Just Eat (已結業)

隱世小店，牛河好掂👏🏻——濃味牛湯浸牛肉河($62)牛湯又真係幾濃郁喎！牛肉份量好多有好多片😍半生熟～河粉都好滑，整體而言抵食又好食啊！.越式雞(例: $56)睇落冇乜特別，但食落有驚喜～雞肉嫩滑呢！.Just Eat春卷($52)好香脆，但同時有啲油膩。用生菜包住食就啱啱好！中和油膩感，口感都豐富啲！.Overall: 7.9/10Value for money: 4.3/5——📍Just Eat西環英華臺1-6號華輝閣地下2-3號舖..

西環有幾間越南餐廳，位於西營盤嘅Just Eat係我最喜愛嘅越南餐廳之一。今晚心血來潮想食越南野，但由於疫情關係全面禁止晚市堂食，所以只好叫外賣買番屋企食。素菜芒果卷($48) 味道清新，但口感較乾身，點汁食起黎味道酸酸甜甜幾開胃。Just Eat春卷($52)外皮炸得香脆，餡料有豬肉碎、蘿蔔絲等，包著生菜一齊食減輕油膩感。濃味牛湯浸手切牛肉河($78) 餐廳貼心地將河粉同湯分開放，食嘅時候就唔洗擔心D粉比湯浸爛哂☺️👍🏻！雖然牛肉由餐廳帶番屋企途中浸到D牛肉熟哂，但完全冇影響到牛肉嘅質感，入口食然係好嫩。牛湯牛味香濃，整體黎講係一碗高質嘅牛河！😇

👉為咗抗疫，餐餐自己煮😕耐不耐都要食啲街外嘢平衡下心理！冇🉐️堂食？外賣🥡no problem!各國美食當中，東南亞各國菜式都係至愛😍。📌燒雞撈檬 $62 ～ 撈檬真係好啱夏天食，醋汁酸甜醒胃，燒雞🐔肉厚冇骨，包埋生菜🥬一齊食，即時罪惡感減半🤤（其實嗰幾條配菜 ～ 酸蘿蔔絲超正👏）📌芒果軟殼蟹卷 $68 ～ 色彩繽紛，見到都開心🥳米紙卷內🈶️芒果🥭青瓜🥒生菜🥬軟殼蟹，口感爽脆清新🍽📌JUST EAT春卷 $52 ～ 外賣炸春卷，仲keep到脆口嘅？！😋👉外賣質素嚟講已經算唔錯，樣樣都pack🉐️整齊企理，返到屋企打開同原裝一樣。

係附近做嘢，行經哩間餐廳，裝修好小清新，依家外出用餐最緊要乾淨企理，晚餐就揀哩間^^食完覺得出品都唔錯，係菜式上有改良，係幾好味既。而且店員親切有禮，性價比又好高，值得一試。雞絲扎肉湯金邊雞絲幾好味同幾滑，食晚粉啱曬依家既天氣，清清哋扎肉同一般既扎肉係唔同，當中係有馬蹄粒、胡椒粒等，唔單止味道更好味，口感都好得意蒜香牛油雞翼雞翼外脆內嫩，牛油味同蒜香配搭得幾好，食落幾香春卷炸得好脆好香口，入面既餡係有馬蹄！所以口感好清新爽口，適合夏天，我覺得哩個搭配都幾好越式凍檸茶  & 青檸梳打兩款都係非常消暑，好鐘意哩個凍檸茶，無港式既咁甜，清清哋而青檸梳打就酸酸咁，好醒神開胃

呢間位於般咸道附近嘅越式餐廳， 已經開咗一段時間，一直都好想試，今日終於同朋友嚟試。餐廳嘅地理位置並唔難搵，喺西營盤站c出口行只需要三分鐘就可以到達，十分方便。 餐廳嘅裝修行簡約風，餐廳十分乾淨。睇完menu覺得佢嘅嘢食都好吸引, 每一樣都想食, 最後叫咗一個牙車快，一個春卷， 一個濃味牛湯浸牛肉河。 牙車快其實係雞肉生菜沙律， 佢嘅蔬菜其實幾新鮮，作為一個前菜酸酸甜甜其實幾開胃。春捲方面仲會配埋生菜同醬汁，可以包住春捲食，食落爽爽脆脆，春捲仲要係現炸，夠熱又新鮮，餡料亦都好多， 個人覺得小食嚟講都唔錯。至於濃味牛湯浸牛肉河顧名思義就係牛肉湯加肥牛河粉，不得不說，呢個湯河好有誠意，河粉超多超大碗，裏面好足料，牛肉亦都有好多，而且煮得剛剛好，唔會好韌。飲品方面，我同朋友分別叫咗一個越式凍檸檬茶同菠蘿柚子梳打。 凍檸茶味好香濃 檸檬味同甜度亦都剛剛好， 菠蘿柚子梳打就更加好飲， 佢嘅菠蘿係煮過嘅，好好食，配埋梳打剛剛好。

今日去大學聽個talk, 之前就去附近行下搵下野食。果頭都幾多野食，天氣熱，最後我地簡咗間越南野。餐廳裝飾都好光猛乾淨企理，有自然光照入餐廳，好舒服。佢食物種類都幾多，小食，湯麵，越式法包，小菜都有。濃味牛湯浸牛肉河佢份量幾多，仲要有唔少牛肉，個人幾鐘意佢個湯，飲落去好順口，飲得出無味精，值得一讚！越南香茅燒牛肉三文治幾推介呢個，本身唔係間間香港既越南餐廳有越南法包賣，佢既燒牛肉幾出色，牛肉係有香料醬汁醃好咗，食落甜甜地再燒完後香口咗，好食！菠蘿冰&青檸梳打菠蘿冰佢係菠蘿蓉再加袖子蜜，飲落唔係好甜。而青檸梳打佢青檸汁份量好夠，夠清爽，正。佢價值合理，員工服務幾好，一路食既期間都聽到有唔少叫外賣電話，有唔少街坊捧場呢！總括而言一間唔錯嘅小店。

今日黎到西環呢一間Just Eat食野。呢間餐廳主要係食泰國菜同越南菜。其他泰國越南餐廳環境昏暗，餐廳燈光都比較黃。反而呢間餐廳入面裝修風格比較現代風格，燈光明亮，比平時暗黃既燈光要好。牙車快雞絲沙律，裏面沙律菜十分爽口，雞絲肉質唔老唔嚡，配上蘿蔔絲同酸甜既醬汁，十分開胃！上面既蝦片脆卜卜，十分香口。濃味牛肉湯浸牛肉河，牛肉片十分嫩滑，湯底比平時食開既濃郁。而且河粉底十分彈牙，配上濃郁既湯底同嫩滑既牛肉簡直人間美味！錦上添花既係入面既洋蔥絲同九層塔，擠上幾滴青檸汁，食到唔停口！濱海伴燒雞，一塊生菜放上米粉再放上燒雞，淋上醬汁包好，再放入口咬一口，口感十分豐富。燒雞口感酥嫩，醬汁為米粉增添味道，互相襯托。越式凍檸茶同青檸梳打，充滿青檸既清爽感覺，檸茶既甜度岩岩好，唔會死甜。總括黎講，價錢方面比較平民，而且食物質素都非常滿意。

今日經過西營盤英華臺，不知道何時開了一間越式餐廳，無聲無色，驚喜萬分。店鋪雖然細小，服務態度好之餘，食物水準也用心。薄荷青檸梳打薄荷葉味道好突出，陣陣清香，適合這個夏天季節。青檸酸酸咪咪，開胃醒神，清涼透心，炎炎夏日最佳飲品。越式香矛豬扒三文治法飽脆卜卜，好有口感。豬扒厚薄適中，肉質軟腍，香矛調味適中，不會太搶。餡料有酸紅，白蘿蔔絲，青瓜，生菜，混入沙律醬，層次感豐富。份量還好大份，一百元不到真係抵食。

話說收工想喺附近食個下午茶見到呢間舖頭主要係食越南泰國菜而且又有午餐set 於是就入去試吓越南香茅燒牛肉三文治$62入面嘅牛肉燒得好香 越南法包嘅外皮係脆卜卜既！ 好易入口 三文治嘅配料仲有一啲生菜蕃茄中和返牛肉嘅味道 係一個唔錯嘅輕食👍🏻菠蘿冰$38如果叫嘢飲一定要試吓 入邊有菠蘿柚子等等嘅蔬果加埋梳打 甜甜地酸酸地好容易入口 飲完之後胃口都開返晒總括嚟講覺得呢度係收工食過輕輕地嘅晚餐唔錯嘅地方 住附近嘅朋友值得一試

最近和下班的朋友到了西營盤這間越南菜吃個飯，感覺環境不錯，價錢合適。餐廳裝修簡約，在門面看以為是吃burger的餐廳呢。燈飾有心思，配上工業風的牆，讓人感覺輕鬆。雖然是越南菜，仍然有很多選擇，米紙卷都有幾個款式。除此之外，亦都有一些組合的選擇。前菜我們點了一個越式蝦卷，很有層次感。裡面有粉絲、蟹柳和生菜，十分新鮮和有口感，醬汁亦都很開胃。我們還點了濃味牛湯浸牛肉檬粉，很足料，令人滿足。選擇了彈牙的檬粉，吸收著濃郁的湯底。而牛肉也很厚實，肥瘦適中，味道不錯。另外，我們還點了雞絲扎肉湯檬粉，湯碗花紋很吸引，為菜式加分。裡面除了有雞絲外，還有幾片扎肉，煎得很香，也吸收了雞湯的精華香味。總括而言，以這個價錢來說，是不錯的越南菜呢，經過附近會再光顧。

同男朋友難得黎到西環就上openrice睇下有咩餐廳 見到呢間食越南野就決左黎試下🤭佢位置唔係幾顯眼 要認真搵左陣先見到入到餐廳既感覺好舒服 唔會太逼我地叫左濃味牛湯浸牛肉金邊粉，牛既份量都幾多，好香牛味，我好鐘意佢入面好多蔥，仲要係大大條，食完好滿足！跟住叫左個濱海伴燒雞，其實我第一次食濱海，佢係用生菜包住個麵同燒雞再點魚露食😛燒雞燒得好香好推介！！不過男仔如果剩係食呢個未必會夠飽🤭🤭🤭跟住我地仲叫左蒜蓉炒芥蘭，炒得香，正！由於尋日太熱，我地叫左杯青檸薄荷梳打同埋越式凍檸茶。青檸薄荷梳打好fresh，飲完即刻好解凍越式凍檸茶都重茶味唔會太甜👍🏻Overall 都幾抵食又冇加一，下次想食越南野都會再黎🥰

I hadn't been to Sai Wan in quite a while. This time I had a dinner date here and it was my dinner partner who brought me here. We had to walk upslope to get to the restaurant from the bus stop but there were escalators in the middle. Interior renovation was pretty modern with sufficient air conditioning.We were not so hungry so ordered one pho noodle soup, two starters and two drinks to share. Our food arrived very soon.濃味牛湯浸牛肉河 at $62The beef broth was quite clear yet tasty.  The noodles were

上環呢邊多高質小店就係人都知啦，咁呢日黎開呢邊搵朋友，佢就話食lunch時食左間新既越菜話幾正，咁就一於一齊去試吓個dinner!咁入到黎呢度都幾舒服，白灰色wall好有文青feel!同friend就叫左個海鮮蕃茄檬同埋燒雞撈檬，再加返個just eat春卷，簡簡單單又一餐啦😆一定要讚下呢度食物質素幾高，特別蕃茄湯底超正係似用左好多蝦煮出黎，春卷包生菜食一熱一冷加上極脆春卷口感一流，入面肉味超濃好岩配生菜，必試!!!😍

喜歡到處找越南餐廳品嚐，西環開左間越式貼地既餐聽，文青既裝潢😚無論係小食定越南粉都大件夾抵食！見朋友大力推介，無得去旅行🧳食住好野先啦😋❤️咖喱脆皮牛腩，呢個脆皮牛腩真心最正，牛肉夠厚有咬口，燜煮好既牛腩塊，煮得岩岩好，好淋，脆皮好薄，唔會淨係食到成口炸漿，最后再配上咖喱汁，味道都算唔錯！出色😋❤️香芒軟殼蟹米紙卷😚米紙卷係越南菜既代表作，薄薄既一層米紙，包著芒果同軟殼蟹，芒果既酸酸甜甜，可以中和軟殼蟹既油膩感，食落好有層次🤩✋越南菜一定食PHO 牛河，今日就嗌第二樣先，嗌左蕃茄濃湯海鮮🦞檬，海鮮份量十分多，有魷魚、蝦，帶子等，湯底係濃濃既蝦膏海鮮湯，呢碗湯底真係好好味，鮮甜開胃，配上湯粉真係好惹味好夾😋飲品梗係要嗌青檸梳打同越式凍檸茶，滿滿的越南🇻🇳味道🤩🤩

曾幾何時 好鍾意去西環英華壹食台灣小吃 最近行過 有一間新店進駐 走簡約新派越南風-🐂🍜濃味牛湯浸手切牛肉河粉 ($78）賣相實而不華 跟店舖風格一脈相承 以品質取悅人心 牛湯🥣精心熬製 牛骨鮮肉精華 盡在其中 手切牛🥓浸於高溫濃湯中變熟 肉汁肉味嫩滑度 無懈可擊😍-🐂濱海伴燒牛肉 ($56）牛肉燒香後🔥熱烘烘 香脆更有口感 燒肉味撲鼻而來 誘惑難擋🌟 越南濱海軟熟 加蔥粒香蒜🧄碎食經已非常可口 鍾意食肉嘅唔好錯過！-🌶🥗馬拉盞炒通菜 ($60)嫌蒜蓉炒菜沉悶 用馬拉盞加椒絲快炒 一定啱胃口 味道濃烈帶微辣 當造通菜夠爽口 伴飯🍚最理想 平時唔鍾意食菜嘅我好快都食完！-🍍🥤菠蘿冰捨棄罐裝菠蘿粒 取而代之嘅係新鮮土鳯梨加幼切金橘🍊皮絲 係成杯凍飲嘅精髓所在 誠意可嘉🎊-🍋 🥤青檸梳打夏天嘅太陽着實凶猛 青檸梳打水係解渴妙品 青檸特有嘅微澀帶酸味道 為沉悶嘅梳打水 注入生氣 -📍香港西環英華壹1-6號華輝閣地下 Just Eat