Itamama (何文田廣場)

营业中

休息中

之前介紹過呢間早餐，其實午餐同下午茶我哋都係常客未入門口之前都係要先量體溫，最近枱與枱之間加咗塊板隔住，教你防疫三部曲，食得安心今日介紹下午餐先其實好多款都好味，不過我仔最鍾意就係呢個香脆魚柳野菌滑蛋蓋飯，大大件吉列魚柳炸得又香又脆唔會太油，野菌滑蛋炒得好滑鋪滿整個飯面，再加埋茄汁好開胃肉醬溫泉蛋焗長通粉，焗法式紅酒牛肉珍珠飯都好好味凍檸茶而家轉左唔係用新鮮檸檬而係用檸檬汁代替每日都見到好多人排隊買脆皮鹹豬手$38，如果想買記得跟返出爐時間

何文田呢個地方對我黎講好像既熟悉又陌生，因為其實離我家不遠，不過好似又無咩吸引到要專登去搵食，今日經朋友介紹黎到何文田廣場入面呢間Itamama餐廳食high tea.餐廳比我感覺好舒服，裝修好有特式，坐位也不少，餐牌除左下午茶餐還有不少選擇，一行3人點了3份下午茶餐龍蝦湯底蜆肉意粉公司三文治 + 炸薯條塊麵包超厚，一份4件再加炸薯條，對女仔黎講要食晒成份都幾困難煙三文魚牛角包 + 炸薯條煙三文魚好厚身，不過略為覺得牛角包吾夠脆身餐飲也有水準，大大杯，凍咖啡好味道價錢吾貴，環境又舒服，下次一定要再黎試其他食品

今日放假，又可以黎呢度食呢間平民餐廳，自從第一次食過佢之後，我一諗唔倒食咩就會黎度食，一路覺得呢度個廚司好有心機，幾十蚊既貨仔整到有色香味俱全。所以的又再一次幫佢寫食評喇。今日12點黎食，唔使點等，即刻有位，入面裝修好好，好有feel, 想像唔倒呢個裝修會係呢個價錢。叫左一個香草鮮野菌忌廉螺絲粉，一般出面既忌廉螺絲粉，都係就咁白汁林上去就算，呢間唔係，佢有賣相啦，個忌廉汁係煮過，唔會太稀，食上去啖啖都係忌廉汁香，配埋香草，食上去同出面既好唔同。個煮法做得好好，廚司的確有心機。Mocha 加10蚊就得，但都落足料，抵飲。總言之，呢間係一間性價比好高既西餐廳。

之前去何文田探朋友剛是下午茶時間朋友就介紹我去itamama食佢嘅下午茶,炸魚薯條同三文魚牛角包我覺得地方好大坐得好舒適又好好食,所以我成日都想同老公嚟試下,今天假日早上就帶老公去試下佢嘅早餐,佢啲早餐比一般嘅餐廳較特別,我就order 咗個有香草豬肉腸,餐肉,煎蛋,蒜香牛油厚多士同一份火腿貝殼粉,老公就order龍蝦湯三文魚滑蛋扁意粉,龍蝦湯超香濃嘅龍蝦味三文魚有好幾片滑蛋又好美味老公超:連杯即磨咖啡都好好:,老公話下次一定要再試埋佢啲lunch and dinne:

老老實實，我覺得何文田廣場真係無咩好野食，選擇又唔多。不過，ＩＴＡＭＯＭＯ呢間唔錯，佢有好多款式揀～～可能我都係比較喜歡西餐，特別係午餐唔想食白飯～～但呢間野好多人排隊，如果要食記得早Ｄ黎拎飛！我叫左個芝士焗意粉，超正，一黎到個賣相已經流晒口水，滿滿既芝士ＣＯＶＥＲ喺上面，而且熱辣辣，新鮮喺焗爐拎出黎架！料都好足，唔會孤寒，而成個意粉都唔會太鹹，好好食！我又無理佢係咪意式餐廳，單純以我食到呢碟黎評下好唔好食～～又唔算貴＄５０—＄６０左右一餐，有埋野飲！絕對會再幫襯～

每逢weekend 都會早d起身同屋企人去嘆個早餐。我地成日都黎食，呢間環境幾好，坐位舒適，服務都好好而家好多早餐都要$5,60，呢度都係$3,40，下午茶大大份都好抵食而且鐘意佢款式多，總有一款岩你心意平日仔仔最愛濃湯火腿通粉，今日佢試下新既歐陸早餐，有蛋，餐肉，腸仔，沙律🥗蒜香牛油厚多士加輕量濃湯火腿貝殻粉而我就鐘意香濃蕃茄湯底，再自選兩款食物。佢仲有好多飲品選擇，熱飲都大大杯架何文田廣場既好選擇👍🏻

在附近交收網上的購物，發覺何文田廣場都發展得很好，地下有A-1 Bakery，上一層就有間西餐廳。見裝修好特別望落去好舒服，所以就入去睇吓。非常時期，客人不太多，但侍應都很好，每枱都格得好疏坐。點了這個特色公司三文治，原來很大碟，吃了¼已經飽，還要花一蚊用個盒打包。朋友點了個輕量龍蝦湯天使麵，她說很好味。

作為呢間餐廳既支持者，我係情人節前一日都已經問餐廳職員，呢度情人節會唔會加價。我地兩人都好慳家，本身情人節都想係屋企自己煮飯仔算，但見佢都唔加價，我地就決定黎喇。環境其實佢真係唔錯，好有意式feel。 佢今日仲有好多優惠既dish同飲品，我地就叫左三樣野兩杯飲品，都係260左右，認真抵。佢抵還抵，野食真係係唔錯。烤雞做到外脆，肉汁juicy ， 薯條有薯味，pizza 都性價比高，個意大利飯比平時既意大利餐廳大1/3，味道都好好。值得推介

今日下午放假，在家hea左成日，teatime想去食d 野，得知何文田廣場有間itamama開左，就想試試呢間既野食。食店位置在1樓，不難找到，在門口外望入面已覺得裝修不錯，落左唔少功夫，tea set 望去價錢大約 40-50蚊左右，感覺還可以。入到去樓面，有禮貌，有笑容，唔錯。點了個野菌芝士炒滑蛋牛角酥配薯條，同埋一杯ice mocha。野食有驚喜，冇想像中細碟，女士食可以當dinner 食既份糧，薯條食得出係即炸，外脆內軟，好食，牛角酥配蛋呢個配合唔錯，如果牛角酥可以更脆就更好，但都可以接受。mocha 甜度適中，咖啡同朱古力比例岩岩好。食左50蚊，呢個價黎講性價比算高。 值得推薦👍👍👍

今日下午放假，在家hea左成日，teatime想去食d 野，得知何文田廣場有間itamama開左，就想試試呢間既野食。食店位置在1樓，不難找到，在門口外望入面已覺得裝修不錯，落左唔少功夫，tea set 望去價錢大約 40-50蚊左右，感覺還可以。入到去樓面，有禮貌，有笑容，唔錯。點了個野菌芝士炒滑蛋牛角酥配薯條，同埋一杯ice mocha。野食有驚喜，冇想像中細碟，女士食可以當dinner 食既份糧，薯條食得出係即炸，外脆內軟，好食，牛角酥配蛋呢個配合唔錯，如果牛角酥可以更脆就更好，但都可以接受。mocha 甜度適中，咖啡同朱古力比例岩岩好。食左50蚊，呢個價黎講性價比算高。 值得推薦👍👍👍

香港人不嬲對義式既美食特別鍾情,包括我.今日同朋友一齊黎食飯.一入黎個感覺一點都唔義式,但佢地既美食係義式.我地叫左幾個美食.我地以為好貴.到賣單都係2xx.所以都好抵食.同埋真係好港義感覺...我諗連外國人都鍾意黎食!

依間由開業食到依家，一開始對佢好高評價，食物質素同價錢成正比，幾乎個個星期都必黎食，生意都keep住好好！但愈食愈衰，食物質素下降，同埋個餐牌冇換過，食黎食去都係個幾樣，一成不變，又冇新意

開會前，先去附近商場醫肚。商場內的餐廳選擇並不太多，以連鎖集團快餐店為主，沒有太多選擇下，揀了「itamama」。餐廳門口用易拉架介紹了幾款早餐及午餐，全部都是 $60左右的親民價；正符合附近寫字樓上班一族及公開大學教職員的午餐要求。從餐廳名字，已經可以知道是一間美式意大利餐廳。裝修風格確認了估計，充滿美式家庭餐廳的熱鬧元素，又有自家品牌橄欖油。三隻栩栩如生的雞隻模型，不知道是否有特別含義？午市套餐有多款意大利麵及意大利飯供選擇，加錢又可升級飲品。最估唔到一間普通美式意大利餐廳，竟然會有自家新鮮製作手工意大利麵！雖然餐牌上有三款意大利麵，不過，其中一款配黑松露醬汁，另外二款是湯意大利麵，唔係好啱胃口；只好揀香草鮮野菌忌廉螺絲粉（$56）。其實，螺絲粉都算是意大利麵嘅其中一個款式，唔知是否也是自家新鮮製作？香草鮮野菌忌廉螺絲粉（$56）的忌廉汁味道一般，唔夠香濃幼滑；野菌反而有點驚喜，有菌香、有少少煙韌爽身咬口。整體質素唔算突出，但同價錢成正比。至於螺絲粉，同普通餐廳的現成乾身意大利粉差不多，唔似係新鮮即製 ⋯⋯ 唔通只有部份款式、一條條的意大利麵才是手工製作？午餐可加配小食，要了水牛城

今日因為要去何文田廣場附近和表妹交收一些產品，事後表妹問我好不好一起食午餐，佢話想試吓呢間，這是我第三次幫襯，點了以下菜式分享👇1. 黑松露菌皇煙肉忌廉闊條麵-$68 ，材料豐富，黑松露的香味很濃，味道很好！2. 帆立貝菌皇海鮮龍蝦汁意大利飯-$72，呢個仲更加好食，值100分！好有龍蝦的鮮味，意大利飯的質感也適中，多料！有殻的鮮鮮及中蝦，還有新鮮冬菇，絕對值得推介！3. 凍鮮奶咖啡（12安士），加$8，表妹話好好飲。4. 凍檸檬茶少甜，加$3，呢個都好好飲，終於做到少甜喇！5. 法式田螺焗薯蓉，有六粒，$42，不嬲都覺得好好食，今次也不例外。埋單$193。臨離開埋單的時候見到兩個西人男士都在食午餐，我諗連啲鬼佬都鍾意呢度嘅口味。

講真何文田真係冇乜好選擇通常都落旺角紅磡但呢年開左間正常嘅餐廳Tea manu望埋去價錢合理多選擇有焗飯小食今次食左公司三文治賣相都幾靚料又足環境又舒服帶住bb都冇問題