Jenny Bakery (已搬遷) 新店位置

2008-09-17作為女友盒朱古力o既"回禮"，一食完飯就帶佢o黎買o左盒4MIX俾佢，自己就試了鳳梨酥其實唔知呢度幾時close，但好彩買到一開罐，無cookies 咁香氣撲鼻，但o的酥賣相幾特別。味道，由佢o地咁特別o既特重牛油酥加上鮮菠蘿味o既餡，的確無得頂。但個底邊係硬o既，食落有條硬條咁…… 要扣分了得17粒，都似乎曲奇化算o的

估唔到事隔不夠一個月, 哥哥又再買咗盒JENNY返黎, 仲係4MIX添, 唔知係咪上次話過佢唔識揀想平反呢! 今次佢仲話去到冇得買鳳梨卷, 要聽日先有貨, 如果唔係既話我估佢想買埋, 咁食法好易肥....話咁快個bear bear罐唔同咗花紋.....呢期老豆都玩埋一份, 走去扮"水禾田"---------(見上圖)今次呢個好似有睇頭D, 擺得又靚, cookie拎到4隻咪出黎, 兩種質感, 摸吓都成手牛油香....GOOD...."吱"花有咖啡同牛油味, 超香超鬆軟, 拎出黎都要小心d, 鬆化程度係你可以唔駛咬, 用條脷都夾得碎佢兼吞埋落肚, 入口即溶, 好正好正較實款式有牛油同燕麥果仁, 牛油味口感唔死實, 但冇"吱"花咁正, 而燕麥果仁就胞口D, 我自己就好中意, 覺得好似健康D, 同埋入面有D細碎莓乾/提子乾之類既野, 好好食, 推介4MIX.....YUMMY...P.S今朝起身睇下已經冇咗半罐喇

經朋友介紹得知此店,先買一盒4mix一試,試後發現其鬆化入口即溶,牛油味撲鼻,非平時吃的cookies也,其後再到該店購買第二出名的鳳梨卷,口感較硬,再試8mix,雖然款色較多,但是還是終情於4mix 的鬆化

行經Jenny’s 的商場，便想起上次試過的，今次決定要買一盒吃過夠！商場裏人不多，都集中在Jenny’s的店鋪。沒有預定之下，好彩還有得賣！不過要￥75 一盒！只有17粒！鳳梨酥仍然鬆化新鮮，鳳梨鮮甜，很快就吃完了！

今日下午收到姑姐送來一罐 "4 個 Mix"的 Jenny Bakery 曲奇，其實一早知道呢間 D 曲奇好味道，今次有幸收到.....真係好開心呀～靚靚的熊仔罐，未食都已經好吸引.....一打開餅罐，陣陣牛油的香味四散----有四種款：牛油、牛油花、咖啡花、牛油提子～ 食落又真係好鬆脆和很重的牛油味，相對於一般的牛油曲奇來說，值得一讚～而且仲令人食不停口，睇嚟遲D要去做下運動，如果唔係實肥幾磅呀～

唔知點解一早起身經過飯廳, 發覺飯枱有罐jenny見咁多人話好好食, 自己都好想買黎食好耐, 估唔到佢會自己送上門, 心裡面好希望佢係鳳凰卷、杏仁片/ 4mix, 萬萬估唔到佢竟然係 8mix, 唔係話嫌棄佢, 不過個3樣係我最想食但最殘忍係睇得唔食得, 因為問阿媽係邊個擺低佢竟然唔知, 究竟係臨近佳節屋企個兩位少爺買定黎送禮, 定係佢d "囡囡"買黎孝敬我哋....正想緊之際阿媽竟唔聲唔聲想整開個蓋, 我即嗌住佢啦, 亦都好彩有膠紙"痴"住, 而兩母女就咁"喉"住罐餅成日都唔敢食佢....等到夜晚終於知道係阿哥同朋友去老銅行行吓街見到買黎食, 而佢亦都唔知jenny咩來頭, 只係有得揀佢就貪心買8mix, 傻佬....都好!卒之有得食喇...個罐其實都好細吓, 唔明佢點解會放到咁多塊曲奇, 開黎睇先知佢原來好細件, 好似手指咁闊倒啦, 全部都係片黎嘅, 數來數去都唔見佢有8隻味, 見上圖開蓋時冇話超香牛油味, 咬落去好鬆化, 少少脆口, 都幾好味, 牛油味唔算好出, 試過大部份(p.s.我真係搵唔出晒8隻味黎試), 覺得最喜歡係深啡色既咖啡杏仁曲奇整體都係中上水平, 直得一試/送禮,

友人在Jenny’s買了鳳梨酥，于唱K的晚上特意帶給我們試吃。Thanks!一口一件，雖然已過了一段時間，但個皮仍然很鬆化，很香。鳳梨又很新鮮，鮮甜，好好味，唔漏，跟上次的曲奇有得比呀！

上網search 銅鑼灣美食果陣無意中發現哩間有咁多個 所以被佢吸引左尊登走去買上到去果個銅鑼廣場d商舖十室九空咁！ 就只係哩間餅店不斷有人來來往往，我聽到店舖職員為在場gei 客介紹" 細罐gei 大約有五十幾粒，大罐gei 有七十幾粒" 初初諗住買少少地試吓！我問店員有無幾件咁散賣，佢話無 ~.~" 我係個counter 枱面望左幾望就諗都唔洗諗好快咁買大4mix 少少地試吓la! 4mix (15 oz) $60 or 1lb $93 8mix (15oz) $88 or 1lb 唔記得幾錢 15oz 既鳳梨酥 (不過沈日我放工時間去到賣晒lu ) 原來一買左返黎想即刻開黎食，點知個罐外係有膠紙封實，想即刻食都唔得結果要同朋友食完飯再山長水遠咁攞返屋企..... 先有得食 一打開...... 嘩..... 果然係明不虛傳呀！我用鼻索一索，勁香牛油味呀！聞完即刻攞出四款唔同款gei 曲奇出黎食，咬落去第一口... 嘩... 真係好新鮮好鬆化 好似比酥皮蛋撻皮硬一些gei 曲奇，不是硬硬的 (不像藍罐曲奇) 手感好油勁多牛油，感覺好肥 ，食完一款又一款，真係食完想再食，我覺

珍妮毒絕對不能忽視! 先中4mix毒, 再到鳳梨卷毒.... 幸好我的鳳梨卷要與人分享, 否則我一定變大肥婆!鳳梨卷很鬆脆, 餡料也很充足, 不會太甜, 但又不失鳳梨的香味, 一絲一絲的!! 不過太香脆的關係, 很易散! ><還有杏仁片, 不過沒大家說得那麼好吃, 我總覺得是欠了一點甜味, 但的確很重杏仁味, 而且也很脆的, 只是未能令我中毒吧了! 哈哈

(半年前的)對，就是慕名，所以來classic 的4MIX and 8MIX雖然8MIX 有唔同o既nuts 俾你揀，但4MIX o既牛油香始終最容易俘虜人心一開罐已經好香我嫌佢太多件 開頭拎o的餅時好實，攪到側邊o個o的爛晒……就算開o左成兩個幾weeks，都唔會淋晒見o的人寫家陣有鳳梨同杏仁，一定有機會要試

Want to have this cookie again for a long time luu but have no chance to buy yet. We bought a small 4mix and a box of mini pineapple tart. The mini pineapple tart i havnt tried it before, its very very good, its pastry is crispy and in the middle its full of pineapple jam which taste very very good. Its not very sweet at all. For the 4mix i like the most is the coffee one it has a very strong coffee taste. I can finish the whole box in a day very very good

投訴1:太鬆化la!!!!!!!搞到食食下跌左落個沙發la new唔返,越"new"越散!投訴2:搞到我夜晚12點忍唔住偷食!實肥死la~ 呢次~ 好好好鬆化!!!!!!!!!!!!!! jenny's 所有野都好得!

家人買了鳳梨酥鳳梨酥很精緻每件的SIZE剛好是兩口一啖咬下去質感很好, 整個酥皮很鬆化, 入口即溶底部的烘印又很有咬口不過..牛油味較重, 蓋過了鳳梨味(還是鳳梨不夠香?)大部份的鳳梨有渣, 令人失望可能...現在不是鳳梨當造的季節吧...

之前食過珍妮既曲奇, 經已覺得好好味, 今次因為有位親戚送既關係, 終於有機會嘗試到佢既鳳梨酥喇!!件頭細細, 一口一件, 食落鬆化, 唔係好漏, 鳳梨味夠, 牛油味不過重, 比台灣嗰d輕盈d, 好味!珍妮既質素果然高, 咁多人買都係實至名歸嘅!

今日７月３１號係我係ｅ家公司既ｌａｓｔ　ｄａｙ．．．．ｄｅｐｔ　ｈｅａｄ　好好人，　請左我同另外２位同ｄｅｐｔ既同事出去ｃｗｂ食魚一丁～食完之後就諗緊．．．散水買咩餅好呢　！？因為其實公司對我地都唔差，同事又好好，但係心諗．．．買美心同聖安好似好行．．．買東海堂好定係去ｊｅｎｎｙ好呢　！？最後我決定左去ｊｅｎｎｙ，因為西餅可能大家都成日食，　ｃｏｏｋｉｅｓ好似會吸引ｄ　！？？？果然我既決定係正確，同事一見到咁靚既盒，已經立即開左佢泥食，又大讚好香牛油味！我自己食落都覺得好鬆．．都幾香牛油味．．．咖啡８　ｍｉｘ　的確係唔錯不過我覺得４　ｍｉｘ　更好．．．好鬆，係十個鬆！！！果種ｃｏｏｋｉｅｓ既味道真係散出泥，正到暈～但係就冇之前既朋友所講一開盒就勁大陣牛油味飛出來，唔係話冇既，少囉～冇我想像中咁勁．．．．不過價錢又真係貴左ｄ．．．．同埋ｓａｌｅｓ都冇話好熱心去講解．．．我一行埋去佢都冇介紹，由我係咁係到自己睇．．．．　到我問先講．．．比我感覺係你買咪買，唔買咪唔買囉既感覺！今次我買左４　ｍｉｘ　（細）　　＄８０　　　　　８　ｍｉｘ　（大）　　＄１４０