July Coffee & Co.

营业中

休息中

路經呢個區 因為無食早餐同晏晝 所以要尋求地方飲杯咖啡 其實呢度小小一個區 得三四個小型屋苑 已經有4間cafe 其一間係連所店所以無揀 而淨低3間 呢間係望落最簡約 櫈都係最舒服既 坐近門口望出去非常開陽 所就揀左呢間（睇樓甘款 😂😂 的確係睇樓....景 🤣因為面向馬路同對面屋苑）🤪爛gag到一個點 入正題 我同朋友叫左明太子蟹肉意粉 煙肉芝士牛角包🥐同mocha 我係低甜度既擁帶者 mocha 既味道微甜 對我黎講剛好 我食左煙肉芝士牛角包 都幾特別 同外面cafe食既有d分別 裡面煙肉其實係意大利香腸（如果我有講錯 請留言話我知） 配左芝士 同一個herb茄醬令成個包更加香同無甘乾 外面鬆脆 配合非常岩我口味 蟹肉意粉配上月見攞過黎已經好香 賣相都好討好 仲意牛角包既你地經過不妨一試

都有好耐一段日子無去過深井，經過發現喺唔太當眼的位置開左間小cafe。餐廳走簡約風，環境格局令人感覺好chill。本身都想入餐廳坐低慢慢食，無奈要趕住返office 做野，只好外賣拎返去食。揀左我比較偏愛的溫泉蛋明太子蟹肉意粉，打開外賣時意粉仍然是暖的，外賣盒都好結實唔會咁易漏汁。意粉口感偏硬身一啲，就算外賣都唔易焗到腍哂。明太子醬是微辣的，食落都幾惹味。不過意粉既醬汁偏少，如果多返啲醬令口感濕潤啲既話會更易入口。以六十多元既意粉來說，蟹肉份量都算多，伴埋半熟溫泉蛋漿一齊食都幾夾！最後一提店員好有禮貌，主動推薦餐廳有邊幾款食物好食，下次有空會再來幫襯啊！

星期日早上的第一餐，非常滿足☺️☺️環境唔大，但都幾舒服，每一樣嘢食都超級超級好食，feel到用料好足，制作好用心。明天子蟹肉意粉勁多蟹肉，又夠creamy ，意粉偏硬但高質。價錢只係$68!!!!!煙肉蕃薯溫沙律好正，煙肉切粒好有咬口，煙肉好高質，唔係一般好薄果種，似pancetta!!😱😱煎到香脆又有蜜糖味，所有嘢撈埋一齊真係好夾! 價錢。。只係$60雞扒多士有水準，雞扒大塊，多汁，多士外脆內軟👍咖啡好飲，唔特別介紹了，總之真係極級推介呢間cafe!

開車經過深井眾人決定吃個下午茶，選了大街旁邊的簡潔咖啡店。小小咖啡店食物選擇不少，意粉種類佔比較多。商量一下決定各款都試試。先來All day Breakfast，全日早餐主要材料大同小異，唯獨這裡的烹調手法略有不同，炒蛋帶有日式風味，有點意外。再來人氣溫泉蛋卡邦尼意粉，滿滿煙肉再配脆香芝士，邪惡感十足，本以為會很膩，但吃下卻不。飲品點了Latte 及手打檸檬梳打。咖啡中規中矩，手打檸檬有重重的檸檬味，非常解渴開胃。選了好幾款甜點，但都沒有提供，最後選了忌廉士多啤梨蛋糕，也不錯，忌廉又香又滑，但絕不甜膩，士多啤梨多濃，唯獨蛋糕不夠鬆軟。

“SEA!熱香餅餐”($48)“Matcha Latte”($42)深井除咗多食燒鵝嘅餐廳其實仲有間白色文青風cafe🤍嘢食嘅價錢比想像中平好似呢個熱香餅餐咁🥞50蚊都唔駛除咗2片熱香餅,仲有櫻花蝦炒蛋,煙三文魚同沙律🥗不過Pancake食落乾咗啲即使落咗糖漿都唔係好幫到手🙈櫻花蝦炒蛋食落都算滑好似冇喺其他地方食過落咗櫻花蝦嘅炒蛋😆飲品就叫咗杯凍嘅matcha latte質素就真係好一般🙈一睇就知顏色唔係好對版飲落都真係好淡味😂相對上嚟嘢食好似抵食啲😂

行完山喺深井偶然發現嘅一間文青Cafe 鋪面以木同白色為主調 加上面向馬路嘅Counter 有一種去咗台灣Cafe嘅感覺🤫七月早餐 ($110)同一般嘅全日早餐差唔多 應該有嘅都有齊 比較特別嘅係多咗雜莓乳酪 同埋個蛋加咗櫻花蝦 乳酪應該係Plain Yogurt淋上士多啤梨味糖漿🍓再加上雜莓同Cereal 甜度適中🫐🍇有口感 但櫻花蝦炒蛋嘅味道就比較獨特 唔係人人都接受到🤔溫泉蛋明太子蟹肉意粉🍝 ($68)溫泉蛋明太子加蟹肉呢個組合向來都係日式意粉嘅經典配搭 而今次亦無令我失望😌 味道好之餘仲有啖啖蟹肉同明太子 非常足料😛朱古力奶 ($36)雖然叫朱古力奶🥛 但佢嘅味道唔多似出面賣嘅紙包朱古力奶 反而似平時Cafe飲嗰啲熱朱古力再加多啲奶 但同時朱古力味依然好濃🍫唔會太甜很好

放假係深井行去山 見到呢間小店 裝修好靚 主要係木同白色 好文青風就比佢吸引咗入去！ 叫咗3樣野！卡邦尼意粉 溫泉蛋明太子蟹肉意粉同煙三文魚牛角包第一樣黎既係卡邦尼意粉 好味～佢有隻溫泉蛋係面 下面超多煙肉碎個味唔會太淡 煙肉唔會好肥唔會好硬 好好食！ 第二樣係溫泉蛋明太子蟹肉意粉都係有隻溫泉蛋係面 呢個係必叫！好味到不得了～不過佢有少少辣 但係係可以接受既辣好多好多明太子好多汁 好juicy 大家都話好正！佢嘅份量都幾多 3個人分每人都食到好多 唔係一啖就無！好足料！最後係 煙三文魚牛角包煙三文魚 同菜嘅份量岩岩好 牛角包超脆熱辣辣好好食！估唔到深井都有間咁好食嘅cafe 打卡一流！

同友人行山前先食飽飽再出發，友人說曾幫襯過依間餐廳覺得值得再Encore，反正我未食過，GoGoGo🙆🏻‍♀️！點餐要Scan QR Code，自己輸入想Order嘅食物、飲品，食物、飲品就會自動送到你檯，都幾方便。友人Order了溫泉蛋明太子蟹肉意粉佢話味道比較清淡但好好味！我就Order泰式冬陰功虎蝦意粉除咗4隻虎蝦，仲有5隻青口。虎蝦幾彈牙，青口有海水味，意粉又煮得啱啱好，小小辣，唔錯唔錯！👍🏼👍🏼👍🏼熱朱古力同杯Flat White都好飲，但友人同我都覺得如果可以再熱啲就Perfect！我哋對呢一餐都好滿意！😊值得推介！👍🏼👍🏼👍🏼

一進入cafe，已有令人放鬆的感覺，因為巳被悅耳的純音樂牽引着。不期然令人説話的音量也較低😅坐下後，工作人員便送上附有QR Code 點餐的小咭。點餐系統簡單易襯。食物選擇不多，但對我個人而言，適合不過。Less is more.我選擇了溫泉蛋明太子意粉及Cappuccino 。Cappuccino 送上來的時候，拉花簡單精美。拍了多張照片也不捨得喝一口😅意粉也弄得好，軟硬適中。(若男生點餐時記得可加大意粉啊！)值得推介的用心cafe🥰

想係深井食cafe，選擇有2,3間，但July就係坐得最舒服嘅一間。雖然July嘅咖啡都十分唔錯，不過今次入去並唔係為咗飲咖啡，而係為咗食午飯，中午有午餐選擇，套餐包括有餐包餐湯意粉同埋嘢飲。廚房係open kitchen，可以完全望到製作食品同埋飲品。餐湯係粟米湯，飲落相當普通。餐包係微暖的，不過冇跟任何果醬牛油或橄欖油，最後我叫侍應俾舊牛油我。香辣蒜油意粉我對熱度既追求都十分高，呢碟意粉絕對夠曬熱，仲有燶香嘅蒜油味蜆肉分量絕對唔孤寒，反而意粉份量相對少咗啲，當午餐食就未係好夠飽了。不過整體都係不錯的！

All day breakfast 💛 July breakfast 🍳 $108 🍄 The portobello mushroom is sooooo nice and juicy! Sadly the scrambled eggs with Sakura shrimps is little bland for my taste. 😐The portion is SOOOOO BIG! Super full for one!Overall the environment is comfortable but the food quality isn’t worth the price. Surely will come again for the carbonara and hopefully it’s nice 😋📍July Coffee & Co. (深井)深井深井東村92號地舖

🛒 外賣自取 小編突然心血來潮去咗深井買嘢食，撞正光榮裝修緊，喺苦惱緊仲有咩好食之際，落巴士嘅時候一望就望到July Coffee & Co.。呢間係一間超級正同超級chill嘅cafe，可惜小編今次無乜時間慢慢坐，一定會再嚟嘆咖啡😝 😋 明太子蟹肉溫泉蛋意粉 $78 一打開就聞到蟹肉味！本來會怕啲明太子會蓋過咗啲蟹味，但又無喎！明太子散佈咗喺個意粉同啲汁度，食落辣辣哋幾香口，而啲蟹肉仲係食到一條條好有質感嘅，好濃味！本來個味道都好豐富但撈埋隻溫泉蛋一齊食就更有層次😝 想講啲蟹味勁到我食完戴返口罩都聞到個口罩索咗啲蟹味😂 😋 Coffeetail - Summer $55小編其實唔係好識飲咖啡，揀嘢飲嘅時候見到有個種類叫Coffeetail，就想試吓！Coffeetail係cocktail同mocktail啲friend，係無酒精嘅咖啡飲品。叫得Summer就知係凍飲，有氣嘅，呢隻咖啡豆比較酸，有啲果香味，中唔中意呢隻咖啡味就見人見智，小編就表示一試愛上喇🥰

早上8點幾，好想飲杯香濃黑咖啡。見到佢地已開鋪，原來佢地早左開。一件奶醬多加杯咖啡，簡簡單單，輕鬆渡過一個早晨。奶醬多:夠厚，若加多少少醬就更好。美式咖啡:香濃有果味。35蚊，抵！

開咗幾個月 終於可以過嚟試吓，今朝剛起身坐車過嚟試試期待很久的早餐加咖啡。去到門口有個木板餐牌，上面有餐廳嘅招牌菜式all day breakfast! 於是我入去就直接去收銀嗰度量體溫再叫嘢食，因為呢間餐廳係比錢落order 先，就好似Starbucks coffee shop一樣！不過你落完order比咗錢之後，佢會睇下你坐邊度之後會有人送餐比你。我見呢間餐廳11:00前有早餐供應，仲要有我想食嘅熱香餅加櫻花蝦炒蛋，所以就叫咗呢個試下，順便叫埋每朝必飲一杯嘅齋啡，喺呢度我就揀咗杯house black! 坐咗一陣，好快咖啡就到咗先，早知叫佢哋之後再上啦，因為我好怕咖啡放到凍晒啲嘢食都未到。不過要大讚咖啡到咗一陣嘢食都唔駛等好耐！可以一路嘆住咖啡一路望住窗口嘅風景，而且裏面有連儂牆，大家喜歡可以寫底支持嘅字句，今日真係好chill!

我還真的是第一次去深井，誤打誤撞來到這間咖啡廳，這裡人流不多，很安靜，非常適合帶電腦去工作和放空。當天隨意點了些食物，日式蟹肉明太子意粉伴溫泉蛋 (HKD78) 比我想像中的還要好吃，裡面拌勻了一粒粒的蟹肉和超濃郁的明太子，意粉軟硬度剛剛好，這個價錢有這個水準，去哪找呀🧡推薦！牛油果醬蝦芝士吐司 (HKD38) 味道平平無奇⋯⋯麵包很乾，材料味道偏淡⋯⋯一定要試他們的Berry white cake (HKD48)，可說是色香味俱全，吃到不行捏🤤我已秒速吃光光，哈哈😊