JW咖啡室

营业中

休息中

JW Cafe 既buffet不嬲出色. 今次蟹主題, 雖然比平時貴.  但亦多咗好多蟹選揀, 搞到平時主角花膠同鮑魚都變咗配菜.  長腳蟹食得出新鮮唔會勁咸. 蟹粉小籠包鮮味. 最估唔到既係放係片鴨附近既蟹蓋, 入面全部一疏疏蟹肉. 勁滿足. 蟹餅反而唔洗試.其他炒蟹其實都好食. 但可惜個肚有限. 食唔到咁多. 

雖然食物選擇唔多，但係9成既食物質素都係好高質，好有水準，仲可以由6點開始食到10點，每次出去都會睇到d食物係滿滿放哂出黎。❤人面咁大既花膠❤食起黎勁痴嘴既海參❤啖啖肉既鮑魚 ❤鮮味十足唔同口味既炒蟹❤勁香雞味既白切雞❤爽口彈牙勁大隻蝦肉既雲吞❤apple crumble蘋果口感軟得黎帶點咬口散發住牛油香的 crumble 食落好香脆可口唔死甜❤乳酪雪糕唔係食起黎好水果隻，係實在既口感，酸甜岩岩好❤綿密鮮甜既蟹粥 100分❤最緊要仲有多款唔同冷凍海鮮，龍蝦 長腳蟹 蟹，食到lamlam利❤仲有其他西式菜式都大大大大大推薦俾大家。❤可能我真係太耐冇食過自助餐，但今晚呢餐真係接近100分，雖然價錢小貴，但絕對值得一試! 特別如果你夠大食，絕對回到本。🥰🥰🥰

呢間係我覺得全香港最好食嘅自助餐。因為我特別鍾意食熱嘢同中餐，依間質素超高。人均消費$800左右。環境舒適唔會迫夾，好高級，每次嚟都full晒。刺身方面好多選擇，基本嘅三文魚，帶子，油甘魚，象拔蚌，馬刀貝，甜蝦等等都有海鮮就有海蝦，蟹，龍蝦，青口等等中菜方面，有我最鍾意食嘅鮑魚，海參，花膠！扒類都好齊，片皮鴨印度嘢西式嘅全部有。中湯有兩款，西湯有一款。仲有得煮湯麵，呢間嘅雲吞係自家製，皮薄餡靚。餐廳間唔中會轉下菜式，近期就有炸生蠔同埋避風塘炒蟹，啲海鮮全部出名新鮮！甜品方面有麵包布甸，蛋撻， Häagen-Dazs雪糕，芝麻糊豆腐花，好多種嘅水果撻南瓜撻，芝士餅，蛋白餅等等都有。如果加入左會員仲有七折添！加上有3小時免費停車。我都已經話係呢間餐廳嘅長客。

朋友到這家酒店staycation，套票包括自助下午茶折扣，於是一行人一起品嚐。餐廳於早年曾裝修過，走型格路線。 食物選擇一般，憑記憶記錄如下: 西式:牛扒、蟹鉗、卡邦尼長通粉、野菌卷、煙三文魚、芝士、麵包、沙律和水果等。 中式:
花膠螺肉燉湯、豉油皇炒麵、炒菜、生滾海鮮粥、豉油皇乳鴿、點心，包括蝦餃、燒賣、野菌腸粉和糯米卷。粉麵檔有數款粉麵，而配料有咖哩牛、丸類和蔬菜等。 日式:約4至5款刺身及紫菜壽司等。 甜品:英式鬆餅、葡撻、南瓜撻、港式奶茶味奶凍、菠蘿椰子味奶凍、冬甩、madeleine、 tiramisu、macaroon和Haagen Dazs雪糕等。 款式主要是以上所述，不過不失，亦平平無奇，較為貴價的食物包括花膠螺肉燉湯、牛扒和蟹鉗，而煙三文魚只吃了一輪，好像未見添加。 先取了西式食物，牛扒算是軟腍有肉汁，三文魚亦嫰滑。 中式食物的燉湯是搶手貨，亦供應不絕，燉湯清澈沒有油份，湯料有一整條花膠及螺肉。 其他中式食物方面，蝦餃和燒賣算是穩陣之選，大大件很飽滿，蝦肉爽口彈牙，而味道可以。 即煮粉麵的配料一般，和在茶餐廳吃到的沒有甚麼分別，咖哩牛入口香辣。 甜品方面

屋企人生日帶左佢地嚟食lunch buffet😍自助餐好難book位，需要預早一啲時間book～ 酒店餐廳環境舒適寬闊，服務質素好好，食物質素好新鮮😍一仲字 “正”💞今次自助餐主攻冷海鮮及花膠😋 鍾意晒兩樣嘅你哋，一定唔好錯過呀‼️🦞🦀🦐凍海鮮 數量都好充足😋有阿拉斯加長腳蟹，麵包蟹，海蝦，田螺等🤭唔使怕冇得食，職員會經常refill ~美中不足就係冇生蠔🥹🐟刺身刺身新鮮，種類挺多的：有三文魚，赤背，象拔蚌，甜蝦等🥘中式食物有幾款係必吃的👍🏻片皮鴨薄切，肉味香濃且油份適中🙌🏻蒜蓉蒸開邊蝦，每隻都好大隻夠蒜蓉香又咬口，嫩滑新鮮，賣相十分之吸引🦐又大又厚片嘅花膠口感剛好，唔硬唔霖😍好入味軟滑可口🤩另外還有蒸龍躉，燴鵝掌等等🍖西式食物主攻燒牛肉和羊架，即時可叫師傅切薄身或厚身，視乎你嘅食慾🥩兩款熟度5成左右，肉質也夠嫩，味道濃郁🍰甜品款式好多選擇🧁🍩 賣相精緻吸引，所有甜品味道唔會太甜，口感一般，最好食係Apple crumble， 還有雪糕有Movenpick和Häagen-Dazs~🍉🍈水果拼盤5-6款水果都好新鮮😍菠蘿，哈密瓜，西瓜十分甜😋除咗營養價值好高，而且味道鮮美&口感豐富Buff

JW咖啡廳的自助餐一直很難訂位，提前了六個星期預訂，果然零舍不同。JW自助餐最大賣點是食材很新鮮，中午自助餐有長腳蟹麵包蟹海蝦等，刺身種類亦有很多，有帶子、象拔蚌赤貝、吞拿魚、墨魚等超級鮮甜。另外必食的就是炆花膠扒，全部都大大塊，而且長期供應，立即refill還有家自製的燒味，叉燒、豉油乳鴿、海南雞、片皮鴨也都是現場即做。總體來說食材很新鮮、種類也很多，可以滿足大家的不同口味，唔怪得要提前咁多去book

JW自助晚餐中西式也很美味，他們的甜品非常美味👍員工態度十分好的，我也很感激你的安排我的Birthday Cake，同時我們也很感謝Joyce & Cash兩位Staff他們很細心地為我們安排好的地方和位置😀

2023.06.28 lunch buffet女友生日，諗住之前疫情咁耐冇乜食buffet，又見呢間用HSBC credit card 預訂先付款有七折！就揀咗未食過嘅 JW Cafe 試，之前就間唔中去The Lounge 食Tea buffet ，我哋都幾鐘意。點知呢度⋯⋯ 食物一陣先講，環境我哋就覺得一般，可能撞啱呢一日多人，好嘈😵‍💫 拎食物嘅位置又好迫咁，再加上，點解完全冇酒店級嘅服務態度😑👎🏼 正想坐低時，又望到成張梳化都係啲食物碎⋯⋯點呀😑一開始就有點不愉快，不過算啦都揀咗，唯有以後都唔會揀呢度！食物方便都算多類型嘅，我啲相都未show㗎，盡量影咋😝 各種食物都算好味，沙律都多種類，有多款菜類同三色椒，又有黎麥牛油果、薯仔沙律都好味😋 仲有生果部，但今次我都冇乜點食，可能一開始唔開心咗，都冇乜心機食咁🤪 煙三文魚都有三款👍🏼😋長腳蟹鮮甜👍🏼😋 其他海鮮我哋冇食，所以評唔到，但望落去都新鮮同幾靚嘅。魚生唔算多，好想有帶子，但冇😂 壽司就只得三款小卷，咁啱我哋隻碼唔太乾淨，叫壽司服務員換一換，點知，佢嘅態度又係麻麻地⋯⋯差👎🏼 熱食我哋唔算食得多，蒜蓉開邊蝦唔錯，跟住有帶子仔

JW tea buffet 鍾意鮑魚花膠嘅你一定唔可以錯過！鮑魚花膠燉湯真係好好飲！人均3碗再食埋其他食物已經值回票價啦你話係唔係啊😆海鮮粥有5種海鮮，包括鮑魚絲、魚片、海參、大蝦同花膠份量好足夠！食哂一碗都幾飽😹建議2-3人share咁就可以留返個肚食其他野～仲有避風塘炒蟹，少少辣，但好香口！沙律吧有我最鍾意嘅火箭菜！仲有香甜爽口嘅黃色椒同紅色椒。刺身都幾新鮮，有三文魚、赤背、象拔蚌、魷魚同甜蝦。中式食物方面，蝦餃、燒賣同雪山叉燒包都係超水準之作！甜品最好食係朱古力核桃brownie, 雪糕有Movenpick同Häagen-Dazs！水果拼盤都好豐富，菠蘿又新鮮又甜，甜到漏！星期六日 tea buffet價錢每位$408 匯豐信用卡有八五折優惠!Buffet時間3:15-5:00pm如果自助餐時間長啲就會更加開心，可以坐耐啲食多啲嘢～

友人舉家移民, 趁機在這五星酒店聚聚, 午間自助餐, 時間長, 人多可用私人房間, 聊天空間多, 食物亦選擇多, 各適其適, 不用担心照顧不同口味需要, 性價比見人見志, 各人有自己規矩, 總算又是個大酒店餐飲經驗, 令人生多了一刻回憶😋

今日一行十人來個自助午餐送別表妹， 餐廳環境舒適寬闊，食物質素非常好，但醉翁之意不在酒，我們只為了聚聚，整餐飯都吱吱喳喳，你一句我一句，非常熱鬧。先來個阿拉斯加長腳蟹和蒜蓉蒸蝦~新鮮美味、花膠~軟滑可口，有咬感，石班肉和炒蝦球~嫩滑新鮮。久違多時的自助餐又拾回當年與同事、朋友共聚的感覺，樂也！

JW Cafe午市自助餐都幾難訂位。我哋上網買換領券要到三個禮拜後先有位。午餐時間由12pm-2:30pm，我覺得有充足時間食嘢。所有食物refill都算快，唔洗擔心冇得食，慢慢嘆都仲可以啊。食物選擇有冷盤、刺身、壽司、海鮮、熱盤等。以每位HKD578嘅價錢嚟講算唔錯㗎啦。每次都係同老人家去食 - 佢哋必吃回本菜式 - 燴花膠、刺身 (總共有8款)、蒜蓉蒸大蝦同埋海鮮冷盤。好難得去食自助餐可以影到啲完整食物相 (我係趁開始前出去求其影咋)。見今次啲相唔係甩頭甩骨就po吓啦😂😂😂)。

終於一嘗ᴊᴡ ᴄᴀғᴇ的ʟᴜɴᴄʜ ʙᴜғғᴇᴛ🍽❥ 凍海鮮 🦞🦀🦐種類和數量都很豐富職員會經常補給 長食長有不過沒有生蠔 有點可惜❥ 日式刺身 🍣有六、七款選擇平時ʟᴜɴᴄʜ ʙᴜғғᴇᴛ少有的赤貝也有👏🏻以自助餐來說 質素是不錯的❥ 中式熱食 這部分也是重點!未去之前已想定有幾款是必吃的꧁ 片皮鴨 正常水準不過ʟᴜɴᴄʜ ʙᴜғғᴇᴛ有得食 都是值得一讚꧁ 蒜蓉蒸開邊蝦賣相很吸引❤︎︎ 蝦sɪᴢᴇ幾大隻 蒜蓉都好足料只是略嫌肉質不夠嫩꧁ 花膠又厚又大片口感如果能再軟稔一點會更好另外還有蒸龍躉〃燒乳鴿〃燴鵝掌 等等都是值得一吃的❥ 西式熱食🥩主力是即切的燒牛肉和羊架燒牛肉賣相不錯 但肉質和味道有點令人失望反而羊架有驚喜味道濃郁但不會很羶肉質也夠嫩❥ 甜品 🍮🍰🍦🍩款式也不少驟眼一看 大部分賣相都挺精緻吸引的但要細心選擇時 就發現真正想吃的好像沒有太多 ʚ̴̶̷̆ ̯ʚ̴̶̷̆可能是個人口味問題吧而雪糕只是得兩三款口味的ʜᴀ̈ᴀɢᴇɴ-ᴅᴀᴢs就真的比較遜色🜚 取食物的位置不算很大餐廳環境亦比較一般不是走優雅路線的氣氛🜚 凍海鮮和中式熱葷是賣點食材是好的 亦有較貴價和ʟᴜɴᴄʜ ʙᴜғғᴇᴛ少有的菜式不過味道

計劃咗好耐，終於食到JW Cafe嘅自助午餐。我食嘅當日係5月1號，公眾假期full就一啲都唔意外，第一輪攞嘢食嘅時候真係人迫人有啲辛苦，之後慢慢就好啲。JW嘅熟食選擇的而且確係冇得輸㗎有花膠，有龍躉，乳鴿，片皮鴨，老火湯等等等等非常之適合鍾意食葉盤同中菜嘅人食。相比之下佢嘅沙律同冷盤就比較冇特別啦。而佢嘅凍海鮮我嗰日有長腳蟹，麵包蟹，蝦，青口等等。正常嘢不過除咗長腳蟹揀啲大隻的係唔錯之外其他都好一般，蝦有啲係梅的。不過講真雖然佢有好多熱款選擇，但係你又唔好預想佢係好好食，真正食落去花膠，龍躉都唔錯嘅，仲有一個蒸蝦都唔錯，但唔錯都係好基本嘅水平，不過乳鴿同片皮鴨食落就真係唔係太好食，乳鴿好乾好乾，片皮鴨肥肉多個皮，所以其實係有少少失望嘅，不過我唔知佢係一向都咁定係只係當日失準。不過總括依然都係要帶屋企人去試一次嘅的而且確係一個唔錯嘅享受

The JW Marriott lunch buffet is a delightful culinary experience that offers a diverse range of dishes to cater to different dietary preferences. While there may not be oysters available, the buffet still offers an impressive selection of seafood, including succulent prawns, perfectly cooked crabs, and a variety of sushi and sashimi.In addition to the seafood, the buffet also features a range of delicious hot dishes, including succulent roasted meats, flavorful curries, fragrant stir-fries, and