Jenny Bakery (已搬遷) 新店位置

之前我姑姐去開果頭整甲...所以佢去埋幫我買..等左一陣就有喇...佢一次過買左3盒俾我...3盒都係4mix...其實真係好中意佢既重牛油味..不過佢又好dry wo..一入口就溶左..有d痴住喉嚨既感覺..次次都要飲好多水先得仲有...佢既過期日期好快牙...搞到要日日食先得..過左期唔知仲食唔食得既呢e家3盒都俾我食曬喇...洗左佢個盒黎放野..不過事隔都成2個幾星期喇...仲好大陣牛油味...有d怕怕

今次去到CWB買..搵極都搵唔到間叫銅鑼灣廣場既物體..原來係一棟叫銅鑼灣咩咩中心既大廈入面..唔知點解JENNY BAKERY要開係D咁難搵既地方..上次去油麻地果間係商場果層勁搵先搵到..今次都係不外如是好難搵..上次食完4MIX之後今次想上試下8MIX原來講真..自己本來好鍾意食杏仁果D..諗住8MIX一定好岩我食..點知..原來4MIX真係好食好多(我覺得)8mix冇左4mix果種既牛油香味,而且比較乾身..食幾塊便要飲一飲水..如果唔係對我黎講真係好乾喇會..而且好似隻隻都差唔多味咁..冇乜特別..價錢又貴成廿幾蚊..所以試一次就算喇反而4mix就真係食極唔厭喇

出銅鑼灣行街街...好衝動地買左4 mix 想試左好耐一打開好香牛油味...入口真係即溶味道不錯...不過太鬆化了...好容易碎晒價錢OK整體不過不失LP字

第二次買呢盒曲奇LA~ 一盒4款,最香,最好食當然係咖啡味LA~入口即化,不過跟奇華的牛油曲奇的口感差不多,不值呢個價錢($60),而且沒有果仁係曲奇裹面,因為曲奇四重X的曲奇有果仁好有口感,上一次係旺角買,個收銀好冇禮貌,好似趕客咁所以我唔會選擇係旺角買.

之前我0既表姐話請我地食'屋其'(係小兒稱呼COOKIE 0既乳音),係年廿八到銅鑼灣0既分店.點知7點都未夠,就已經CLOSE.一直都想搵機會去試0下.............到前幾日聽聞有朋友會到澳門.老公得知本人愛食'屋其',命朋友到葡京買出名0既腰果COOKIE.0個時就令我諗起JENNY COOKIE..........為怕好似之前咁買唔到,我地3口子一到銅鑼灣,首先就去買COOKIE.行到去銅鑼灣廣場分店,一個人都無,唔洗排隊.因為未食過老公話先買細罐4安士4MIX 售價$60 0既牛油COOKIE,但其實係唔抵買,因為大罐$90容量多好多.一打開個罐就有好香0既咖啡味,先食一塊啡色花餅,係咖啡味.好鬆好香牛油味,但好油.之後仲食有燕麥提子,牛油花餅同牛油'SO'餅,味道都差唔多.總結都算幾好味,有心思思就食0既感覺.下次會買另一款8MIX 0既果仁COOKIE

尋尋覓覓, 由赤柱本店多次的購買失敗 (中午過後已經賣晒! ), 今日終於有幸試到呢隻曲奇。自己比較喜歡簡單o既款式, 所以主要係食牛油味, 餅身真係非常鬆化o既, 但亦因為咁, 令人覺得好似粉末一樣, 一啖後成口都係粉, 個人唔係太鍾意啦...如果要具體比較, 我諗以下餅乾的質地應該係:Jenny's Bakery (鬆化得似粉) < 皇后餅店 < 藍罐 (香脆) < Mrs Fields (煙韌)其實也沒有誰一定係最好 (自己反而鍾意藍罐, Mrs Fields), 各位依自己o既喜好, 對號入座就得啦...

聽左好耐，office都有人送左罐4 MIX黎可惜無緣食到，惟有今日陪女友黎買果陣先可以買返罐食下真係一打開就好香的牛油味我買的是細8mix (因為4 mix賣晒.....)但係女友趕住食完飯做野，惟有在D野食未上的時候開黎食下食果陣, 唔係好分到有邊幾款味道因為食多幾塊就會成口都係牛油味好難分係食緊乜野的nuts我鐘意chocolate的, 因為佢好似香D硬身脆口的曲奇一向都係食到好難停手所以，我一定會再買，要黎獎勵辛苦工作

上openrice 看到Bear Bear熊罐好ＬＩＫＥ,食評好像唔錯 , 所以Buy 了８ＭＩＸ，一打開個盒就有好多曲奇碎,但包裝的確頗佳, 因為我喜歡收藏罐先買，但手指沾滿牛油，唔夠澳門樂宮好味，ＢＵＴ好食過藍罐。。。不過我唔會為了儲罐再買８ＭＩＸ，因為唔太值，或許下一次會試鳳梨酥～８ＭＩＸ令我有Ｄ失望，　因為期望太大吧！

買了一罐 8 mix餅罐好靚!d cookies 牛油味好香 + 好鬆化... 好好味 but 食唔到8隻味咁多... 有d 差唔多我最喜歡係 chocolate chips + poppy seed + 咖啡味

平時想食jenny bakery都係拜託係赤柱做野的媽咪幫手，但係而家過年唔可以walk in買，唯有我親自出馬一早去CWB等攞籌啦～攞左好耐先攞到銅鑼灣店，因為無諗到佢係個咁細細同偏僻的商場仔入面，去到10:10，已經打晒蛇餅，聽講一日只派40個籌，每人限買4罐，仲要最後Ｄ籌未必一定有想要的款式，後尾到10:30條隊已經排到成條循環線咁，D阿姐排隊排到好燥，已經不斷同secure叔叔嘈，搞到我唔敢影人龍，驚俾人鬧10:30派籌，11:00先開舖，等左15分鐘先輪到我（我係第32個），我全買4mix，一Ｍ三Ｓ，輪到我前面時話4mix Msize的罐有Ｄ凹，不過入面Ｄcookie無事（佢會開俾你睇跟住即刻封返），仲話剩返的都係咁，不過輪到我時個罐又完美無缺，真係lucky呢有２個cashier，姐姐好好人，知道新年送禮，會問你要多幾個多餏，又不厭其厭開Ｄ凹左的罐俾你check，好有耐性，好抵讚呢商場的secure幫手維持秩序同派籌，好好態度，遠遠見到我知道我似買曲奇就指示我去邊度排隊，俾人流鬧都唔會發脾氣，好好人好友善呀！雖然排隊尚算有秩序，不過排隊的人比較無品，有幾個大姨不滿要派籌，自

冇特別既廣告+裝修既銅鑼灣jenny bakery係我今日目標之一!睇下佢d介紹先發覺佢要過左年之後先有鳳梨酥~不過都唔緊要,買個4-mix試下先~一打開個盒,佢就有好多曲奇碎,不過好彩d曲奇重好健全~成個盒充滿住濃濃既牛油味~其實佢d曲奇都做得幾出色,我諗係我食咁多曲奇入面最鬆化既一間~不過可能鬆化過濃,每拎一塊曲奇上手都要小心翼翼~而當你放入口中既時候,佢冇個d咩"入口即溶"既事,只係佢太鬆化令到你根本唔需要大力咬,佢已經變碎or化左~jenny既曲奇冇可否認係特別,不過本人就覺得好似冇出面d人講到咁好食,而且佢既價錢真係幾貴下~

我本人真係唔鐘意珍妮D曲奇, 好好食咩, 又唔係. 有次有個同事請我食曲奇同鳳梨酥, 菠蘿汁. 佢話好好食, 見個賣相好似好得, 就試下, 嘩, 佢地真係落得太多牛油, D餅一揸上手就已經碎哂!! D菠蘿汁甜到可以1開5. 飲完之後隔左一陣就嘔哂出黎. 有一次極唔願意情況下同個同事去佢地銅鑼店買曲奇, 佢地d環境真係麻麻, 入到去個商場, 個商場環境真係麻麻, 仲有一陣味, 我地買完曲奇, 就見到隔離裝修緊既商場走左隻"米奇"出黎. 嘩, 真係恐佈到不得了!!!

這裏的出品無論包裝和質素都頗佳，巳成為送禮佳選。收到一盒鳳梨卷，小小的圓型餅罐，兩隻可愛的啤啤熊，造型趣緻溫馨，令人愛不釋手。如此漂亮的餅罐，不捨丟棄，就留住了心意，留住了祝福吧。鳳梨卷酥皮香口鬆化，牛油味濃郁；菠蘿餡味清香，甜度適中，一口一件，非常滿足。不過，吃鳳梨卷要留意數要點：1.由於人手製造，不加防腐劑，開啟後不宜久放。2.也適合多些人一齊一次過分享。若是，要記得先預備好相機，即開即影，不要低估它的誘惑力。3.一口一件，或預備小碟，其鬆軟度如吃北角德成號雞蛋卷。凡吃酥皮的食物，必生罪惡感。少吃多滋味，切記切記。

這店剛於赤柱開業時已很想前往,但懶得緣故,一直未有成行. 到在銅鑼灣開業,比我好記性的人買了一小罐牛油味給我. 曲奇的而且確很鬆化,而且入口即溶,而那花形的外表亦很迷人. 可惜牛油味實在太油,眾多牛油曲奇中較愛牛油咖啡口味,知道另有nuts的口味,深信更合心意,便自行到來買一罐8mix nuts cookies.一打開蓋,香氣噗鼻,縱然牛油味依舊重,但已較輕. 而且除牛油味外,還有數款咖啡味的, 每款曲奇都有不同的nuts,每款都各有特色,但最愛深啡色的那種,因咖啡味最濃. 曲奇本身易肥,吃這個曲奇,就更加要在吃之前做好心理準備,只要吃下第一塊,便會情不自禁地吃下去,雙手在那時刻是不能自制的. 而吃這曲奇,最好是一邊喝咖啡,一邊品嚐,絕對是一大樂事.百多元一罐,說真的是有點貴,但能吃下這一絕的曲奇,偶然獎勵自己,有何不可?

收到意外的聖誕食物, 多謝Mandy咪咪!!!Jenny Bakery的杏仁片夠晒香、酥、鬆化, 一咬入口, 香味即刻散播全口, 甚至攻上鼻腔, 讓你一嘗口鼻同享那份美味! 那陣陣的牛油味, 令人忍不住口, 一試再吃三勁咬!今天才聽聞這家店的杏仁片成日都斷貨喎, 真係多謝晒Mandy咪咪, 我倆才有如此口福了!