應服務亦要稱讚今之叫菜叫左幾款牛尾，肉眼，同意粉，我只係食左肉眼扒，唔係講笑，3成熟真係入口即溶，唔講以為係食和牛，而且配埋意大利粉再加埋個黑淑汁，omg超正！如果黎開呢頭真係要試試

今日黎食野 環境又幾好wo 嗌左個set lunch 肉眼扒 根位唔韌 肥位唔肥湯既份量岩岩好肉眼扒既肉質鮮嫩多汁配以薯菜效果更佳特飲既味道酸酸甜甜 亦特別醒胃媽呀 我愛上左呢間野喇！！！！！

非常方便，不像其他工廈cafe般難找。進駐店內是一遍寬敞的環境，後面還設有精品服飾選購。一張張木枱令人感到放鬆自在，晚餐點選了忌廉汁山葵汁海鮮扁意粉及紅酒汁小牛扒，牛扒叫5成熟剛好，我偏愛扁意粉，味道適中，份量剛剛好。

網上見到呢間Cafe, 收工又黎試吓~上到黎完全唔洗等位，裝修都幾靚，d櫈好好坐，如果放假黎我應該可以hea成日~睇餐牌，食物選擇算少，我又唔係好餓，2個人就叫咗一個煙三文魚凱撒沙律同一個春雞排晚餐~個湯似乎係青豆蓉湯，幾好飲，不過鍾燙口既我稍微覺得唔夠熱，春雞排個汁好味，微辣香濃，雞肉幾香又唔太鞋，伴碟蔬菜都好味~ 沙律我揀咗油醋汁，夠香，沙律菜新鮮，麵包粒好香牛油味，三文魚唔死咸，合格 XD飲品凍朱古力，香而唔太甜，啱晒我呢d唔好甜既人~總括黎講，坐位環境舒適，食物飲品滿意，雖然價錢唔平，不過值得再黎~

快去東京旅行，但個行程度極都未掂，呢個時候，梗係要向姊妹請教。想近近地搵間坐得舒服，兼有wifi可搵資料既餐廳，於是揀左Issy Mason Cafe。其實Issy Mason Cafe係芸芸觀塘樓上cafe之中，幾具話題性既一間，因為佢標榜有飯食之餘，仲有衫賣。咁我地呢d購物狂，籮柚未坐低就走左去睇衫，但d衫真係好把鬼，深水埗長沙灣貨色，但賣得勁貴，算，都係返埋位，安份點餐。先黎餐湯同餐包。蒜蓉包患左乾硬化症，個餐湯又好稀，兩樣都麻麻。煎豬扒配薯菜，我覺得個汁好茶餐廳味道，唔鍾意呢陣味，好失望。煎魚比較好，因為皮煎得脆，加番少少分。總括黎講，食物唔係好好，不過環境係ok既，服務亦可以，人客唔多，想黎hea黎傾計，都算係一個選擇，不過我就無動力黎第二次。

呢到大部分傢具佈置都以木系為住，空間亦好寬闊，所以絕對適合開Party，一班朋友仔黎都係一個唔錯嘅選擇！而且有一個corner仲有少量嘅服飾售賣，都幾特別原來呢到Dinner Set都豐富，會有餐湯餐包之餘，仲會有埋飲品同是日甜品。真係名副其實嘅3隻大蝦，都幾足料！而且廚師好細心，係蝦背到開左一下，只要輕輕一切、一拮，蝦肉就可以原隻離殼大蝦煎香至脆身，蝦肉亦尚算爽口，配合沾有淡淡龍蝦汁嘅意粉，香甜得黎唔會太膩！芥茉籽燒汁味道濃郁，又的確係厚切嘅肉眼扒，而且仲有幾塊天婦羅配搭，賣相真係唔錯，幾吸引！但可惜肉眼扒整得太熟，肉質有啲韌 魚柳肉質鬆軟，略嫌鮮味唔夠，但點少少青瓜莎莎，魚柳會更清新鮮甜。而薯蓉就帶有微甜嘅南瓜味，不過不失，相信岩哂食得清淡嘅朋友，不過整體份量較為少。是日甜品就係Cafe嘅主打Cheese Cake，係焗嘅海綿蛋糕質地，芝士味唔係太濃，反而蛋香味比較重！加上少少糖霜，增添蛋糕嘅甜味。而飲品都係店主極力推介嘅，係蘋果汁加熱情果汁調製而成，名為Issy Special！熱情果味十足，又香又清甜Green Tea Latte味道較為淡，但加上豬仔同熊仔圖案，即時加反少少分

再次去到Issy Mason Cafe度不過今次唔係飲野而係食晚飯😗法式龍蝦汁意大利粉 $178 以上價錢是set dinner包括餐包 餐湯 飲品及甜品餐湯好似水一樣 又冇乜味又悕意粉有三大隻蝦 廚師好用心起背脊割開左咁用刀叉都方便食用(雖然最理想是成隻都冇殻😀)蝦雖然大隻但因為不是新鮮蝦所以口感較差 意粉我覺得煮到過左火但味道還是ok的😅可惜價錢偏貴 而質素只是平平以這個價錢我會選擇食simply life😅蛋糕是連埋set dinner既😏最好食是blue berry cheese cake !其次是黃色的芝士蛋糕口感軟棉棉 食落唔會太漏但略嚴芝士味有點不足！而朱古力的那件有點太甜🙈

觀塘工廠大厦真係好多野食，無計嘅平租人流多地方大，所以今晚朋友喺呢度包左半場開party，咁我地係包場，一早同餐廳已溝通左食咩，唔洗落order,等食就得！先送上蒜蓉包，烘得算脆身，不過蒜味就比較淡餐湯是羅宋湯，材料豐富，飲落除左有番茄味外，仲有少少辣辣地，而且飲多兩啖覺得調味都幾咸下，我去左斟水飲.....飲完個湯，等左成半個鐘先見到個主菜，係我衰，以為一早溝通左食咩就唔洗等，抵你餓死嘅龍蝦汁大蝦意粉，龍蝦汁夠濃郁（可能太餓覺得好香），意粉煮得剛剛好，不會好淋或者硬身，大蝦背輕輕切了一刀，一拉就食到彈牙的蝦肉！大蝦肉質彈牙,啖啖肉， 意粉al dente, 加埋龍蝦汁又濃又香，好快就食完了！正！Dinner Set 包甜品及飲品，甜品得返芝士餅，無得揀了，我真係好唔開心呀！咁老闆話呢個係招牌蛋糕，亮點係用走地雞蛋做的，都好好食嘅！可能真係用走地雞蛋啦，我只食到濃濃的雞蛋香，芝士味就真心唔覺有，而且口感似普通蛋糕，面層灑左啲糖霜，入口脆脆地甜甜地咁啦！餐飲我揀左抹茶Latte,可能老闆見我黑面，就叫咖啡師拉花畫左隻熊俾我啦，聞落抹茶味幾出，入口都算幾滑溜，不過真係飲嘅時候，都係偏淡口，

今日約左個fd食tea, 諗住搵下d新既cafe試下。一心諗住去另一間新開既cafe, 點知上到去佢哋搬緊位要dinner先開😣😔😢結果迫住去左呢間，呢間之前都諗過試，不過menu唔吸引所以試左另一間！！講返呢間，tea set唔太吸引，不過想飲杯coffee, 希望會好飲！！入到黎地方好大，有1 part係賣衫，tea time時間人客得1 枱，我地搵左最入既位坐。我地叫左雞翼薯條同牛角包沙律，飲flat white同 cappuccino. 先講食物---> 雞翼得2隻，冇味，牛角包勁細，茶記貨式😯至於咖啡--->餐飲包cappuccino但flat whit要加8蚊，咖啡賣相唔得，奶泡唔夠滑，咖啡味一般😓整體而言，呢間野好好hea, 適合傾計温書，但想食好野就物非所值啦！！

個cheesecake係baked type,芝士味唔算好濃，反而嚐到淡淡蛋香，是用了走地雞蛋🐥🐣的緣故嗎？整體感覺輕盈唔會膩滯。配上我最愛的greentea latte😍,綠茶味唔會好搶，飲落係好舒服☺，不過有飲到啲粉略為扣左少少分其實香港都幾多有趣的小店🙆呢間cafe係由本地設計師創立，係作為一個展覽同代銷的平台，所以係呢到除左可以食野飲野之外，仲可以買野㗎😈而且我發現去餐廳之前一定要check好餐廳的ig先，如果唔係就會好似我咁🐷🌚就係為左響應環保，如果share自己的書📕📖放去書架就會有一份蛋糕呢🍰

Dinner set=餐湯+蒜蓉包+餐飲+甜品個龍蝦汁好正 濃度岩岩好唔洗撈 每條意粉已經能夠食到龍蝦汁既味道😍呢個係正既大蝦3隻 廚師已經細心地係佢個背到剪左一下 一切一吉就食得😎岩哂我呢d又想食蝦又懶既人大蝦真係好大隻😳爽口又鮮甜 絕對足夠送哂成碟意粉主菜黎講呢款係正既😎觀塘好多工廠大廈入面都有好多唔同特色既Cafe😎飲品有靚靚熊仔拉花既green tea latte抹茶味不濃 但唔難飲既右上角伯爵茶鮮奶認真淡Latte正常芝士蛋糕似普通雪芳蛋糕 未能食到芝士味 

呢間餐廳仲有賣古董嘢由19世紀嘅打字機到50年代嘅收音機都有講返意粉先意粉帶有淡淡嘅龍蝦湯味比較起來無出面咁咸意粉煮起來麵質較硬有咬口男朋友超級鐘意大蝦方面廚師好細心咁喺中間切開一刀食客只需要輕輕一切就可以食到原隻大蝦🍰芝士蛋糕上枱既時候係微溫食落囗面頭脆 蛋糕部分鬆軟有彈性芝士味道都唔錯 不過可以再濃啲食Dinner Set重包埋蛋糕同飲品💁🏻環境都幾優雅 適合一大班frd或者情侶去

觀塘午餐小聚、平實cafe 裏面環境唔細、餐檯比例唔多、幾適合傾計午餐選擇唔多, 正常牛。雞。魚。意粉類。價錢唔算 afford 唔到, 不過性價比唔高! (以前呢區冇乜choice冇得好講, 而家每幢工廈都有呢類 cafe 佢地應該做好DD)我食煎魚意粉. 其實係ok好食,汁同魚都夠味、意粉唔會太淰, 魚煎得金黃都好吸引! 餐茶杯咖啡值得一讚! 起碼有心拉個花俾你開心D食完lunch返公司繼續做嘢提一提, 佢地唔收加一,所以其實值得try try~