Jim's Restaurant (已結業)

星期六起身 想食個all day breakfast ~見附近有間 就去試下 去到都唔算多人 冷氣唔係好夠 開始睇下有咩食 佢款式都算多 有飯有意粉有小食最後叫左一個all day breakfast 同一個黑椒豬扒飯 另外叫左藍莓紅茶 同焦糖latte一開始就黎左d野飲 正正常常之後黎左個豬扒飯 個豬扒煎得有d乾 同埋有d薄 汁一般般之後等左好耐先黎個all day breakfast 個黑松露炒旦係成碟最好食既野豬肉腸 沙律 正常 炸薯格炸得太耐 有d硬 個焗豆 有鐵罐味個多士 個邊皮好硬 Overall 中規中矩

綠茶紅豆多士盒 ($88)嘩嘩嘩！綠茶又再呼喚我喇叫我點忍！！！今次嚟到位於油塘既小cafe唔好睇佢偏僻又細細間感周末都排曬長隊架好多都係為左依個多士盒而嚟我覺得佢地既多士磚夠脆但個皮就接受唔到地硬同淋可能佢地唔諗住啲客會食啦不過我就唔想曬野姐所以大家只好期望食裏面既面包磚好了！而綠茶就正正常常，應該係維記個隻嚟既總括嚟講，我覺得值6/10分 中中等等但幾位年輕店主追夢既奮鬥故事我就好欣賞所以特登去支持一下佢地 仲有香港既小店大家都快啲tag埋啲fd 一齊去試下啦！• 店名: Jim's Cafe.• 地址: 油塘鯉魚門祟信街8號鯉灣天下地下3B號舖.• Address: Shop No. 3B, G/F, Canaryside, 8 Shung Shun Street, Yau Tong .• Tel: 2349 5018

膽粗粗試一試海膽意粉，勁新鮮好味，墨魚黑松露漢堡好有驚喜，一定要食。估唔到一間小店可以有咁多驚喜，老闆招呼一流，每樣菜式都細心介紹，環境舒適，沒有壓迫感，同朋友閒聊着選。

鯉魚門另類餐廳，同朋友聚會嘅好地方。海膽魚子意粉海膽同魚子加上佢個海膽汁撈落去成個意粉口感非常厚身及濃郁味道 簡直係食唔停 係我食過最好味嘅意粉之一辣酒煮花螺辣味小小，人人可以接受，最欣賞係佢個花螺好新鮮， 加上炆咗好耐， 令到入曬味同又霖做得非常好牛油煮龍蝦隻龍蝦老闆好好， 非常大隻，非常厚肉身， 但係烹飪時間掌握得好好一啲都唔'鞋' 配上好香牛油，好正。芝士焗琵琶蝦隻琵琶蝦非常大隻，好多蝦膏， 肉身同龍蝦一樣咁好味， 超正墨魚漢堡包第一次食嘢墨魚製造嘅漢堡包， 加上少少芥辣酸酸地， 非常開胃，值得一食即時喺度飲啤酒係非常好嘅選擇， 因為店長，雪藏啤酒的溫度剛剛好

復活節假期，我地一家黎到鯉魚門逛逛，鯉魚門風景真係好靚，好有特色！0係openrice搵到一間對住個避風塘既餐廳，comment都唔差，就入去試試！入到去，環境真係唔錯！裝潢好，唔算迫，冷氣又夠大（今日成30度，冷氣真係好重要！）我地睇完openrice d 相， 我點左凍特濃朱古力（$38），太太就點左士多啤梨奶昔（$50），同一份炸魚薯條（$68）。諗住叫多份甜品，點知餐牌無，一問之下，先知原來易左手。D 野飲黎到，嚇左一跳，個賣相差好遠。即刻覺得中左伏不過味道還可以既～（左面：真實相；右面：食評相）而炸魚薯條就有驚喜，大份得黎都算好味～可能剛剛易手未有水吧～所以⋯⋯⋯⋯⋯希望下次黎有改善啦！

早幾日聽住油塘嘅朋友吹開水知道Jims Cafe䡛咗手所以同幾個老友喺05 Apr試試佢試過之後就覺得"有水準" "有內涵" "有Heart"-餐湯+沙津 (開頭好奇點解咁耐都未上 原來係即制)-黑毛豬𩣑架 賣相靚 好味 (覺得唔係用梳打粉醃嗰啲囉)-內蒙羊架 新鮮 唔騷 (覺得可以encore)-Drink都好多選擇 (特別留意黃又藍)-跟餐仲有個雪糕球做甜點老闆仲叫我地試下佢啲甜品新作 (有heart呀)仲留意到有鏢定 (不過無玩)#食物環境ok#又多個飯堂#支持本地小店

環境幾好，食物幾好，但位置唔算方便。講返食物叫左個set dinner 有沙律，湯，主菜，飲品同甜品沙律唔算好特別，但菜新鮮。個忌廉湯好味！唔會稀了了！主菜叫左豬扒，一放落黎靚仔既（有相），唔係就咁放上碟。有2件，薄切。點小小汁都幾好味甜品就係雪糕，飲品就試左 巨峰唔知乜茶。總結：食物質素 / 環境 / 服務 都幾好。價格亦都唔算貴！

之前喺呢間餐廳發覺佢啲嘢唔錯所以一直都有去之後發覺差咗少少所以都冇去 但聽聞轉左手轉左廚師所以早兩日再去一次發覺啲嘢完全唔同晒 明顯啲嘢好食左有誠意絕對值得再去食希望佢哋一直都會俾心機做落去keep住水準有誠意嘅餐廳值得比多一次機會佢上次同老闆傾開計佢話原來可以預早訂海鮮下次都可以試吓

食飯前上網, 都惗住冇所謂比貴小小支持下本地商店。與女友吃飯後一致認為, 係人生經歷最差嘅餐廳> 有加一收費下: 沒有清水供應, 用朔膠刀叉> 所謂嘅燒汁, 係生抽 100%> 咖哩汁系凍噶> 樓面妹妹完全發緊夢> 聽見的是電視機聲 和 微波爐叮聲音> 跟餐飲品=糖漿加水加色> 忌廉汁意粉還算可以> 以為自己被拍緊整蠱節目> 最好笑的是, 飯後系附近商場見到個樓面妹妹叫意粉食小店裝修得咁靚點解要浪費左去, 其實如果無心經營點解唔索性執左去😭😭😭

同男朋友去開鯉魚門買蛋捲，有少少餓但又唔想食太多野，無意間經過呢間餐廳（其實附近都冇咩餐廳，離油塘站又遠😐），就入去試吓。閒日下午，餐廳只有兩三枱食客。餐廳佈置舒適，走文青Cafe的風格。我倆share了一客黑椒汁雞扒飯$48，另外點了一杯熱朱古力。原以為係深褐色的黑椒汁，點知係白汁，但又的確食到濃濃嘅嘅黑胡椒味，唔錯，不過醬汁真係少得可憐，如果可以多少少汁就好。雞扒好大塊厚身， 表皮煎得香脆，內裏juicy，都夠兩個人食，但就覺得鹹咗少少。白飯綿軟，不會太硬或太乾。熱朱古力則普普通通，偏甜，似是用粉開。總結感到餐廳是有心的。不過，餐廳油煙味比較重，廚房一煮野就好大味，通風有待改善。服務又冇其他人所講咁差，但唯一小插曲就係，埋單嗰時明明只需比＄48 ,但係就寫咗＄88，咁啱落單個侍應出咗去買野，要等佢返嚟確認😑，唔明點解其他人話唔到事🤔，擺明是lunch time 好吧。搞到等左10分鐘先走得。

中午經過 諗住入去飲杯野 食下野 一坐低 就話乜野食都無 得野飲 咁都只叫飲品。叫杯凍既鮮奶綠茶，嚟杯熱既。我問可唔可以換過杯 佢話幫我加幾粒冰。完全唔想做生意 杯鮮奶綠茶 淡到好似水咁 完全無味唔會再幫襯

今天（2017年1月2日下午1:30）諗住打波前去食個漢堡飽，點知推門入到去想搵個位坐下時，有個餐廳員工好大聲呼喝話等等，未開門要等好耐，係咁耍手叫我哋走😡如果未開門就唔好棟個牌寫住 open 啦⋯⋯

一間唔起眼既cafe，估唔到食物出其好食同朋友郊遊完必去小食店！價錢平宜，一個餐大約$70-98包一杯飲品份量都是比一般西餐廳大份，一碟意大利麵可以份5人食，漢堡包都好大份，平均5個人叫4個餐，再加2個小食已經好飽！

呢間甜品鋪開到離MTR太遠😭好可惜！但是水準也高⭐️個店環境好好👍🏻👍🏻👍🏻！由外面玻璃鏡望出面又曬啲食物圖片已經好吸引 我入去 哈哈😳！入面嘅環境係簡單俾人重感覺好舒服，又有特色。仲有飛鏢機，牆上面也有好畫感覺上畫面好豐富。一共叫咗四樣正餐 1.芝士忌廉野菌意粉 80$甜品2.芒果金磚蜜糖吐司 78$飲品3.草莓奶昔 4.忌廉朱古力.由於本人比較鍾意食甜品😍 所以呢個先介紹⭐️芒果金磚蜜糖吐司💛💛💛78$賣相完全係超級吸引芒果控一族💕👍🏻雖然本來我想叫草莓，但朋友比較想食芒果😭我覺得食落好脆，而且點雪糕加芒果醬！甜得黎有小小酸。.芝士忌廉野菌意粉💨朋友好愛芝士的她好好好好好中意食，佢覺得個意粉好重芝士味，而且又香因爲有菇香味，味道真不錯👍🏻✨✨✨食到佢尖叫 哈哈.朱古力我個人由於對忌廉好一般，但係呢個忌廉好細滑👍🏻幾好～朱古力呢杯好甜，超級甜。甜食愛好者推薦❣️朋友覺得太甜了，但又好好飲哈哈。.草莓奶昔我點的草莓奶昔🍓🍓🍓🍓🍓🍓😍要撈撈 因為有草莓醬草莓醬本來酸酸酸的味較重，而且也甜甜的奶昔沙冰。面也是泡沫😍小草莓的裝飾滿分！😌👍🏻🤘🏼✨

下午在隔離鯉魚門體育場做完一輪健身之後, 身心與肚子都非常疲累, 附近找到這家Cafe店內裝潢不錯, 簡約中帶特色, 而且有酒賣, 又有飛鏢機, 真係好適合一班朋友, 或者情侶拍拖都得jim's 特色花生醬芝士豬肉漢堡, 包非常鬆軟帶點點脆皮, 芝士+花生醬+特厚豬肉扒味道特別而且非常能夠融合, 各樣味道都很濃, 但沒有一樣被蓋過, 香濃芝士配沒有雪藏味的新鮮豬肉扒本已很好, 但再加花生醬味道層次能大大提升! 非常特別, 好味!野菌玉子煙肉卷, 流心蛋, 香濃野菌, 煙肉juicy不會太乾, 又有脆口, 一口一個, 口感一流, 一樣層次分明而大家能互相呼應