Jazz Cafe (已結業)

今日約咗舊同事食飯，所以就出咗荔枝角，我哋約咗去老地方見，舊地方就係樓上cafe - Jazz Cafe😍呢間Cafe有咩特別之處？首先，一上到去你會覺得自己入咗個魚缸，點解？因為佢上面有好多個魚缸，養咗好多唔同嘅魚，你好似睇緊現場版嘅娛樂無窮一樣🤣我哋講講食物，每日餐牌都有唔同既西餐俾你揀，但最得意既係，湯係有得俾你揀西湯定燉湯😍首先cafe好少會有中湯，第2就係好少會有燉湯，重要係1間cafe喎🤣所以我每次都係會飲燉湯😎今日我就叫左愛爾蘭西蒜燴牛肉，而同事就叫左烤露斯瑪莉春雞配BBQ汁☺️我個西蒜超香，個汁撈白飯1流，牛肉好林，冇話咬唔到👍至於同既春雞唔算太鞋，薯蓉配個汁超入味，冇食幾個月水準不變👍呢到重有好抵既package開party，包25杯野飲，有興趣可以嚟呢到搞下party😍總結：同事都就黎唔係到返工，所以都唔知幾時會再黎食，希望重有機會食到啦🤗

今日同事帶我去這間餐廳，算在區內也頗多上班族來幫襯，午餐價格由$68-100，包括主菜丶餐湯和熱飲。今日我選了菇菌香腸芝士長通粉配忌廉湯和牛油多士，熱檸茶。忌廉湯好濃唔會好浠，牛油多士反而係唔熱，有啲失望。菇菌香腸芝士長通粉擺碟好靚，菇菌和香腸都好多，總重個芝士汁好濃仲要好足夠撈勻長通粉，汁唔會過咸，長通粉煮得比較硬，一定要撈勻汁才好食。這餐廳特式是有幾個魚缸內有好多魚，吊燈好靚，坐位唔算闊但係可以接受。侍應少而客多所以好忙，但係仍然好有禮貌👍🏻

五月份嘅天氣熱得有點反常。嗰日中午，我地喺荔枝角辦完事，去咗一間相對寧靜嘅餐廳，享受我地嘅午餐。呢間Jazz Café位於一棟唐樓嘅樓上二樓，位置非常隱蔽，但係當你去過之後，就會識得再去架喇。日常生活節奏急促，有時都好想放慢腳步，慢活一下。呢間餐廳就可以俾到我有呢種感覺。入到去，盞水晶燈令到室內嘅光線變得柔和，播放住輕鬆嘅音樂，真係好relax呀！我地坐低後點咗兩份午餐，配以燉湯同餐飲。兩款主菜，龍脷魚柳同黑豚肉好嫰滑，拎上枱時熱辣辣。埋單仲唔駛加一服務費添，非常抵食！有時約埋三五知己上嚟食吓嘢，傾吓偈，都唔錯呀！

很欣賞哩間隱世cafe，我己經第二次叫到會，估唔到次次都有驚喜，食物質素好新鮮，味道唔錯，今次叫左份卡邦尼意粉，家人讚不絕口再話下次都要 encore ，而且價錢合理，份量數量也比想像中大份，我嚟緊x'mas都會再訂

當日聚會完畢，與兩位好姊妹在教會附近的樓上Café小聚一下。餐廳佈置很華麗，掛上水晶燈，柔和的燈光令人感覺relax！由於當晚食客唔多，所以感覺寧靜和舒服。裡面仲有大大小小魚缸，養了一些觀賞魚，可以俾食客一邊品嚐美食，一邊欣賞魚兒的互動，放鬆身心！我地不約而同地點咗同一款套餐，香煎比目魚，只係$88，有燉湯、主菜和跟餐飲品。而家按讚及分享FB仲送多一客甜品添！比目魚煎很香脆，魚肉十分滑嫰。燉湯一般，但係就滾熱辣，所以這裡會加分！餐廳已經開業超過十年，適合朋友聚餐，情侶約會。餐廳亦提供包場服務，詳情可與店員查詢。

好開心同好耐無見嘅朋友尼到尼度食個飯，原來荔枝角有間樓上Cafe😉，好近地鐵站。地點方便，環境寬敞，食物水準幾好😋，而且很注重衛生。我地order兩個lunch sets share，一份牛扒和一份意粉。兩個都做得很好味。lunch time時段需要等一等位。😌牛扒order 7成熟，🙂份量充足，又可自選薯菜、飯或意粉，午餐還可跟燉湯，燉湯很好飲～☺️意粉的蝦球好彈牙，好好味～ 意粉多汁又濃味，好滿足。意粉

我和朋友12:45落order（All Day Breakfast)（當時只有8成入坐），直到13:50先到餐,中間只來了湯及飲品。催促左無數次，侍應一味答「知知知...」打工仔一個小時食飯休息時間就這樣浪費了。而且價錢唔算平，食物質素卻強差人意。所以永遠唔會再幫襯！！

情人節睇完戲同男朋友諗去邊度食飯,想搵間靜靜地又吾太貴既,聽朋友講呢頭有間樓上cafe 幾好行咗兩個圈都搵唔到間野，後尾搵到原來都幾隱蔽，間鋪喺唐2樓唔講真係唔知，上到去間餐廳地方都幾大喎， 細節位其他唔講，侍應講今日有情人節餐$300心諗會唔會中伏，我同男朋友商量下食唔食情人節餐定散叫，事實情人節餐300好難找，商量完就試一試佢哋嘅情人節餐，我就揀間咗個海鮮忌廉湯，味道唔錯，沙律，沙律係牛油果巴馬臣火腿沙律🥗巴馬臣同蜜瓜周圍都係，第一次食牛油果配巴馬臣都幾特別，個汁好似啲柚子味，幾特別啊未試過男朋友揀左牛扒 而我就叫左羊扒,廚師好有心思,因為當日係情人節所以紅蘿白都整左心形,呢d細緻位值得一贊!☺羊扒吾會overcooked個汁都幾惹味,但如果可以多一至兩塊會好啲因為d羊扒都算細塊!食完主菜都可以話幾飽,但最後個焦糖燉蛋，我個人好怕太甜既甜品,呢個岩岩好,擺盤有心思。總括黎講,食左一餐好味既情人節餐,比起出面食幾百蚊又吾飽果d,呢度味道吾錯價錢又抵，下次如果經過呢頭可以再上來😋

附近返工放lunch ，諗唔到食乜好。咁啱見到有人派傳單。咁咪上下openrice睇下食評，先知原來依間野開左10幾年 ，我都唔知，冇幫襯過😂 Lunch set $72 包湯包 飲品 仲冇收加一。豬扒都幾大件 😍😍抵食 !!!!! Btw, FB 分享仲有甜品送 😋😋😋 真係食到飽一飽

嚟附近見工，荔枝角多左好多野食，近近地 路過見到上去試吓，點知有驚喜喔😂😂😂上咗去樓梯。荔枝角食晏都好多人喔，差唔多坐滿，坐底好多缸魚 環境好浪漫。 套餐包燉湯 仲要限量，服務員問我要唔要，咁我就試吓，個人參雞湯好夠火候，幾好飲 好好笑食西餐係包燉湯。 到個主菜 大蝦鯷魚天使麵，好香蒜味，小小辣食到停唔到。原來個餐包野飲，其實有啲飽😂😂 ，點知個服務員話分享送甜品，仲有藍莓芝士蛋糕 ，何樂而不為😄 總括嚟講 唔錯

Fushion 菜多數都係西日mix, 今日竟然來個超新鮮配答 - 燉湯 X 西餐! set lunch 其實幾多野揀, 一日有成8款，所有餐配燉湯或西湯, 仲包餐飲添! 燉湯一至五日日唔同款，西湯係雜菜湯，都幾足料同唔覺好味精。西湯會比一片蒜容法包添! 到主菜，佢既意粉、飯、同埋薯菜係任你轉。意粉仲可以轉天使麵, 意粉或者佢是日供應既其他意粉。而且粉量幾足夠，上菜都幾快添! 飲品方面, 一般餐茶係包括左，點左杯咖啡，係即磨既，味道唔係突出但係絕對比一般茶餐廳好好多。

午餐時段千其不要叫外賣。明白餐廳午餐時間一定會繁忙，但人手真係非常不足。正搭入12點的時候打電話叫外賣，服務員只告訴我要些時間，但沒有告訴我大約等候時間，一直等一直等，到1點30分的時候打算打去問問還需要多少時間，怎料電話是沒有人聽的，足足打了10分鐘都沒有人接聽，十分無奈！由於每個打工仔的午餐時間都是有限的，所以真的是十分焦急，終於有人聽電話了，告訴我外賣已送出，等了足足45分鐘終於有飯食了...他們人手非常不足，希望公司能夠增加人手避免有再次情況發生。

相信好多人都認識荔枝角二間Jazz cafe。喺聖安娜隔離報紙檔上一樓。大蝦意粉隻蝦都算OK好大隻石頭鍋飯泡菜： 對唔食得辣嘅我都算幾辣😨今日試咗佢個午餐，都有好多款選擇，例如韓式石頭鍋飯，西式意粉焗飯....等，但係估佢唔到竟然有中式燉湯可供選擇，每星期不同，除咗紅白湯，可以有另一個選擇。午餐時間都算好多人，早少少嚟到可以易啲有位。地方大，多人一齊食都可以一張長枱坐晒

日間略為多人，但食品質素不錯，還有燉湯同石頭鍋飯。晚上平靜舒適既環境，不太多人，食物水準之上，服務態度親切，價錢合理，適合情侶約會。炸朱手出色煎爐魚皮脆肉嫩芝士蛋糕yummy

是日午餐，110入座，150上齊，但公司係1-2放飯。最後遲到左10分鐘返到公司...................整個食飯過程唔知咩味道，只係狂倒入口...........中間有向4位唔同嘅waiter追單，全部都係敷衍了事咁話‘’整緊‘’、幫你追追‘’...........一間人均68嘅午餐食店，又位處工廠區，真係估唔到有咁嘅服務.........................Too bad👎