Itamama (何文田廣場)

营业中

休息中

同事相約一齊試新嘢平時經常見他們分店但今次真係第一次食·裝修係新派工業風格座位好闊落且又舒服喜歡吊燈暗光有氣氛·<龍蝦湯大蝦鮮蜆扁意粉> 炒或白汁意粉食唔少甚少可以食到湯意粉竟然今次湯底唔簡單香濃又清甜既龍蝦湯配上手製意大利扁粉爽而有咬口意粉不錯配料份量很多好豐富青口凡立貝大蝦鮮蜆帶來另一層次既鮮味·<黑椒一口安格斯牛柳粒配珍珠飯> 同事點了呢個新菜式賣相唔錯有沙律有飯牛柳粒既份量超級多沒被黑椒汁遮蓋牛味同事話撈飯一流～👍🏻·<熱檸檬茉莉花茶-跟餐>午餐已包含餐飲一杯呢個花茶認真夠大杯茉莉花花茶味很香濃配上新鮮檸檬更清香女孩子們一定鍾意😊·<總結>午餐價錢黎講唔太貴不用加一又唔限時間值得一試🥰

何文田廣場翻新後，多了不小餐廳食肆，其中最感興趣的一定是這間Itamama由於午飯時間店外實在太多人輪候，所以我選擇下午茶時段才去，不用等位之餘價錢也便宜一點Fish and Chips魚柳挺大塊的，外皮炸得很脆，吃的時候還熱辣辣的，味道不錯薯條是粗身的，也是剛剛炸起的感覺，十分香脆，不錯Mama Pizza這個pizza是mini size的，材料挺豐富，中間有一隻半熟溫泉蛋（是比較小見的pizza配料😂）pizza是薄身的，但挺有口感，不會過於黏實整體味道是不錯的，抵食

相比起其他餐廳，呢間餐廳質素真心唔錯，對於學生黎講呢間價錢合理，而且野食質素非常好。下午茶餐岩晒唔係好肚餓既時候食。如果肚餓食佢個炒飯或者通粉都好食，暫時冇食過乜野係伏既。同學仔成日諗唔到食咩，就會黎食呢間，因為佢都算多選擇，唔會食厭，有時仲會轉下menu咁。食過幾次，D相一次過upload上黎啦，佢個牛角包有少少油，但整體黎講好脆，同埋好飽肚，三文魚半熟，非常新鮮，佢個薯條都係我地一班同學食佢既原因，整體黎講，搵唔到要批評既點。

呢間野自從開咗之後，成日都會好多人。有一日放學見到佢冇乜人所以就入咗去食。我叫咗個黑松露意粉食。因為我係黑松露控。我覺得佢個黑松露醬好好食。撈埋啲意粉同忌廉汁，簡直係絕配！

第一次坐港鐵到何文田站，從港鐵行到何文田廣場，上上落落，差不多需要10多分鐘，所以下次都係坐Van 仔去到廣場門口較為方便何文田無論愛民邨還是何文田廣場，最近都被領展重新番新過，商場煥然一新。朋友相約我在意樂餐廳，我找了好一陣子，才電話確實，原來意樂即是 Itamomo ，因為門口沒有中文名字，所以不知道是同一餐廳2:00pm 已是下午茶時段，大大個餐牌，相片賣相很吸引。走進食店都發現原來都有很多捧場客。店員帶到去座位時，發現桌上有可愛的 Salt & Pepper 樽，環保之餘又相當可愛還有細樽的 still Water $10/ sparkling water $12, 都算是大衆化價錢,而且還是真的意大利🇮🇹水，合理下午茶餐多選擇: 價錢由$23-$48 不等，而且加推多選擇: 加$8 有蜜味或水牛雞翼兩隻、加$15芝士煙肉西蘭花、加$8-$15升級特飲、再加$18 可配甜品焦糖燉蛋。相當彈性靈活多變化。茶餐方面，其實很多選擇:手造pizza 、意粉、三文治、牛角飽、炸魚⋯⋯等，梗有一款啱你口味朋友點了龍蝦湯鮮蜆天使麵$40依個價錢，仲係龍蝦湯底，仲包基本飲品，相當超值，值得一讚

上次就黎左食早餐 今次就黎試下午市啦叫左個魚柳包 加 mama pizza魚柳包都幾大個 佢係張一塊魚柳 切開幾舊再擺落去 魚柳大大塊 炸到香脆又唔會乾 正！脆條又係好香脆 佢唔係m記果款薯條 佢呢款食落重薯仔味多啲 正mama pizza 真心唔錯 個批係脆皮 好實淨 焗得好靚 啲料批得整齊 中間仲有隻流心蛋 高質！ 味道都好正 呢間啲野真心唔錯 好過出面好多餐廳

同呀媽星期日早上去食早餐 唔想食m記 見到呢間新開就入左黎食裝潢好西式 暗暗地 有氣氛 地方都舒服叫左個炸魚餐同豬排公仔麵炸魚都算大舊 炸得香脆 蛋好滑 應該加左牛奶仲有腸仔 薯泥 食完勁滿足豬排公仔面 正常味道 有4舊豬排仔 埋單87蚊 凍飲加3蚊會再黎試晚市

何文田廣場大番新後，新開左好多餐廳。今日見到其中一間都多人幫襯，所以決定試一試。我知道佢係一個飲食集團旗下嘅一個品牌，所以個裝修都唔錯。不過不失，如果芝士可以再溶d就好。麵身夠爽，不過略為咸左少少。之後加左檸檬汁，好dd，不過味道係唔夾的🤣🤣個牛扒竟然做得唔錯，雖然我都唔識分係唔係安格斯，同埋都比梳打粉乸過，不過都仲有d牛味。建議點鹽同黑椒，因為個磨菇汁，個人認為唔係好夾塊扒。跟扒上嘅薯條出奇地好食，味道岩岩好，有薯味，又夠脆，似係即刻炸出黎。最後叫左兩杯特飲，因為第二杯可獲半價優惠。下面係芒果果凍，好似以前許留山嘅咩咩爽咁，口感好Q，加埋忌廉，我覺得幾好飲👍🏻👍🏻整體黎講食物質素合格多d，加埋咁嘅價錢，就覺得可以再食。希望下次試下其他菜式。

不是第一次吃這間的早餐， 早餐選擇也有好幾款 。 是不錯的早餐， 不過如果趕時間也要認真考慮一下， 要差不多20 分鐘至半小時才有咖啡喝， 因為 有很多人外賣咖啡，所以堂食便要等久了。 所以總括他的咖啡和早餐是不錯的。

今日去咗何文田廣場搵嘢食，平時泊車係唔需要等位，但今日居然要等幾架車，原因好簡單，因為成個商場多咗好多食店選擇。今日揀咗Itamama試吓，我叫咗個松露野菌汁焗雞扒珍珠飯，加配芝士白汁煙肉焗西蘭花。先講個珍珠飯，食落野菌汁嘅味多過松露，而雞扒都算幼嫩，珍珠飯底冇得輸，而芝士焗西蘭花都幾正，熱辣辣好味道，可以多少少芝士就仲好。環境方面行簡約現代風，裝修有啲心思。服務態度亦良好。價錢亦合理。店外裝修店內裝修座位松露野菌汁焗雞扒珍珠飯芝士白汁煙肉焗西蘭花餐牌餐牌餐牌

喺何文田讀咗書幾年，一直附近都冇咩餐廳選擇。好多都係快餐店為主，冇咩西餐食。前幾日朋友食完呢間itamama之後話幾好食，所以之後都同同學試吓～ 因為我哋係12點左右去，三個人等左15分鐘左右，都算可接受。我哋叫咗幾樣嘢食share😋 Mama手工pizza真心幾好食！ 上面仲有隻流心蛋！之後仲叫咗個三文魚蟹籽蛋炒飯，味道幾好，但如果可以再熱少少更加好！最後叫咗個黑松露薯條！ 呢個價錢來講算幾好！薯條夠脆，嗰醬都唔差。我哋仲叫咗兩隻雞翼！係套餐加配。有分唔辣同辣味！ 我個人覺得辣味好食啲。啲雞翼幾大隻同幾脆！套餐仲可以叫茉莉花茶做餐飲！感覺好似幾高級！總體來講，呢間餐廳為何文田帶來多一個選擇，味道唔錯，價錢中等，午餐可能要around $70 一個。我呢啲學生可能一個星期食一次啦。不過下午茶好似抵啲，下次去試吓～

新開的餐廳，裝修偏向西式、燈光稍為偏暗的風格。餐廳座位挺多的，但繁忙時間客人還是要拎飛等位，不過其實還好，等候時間不長。吃過早餐和下午茶，好像都是吃魚柳😅下午茶魚柳餐，味道不錯。魚柳和薯條炸的夠香脆。不過茄汁直接放在木碟上好像不太好現在新開業可能木碟應該算乾淨，但日子久了，木碟循環用多了就會覺得⋯⋯脆脆魚柳配香草腸+炒滑蛋+英式提子鬆餅+沙律（$44）同樣是吃魚柳，但早餐吃的魚柳就偏鹹了很多；炒蛋下面有小量薯蓉，兩者配著吃相當不錯。至於加$8的貝殼粉味道就真的很失色，雖說是加配，份量也不會要求會有多大，但也不能太小，基本上貝殼粉係寥寥可數。

今日上何文田做野開會，開之前就去左何文田廣場食個飯先，見到間新開嘅鋪頭叫Itamama，我諗起屋企附近有間Itamomo，上網睇一睇，原來兩間係姊妹店，都係同屬亞洲國際餐飲集團𣄃下嘅品牌，都算係信心保證，就入去試試佢。Lunch都幾多選擇，價錢一般都係$60附近，算係可接受水平啦。我今日就叫左個松露野菌汁雞扒焗珍珠飯($62)。黎到個賣相就認真不錯，面頭鋪滿芝士，雞扒份量亦算多。食落味道亦不俗，雞扒表面焗到金黃色，食落雞肉入味，油分不多，加上每啖都食到芝士，令人非常滿足。松露野菌汁非常香濃，配上炒飯底，蛋香中帶著滿滿松露香，轉眼就成個飯清晒。就個人而言，我覺得Itamama比Itamomo質素要高，雖然價錢相對貴d，但都係值得嘅！