Karui Bento

营业中

休息中

早排食完飯走去周圍行，入咗無限極廣場上咗2樓，發現呢間外賣便當，營養好似好好好均衡，好夠蛋白質咁，就走去試佢有好多個選擇揀，又有雞、有魚、有牛、有豬，有成10幾款選擇，我最終揀咗食牛，因叫完外賣，等咗幾分鐘，就有得拎。揀好多餐都係七十零蚊，加兩蚊又有嘢飲。第一次叫呢個外賣，返到公司一打開，有驚喜！ ！ ！蔬菜顏色好新鮮，肉嘅份量好夠，下邊亦都係一個紅米飯，好健康，最重要係有我最愛嘅辣椒。呢個價錢係屬於健康兩餸飯之選，即刻將佢放入名單，可以經常去幫襯

其實呢間已經食過好多次，今日心血來潮寫下食評。自從第一次朋友介紹照燒雞扒配野菜便當($78)，我就每一次都係食呢一個，今日先試另一款泰式咖喱雞配野菜便當($78)。便當整體嚟講份量都好足夠，基本上係唔會食得晒啲飯，建議女仔可以叫少飯。首先，啲飯加咗紅米，感覺好健康，雞扒唔會太肥，而且味道夠足，真心好食。野菜份量基本上係便當嘅一半，有不同種類的菜。但今日食嘅泰式咖喱雞就一般，雞肉夠淋，但味道較淡，而且今日嘅飯比較濕。下次都係繼續食返雞扒飯

如果要買外賣，但又唔想食肥膩兩餸飯，我會推介依間日式便當外賣專門店🍱有豬肉、牛肉、雞肉，魚同素食選擇，大路個個都啱食✨✴️燒牛柳便當✴️牛柳夠瘦，但食落唔會乾柴難咬，仲係好軟熟👍🏻調味上係簡單鹽燒，唔會有重口味燒汁～菜量同飯量各佔一半，佢啲菜係用水煮係落油，加咗少少鹽調味，食落唔會好寡🥦加上佢啲菜無奇怪味，依然青翠爽脆，十分啱健康人士💪🏻✴️靖魚便當✴️靖魚都算厚肉，帶有微微魚油，入口甘香，配飯食一流⭐️

我係第二次食，今次就叫左個燒汁雞扒便當。 基於上一次既經驗，我今次叫左少飯同埋走菇，因為我對菇類過敏，食唔到又係要dum。店員姐姐都好配合我既要求，雖然佢聽到我走菇既要求之後有d兀突，不過我都好感激佢。（有位sister係食評提過女仔叫少飯都食唔哂，但係我唔信🙄，結果自己攞黎受）當我攞個便當返公司之後，先見到有咁多塊雞扒！ 嘩，好在我叫少飯都咋，如果唔係真係食唔哂。我先食蔬菜，有幾片蘿蔔同好多椰菜。口感好爽脆，水份唔多，仲可以食得到蔬菜本身既味道。跟住就係雞扒啦，同我之前食既豚肉便當一樣，都係撒上左芝麻粒。不過我一放入口，先至發覺d雞扒落左黑椒......我本身唔食得辣，連黑椒都頂唔到，佢menu冇寫到。但係我買左返黎，就唯有硬着頭皮食左佢。呢個位我扣左分，因為黑椒影響左我品嘗雞扒既心情。雞扒好嫩口，完全唔乾身👍🏻。溏心蛋白比較稔，依稀見到小小蛋白槳？醃得唔太咸，我ok。白飯好有咬口，唔會太濕。整體黎講，成個便當既食材比例配合得好均衡，而第一日食既豚肉便當令我回味左成個下晝。係雞扒上面有黑椒令我失望，希望貴店可以係menu上提及埋。

減肥有時間準備lunch box🫠外賣食得健康啲就得啦！最近經過呢間 「Kauri Bento」佢地既便當以「健康輕盈」為主，使用少鹽、少油、少糖😎烹飪方式站，為客人提供家庭料理的餐食~~便當有齊牛、雞、豬、魚同素菜等選擇，實有款啱心水啱啱月頭出糧，咁當然要對自己好啲啦，我就揀咗呢一個燒三文魚扒便當🍱裏面有蘿蔔，西蘭花，椰菜花等等，仲有糖心蛋半隻有豐富嘅營養。魚都幾滑，如果再帶晒啲我仲開心🤣澱粉質方面係糙米飯🙏🏻店員講薯仔牛柳便當都係熱賣之一，所以同事就試咗呢一款🤭果然牛柳粒薯仔都好入味😘#上環美食#中環美食 #便當

做完gym想食健康啲均衡啲🏋🏻‍♀️又無帶飯，所以係附近買咗呢個便當🍱味道好，多菜🥦有紅米飯又有蛋白質🍗價錢都ok，啱唔帶飯又想食健康啲🌽靚景指數：冇(外賣)好食指數：💛💛💛💛抵食指數：💛💛💛💛

成日冇時間煮飯，想快啲有飯食叫吓外賣，但係又要健康，講真選擇真係唔係好多Kauri Bento 可以滿足到想方便又想健康嘅我，喺上環再做完gym 買返個飯盒返屋企食啱啱好Menu上面大概有七、八款，全部都係健康嘅肉類，配新鮮嘅蔬菜同紅米飯，夠晒健康照燒雞扒飯$78照燒雞扒好大塊，滿滿優良的蛋白質，修復晒做完gym對肌肉的耗損紅米飯比起白米飯更加高纖，加埋勁多嘅蔬菜更加健康比目魚飯$98食雞食到厭都可以揀食魚，都幾對於唔識食魚骨嘅人嚟講係一個好選擇

放工又要搵外賣諗起中午試過Karui bento嘅便當好大份下做晚餐剛好食返試過嘅薯仔牛腩配野菜便當薯仔牛腩好似比中午更入味🤩牛腩有少少唔同中式味道甜甜地薯仔粉糯粉糯🥰好少外賣有足夠菜蔬但呢個便當有個特點就係野菜份量超多有西蘭花椰菜等等好啱女仔食飯量又多，仲有紅糙米添男仔食都一定夠！女仔仲可以考慮叫少飯🤭米粒圓潤，好好味另外一款揀左味噌比目魚配野菜便當比目魚新鮮即煎所以要等少少時間比目魚主要得一條大骨簡單易食食物包裝用上紙盒餐具都係木製幾環保男朋友讚我第一次買到睇得食得又夠飽嘅外賣😂

Karui Bento主打健康日式便當，舖面簡潔乾淨，只設外賣沒有堂食的～餐單有豬/牛/雞/魚選擇，配合營養比例1/4碳水化合物、1/4蛋白質、1/2蔬菜，還會列明飯盒的卡路里，絕對是上班族的減肥恩物😂這個價錢都算合理~且份量超多的，女生應該吃不完🤣拿回返公司還保持暖暖地～♧ 味增比目魚配野菜便當 $98比目魚肉質嫩軟香口，煎過後魚皮還脆脆的，簡單調味不會太濃味，米飯混入紅米更有口感～野菜份量也蠻多的，還保持爽脆口感，很不錯～♧ 杭椒牛柳配野菜便當 $78牛柳比起上款更濃味些～帶點微辣和類似椒鹽的調味，很好送飯🤣牛柳的份量也很多，配菜就跟上款一樣的～

中上環午餐多菜好選擇🥦🥬🌶️.中上環真係好多唔同餐廳選擇，不過有時想清淡d多d菜嘅選擇就唔多🥹同朋友講起，即刻推薦我試試karui bento，一試愛上😭.每個送會搭配飯+蔬菜+半隻蛋🥚，米飯粒粒分明飽滿好食，想再輕盈d轉全蔬菜便當都係+$12，我覺得即使唔轉蔬菜嘅份量都好足夠💯..✅味增比目魚野菜便當一大塊比目魚，高蛋白選擇～✅薯仔牛腩野菜便當薯仔牛腩嘅份量真係嚇親，軟嫩入味超滿足🈵️食肉獸比食..🥦蔬菜口感爽脆（比較生）我鍾意軟d嘅會拎d菜去叮叮🤭

之前午餐時間試過一次呢間便當🍱 方便快捷又健康💚 見佢開咗間新店喺上環就再一次買個午餐👍🏻 一如以往地有水準最緊要補充平時Lunch吸收唔夠既蔬菜同蛋白質😋⭐️ 照燒雞扒配野菜便當 🍗雞扒燒得香脆唔會乾🐔 嫩滑又唔肥😊用咗胡椒味調味口味唔會單調😛值得一讚仲有半隻流心蛋營養一流🍳⭐️ 味噌比目魚配野菜便當 🐟比目魚調味夠日式好有家常的感覺🏠岩曬喜歡清淡D既朋友 ❤️⭐️Karui Bento (上環)📍 上環德輔道中199號無限極廣場1樓106號舖

同同事苦腦lunch 食咩好，系無極限見到有間輕食便當外賣，日系便當🍱低卡路里，無油烹調，啱曬附近OL🤔薯仔牛腩🐮配野菜便當🍱$78薯仔🥔牛腩好入味，細細粒方便咬口，而且牛腩炆得好淋，有腩汁仲可以撈飯🥰味增比目魚🐟配野菜便當🍱$98比目魚有2條細，香煎過，魚油更出，魚皮系脆，魚嫰滑，一d都唔腥飯採用紅米，白米混溝，紅米飯膳食纖維更高！便當中有一半野菜，啱曬都市人買外賣冇菜食🥺仲有半隻溏心蛋🥚整個份量食完有飽肚感➕便當符合食物金字塔，健康比例🔺喺附近返工嘅人就有福啦🎉味道🔺🔺🔺🔺環境🌟🌟🌟🌟Cp🎉🎉🎉🎉📍Karui Bento (上環)上環德輔道中199號無限極廣場1樓106號舖

星期六冇出去食但係都去咗買左take away. 為咗要配合返營養師嘅餐單所以都揀番一啲比較健康嘅餐廳🍴我哋走到去上環嗰度試一試而家都幾Hit嘅kauri 🍱 佢有素食、豬、雞、牛同魚，都好多野揀！我就揀左三文魚野菜走飯💪🏻 三文魚好大件，味道正常唔會太干，下面超級多菜！係唔想食沙律的好選擇😋😋另外揀左汁燒豬肉！調味甜甜的，好好送飯，一樣配左唔少菜架🥳套餐可以用優惠價兩蚊換飲品，好抵呀！

喺中上環返工食晏有時唔想同人迫，都會買外賣返公司食。普通快餐店都5、60蚊一個頹飯，咁不如我揀呢間位於無限極廣場1樓嘅Karui Bento日式便當外賣店啦。日式便當價錢$68-$108當中$68嘅就係「 麻婆豆腐配野菜便當」，岩晒素食人士。餐盒及外賣紙袋都乾淨整潔，食晏都有返啲儀式感，喺繁忙嘅工作中可以放鬆一下。即點即翻熱，所以都要等一等。雖然係外賣但係賣相唔錯，幾吸引～Grilled Norwegian Salmon w/Veggie Bento挪威三文魚配野菜便當 💲108三文魚都幾大條，有成個飯盒咁長。魚皮脆脆地，魚肉都滑有肉汁，無魚腥；係穀物飯比較健康，仲有糖心蛋同埋蔬菜，感覺營養好平衡，健康嘅午餐。Roasted Pork w/Veggie Bento燒汁豚肉野菜便當 💲78豚肉好惹味，仲有啲汁撈飯，其餘都好好。

香港人工作生活忙碌，食無定時，經常幫襯外賣便當的我，平時亦怕了再食充滿醬汁，非常不健康的快餐外賣飯盒，最近見到上環無限極廣場1樓有一間外賣便當Karui Bento。Karui Bento主張健康飲食，少鹽、少油、少糖及無化學物添加的烹飪方式，感覺輕盈健康。便當款式約有十款，有燒汁豬肉、杭椒牛枊、薯仔牛腩、鹽燒鯖魚、味增比目魚、挪威三文魚等，素食亦可選麻婆豆腐。照燒雞扒配野菜便當$78便當全部即叫即製， 熱辣辣，下單後大約等10分鐘。照燒雞扒外皮金黃色，無油烹製，雞腿肉鮮嫩多汁，掃上日式照燒汁，鮮甜美味，配以五種新鮮蔬菜、溏心蛋及紅白米飯，非常飽肚。挪威三文魚配野菜便當$108選用了挪威三文魚，富含OMEGA-3和不飽和脂肪酸，幫助皮膚抗皺及保濕，少油煎烤，保持到三文魚的營養價值，三文魚肉質嫩滑，充滿有油香，紅糙米配上溏心蛋、西蘭花、椰菜花和甘荀，香嫩可口，豐盈滿足。