Italian Tomato Café (創紀之城五期(apm))

营业中

休息中

ITALIAN TOMATO @italiantomatohongkong ITALIAN TOMATO 最近既主題係【幸福滿溢】冬日士多啤梨祭 沉醉於緋紅下的甜蜜～～ 新推出既士多啤梨開心果蛋糕有兩個size，價錢係21cm $480、15cm $320，仲可以單件買48/pc。賣相已經好吸引🍓🍓😍士多啤梨開心果蛋糕 (21 cm)🍓🍰 $480Strawberry Pistachio Cream Cake主要食材就士多啤梨🍓同開心果，外圍鋪滿咗開心果碎，食落口感更豐富。綠色既係開心果忌廉，食落有濃濃既果仁香味。除咗上面有新鮮既士多啤梨🍓之外，一切開就會見到海綿蛋糕都夾住咗開心果忌廉同士多啤梨😋。士多啤梨真係好甜，同開心果既味道好夾。鐘意食士多啤梨既都可以試下。📍尖沙咀、太古、深水埗、銅鑼灣、 葵芳、 旺角、元朗、 紅磡、九龍灣、 屯門、沙田、 青衣、 將軍澳、 中環#italiantomatohongkong #イタリアントマト#幸福滋味 #幸せの味 #愛與夢想 #愛と夢を創る #士多啤梨 #士多啤梨蛋糕 #日本士多啤梨 #韓國士多啤梨

適逢家人生日🎂家人好鐘意食🍓士多啤梨最近Italian tomato做緊士多啤梨祭完全沉醉於緋紅下嘅甜蜜即刻提前幾日訂左個同家人慶祝生日口感好豐富😍食得好滿足🔸日本士多啤梨芝士撻 $450個撻有21cm，足足有6️⃣層‼️第一層舖左兩層士多啤梨🍓仲要好香甜😍第二層係香滑嘅吉士忌廉。第三層係鬆軟嘅海棉蛋糕。第四層係香甜嘅士多啤梨醬。第五層係用咗兩種芝士焗成嘅內餡。最後一層就係選用Lotus餅乾及烘烤腰果製成嘅香脆撻底。面頭圍住邊位都有鮮忌廉及凍乾紅桑子粒作裝飾，個忌廉面仲灑上士多啤梨粉，令到顏色好靚☺️果味香濃豐富🤩口感真係好豐富，食完真係有幸福感覺💕一個撻已經有多重口感，而且士多啤梨超多。處於當造季節嘅🍓士多啤梨，所以好清甜😋雖然係芝士撻，但唔係全個都係芝士，所以食落唔覺得漏。鍾意士多啤梨嘅朋友唔可以錯過呢款芝士撻！

呢排好想食甜野 ʕ≧㉨≦ʔ去咗買蛋糕食🍰✨✨✨✨✨✨Italian Tomato 🍅🍅🍅🍅🍅🍅士多啤梨朱古力慕斯蛋糕🎂咁啱呢排冬日士多啤梨祭🍓蛋糕用咗新鮮韓國士多啤梨 仲有朱古力慕絲同士多啤梨果醬！！！！我最鍾意係紅莓朱古力脆脆🤩好有口感 勁好食🤍蛋糕都幾大個！！！！！而家疫情爆發買返屋企同屋企人或者另一半食啱晒👍🏻差唔多到情人節可以睇定買咩蛋糕慶祝🥂價錢方面都吾太貴 $300 一個

栗子千層朱古力夾心餅 ($40)賣相：🐧🐧味道：🐧🐧🐧🐧賣相方面，大大粒原粒新鮮栗子裝飾在平滑的蛋糕奶油面上，吸引奪目。可惜底下千層鬆散碌落，層次不清，扣分。若果只購買一件蛋糕，只會以紙袋包裝，蛋糕容易弄花歪倒。味道方面，栗子口感軟糯，自然甜綿。吉士忌廉香滑柔順，不會過於厚重，甜度適中。中間一層厚厚的朱古力醬，香醇濃厚，但喧賓奪主，完全蓋過栗子蓉的味道。底層朱古力牛油蛋糕尚算軟嫩濕潤，但略嫌朱古力味不足。外賣輪候時間：🐧🐧🐧由於並無特定人員負責售賣蛋糕，需由餐廳內侍應兼任，因此需要一定時間等待。於平日下午4點幾光顧，由等待下單至完成採購，約需時15分鐘。服務：🐧🐧🐧職員態度普通，回應外賣下單速度一般。會在蛋糕櫃跟你確認蛋糕款式，但之後不會先展示蛋糕外觀再進行包裝。包裝時會自動奉送膠叉一隻。🐧❤️結語：味道可以，打卡欠佳。

星期六下午同朋友去Italian Tomato食生日tea，點咗兩款賣相幾靚既甜品～🍓🧀🍰士多啤梨芝士撻$45🍓鮮甜，有成四粒🍓咁多，芝士撻底香脆😋🍎🧀🍰蘋果芝士撻$45🍎蘋果清甜，切成一片片，砌得好靚，芝士撻真係好好味😋仲叫咗兩杯鮮奶宇治抹茶，兩個人埋單$165！好抵！又好食！👍🏻

每次到Italian Tomato Café ， 都是店舖門前的蛋糕吸引著🍰， 今次亦不例外。 星期五的晚上， 觀塘APM的餐廳門外周圍都是排長龍， 幸好Italian Tomato Café 都只是等了十分鐘就可以入座。 晚餐🍽️ ～ 廚師精選薄餅、 焗肉醬芝士千層麵， 另加$58有餐湯、蛋糕(焦糖香蕉撻和意大利芝士蛋糕) 和飲品。 廚師精選薄餅🍕 ～ 有辣肉腸、莎樂美腸、菠蘿、洋蔥和甜椒， 整體味道普通， 餅底非常之硬😅。 焗肉醬芝士千層麵🍝 ～ 味道正常， 焗得剛剛好，唔會好乾。 餐湯🥣 ～ 忌廉湯味道普普通通啦！ 焦糖香蕉撻🍰 ～ 焦糖配香蕉的味道幾夾， 餅底鬆軟， 忌廉香滑，整體好味。 意大利芝士蛋糕🍰 ～ 酸酸地， 我不太喜歡這種味道😵。 熱咖啡☕ ～ 香濃好飲， 不錯的。 凍檸茶🥤 ～ 味道正常的凍檸茶。 為蛋糕而來， 不過今次的意大利芝士蛋糕實在不太好吃， 期待下次會有進步吧😉！     Italian Tomato Café (創紀之城五期(apm))地址: 觀塘觀塘道418號創紀之城五期(apm)5樓L5-6號舖

好耐冇食過Italian tomato，今日同埋兩個甜品妹去食，我地一行四人，叫左蒜蓉包，兩個意大利粉🍝，兩杯熱朱古力☕️，同埋三件蛋糕🍰，朱古力夠晒香濃，意粉就正正常，蛋糕keep住一貫水準，好味松露蝦🦐忌廉意粉-松露同高錕味都幾香，你想彈牙。芝士🧀菠菜煙肉意粉-呢個意粉鹹咗少少，如果淡少少會好返啲！士多啤梨黑森林蛋糕🍰-正常發揮。忌廉焦糖蛋糕🍰-焦糖夠香忌廉夠滑，呢個好食！梨撻🥧-呢個都好食，甜甜的，餅底同梨好夾好味！

🍰合桃露咖啡蛋糕 $380✨-話咁快又到秋天啦～Italian Tomato推出左【和風滋味】秋の味覚系列既蛋糕🍁精挑多款日本當造食材，無論係賣相或味道都好吸引架🤩我今次就試左呢個合桃露咖啡蛋糕～蛋糕以滋潤養顏既合桃露為概念，用上合桃露慕絲配焦糖朱古力脆脆同咖啡蛋糕😋面頭有烘香合桃同朱古力粒做裝飾，望落好靚！外層就選用法國 Valrhona Tanativa牛奶朱古力忌廉🇫🇷口感鬆軟，甜而不膩，食多幾舊都唔怕啦❤️

今次食既係佢既秋の味覚蛋糕系列 🍂 黑金芝麻焙茶雪芳蛋糕Golden Sesame & Black Sesame Hojicha Chiffon (15cm) $288繼續係茶味蛋糕～今次係焙茶、無花果同芝麻嘅配搭，係一個比較特別嘅配搭 ☕️ 日本金芝麻製成既朱古力忌廉包住焙茶雪芳蛋糕，雪芳蛋糕空氣感比較重冇忌廉同芝士蛋糕咁滯，味道清新～ 面層仲有日本黑芝麻忌廉跟焙茶朱古力慕斯，配上時令既無花果，仲灑上日本黃豆粉及日本烘烤芝麻最驚喜係金芝麻朱古力忌廉，黑芝麻味非常香濃，好似食緊黑芝麻湯圓嗰個餡，配上朱古力又幾好食～ 最重要係唔甜呀 😆

假日去到觀塘工業區, 行完之後想去食個簡單既下午茶, 決定去APM揾食.商場人多, 我哋2個大人2個小朋友想食蛋糕之類既輕食, 揀左去Italian Tomato.去到要拎票等位, 一邊等,小朋友一邊喺門口玻璃櫃揀蛋糕. 等左10分鐘有位.坐低時已經揀好要邊款蛋糕, 再多點一樣咸食 - 煙三文魚千島醬薄餅本身只係為左點樣咸食, 而薄餅大家又可以容易分嚟食. 估唔到有驚喜,味道幾好, 食起嚟可以拉到長長既芝士絲, 小朋友都好鐘意~假日喺APM行街嚟食下午茶都可以. 煙三文魚千島醬薄餅 士多啤梨芒果蛋糕(前)芒果芝士蛋糕(後)

好耐無去幫襯，話說幾年前去過叫咗一個什麼菠菜意粉，得果三塊菠菜葉，似伴碟多個主角，都唔知自己食梗乜，食梗齋意粉？！又唔係平，所以無再去。好啦事隔多年，又搬舖，又去試下啦。.叫咗兩個主菜，一個跟餐。好彩只係叫咗一個餐，佢一上碗湯一睇就知係麵粉湯，佢話係蘑菇湯，雖然佢白雪雪，但又有蘑菇味，勉強接受。.餐飲叫咗杯凍朱古力，要另加$10，都夠朱古力味嘅，果舊cream，好彩唔係毫無味道得油膩感果種，不過亦唔係好香好邪惡咁種。而值得讚嘅係佢枝飲管係可分解物料，好難得有餐廳會用。.到主菜..碟煙三文魚蒜香意粉一上檯，好似好煮家式上碟，不過味道都可以。而我碟明太子帆立貝意式燴飯，賣相都係無乜，就好似麥記啲相同實物嘅差別….好彩明太子同個飯都好食，燴飯比一般risotto 偏軟，反而啱我口味，而啲帆立貝味道較淡。.整體我覺得呢個價錢..加上呢種餐廳格局可以做好啲。(唔好話我知啲資金投放咗响可分解飲管度…)服務ok嘅！希望下次去會有改善。

放假想食飯見周圍都要等位，所以就是但搵間唔洗排咁耐嘅餐廳入去。平時食Italian Tomato’s嘅蛋糕就多，食佢地嘅鹹食就好少，點知一試就中左伏…明太子雞肉忌廉意粉明太子份量唔少，不過成個意粉得個鹹字，個忌廉汁唔creamy，而啲雞肉又得陣雪藏味最伏嘅位係加錢叫左個set包飲品同餐湯，個餐湯黎到我同朋友都呆左，睇落去似係麵粉加水咁，飲落鹹鹹地杰杰地，好奇怪食過今次真係覺得不可一不可再…食佢嘅蛋糕係可以，鹹食就不了

下午參加完朋友婚禮，又未到晚餐時間，等緊朋友嘅期間嚟咗呢間Cafe食蛋糕。其他連鎖咖啡店都很多人，唯有呢一間舖頭幾舒適又唔係好多人。店員服務很好，食物也上得很及時。也沒有歧視一個人來的顧客😂見到還有很多一個人來叉叉電的顧客，享受難得的蛋糕閒暇。一個人的關係，只點了一個蛋糕+咖啡，經典的草莓蛋糕味道很濃郁香醇，厚厚綿密的奶油超好吃😋是幻想中的草莓蛋糕味道。整個set也只$58，只是外帶一件蛋糕也要$40以上，所以感覺10分化算。環境也很舒適，坐上一個小時絕對不是問題❤️推介給享受一個人時間的你！

期間限定的味道有兩款期間限定嘅味道，兩個都有啲興趣，不過諗住多數有檸檬嘅嘢都會特別甜，因為要用啲甜味中和返啲酸度。所以都係買咗黑芝麻無花果蛋糕，佢個名叫做夏.伊甸？好莫名其妙嘅名。今時今日，一個蛋糕$258來講，個樣都算係唔錯。味道方面：甜度適中，面頭嘅berries 比較酸（都正常嘅，呢啲嘢不嬲都係酸），裏面嘅黑芝麻蛋糕就冇濃郁嘅芝麻味，而且個蛋糕mouse 同cream 比例太多。一般般啦，冇乜特別都唔會再買來食。其實好多年前 Italian Tomato 啲蛋糕真係好吸引我，通常行過都會買返幾件返屋企食下，唔知係咪而家選擇多咗，定係佢真係退步咗，唔再覺得佢好食，亦都再吸引唔到我無啦啦買幾件食下。

約了朋友去apm睇戲，等睇戲之際，當然順便去搵野食，見時間仲有1個鐘，就近近地去左呢間食餐廳裡面都坐滿人，等咗10分鐘就有位可以坐底用膳🥰進場前當然要做好消毒探熱和安心出行啦坐底後服務員都好有禮貌地問要唔要寫野先，好快就幫我落咗單，今晚食煙三文魚辣意粉、菠菜忌廉煙肉燴意粉、小食拼盤和兩杯咖啡製作時間用咗15分鐘左右就嚟晒可以用膳啦煙三文魚配辣椒碎都幾好味菠菜忌廉煙肉意粉略為咸左少少，可以煙肉本身咸😅小食拼盤個雞翼就乾身左D, 不過整體都可以，兩個人食差不多份量夠，配上冰凍咖啡簡直一絕，環境夠安靜可以傾下計，佢地個蛋糕都好好食，可惜太飽如果唔係實會叫士多啤梨蛋糕🤩全程用餐45分鐘，兩個人消費$330,價錢合理