Jim's Restaurant (已結業)

同男朋友去开鲤鱼门买蛋卷，有少少饿但又唔想食太多野，无意间经过呢间餐厅（其实附近都冇咩餐厅，离油塘站又远😐），就入去试吓。闲日下午，餐厅只有两三枱食客。餐厅布置舒适，走文青Cafe的风格。我俩share了一客黑椒汁鸡扒饭$48，另外点了一杯热朱古力。原以为系深褐色的黑椒汁，点知系白汁，但又的确食到浓浓嘅嘅黑胡椒味，唔错，不过酱汁真系少得可怜，如果可以多少少汁就好。鸡扒好大块厚身， 表皮煎得香脆，内里juicy，都够两个人食，但就觉得咸咗少少。白饭绵软，不会太硬或太干。热朱古力则普普通通，偏甜，似是用粉开。总结感到餐厅是有心的。不过，餐厅油烟味比较重，厨房一煮野就好大味，通风有待改善。服务又冇其他人所讲咁差，但唯一小插曲就系，埋单𠮶时明明只需比＄48 ,但系就写咗＄88，咁啱落单个侍应出咗去买野，要等佢返嚟确认😑，唔明点解其他人话唔到事🤔，摆明是lunch time 好吧。搞到等左10分钟先走得。