Italian Tomato Café (創紀之城五期(apm))

营业中

休息中

晚飯突然好想食件蛋糕做甜品，於是就一個人去左依度。我點了漁夫海鮮意粉，海鮮有蝦，青口同埋魷魚，所有海鮮都新鮮爽口，茄汁味唔會太濃，啱我口味。另外點了一件朱古力慕斯蛋糕，慕斯又軟又滑，蛋糕鬆軟，加上厚厚的朱古力外層，朱古力味十分濃郁，一試愛上!

之前一直都中意食Italian Tomato的蛋糕🍰，今次黎Apm行街見到有Italian Tomato cafe, 決定黎試下！餐廳都算闊落，疫情下出黎食餐飯，環境來講都算係比較安心。😌我地兩個人叫左Dinner Set, 有前菜、兩個main course、餐湯、兩件cake、兩杯飲品，埋單$500有找，野食大大份，都算抵食。前菜🥗煙三文魚凱撒沙律，正常水準。主菜🍗紅酒燒汁紐西蘭T骨牛扒配薯菜咬落去霖身有肉汁，比預期中好食，單價要$238，套餐叫抵好多!主菜🥘日本南瓜海鮮忌廉意式燴飯都好好食，個汁有好濃的南瓜味，仲食到有少少鹹蛋黃味（唔知有冇落到呢個成份呢），整體黎講都開胃，算唔錯。Cake🍰我地就叫左兩款近期新出的櫻花系列，粉紅色嗰個係士多啤梨🍓芝士味，綠色嗰個係抹茶味🍵。兩款都好好食，不過中意食濃味同甜少少的朋友可以揀粉紅色嗰隻。整體黎講都係一次滿意的用餐，下次黎Apm可以再食！

通常行APM，想食蛋糕，都會上5樓去Italian Tomamo食，通常中上質素，唔會中伏！可能因為今日去食嘅時候都已經夜晚九點幾，蛋糕放咗一日，餅底勁硬，叉都吉唔開，蛋糕都好似無平時咁好食😫

italian tomato 一直都係喜愛蛋糕品牌之一，平時放工經過都會買番幾件同家人分享，經過見到以士多啤梨為主題設計左一系列蛋糕，就決定試試新推出ge 士多啤梨開心果綿心雪芳🍰.面層裝飾有開心果焦糖脆片、士多啤梨同朱古力醬，淨係賣相已經非常吸引🤩，切開中間開心果蛋糕食落軟熟，夾雜住士多啤梨粒粒，加埋白色ge士多啤梨忌廉，口感豐富而且一啲都唔膩，忌廉仲打得好綿密.💬最估唔到開心果同士多啤梨出嚟嘅效果原來咁夾tim ar🥰一啖接一啖😋不經不覺自己都食咗半個lu

今晚放工好想食🍰，所以近近地去食主打🍰嘅西餐廳😂主餐：1️⃣日本南瓜忌廉意大利粉🎃南瓜甜，意粉質感適中，醬汁足夠，好好食😋2️⃣肉醬千層麵份量較少，但肉粒都幾多而且有味道濃厚3️⃣煙三文魚芝士簿餅🍕份量都算大，但煙三文魚顏色唔太靚，而且餅底可以再脆啲就好食啲可能太夜食，大部分蛋糕都賣晒，淨翻好少選擇😭 建議大家等位時就留定🍰甜品：4️⃣咖啡蛋糕🍰濃濃咖啡味配海綿蛋糕👍5️⃣朱古力蛋糕🍰比較普通，但都有好濃朱古力味，食耐咗會覺得好甜😅整體來講，我覺得味道都唔錯👍 ，但環境就比較細，枱太細放唔晒啲野食😅

今日係情人節，雖然有疫情難免會少左外出但怎樣也好都要外出買情人節禮物去哄哄另一半來到APM其實我已有目標買什麼禮物但最後看到新款式 又考慮了很久在考慮期間，我決定先醫肚再買東西邊想邊吃 看看會否作到決定經過Italian Tomato, 吃蛋糕就吃得多這倒是第一次堂食見有下午茶餐 幾抵食於是一個人進店了 店內也有好多客人我點了一個意粉香芒忌廉雞絲意粉（$68）很好吃，意粉汁有淡淡香芒味，意粉煮得夠彈牙。汁夠稠結。我自己一個吃光光。凍檸茶是自己加糖漿，甜度由自己控制很彈性這店有服務費加一，但總括有質素，算是不錯選擇。

中午無聊去官塘 APM 行街，突然想起很久沒有食 Italian Tomato 的意大利麵及美味蛋糕😋😋。每日 set lunch 都有幾款任選，最重要是價錢合理，每 set 包括餐湯及飲品，還可以附加費用吃蛋糕。今日餐湯是忌廉蕃茄湯，內裡有一粒粒的蕃茄蓉，非常好味。今日選了黑松露忌廉雜菌意粉，每次的意粉都不會令我失望，香噴噴的黑松露香味再加上香滑的忌廉汁，每條意粉都沾有忌廉汁，配合得很好，相對這價錢有這質素是非常好。

Yeah 年三十有得收早, 約埋三五知己食返個豐富啲嘅午餐先。今日預咗周圍都冇set做，但慶幸嘅嚟到好快就有位😝叫咗個火腿黑松露忌廉意式燴飯，燴飯比想像中更加creamy幼滑，黑松露好香，食到停唔到口，如果分量多啲就好啦！精選Pizza都唔錯，鍾意佢個餅底邊位置餅乾咁脆，但裏面都係薄身嘅麵包，唔會太乾。成個Pizza肉類蔬菜比例啱啱好。另外加錢upgrade左件cake同埋杯嘢飲，藍妹芝士蛋糕, 個cake唔甜, 但芝士味唔夠濃，同埋個餅底唔夠硬，有待改進。

芝士卡邦尼意粉-味道適中 個汁跟意粉既份量岩岩好 唔會太乾身或過於creamy 鋪上一點黑胡椒更加增強味道既層次 不過啲煙肉同磨菇可以再多小小 咁就完美了另外點了煙三文魚意粉 鋪滿成個pizza 都有煙三文魚蠻滿足的 而且食落去唔會好油膩 但相比起來 此pizza 比較普通 覺得芝士可以再比多啲 肉醬芝士焗千層麵-一見到咁多芝士鋪係面已經想尖叫出嚟 仲有拉絲效果 個千層麵焗既時間時間正好 肉醬厚厚的 所以唔好以為份量好細 其實蠻飽肚的講到Italian tomato 又點少得出色既蛋榚☺️我叫了tiramisu 朋友就叫了 野莓啤梨撻 tiramisu 冇令我失望 幼滑既芝士忌廉加上重咖啡味的蛋榚 係正宗既tiramisu 食一個真係唔夠喉

Italian Tomato 個蛋糕不嬲都好出名，而我每次都只會食士多啤梨蛋糕，因為佢嘅士多啤梨大大粒， 感覺好抵食！ 12月31食完中午飯，就買三件蛋糕同同事一齊慶祝下2019年嘅完結！今次冇再揀我平時食開嘅士多啤梨蛋糕，試咗Tiramisu 芝士批， 同事就食栗子蛋糕同埋栗子批。Tiramisu 面個層食落唔似係朱古力， 冇乜味道！但係個批底都好好味！忌廉亦都好香滑。 同事就話佢哋嗰兩件栗子蛋糕感覺都好普通。三十幾$40嘅價錢，而家市面上亦都有好多選擇，下次可以試吓其他餅店嘅出品或者食返個士多啤梨蛋糕算數！

晚餐兩個人食咗三百幾蚊。叫咗一個二人套餐。有一個煮食一個薄餅或者意粉兩杯嘢飲兩份甜品。另外用銀聯俾錢仲有蒜蓉多士餸。要事先同佢講蛋糕方面仲有得自選，可以揀定先之後有需要再上枱。因為先到先得所以有啱心水就揀咗先。大概6:30入座冇咩人主食方面我揀咗豬，另外有牛扒揀。見到隔離塊牛扒好大塊好抵食。雖然話二人套餐但其實可以三個人食。呢度其實係有兩塊豬仔骨，其實都好多簡左薄餅好脆口，擺得耐嗰邊會變咗餅乾咁硬。咬到牙都崩🙂，芝士可以拉絲👍🏻👍🏻鍾意食蛋糕又想食主餐嘅朋友可以揀呢個套餐真係好抵食。栗子朱古力餅有少少似拿破崙嘅感覺。幾好食不過栗子比例好少。

認真，個人來說從未試過一餐飯，係全程要睇住班侍應面色食飯，店內又唔係多人，晚飯時間未坐滿，兩人食左二百幾，野食正常唔差，但男女侍應個個黑口黑面，俾面色客人睇，仲聽到佢地俾晦氣說話客人聽，總之就係極度無禮，even聽到人叫都唔應人添，好受氣，好唔開心的一餐飯，好似d客欠左你地咁？！大佬呀，唔該你d侍應有返對人應有既禮貎同尊重，而家咁既時勢，仲趕客咁款？anyway 唔洗旨意再幫襯，blacklisted!

路過選了個套餐$348，點2杯紅茶，蛋糕南瓜+藍莓芝士，叫左牛扒+意粉。很快就上了意粉，意粉口感稍為硬身，汁醬不算太傑身，算ok。磨菇湯一般，不熱。很快吃完，2人枱比較細，所以要快快吃完。終於等到牛扒7成上枱凍冰冰，似5成都過7成，筋又多到嘔，我和他都無奈接受，懶得插人。薯條ok正正常常，最後侍應來收碟時，佢話1-2塊係甘，想講我地以前做廚，如果好像佢呢間d廚甘求其出餐一早被問候xx好耐。服務態度馬馬地，最後蛋糕都正正常常。不會再來，現在d廚房太亂來。

自問係一個對甜品唔會好瘋狂嘅女仔,不過既然身邊個三個女仔都好鍾意食甜品,又想搵間舖頭好好tea下,就去呢度食件蛋糕飲杯咖啡傾下偈啦話就話自己對甜品唔會好瘋狂,但係見到咁多款蛋糕喺眼前,心情又係會即刻開心曬嘅就算再花多眼亂,芝士蛋糕都係我心頭好呢度嘅甜品不過不失,勝在款式多,唔使排長龍,而且呢度嘅蛋糕好多時候夜晚都清曬,留過夜既機會低d,食到嘅都係新鮮嘅蛋糕,呢一點好重要幾件蛋糕幾杯咖啡,令到我哋四個女仔心情靚靚嘅一個下午,簡簡單單係最開心既

This was my first time to dine-in at their cafe, instead of just buying their cakes for takeaways. There was a wide variety of main dishes to choose from, such as pizza, spaghetti, curry rice and even a limited time KEWPIE-inspired menu.The flavor of the curry sauce had just the right hint of spices but wasn’t very spicy. The pork cutlets were fried to a crispy golden brown and went well with the curry.The chef pizza had lots of ingredients on it, like pepperoni, salami, pineapple, onion and bel