Kuru Kuru自家製手作意粉 (已結業)

這日下午來到荃灣 8 咪半，諗住去樓上的宜家傢俬逛逛，不過咁岩我行到 1 樓，經過這間日式手作意粉餐廳 Kuru Kuru，於是便決定入去吃點東西。最近新出了 2 款意粉 menu，都係做緊試食價 $48，看來都幾抵食。今次我決定要試試賣相看來很吸睛的「蟹棒蕃茄忌廉」。店內環境都幾雅緻，光線明亮，感覺幾舒服，尤其牆壁的意粉製作程序，感覺都幾生動有趣。Kuru Kuru 的意粉每天都由擁有 30 年經驗的日本職人新鮮製造，相當具誠意。這裡的意粉均採用意大利生產的粗粒小麥粉及 100% 橄欖油，並且用攪拌器製作，令麵條更具煙靭度，口感更順滑。午巿套餐價加 $12，便可額外享用沙律、餐湯及飲品，另外我又叫多一碟小食，所有食物放在一枱，感覺相當豐足呀。這天的餐湯是蕃茄湯，看起來湯底質感較稀身。但蕃茄味道適中，味道不錯，不會過甜或過酸。沙律午巿套餐再加多 $3 便可選購一杯特飲，今次叫了這杯菠蘿果茶。果茶冰凍涼浸浸，茶味濃香回甘，亦有許多菠蘿肉平衡到甘甘的茶味，咬下去鮮甜多汁。另外因為這朝沒有吃早餐，太肚餓的關係，便叫多一碟小食 - 炸茄子配自家制肉醬。茄子雖然被炸過，但難得留有茄子肉汁，口感既

蟹棒蕃茄忌廉意粉 $66去到先知冇左個$48優惠好sad不過幾欣賞個汁味道balance得岩岩好😍 蕃茄味係溫和派 同忌廉幾夾意粉標榜係手作自家製 充滿嚼勁同小麥香 唔錯😋不過蟹柳份量唔多 個蟹殼只係裝飾 唔係咁抵食菠菜三文魚忌廉意粉 $69個汁較乾同淡左少少 creamy返d就好啦配料味道都ok午市套餐+$8有沙律/餐湯+飲品 +$12就3樣有齊是日餐湯係蕃茄湯 睇落稀稀的伏伏地咁 飲落有d蒜香 都ok的沙律都正正常常吧❗午市都要加一服務費btw呢度燈光不錯 少有的唔洗執相直接post😂

荃灣中染真係好多新餐廳呢間KuruKuru主打手工製意粉🍝環境都坐得幾舒服有兩款意粉仲做緊promo☺️我叫左其中一款試試蟹棒蕃茄忌廉意粉 🍝原價$66 而家$48咋👏🏻份量可以 蟹棒絲好入味 意粉彈牙btw 面頭個殼係裝飾黎ga咋🤣🤣🤣德國香腸蒜蓉椰菜蕃茄意粉 $45呢個相對地普通，德國香腸切成片狀咁上同蕃茄味不太match😭+$8 可以配湯/沙律 + 飲品個湯完全唔熱，沙律反而都ok後來先睇到佢地有個自家製冰茶～

想試好耐架啦呢間餐廳今日終於有機會啦 就算打風都要黎呀今日兩個人食，而我地想食既野都一樣我地叫左個"蟹棒意粉"朋友話想個意粉軟身少少 但店員就好決絕咁話"唔得，我地既意粉係standard架"好呀 夠堅定又清晰 我中意個意粉原價$66 宜家做緊優惠$48個味道唔濃 但好岩我佢係用茄汁同廉汁既但個茄汁味唔係好出同時又唔會好"漏"個份量就岩岩好既 不過對男仔黎講可能就未必夠另外，我地+$12轉左做set包蘑菇湯 同 一杯野飲蘑菇湯個味好夠 唔會話好稀 都好飲飲品方面我要左杯佢地做野推介既iced tea原來係冰茶加橙好清甜好岩夏天飲呀整體黎講都覺得唔錯中意食意粉既朋友就可以試下啦

到荃灣 Ikea shopping 後晚餐, 明日公眾假期多間食店都要等位, 唯獨這間意粉店不用等位😅 唔想同人迫就試下喇.意粉可自選口味自選配料又幾得意😆 如果有得選意粉種類例如扁意粉, 紐紋粉就更加好了. order 後職員送上免費既魚湯, 味道偏淡似加滾水再翻煲感覺. 但果茶就鮮甜好飲又夠大杯. 本菇忌廉配薯仔同煙肉, 味道唔錯, 但手工意粉口感怪怪有點似油麵, 唔係我杯茶. 煙肉蒜蓉蕃茄配茄子同炸雞, 炸雞較乾無咩味, 蕃茄醬味淡麻麻地. 味道一般但價錢實惠😌

今日嚟咗荃灣呢間意粉，成間都係食意粉嘅，叫咗個蟹肉意粉同埋肉醬意粉，水準OK ,個肉醬意粉好大個芝士粉，蟹肉意粉，都好似日本嗰啲，足料，味道夠濃，唔會好淡，我見好多人都叫呢個，下午黎食可以跟餐有沙律/湯同埋嘢飲，好抵，兩個人食咗兩個意粉兩杯嘢飲仲有兩個湯，同埋叫咗個炸雞先係168如果女仔食嘅話剛剛好，男仔食就唔夠，另外叫咗杯菠蘿茶，一樣好飲，一大片菠蘿，正呀會再嚟，唯一成個嘢食覺得最唔好嘅就係送嗰碗湯，超淡嘅番茄湯，好似飲蕃茄水，其他都好正，細細碗湯唔飲都可以，總括來講，值得再嚟

8咪半呢個場裝修後開左好多食市，今次食呢間係呢個場黎講算新開，舖頭細細唔多位，好在我黎到嘅時候冇乜人。坐低睇下個menu其實選擇唔多，2頁睇晒，價錢係1+2+3嘅概念，即係意粉係基本，每叫多一個湯/沙律/飲品就 on top 計錢，我就叫左個菠菜三文魚忌廉意粉同德國香腸椰菜蒜蓉蕃茄意粉，另加錢叫左杯自製冰茶同熱檸檬茶。意粉上枱嘅時候好香，放意粉隻碟係熱辣辣嘅，有助食物冇咁快凍，意粉因為係手作意粉，質感比超市買嘅包裝意粉實、 煙韌、飽肚，碟菠菜三文魚個忌廉汁好 creamy，但係食到尾如果凍左個汁會漿住個口有啲"漏"，而個德國腸因為有黑椒係入面，所以好香口，個汁反而係驚喜所在因為佢有蒜蓉，所以成件事就好香口。嘢飲方面杯自家製冰茶其實係普通紅茶入面加左2舊橙，因為佢個切法問題，舊橙好難篤，變相杯嘢就只有紅茶味，好在個茶底唔 溺澀。

很多年前，曾經在荃灣中染大廈上班；離開荃灣的辦公室，已經有好多個年頭，即使偶爾還是會到荃灣走走看看，但就是沒有走進中染大廈的機會。荃灣各大小商場已經大翻修，連中染大廈也不例外。從前只得三幾間商舖，如今已經搖身一變，改個新名字8咪半，也受某大傢俬品牌青睞進駐，頓時人流更加暢旺。除了傢俬店備受矚目，大量高質食肆亦極受關注，其中一間是>>>Kuru Kuru自家製手作意粉<<<。 樓面開放式設計，配合高樓底，感覺更開揚。 意粉是主角，配料、醬汁可自由搭配，豐儉由人。 甫坐下，侍應先送來一個小杯。還以為是熱茶，摸摸杯子發覺不怎麼熱，問問侍應方才得悉這是魚湯。 配菜的選擇是茄子(HKD6)、日式炸雞(HKD12)及本菇(HKD12)。 茄子外層被煎香，但並不會太過油膩。日式炸雞外層脆口，但炸醬非常透薄，功夫很好。 醬汁是明太子(HKD48)，味道是意外驚喜，與意粉搭配出奇美味，而且脆卜卜口感也叫人滿心歡喜。意粉富嚼勁，彈牙可口，比較厚身，非常獨特。 甜品是黃荳粉黑蜜雪糕(HKD18)。加上黃荳粉和黑蜜，粉狀爽口和蜜糖黏膩的兩個極端，為平平無奇的雲呢

星期五晚的八咪半非常多人，基本上全部食肆都在排隊，想快快吃的我，去了這間叫KURU KURU的意粉店小試一下。這小店門口還是有人龍，不過人數不多，不一會就進去了。半開放式的餐廳設計，令人聯想起FOOD COURT，食物質素會否令人擔憂？小店的選擇基本上只有幾款不同的意粉，最便宜可以用幾＄加一款肉／菜。自由搭配的意粉有多種選擇，我選了肉醬加茄子，香菇以及蝦仁。第一件事就是覺得意粉非常ALDENTE，彈牙而不會太硬，那種適度的回彈意想不到會在一間FOOD COURT型餐廳找到，非常難得。肉醬上面跟傳統焗肉醬意粉一樣，有芝士碎在上面，而且不是韓式芝士，芝士濃郁的味道令人陶醉。肉醬跟意粉的混和很順利，肉醬明顯是烹煮很久，所以很入味。茄子的質素令人訝異，甜而鬆軟又不會太油膩（好多地方都會炒），而且件頭夠大。香菇亦十分彈牙，富濃郁菌類香味，不會被芝士味搶去風頭。在這裡蝦仁比較淡，但也是件頭大的類型，絕不會像酒樓的偷工減料SIZE。雪糕名叫黃豆粉黑蜜雪糕，黃豆粉雖不是主角，但卻提升了COOKIES & CREAM的濃郁口感跟味道，不是什麼巧奪天工的設計，但一球雪糕配意粉卻是天作之合。

說的是手作意粉，它的特別之處就是意粉是用手工製作的，而不是用機器製作。而且是日本人做的意粉。表面看似平平無奇的意粉吃下去很彈牙，跟平時吃的意粉不一樣意粉醬汁跟材料可以自由配搭，free style lei我點了本菇忌廉，是我喜歡的白汁配西蘭花🥦加煙肉我跟了它menus預先配好的圖來搭的只是改了醬汁。很喜歡本菇忌廉意粉醬汁內已有磨菇，很重的忌廉味重點是它的意粉很彈牙，果然是手作的不同朋友點了明太子醬汁加日或炸雞醬汁裡很多明太子意粉份量算是充足，價錢相宜我覺得相對適合2-3個朋友來吃

前排去荃灣宜家SHOPPING，已發現新開左間意粉餐廳就咁睇門面相當闊落搶眼，裝飾鮮明新穎，當時已經好想試，但上次因時間關係最終都無試到。今日咁岩又行宜家，就即係想起要今次一定要試下餐廳裝修好有自己特色，招牌大大隻字「自家製手作意粉」，感受到餐廳對自家既意粉相當有信心。行入餐廳，相信很多食客一入餐廳都會比牆上生動既畫所吸引，畫既都係同意粉製作有關。另外就係天花盞吊燈，營造出一種很柔和既氣氛，未食都已經加晒分。坐低後，店員會遞上一杯鏗魚湯，味道鹹鹹地，幾好飲。餐廳仲有一個特色係可以自選醬汁同配料…先來牛豚肉醬配茄子栗米炸雞意大利粉，茄子清新爽甜拍得住我前排係日本食過既咁，很新鮮，而炸雞就外脆內軟，當然最重要係佢Ｄ自家意粉，果然有驚喜很嫩滑，煙煙韌韌。平時我地係外面食意粉，意粉一般都是配角，但呢度感覺就真係好唔同，意粉變左係主角，真係好少先食晒成碟意粉，淨番Ｄ配料後食再來就係蒜蓉辣椒鯷魚意粉加日式本菇、蝦仁。一上檯就聞到好濃蒜香味，真係「香到冇朋友」，幾款素菜味道怡人，很清新很夾，同之前果碟成了強烈對比。最後試埋佢杯大大杯既自家製冰茶，杯內有水果，似橙又似檸檬，酸酸甜甜咁幾好飲，最後埋單都

中染大番新後多了不少新食店，是晚就黎左試下只賣手工意粉的日式西餐廳。開放式的食店，店內成三角形狀，座位不算多，都算幾濶落。坐低後店員送上餐牌及鰹魚湯，鰹魚湯好滾，鹹鹹地又幾好飲喎。熱檸茶（$8）是晚天氣頗涼，想飲下熱飲，但選擇不多，只有熱檸茶或熱檸水，要了杯熱檸茶，茶有點太濃，味道較苦澀。明太子馬鈴薯茄子炸雞（$72）意粉方面揀了三款餸，晚飯嘛，對自己好一點要豐富啲啦茄子燒得皮脆，仲好juicy，但超級燙口，要小心食。薯仔連皮切的，粉粉的好食。日式炸雞炸得略乾，雞肉變得有點硬。明太子醬鹹香好正，意粉彈牙，每條意粉都包著明太子醬，味道豐富，勁好味喎，唔怪得咁多人點明太子口味。埋單自己出去cashier就得，小店收八達通的

本身想到樓上的海港酒樓飲茶，可惜人太多便決定另覓餐廳，經過這間手作意粉店多次也未曾光顧過，那就趁今天試一試吧！ ▼甫坐下，侍應會先為你送上一杯魚湯，小小的魚湯味道鮮甜，算是打好了第一印象。 看看餐牌，小店清一色只賣其招牌手作意粉，但顧客可以自行選擇不同的醬料和配料，自由度高。 ▼煙肉蒜蓉蕃茄+西蘭花 ($48) 媽媽點的意粉，蕃茄汁香甜，有大量煙肉碎，反而西蘭花有點少，而且非常軟身，手作意粉煙煙韌韌且富有蛋香，好味道！ ▼本菇忌廉+日式炸雞 ($60) 我點的本菇忌廉醬汁，比起蕃茄醬汁顯得更為濃稠，非常掛麵，入口順滑，可惜日式炸雞炸得稍為過老，沒有肉汁，有少少扣分，但整體而言，這個意粉還是很好味道的！ ▼自家製冰茶 (跟餐+$12) 冰茶帶有橙香，味道不會過於死甜，口感清涼，剛好中和一下忌廉意粉的飽滯感覺。 小總結：手作意粉同醬汁均表現出色，反而配料質素比較參差，這個價錢連加一來說，有點兒小貴，可以再試，但相信不會是短期內的事。

今日去左Kuru Kuru食午餐，餐廳名好可愛阿，有啲似咕嚕咕嚕，我個肚都咕嚕咕嚕咁響啦。餐廳係由日本人開嫁，係間日式西餐廳，所以就拉左朋友同我一齊試試。本菇忌廉煙肉意粉$57五十幾蚊一個意粉其實唔算貴，意粉份量岩岩好，絶對唔會因價就貨。其實依個意粉，姐係卡邦尼意粉，被濃濃的忌廉包住，好Creamy呀。煙肉份量亦都唔少，鹹味岩岩好。意粉食落幾彈牙，手造意粉係依到既招牌特色，平平地食個午餐都唔錯嫁喎。檸檬茶我仲叫左個檸茶，生津止渴，炎熱天氣一大享受。

今日去開荃灣行街街，經過Ikea既商場，聞到食物香氣又開始肚仔餓，見到依到排長龍，人多一定好食，咁我又排隊食下啦。一坐底落完單，服務員就送左個湯，湯用好細既杯裝，好可愛阿上次黎食過重量版加料意粉，今日就叫番個正正常常既試下先。意粉可以自選醬汁同配料，我點了蕃茄意粉配炸雞$12。配料之中，以炸雞最掋食，每件肉質都幾厚幾大粒，都有油份既。蕃茄醬就唔係太多，勝在味道夠濃，都幾好食。意粉就係主打手造，質感都幾特別嫁。