影片
开饭介绍
充满复古昭和风的日式吃茶店，联乘香港赛马会开设，店内以60至80年代日本经典元素，以及怀旧竞马精品作布置，相当有特色。
继续阅读
营业时间
今日营业
12:00 - 21:30
星期一至日
12:00 - 21:30
以上资料只供参考，请与餐厅确认详情
有关奖赏计划
位於灣仔街市附近既呢間馬會今年重新裝修總開埋餐廳採用復古日式喫茶店風格提供日式西餐料理食物由Sensory Zero提供✨明大子蜆肉蛋黃醬意粉$98✨蜆肉大大粒好新鮮明太子味道出眾 配埋意粉好好食！同我以前係北海道食開個個好似都係咁好味😋😋✨痴_線朱古力$50✨未食之前心諗有幾痴_線呀？總要$50一杯😅黎到心諗：嘩真係好crazy…成杯野整得好靚好IGable無論咩角度點影都靚但味道就…一杯朱古力味好重既朱古力咁囉🤓$50我個人覺得唔係好值試一次就夠🤪整體黎講個體驗都幾好服務好好環境不錯不過座位偏小同多人排隊Lunch食預左要排最少20分鐘
继续阅读
今天諗咗好耐都唔知去邊度吃午飯，突然想起公司附近的春園街投注站開咗間新餐廳，一行二人便去試試，入到去見到環境也不錯，但枱與枱之間就太密，用膳時間1小時，我們一坐下就有投注站職員問我們有沒有投注戶口，如果即開便有$100優惠券及馬仔做形環保袋，條件是要立即下注$20（足球和賽馬各$10），由於我同事咁啱沒有投注戶口，我們便可即時享有這優惠。菜式方面都算有幾多選擇，雖然沒有set lunch，但加$10有個湯，價錢雖不算便宜，但地方和招呼都好好；我哋點了一個吉列蠔溫泉蛋撈烏冬便當及一個大蝦意粉，賣相不俗，但個意粉略嫌辣咗啲（餐牌沒有註明這點），兩個食品均味道偏濃，吃完好口乾；不過，整體來說，也值得一試😉
继续阅读
環境高尚有格調，有好多馬仔的擺設。見有下午茶餐$68，相對午餐同晚餐算抵，一於入嚟試下。女服務員親切有禮，招呼周到。叫咗西京燒三文魚Don飯，先上咗杯自家製薑汁熱紅茶，薑蓉細心地另外分開上，薑濃度自己控制，鍾意薑多，全部落晒都唔覺辣，甜度亦剛好，飲起上嚟，感覺胃暖暖的，好舒服，對女生友好嘅飲品！三文魚定食有麵豉湯，少許開胃酸瓜，主菜煎到魚皮同邊位有少少香脆，魚油透亮，黑胡椒令魚更香更滋味，配上軟熟珍珠米，一陣光盤，好食！
继续阅读
今日特意到灣仔的某新商場行下。原來商場內有好大間的任天堂店。行完之後，便繼續留在灣仔找野食。行下行下，不經不覺，無意中見到一間裝修幾靚的餐廳。初時都沒有為意，點解食物旁邊有馬的公仔。我抬頭望望間餐廳，又發現，同隔離間馬會咁似樣既？？？之後先知道，竟然是馬會開的餐廳？可能我有一段時間沒有在灣仔行啦。原來呢條街都轉變了頗多。好多以前見過的餐廳。。。都消失左。。。所以都出現了一些我從未見過的餐廳。其實，本身打算去食另一間餐廳的咖喱豬扒飯，但因為時間尚早，餐廳仍未開始營業。因此，我們便決定到這間未食過的餐廳食飯啦。內裡有好多部電視📺，台都是很靚的木，椅子都坐得舒適。不過，餐廳最重要，當然是「食物質素」吧！我們點了一個特色鰻魚飯定食，及燒黃油雞。鰻魚定食，都是正常！鰻魚都算厚身厚肉，味道正常。味增湯略嫌有少少鹹。整體是ok.另外一道「黃油雞」。好攪笑是，隻雞沒了雞翼。但有雞髀🍗。雞髀以外的肉，不算滑，都有少少乾。薯條正常，配菜沙律🥗都正常。味道👅正常，但性價比不算高。
继续阅读
朋友介紹灣仔一間馬會餐廳，我被焦糖日式布丁吸引住，真係為呢個而來食😜就嚟萬聖節，見到侍應都有少少裝扮👍🏻服務親切有禮！下午茶set都好抵食，大概60幾蚊包埋飲品！日式焦糖布丁：賣相好吸引，呢個推介👍🏻上面仲有cream同埋車厘子，好香濃嘅蛋味，再加上焦糖，食到好滑，下午茶之選雙份東京炒麵全餐$58：外面係熱狗麵包都幾軟熟，裏面包住炒麵,炒麵份量都超多西京燒三文魚丼飯$68，我開頭以為係碗上下面飯上面鋪住三文魚😂呢個係分開上，好似定食咁，燒得好香，連魚皮都好脆，送飯一流，另外仲有麵豉湯香蔥玉子燒$38:呢個都幾特別，都比較少見，玉子燒香濃嘅蛋味夾住香蔥味雞軟骨餃子$42:有四件，炸得好脆，裏面有啲軟骨都幾有口感另外飲品可以揀罐裝氣泡檸檬鐵觀音，泡沫咖啡張枱有少少細，可能我哋叫咗好多嘢，環境都算唔錯，估唔到呢個親民價錢，食物水準都好好
继续阅读