J大大

营业中

休息中

眼见呢间J大大都屹立到超过一年，需知道喺元朗呢啲边皮位置开嘅食店挨到过一年已经算系好叻叻㗎啦，今日卒之有机会嚟试下喇。本身想食佢个墨西哥同埋招牌热狗，贪佢一个有肉酱，一个有芝士，不过见到佢个下午茶餐只不过系25蚊仲包埋嘢饮，而墨西哥同招牌两种热狗都要三字头，所以就嗌咗个下午茶餐嘞，嗌咗之后先发现原来下午茶餐入面个热狗系叫做原味热狗，同招牌热狗系唔同㗎，无咗热溶芝士，无咗烟肉碎就完全唔系𠮶回事啦，不过抵赞嘅系佢个面包有烘过，仲烘到脆卜卜添，下次都系唔好悭𠮶几蚊喇。