Kim's Spoon (南豐中心) (已結業)

Kim's Spoon以前往韓國旅行也沒有試過他們的地道早餐，通常都是吃一些西式早點，這天早上 去到荃豐中心， 才知道Kim's Spoon 有早餐供應， 大部分都是韓式的食品， 有少量是配合香港人口味的選擇。我揀選了韓式粉絲配紫菜捲 加玄米漿$35。玄米漿是常溫的，有一點像杏仁茶的味道十分香，比豆漿更岩我口味。紫菜卷的紫菜比較煙韌，配料的味道很配合。 粉絲有點黏口， 有雞蛋絲，胡蘿蔔絲和蔥絲，再加上幾條青菜，覺得配料太小了，唔夠食呀！ 哈哈哈。。。。

當晚同屋企人（4人）一齊去食叫左5樣嘢食同4杯特飲徐反開都係每人$100左右但冇樣樣嘢食影相😂價錢經濟質素一般可以接受薯仔煎餅好好食鐘意甜食值得一試但可能侍應唔夠叫左好內冇人應

韓式餐廳真係好多，見到呢間有做discount，於是試下佢。其實開左好耐，不過成日都留意唔到佢既存在。叫左個牛肉米紙卷。好得意，成個感覺好越南。入面有好多牛肉、夢卜絲、青瓜絲同飯，點埋個越式酸甜醬，成件事好healthy!

在荃灣南豐中心，著實沒甚麼好吃的餐點，一是掃街，一是吃連鎖快餐店🤷🏻‍♀️這天在二樓遊走累了，便去了Kim’s Spoon吃個下午茶，順便休息一下。Kim’s Spoon的人流非常少，下午茶餐點亦沒有太多選擇，由於我不吃牛的關係，所以點了「特選紫菜卷」。不選牛肉的話，裡面的餡料就變成蟹柳和火腿，不過紫菜卷上桌時有些已經散開了。份量不算很多，不消一會就吃光了，當作下午茶算是不錯，味道略淡，大小算適中，一口可以吃掉一顆。每張桌上都有個瓶子裝著泡菜，可以隨心添吃。味道微辣稍咸，適合用來增添紫菜包飯的味道。下午茶送贈飲品，K小姐點的是熱柚子蜜，是普通罐裝柚子蜜沖調的味道，不過不失。唯一讓人有些少不滿的是，結帳時waiter的態度不太好，不但完全沒有看客人一眼，也欠缺笑容，最後連「謝謝」也沒有說，似乎想盡快趕K小姐走～讓人也沒有意慾幫襯下一次了....

💕極邪惡之晚飯精選💕No.1👑千島醬薯條芝士年糕溶溶芝士配上脆脆薯條 配搭得宜  真心好好味No. 2👑 卡邦尼煙肉意粉雖然呢款菜色經常都會搵到但係creamy嘅醬汁好香奶味  令人感覺好開胃不過食得多就會覺得有啲膩點講都好  醬汁正 🙆🙆😄

夜晚約咗兩位好友去南豐中心食韓國野。訂位訂咗七點，餐廳比較大，所以雖然有其他食客，但唔會覺得好逼。三個人點咗四樣野，包括牛肉紫菜卷、醬油炸雞、石頭飯同埋焗芝士薯條年糕。紫菜卷睇落唔大份，但勝在料多，食三、四件已經有少少飽。醬油炸雞差唔多件件都係雞脾肉，好有誠意石頭飯口感比較硬，而且好多飯焦，如果鍾意食飯焦，可以試下。薯條同年糕既配搭，喺韓國冇食過，不過兩者加埋又ok整體嚟講餐廳既食物同服務都唔錯，大家都覺得滿意

環境舒適價錢親民正宗韓國菜Kim's Spoon 今日同妹妹一齊出嚟買靚衫準備下個月去朋友婚宴..行完一輪梗係要去搵地方以下個肚仔啦..天氣咁熱真係冇乜胃口食嘢.所以諗住食韓國泡菜成一整個胃經過見到南豐中心呢度有間韓國菜餐廳所以就入嚟坐低試下啦我哋完全唔使等位直接已經可以入去坐.我叫咗個韓式泡菜牛肉飯.姐姐就叫咗個韓式牛肉炒粉絲 韓式泡菜牛肉飯 真係估佢唔到舊飯咁大碟 ,大大個飯再配埋紫菜牛肉泡菜 蘿蔔絲同埋生菜絲.個牛肉有少少微辣非常惹味即刻個人醒神曬.佢啲飯面頭有啲紫菜.撈埋啲飯一齊食真係勁惹味.韓式炒牛肉炒粉絲 佢個炒粉絲份量都非常之大牛肉一大堆根本就食唔曬.粉絲非常乾身爽口完全唔會話炒到林啤啤嗰種感覺.餐廳環境非常舒適.佢哋亦都有bb櫈同埋有小朋友餐具就算同小朋友一齊嚟食都好方便唔會怕麻煩總括:餐廳環境舒適.地方寬闊.上菜速度非常快.唔使五分鐘已經嚟齊曬所有食物同飲品.員工服務態度良好會主動幫我哋拎餐具同埋加水.就算我囡囡倒瀉咗水佢哋都即時過嚟幫我哋清潔.仲關心有冇整親我囡囡.服務非常貼心.食物非常之高品質.真係有正宗韓國菜嘅味道.我一定會再來的

有事要過來南豐中心這邊處理, 2點半呢個時間都係食番個下午茶, 之前食過呢間既lunch, 質素係ok 既, 點知今次個下午茶就令我有d失望...唔係話難食既, 係同想像中有d落差...下午茶時間店內好少人, 但個店員比menu 我時就唔記得比埋個下午茶menu 黎, 要開口問番佢先記得比, 不過佢都好快手同有禮. 叫左個紫菜卷配炒粉絲再加熱薑茶, 48蚊.個紫菜卷一上桌已經覺得有d散散地...味道都幾麻麻...d飯都幾硬....粉絲仲好食過佢....下次都係食lunch先過黎.... 

近年香港興起一股韓風熱潮，多數都光顧韓式烤肉店。但每次吃完烤肉回家都會有一大陣燒烤的味道這家韓國餐廳，都會預先放了一大碗泡菜在枱上供客人任吃⭐️石頭鍋飯 $88上枱的時候還超熱，吃到底有飯焦⭐️牛肉紫菜卷 $58紫菜卷微暖，米飯香糯，但包得有點鬆散。⭐️芝士Pizza $95配上蜜糖吃很新奇有趣。真的超多芝士，可以拉超長拉絲。但pizza美中不足沒有完全切開，當吃起來有點麻煩⭐️炸餃子 $58味道完全沒有特別，必定是叫貨來的。-店員服務有點怠慢，整個場只有2-3枱客人，但他們一般都聚在一起。

又到左午飯時間啦，荃灣多食事就係人都知嫁啦，今日搵到呢間韓國餐廳，到咗中午時間都幾多人架，好彩我早左兩個字放飯所以先唔使等位。餐廳入面裝修簡單，但係坐得好舒適。至於食物方便都好有水準架，佢嘅韓式泡菜係會放喺枱面任你食嘅，所以鍾意食泡菜嘅朋友，真係一流呀。今日我叫咗個午餐，係泡菜豬肉拌飯，份量都好大㗎 ，一個女仔真係食唔晒。佢除咗有泡菜豬肉仲會配左啲配菜，最緊要係有我最鍾意食嘅韓式粉絲，都住得好夠味架，而且仲有一啲大豆芽，木耳，仲有一啲菠菜，再加一隻蛋，令到我覺得你一個午餐營養好豐富。而且價錢實惠唔算貴，真係值得一食再食

是日姐妹聚，朋友說想食韓國菜，不知道為什麼第一時間想到這間南豐的Kim’s Spoon，那就試一試吧。 ▼👌🏻至尊純豆腐湯 ($68) 豆腐湯味道不錯，材料仲算豐富，有金菇、冬菇、翠玉瓜、雞肉等等，當然少不了那生雞蛋，撈勻後送飯一流，湯頭不算太辣，一般人都易入口。 ▼👌🏻Brunch泡菜豬便當盒 ($88) 韓式Brunch真的第一次見！這個便當盒種類非常豐富，可惜整體質素只屬合格特別是魚蛋，煮得太軟腍，太易爛的感覺，粉絲比想像中淡，其他東西則屬正常品質。

看到Kim's Spoon連早上也有開，刻意推賣一些韓式早餐，如韓國串串魚蛋、韓式紫菜卷，價錢大概$40左右，而這時是推廣價更便宜，便進去一試！早餐款式亦有9樣，我們點了一個傳統滋味餐及傳統拌飯。傳統滋味餐，包括：泡菜粉絲作前菜、魚蛋1串、紫菜卷4塊及一杯熱玄米漿！魚蛋跟韓國街邊的魚蛋一樣啊，不過個湯就沒有胡椒香辣味，可以不試！紫菜卷欠缺最重要的痳油香！而青瓜等配料都較硬身。最令人驚喜的是杯玄米漿，很濃厚很滑！傳統拌飯不要抱太大的期望，普通的有筋牛肉...所以大家還是午飯、晚飯時段來嚐嚐吧！

由於男朋友在荃灣上班所以就去了荃灣找吃饭餐廳位於南豐廣場附近很易找，服務員很貼心 為我們選擇了一個靠窗邊的位置每張座位也有放 一罐泡菜作為前菜我們叫了三樣食物兩杯飲料上菜速度還好不算太久，我們叫了一個甜辣雞， 有米子壽司芝士牛肉炒公仔麵， 西柚梳打和生薑檸檬蜜甜辣雞粒嘅份量剛剛好不會太多，米紙壽司的口感十分清新，較為遜色的是那個牛肉芝士炒公仔麵因為他比較油膩，但總括而言整體是不錯，我們會再過來光顧

同友人慶祝生日，今次嚟到食韓國菜，店內裝修5錯，幾有feel一坐低，已經有一大dull 泡菜喺位度任你食，值得一讚自己鐘意食幾多就食幾多，無人話你一早已經決定好要食紫菜卷，其他就由友人們選擇牛肉紫菜卷，差左d韓國最鐘意落既麻油味，不過，都幾好食人參雞，d飯痴住左個底，個湯好杰，d雞煲到骨都溶溶地，不過好重味精，依個價錢嚟講，一般，可以5叫叫個特別d 既薄餅就出事，好難食，5 match 個底好多粉，個面既沙拉同成件事都5 match ,千其5好叫牛肉米紙卷，中規中矩，個牛可以整得再入味同淋d依個係勁古怪，完全5夾，keep it simple , pizza 醬加年糕，一pat嘢咁，杰嗒嗒完全5想食可能我地太新奇，叫d不太正宗既韓國菜，不過任Fill ge kimchi 值得讚既，有機會可能如果再食既，會揀翻韓國既嘢食

最近媽媽好迷韓風 就去咗呢間食叫左二人餐 分別有前菜 小食（叫咗炸雞），兩款主食（海鮮豆腐湯配飯和鐵板海鮮烏冬）炸雞 雖然唔係大大隻同炸到勁脆 佢比較似雞件 又脆 肉又多 而且外皮粉漿薄 淡淡甜豉油味 唔會蓋過雞既香滑 P.S 沙律菜不要睇少 佢落既醋好好食 好食到想問佢係邊買海鮮烏冬好好食 好有大排檔岩岩炒出黎既鑊氣feel, 烏冬仲好彈牙 而且都好多海鮮 好多魷魚仔同蝦 配上爽口的椰菜和翠肉瓜 好味海鮮豆腐湯 少辣 雖然海鮮同海鮮烏冬既一樣 但唔會飲到好渴 而且豆腐配湯真係好match, 飲到底會好濃味 但配上飯 減去重口味之餘 再食件蝦 蝦殼包住湯汁 再食到有蝦膏味 好豐富