J大大

营业中

休息中

眼見呢間J大大都屹立到超過一年，需知道喺元朗呢啲邊皮位置開嘅食店捱到過一年已經算係好叻叻㗎啦，今日卒之有機會嚟試下喇。本身想食佢個墨西哥同埋招牌熱狗，貪佢一個有肉醬，一個有芝士，不過見到佢個下午茶餐只不過係25蚊仲包埋嘢飲，而墨西哥同招牌兩種熱狗都要三字頭，所以就嗌咗個下午茶餐嘞，嗌咗之後先發現原來下午茶餐入面個熱狗係叫做原味熱狗，同招牌熱狗係唔同㗎，無咗熱溶芝士，無咗煙肉碎就完全唔係嗰回事啦，不過抵讚嘅係佢個麵包有烘過，仲烘到脆卜卜添，下次都係唔好慳嗰幾蚊喇。

秋季係行山好日子, 同完家人去行山就梗係搵食啦之前見網上介紹過, 就BOOK MARK 定黎食夜晚入到去, 見到有人外賣, 但餐廳人流唔算多好快就可以有位坐同有得食叫左個 招牌J熱狗 睇下有幾得一上台, 芝士真係多, 新鮮出爐, 仲可以拉出黎入口芝士味豐富, 但面上的肉碎就吃不到香味, 同有點過乾其他醬汁都冇咩特別響元朗黎講, 35蚊一個熱狗, 唔包野飲 的確有點貴一試就算了

同朋友食完附近嘅千層多士，行過幾步見到有間熱狗店，朋友話不如又坐下食下薯條雞翼，反正頭先食唔到雞脾薯條。好熱好熱，薯條同雞翼都啱啱炸起，薯條比較粗身，咬落唔算太粉，熱辣辣即使味道一般都會加分～雞翼都炸得幾好，攤左一陣外皮仲係脆，入面keep住熱，肉質仲幾滑添，只係個人覺得掩得重口味左啲，鐘意味濃嘅朋友啱晒。25蚊連飲品泥講都算抵食～

下午茶時間優惠：原味J 熱狗 連維他檸檬茶 $28。原味j 熱狗只有基本的茄汁、芥末，加$8 要熱溶芝士，芝士份量都幾多，見到兩隻色芝士。條腸脆皮，好食。南瓜薯餅$11 炸得好鬆脆，裡面的南瓜天然的甜味好好食。讚一下收錢個姐姐真係態度超好，每個客入來佢都笑住打招呼，今時今日真係好少見啦。

元朗今年突然多咗勁多好嘢食，今日喺馬田路就搵到間叫「J大大」嘅熱狗店小店！今次試咗呢份「招牌J熱狗」即叫即做，麵包香脆熱烘烘，8吋超級長勁粗嘅熱狗腸，配Mozzarella混車打熱熔芝士，味道香濃，食落唔算太滯面頭有煙肉碎，加埋都算豐富，份量已經可以當正餐咁食嘞！餐牌上有除咗七大J選推介外，亦可以自選配搭，創作出自己口味，價錢都係28蚊起！如果覺得食熱狗太單調，呢度仲有薯條薯格炸雞粒等小食供應！

留意咗呢間J大大好耐啦， 不過見佢平均都要 34至38蚊 一個熱9，都唔平，又未食過 ，所以一直冇試。今次行過見到佢原來有個下午茶餐， 二十幾蚊一個普通熱9同有埋罐可樂， 都幾抵食， 終於走咗入去試， 個包都好大個 而且焗得好香脆 ，條熱狗腸 食落都幾 juicy ，整體感覺都有8分下次再嚟我有信心試佢其他熱狗啦

這個早前在各大網絡平台很熱絡的熱狗 我終於試了😂-今次在J大大試了招牌J熱狗-招牌J熱狗 $34在塗上了茄汁芥末的熱狗上倒下熱熔芝士醬再撒上炒香了的煙肉碎光光是看看也感覺到很高的熱量先吃一口 芝士醬的味道沒有想像中般濃郁不過為這個熱狗帶來了咸香的味道但略嫌蓋掉了熱狗本身的味道 令到茄汁芥末的味道不突出 只有偶然一兩口才吃到這個熱狗對芝士狂熱者可能很吸引 不過對我來說則有點平平無奇 未必會再有動力光顧-

其實入到去...佢都幾細間舖...我諗得4個位到...如果可以既話盡量自己拎走好d~招牌J熱狗超多芝士既熱狗包底烘至脆身,落了茄汁同黃芥辣醬,芝士上高還加了碎煙肉!但比想像中普通得多,溶芝士不明何解淡味啊.但拉絲能力相當強...

芝土薯條價錢合宜，食物即叫即做，芝士醬都幾多，份量都ok薯條每份13$加芝士醬要另外加5$，芝士醬味道ok，配合即炸薯條，個人比較喜歡脆啲既薯條，如果薯條再脆啲會再加分至於熱狗價錢為33$，賣相幾吸引，但係味道平平無奇，覺得熱狗店既熱狗會更加吸引。炸雞，一般炸雞既味道。冇咩好油膩既感覺，外皮未至於好脆，不過覺得啲雞炸既時間炸耐左小小，如果外層脆啲會更加 加分。下次再黎，會幫襯芝土薯條，都幾抵食！！！同埋因為可以望住入面點整，感覺上幾衛生，加分！

晚上造訪問J大大，打算一嚐八吋J熱狗和香脆雞翼，但已經沽清了☹。炸雞粒沽清了，就連薯格都沽清了。嗚呀，大J太受歡迎了。幸好還有薯條。薯條$13一份，加$5可變身芝士煙肉薯條。J大大店內沒有座位，反而在店前，即馬路邊的行人路放了數張摺凳。坐在馬路邊，手捧著熱辣辣的薯條，不須顧及儀態，用手吃最滋味。薯條份量頗多，芝士因為夠熱溶得透徹，拿起薯條時還會牽絲，煙肉雖然灑得不均勻但也算不少。果然，薯條夠熱夠脆就好吃。

今日試左J大大, 聽個名好攪笑,所以決定來試下,睇下有幾特別,今日叫左個招牌J熱狗($34),經典肉醬狗($35)同一份薯格加芝士($20)。熱狗幾好食, 芝士的感覺有D似PIZZAHUT芝士厚批GE味,煙肉碎好脆卜卜所以好鐘意,但係最重要的主角 - 腸...........就淋淋地唔夠脆, 如果腸仔可以脆返多D應該會好好多

8吋JDog, 有幾長?我數學差，用吸管比一比吧！小食店由兩名年輕人負責，所有工序皆一板一眼分工合作完成。美式辣醬JDog, 另加錢配熱溶芝士……收貨後，口水流（若然你是芝士控）。麵包被烘至外脆內軟，軟熟的麵包肉並不會吃至口乾，咬開司華力腸是脆蔔蔔，美式辣醬加熱溶芝士的確是極邪惡，讓人們吃到不能停口，越辣越有食味！

平時見間鋪好多人等，今日四點幾行過，無人係門口，於是企係到睇睇佢既餐牌。最後叫左炸雞熱狗，都算不過不失。首先，佢既麵包大過成支細津露，個包有焗下既，有d脆。中間就塞滿左雞粒，d雞粒唔太油膩，不過無咩味，又唔會咸，而雞粒上面有千島醬。整體唔太差，不過唔係話好好味！不過，我覺得佢個名好似有d想抄「豪大大」，因為佢叫「J大大」。哈哈...

知道元朗開左熱溶芝士熱狗，一定要捧場啦不過位置較入，但都易揾叫左原味+熱溶芝士 同美式辣味 HK33原味茄汁如果多d會更加好味 個包脆脆地有烘過 好有誠意 d芝士都夠熱 都ok辣味會好味過原味 d味濃好多 再叫左個薯格加芝士HK18 薯格如果炸得乾身d會更好食 d芝士唔太夠 如果落翻d茄汁會好dd 整體都值得一試既 😊