Kubrick

营业中

休息中

蒞過三四次。野食一般，價錢都可以，只係服務態度真係好差。差到我要特登黎打劣評（平時鬼得閒打咁多野？）蒞到偽文青cafe緊係想過一個放鬆悠閒嘅下午。但當個店員一開口問要咩，個種不耐煩嘅神態令我以為入左澳牛。我一開始都不以為意。但當我問佢地有冇wifi時，店員一句「冇喎！」，令我有種錯覺覺得自己要求cafe有wifi係好唔人道。總結，蒞一次影下相呃like就算。隔離既書唔比錢的話都唔可以帶過蒞坐低睇。有乜為？

來電影中心就多，有時未入場都會來呢到睇下有冇好書買，一直都想試下呢到咖啡，今晚終於品嚐到喇。我們二人八點幾散場後來到，雖然人流行多，但不失寧靜，非常好。在Counter點好晚餐搵個好位，十分鐘後店員陸續上餐：-❶ 火箭菜型枝竹風乾火腿沙律 Artichoke and Rocket Salad with Parma Ham ($68)有芝士Parma Ham蕃茄乾配火箭菜好食，只略嫌沙律汁的油多了點，食到最後一口都係油，整體係抵食嘅。❷ 牛背扒配薯條 Blade Steak with Fires ($128)肉質肉味幾好，冇overcook，薯條夠熱脆口好好食。❸ 凍愛爾蘭咖啡 Iced Irish coffee ($52)最高一層奶油好滑，威士忌味唔重 (重D就更好啦)❹ Mak’s Brewery x Kubrick 哲學醞釀啤酒 ($64)一個字，好飲！麥味同咖啡味兩者恰當，飲完仲想飲Total: $312

2019年11月28日因為要商談事務加食晚餐所以選擇了油麻地的Kubrick Cafe，此店空間大，座位充足，所以在七時半的黃金時段到店也不難找到位置。當然以防萬一你也可以提前一天致電訂座。菜式的選擇多樣，有漢堡、沙拉、全日早餐，當然少不了意粉。飲品也是五花八門，茶品、咖啡，甚至提供特色啤酒。我與友人最後選擇了卡邦尼意粉，加配餐湯和麵包，另點一壺伯爵茶。食物質素屬於中上水平，在此一要特別讚揚這裡的員工！他們的服務態度非常棒，點餐時不但積極給予意見，而且全程臉帶笑容，令人心情愉悅。上餐速度也非常快，我們悠閒地享受晚餐，在Kubrick 度過了滿足的一個晚上。(帶著微胖身軀的可愛男店員令我們印象非常深刻呢~)

已經唔記得係第幾次黎🤣呢度環景好舒服，半邊係書局，半邊係coffee shop，平日都好多人黎帶住電腦飲杯咖啡坐返一個下午，而我就好鐘意食佢既carrot cake，份旺好足又唔會好甜，送咖啡一流～

呢個咖啡店喺個屋苑入面，價錢唔算平，份量唔算多，但勝在痴實百老匯電影中心，開場前去食下野都係個唔錯既選擇。之前飲過呢度既咖啡一般，今次就慳錢剩係叫碟意粉。呢度半自助形式既，去counter落單比錢，攞返塊牌返黎等staff送餐。芝士肉醬意粉賣相算ok，茄汁酸度適中，醬汁夠熱所以啲芝士粉好快就mix晒落個汁度。肉碎既份量適中，唔會太大粒，幾好食。意粉方面硬度都ok，比al dente偏淋少少，但咁啱呢排胃痛，食碟淋啲既意粉啱晒。

尋日得閒由土瓜灣行去油麻地食個lunch，沿途行下，睇下風景，都會行到一d無咩會經過既地方。去到餐廳，一入門口，左邊書店，右邊食店，行左陣書店就坐低食野。清清靜靜既環境食野係幾寫意嫁，叫左個卡邦尼意粉，沙律，一杯mocha，個意粉ok，正常水平，個沙律好酸，d汁酸到呢，set餐既沙律唔好點，另外杯mocha，無見其他人影相既咁靚，味道都係ok la，我覺得呢樹主要食環境，味道既正常就算，之後有時行過可能會黎食既，不過就唔會特登入黎食啦

集齊了書店、文具店、咖啡店於一身的Kubrick, 旁邊就提戲院和cd 店，絕對是一個文青好去處。在這小區中建立了一個獨一無二的角落，讓大家休息。店內會有不定期展現，有關於文字敘述和插畫等。而書店有大量文藝書籍，可選擇一邊看書，一邊飲咖啡，休閒地渡過假日的下午。店外向著的是平凡的屋邨，放學後的時段都充滿了小朋友在遊玩，非常熱鬧。薰衣草咖啡完美地特顯了薰衣草的香味和咖啡的苦澀味，再加上鮮奶作緩衝。一開始先會品嚐到薰衣草清新的香味和淡淡甜味，然後再慢慢地滲出咖啡的苦味。榛子咖啡榛子原本獨有果香味加上咖啡，往往是讓人溫暖的感覺。層次沒有薰衣草咖啡分明，反而是融合得非常無暇。

油麻地戲院一向是文化人聚集之地, 期間的書店連CAFE KUbriCK係一文化氣息滿滿的餐廳, 是日於此地食晚飯。Americano新鮮豆, 味偏酸唔澀口, 但咖啡味唔太濃同香特式芝士牛肉漢堡由於我要生酮飲食嘅關係, 我問個CASHIER漢堡能否不要包, 轉生菜得唔得, 之後佢問個大廚, 大廚出嚟問我, 想點......我同佢講我唔食得澱粉質, 佢就好配合咁話, 咁我同你轉做生菜底夾住個漢堡啦, 事就這樣成了, 食味就都係果啲CAFE味啦, 個車打芝士係靚貨, 奶味濃好出車打芝士味, 牛用漢堡啲肉打得幾好, 唔死實, 有肉汁, 食落鬆化, 生菜係多汁, 好新鮮。環境好舒服, 餐廳無乜食物味, 濃濃的書卷味, 廚師配合度高, HEA座同朋友吹水係一個唔錯嘅場。

所謂的文藝咖啡館，最重要的，不是咖啡，不是食物，不是裝潢，而是氣氛、心情。懶洋洋的一個下午，帶著讀到第39頁的《罪與罰》，買了兩句鐘後的電影的票，走進Kubrick Cafe。 「你好！」「⋯⋯」店員一言不發望向我，眼神透過眼鏡發射著「快__啲叫嘢食咪咁多聲氣」的命令。一頭黃油、髮線後退、身型腫脹、滿面橫肉的他，令我有種時空交錯、立刻進入了茶餐廳的感覺。在這家裝潢浪漫、文人集中的著名咖啡店，居然藏著這麼一隻「加西莫多」，而且是不善良的，看來是巴黎聖母院大火後某種錯配的回魂吧！

咖啡廳的裝潢很有暖和的感覺，咖啡廳內有書店，很有書卷氣息，並有不少特別文具精品發售，書店配咖啡廳把整個空間延伸起來，感覺寛闊，坐得舒服。食物味道不錯，漢堡包很juicy，汁都漏晒出黎，好有份量，食得好飽。只是配餐飲品雖有顏色看似特別，但味道真的沒什麼特別，就是糖水加冰水，另外收費也不算平，沙律比較乾，如配點沙律油或配上少許沙律醬也是細心切想的舉動。芝士蛋糕頗滿意，北海道牛乳味很香濃，咖啡也合口味。過去經過該店都坐滿人，今次周末午餐也能坐得舒坦確是難得。

相信去得cafe嘅人都想上下網同朋友傾下計，原本我地去呢間野既原意係想同旅伴飲杯野上網睇下行程，Order版上有Wifi字眼，落完單先發現無Wifi。問所有員工都係話無Wifi，明明有3個Wifi但全部都唔share比客人，真心覺得中晒伏。最後全程用自己電話data上網，m記起碼都有30分鐘呀大佬🙄野飲算OK，為起平均50幾蚊一杯。書店個邊嘅書未比錢係唔可以拎過cafe個邊，即係其實無咩意思，gimmick野居多。

🍰北海道牛乳芝士蛋糕Hokkaido Milk Cheese Cake🍰玉桂芝士蛋糕Crumble Cinnamon Cheese Cake🥗藜麥甜豆牛油果沙律配醋汁Quinoa In Vinaigrette With Avocado And Sweet Peas與朋友相約到這間坐落在油麻地一個不起眼的屋邨中的Cafe到達後我們如常地各自到Cashier點餐然後取了收據便回到座位上數分鐘後店員捧來了蛋糕碟子上畫了三個人仔細欣賞發現店員並非隨意地繪畫而是把我們三人的樣子畫了下來更細心得連衣著神情髮型等細節也捕捉了一間窩心親切的店-食物品質亦非常高蛋糕甜而不膩吃完會想要吃一件再加上附上新鮮蘋果作點綴的蘋果茶解膩吃完沒有半點負擔

今日難得要去油麻地返工，當然想嚟食返餐好嘅，又想得閒做下文青，所以今日就嚟咗油麻地百老匯電影中心嘅餐廳Kubrick一入嚟餐廳，基本上左手邊就係書店，右手邊就係餐廳嘅地方，感覺非常光鮮高雅，亦合適大家飲住咖啡嚟打書釘，什至嚟打卡。由於諗唔到食乜好，於是叫左個全日早餐。牛角酥嘅外皮非常香脆，外脆內軟嘅感覺非常之好食。兩條腸仔都有香草味，亦係脆皮腸，感覺唔錯嘅。兩塊煙肉就有驚喜，因為煎得好脆身，同時冇乜肥肉感覺健康。不過煎蛋就比較失望，因為只係普通嘅荷包蛋。個餐仲有薯餅番茄同茄汁豆，呢啲表現正常啦。加錢要左個泡沫咖啡。咖啡味濃郁亦都順口，加上靚靚嘅拉花，非常滿意。不過食個早餐再加杯咖啡，就承惠148個大洋。

假期總愛出外走走，信馬由韁，思緒會帶你走進寧謐處。油麻地是個矛盾之地，彌敦道的繁囂讓人喘不過氣，但一拐個彎，走進白天的廟街，走進果欄，走近警署，截然不同的風貌讓人對這舊區渴望重新認識。這裡有個駿發花園，花園不著名，著名的是這裡有個百老匯電影中心，有不少非主流電影在此上畫，有一所賣非主流書籍的書店，於是吸引不少人來呼吸一下文化氣息。而Kubrick就是在這氛圍下，招呼一眾文化人。來這裡，你可以隨便找個位置坐坐，然後到櫃面看看有啥吸引，我最愛這裡的咖啡，latte macchiato、flat white皆不俗，此外還有一些花香咖啡，曉有特色。需要裹腹的話，pasta會是不錯的選擇，誠意推介spaghetti in squid ink with prawns，肉醬沾粘著每條意粉，還有微辛惹味的肉丸。此外，spaghetti carbonara也是不錯的選擇。坐在這裡，看看書，放空一下，渡過一個慵懶下午，可謂樂哉！

一定都認為呢度食物及環境不錯本來開開心心放假黎食晚餐由點完餐後已想攞杯水飲下點知行到埋去得冇杯諗住佢地可能多客收唔切杯轉頭再斟食到中段朋友又出左去一次都仲未有杯都算已經食到好口乾食完頂唔順朋友又出左去一次仍然一隻杯都未有於是好聲好氣地問其中一位職員可唔可以比隻杯裝水飲結果店員話洗唔切冇水杯朋友話咁可唔可以比隻咖啡杯個店員竟然話洗唔切呀 一隻杯都冇呀大佬呀 都係想飲杯水姐 你d水又裝晒一支支係度 杯都唔肯比人 你咁既態度唔知以為叫你比杯咖啡我。。。其實我見到當時佢同時已經收左幾隻杯入去 我寧願你叫我等陣 等你洗隻杯比我 或者比個裝沙律既碗仔都得呀 好過同客講一隻杯都冇喎本來欣賞意精真係好食 但聽到真係無奈又成肚氣咁走！這樣的態度令人卻步下次仲要唔要去，非常討厭。作為服務業，好好反省下應該如何處理事件較為恰當吧！