L.D.K. by Ufufu Café (新都會廣場)

营业中

休息中

成家立室之後，身份就有多一種，人地個女婿，所以母親節飯就由一餐變兩餐，中午就先同外母大人一家人慶祝。由於葵芳為我們兩家的交滙點，好自然地去左新都會廣場。中午時段間間餐廳都唔少人，咁我就決斷地搵左依間餐廳等位。原因有二：一、我同太太之前喺沙田另一分店食過，印象唔錯；二、因為佢有供應靚甜品，唔食正餐都好多CHOICES。先來一碟炸蝦，不錯吃的，但無乜驚喜~外母大人的壽喜燒烏冬，老實講其實係火鍋烏冬，始終壽嘉燒唔係咁食，香就幾香~外父大人的"雜扒餐"，賣相認真麻麻~而且聽聞塊漢堡扒很乾~阿妹的吉列和牛漢堡蛋包飯，日式咖哩調得不錯，蛋很也滑，但吉列漢堡也是很乾，和牛黎架喎大佬~最後是我的日式咖哩蛋包飯with燘牛肉全餐。沙律裡面各樣都爽脆，SO皮粟米湯就是罐頭湯，燘牛肉也一般般，很肥。整體黎講，我覺得另一間分店的出品較好，但這裡就我黎講地點較為方便，下次食甜品算了~

你到新都會，呢間餐廳好似好多好評，試吓啦，但係原來冇套餐，感覺都覺得幾貴，叫咗個炸豬扒飯，外層唔算太厚炸粉，金黃色嘅豬扒，幾吸引，仲好脆。一個份量來講，唔算太多，如果冇套餐，真係覺得唔係幾抵食，應該唔會再有下一次

絕對唔係錢嘅問題，係質素！我地一行2人，分別叫左吉列豬扒蛋包飯同厚切煙肉卡邦尼，+$20配沙律餐飲一入到門口，帶位嘅隻手掃一掃講句：隨便坐。就算，問落單個位同事問題，佢好似唔想答咁，全程無人再refill 過水，啲嘢食黎到，要我地自己搵位畀佢擺，淨係係到傾計同講電話，咁請問加一服務費個服務係邊？連最後走，都無要句bye~bye都無。唔係話畀左個加一，就要人係咁服侍，但係連丁點service 都無，好嘢！我諗而家呢個年頭，服務點都會係顧客再返去幫襯嘅主因之一好喇，講番食物，個蛋包飯係甜架！我知日本咖哩唔係辛辣類，但唔會係甜到好似落左糖咁吖麻！！？個卡邦尼黎到，第1:暖嘅，第2:個汁都係甜架！咩事？落錯糖係鹽？咁樣食一食300幾蚊，講真，仲有好多好選擇p.s 相片淨係影左卡邦尼，因為覺得個碟好靚仲有杯綠茶latte 同個餐沙律

朋友係要見既，雖然只係食餐飯，行一陣，但已經好開心。朋友之前食過一次，話試過卡邦尼意粉，佢話okay，所以今次同我再去。係葵芳地鐵站，穿過無印，上一層就見到啦。唔洗等位就入左去...叫左一飯一意粉share加左38蚊，有個沙律同酥皮湯。個沙律都okay既，唔知係咩醬，但味道還可以，唔係醋個種。酥皮湯係粟米湯，個湯濃郁，好香粟米味，個酥皮都好正。重點來了！！大推大推！！我超愛食明太子，所以揀左呢個明太子忌廉蛋包飯。我原本期望唔太高，但食左一啖之後，我即刻問我朋友邊到有分店。呢個飯真係好好好好好食。蛋夠滑，飯夠味，重點係個汁，真係好好食。我最後係飲埋個汁咁。我一定會去再食。個意粉都好食，但相比蛋包飯，我都係揀蛋包飯。個意粉有好微好微既辣，唔食得辣既我都覺得好微。意粉煙韌，蜆都算多。兩樣野面頭個啲係紫蘇葉，如果唔鍾意陣味就夾開去啦。真心推薦明太子忌廉蛋包飯。

話說我lunch 時間1個人去食飯，去到當然係排隊。當時我前面有2個人，係2人台一去到入左位，餐廳重有位不過唔比我入，我問佢一人等幾耐，佢話好快有！我相信左佢，跟住等左2分鐘，有堆人話7位，就即時比佢入左，如是者我等左15分鐘，後面開始多人排隊，跟著佢地又入左張4人台，我問問佢咁我來先又唔比我入，後面遲來又入左，咁其實有無位，佢見我有d不滿先比我入。其實佢唔想拆台，早d同我講我就唔洗嬲住食成餐飯la

同朋友二個女仔一齊食午餐，叫咗二個小食同二個main course。 我朋友叫咗杯綠茶紅豆白玉 latte, 要落哂所有糖先唔苦，味道 OK 。鐘意飲綠茶加奶，呢個係唔錯選擇。二個小食係炸雞翼同炸蠔，夠脆同好食。價錢唔貴，main courses 係一碟厚煙肉番茄意粉，夠 creamy 同番茄味出，係我最鐘意食的。炸豬扒蛋包飯味道 ok, 不過豬扒有 d overcooked. 雖然食咗好多嘢，最後叫埋甜品食，係心太軟綠茶雪糕杯，雖然貴，但係真係好好食!!!

葵芳新開左間日式西餐廳，就諗住試下新野。平日夜晚都要排半個鐘隊。天婦羅蝦烏冬味道同和民差唔多，普普通通。個炸雞幾好食，好juicy又脆。日式西餐最吸引就系甜品，個焦糖布甸芭菲好靚，味道都不錯，但甜左少少，食到一半就膩。

今天在葵芳工作，和同事來個午餐。這店是日本的海外分店，質素當然也要維持應有水平，各樣食物也賣相不錯，味道也不錯。******************************前菜 (6/10)-三文魚沙律做得一般,三文魚鮮味不足。-蘑菇湯忌廉偏重，蘑菇味不足。主菜 - UFF 三色丼 (9/10)-帶子丼鮮甜，可惜肉身偏薄。-呑拿魚蓉丼十分足味，一口接一口。-牛肉丼味道偏重，提議在最後才吃。主菜 - 卡邦尼意粉 (7/10)同事嫌這個醬汁太厚身，味道過重，滿滿都是忌廉，吃了幾口已覺得很滯。咖啡屬於合格，沒有太澀或酸味。

唔知食咩，見佢新開就去試下佢。見門口有人排隊，咁應該都唔會難食😂，羊群心理🤣。因為唔係好肚餓，所以叫左少少野食。呢個意粉啲汁比較稀，有我鍾意食既菇😊，意粉唔會淋，岩岩好，蝦都煎得ok ,但蝦既味道一般。雞翼又係我鍾意食既野。酸酸甜甜幾特別。本人最鐘意甜品或野飲有加入丸子。呢杯野飲既丸子好大，唔係小丸子，係大丸子🤣，所以唔會好煙韌。呢杯野飲係要自己落糖的，自己想飲幾甜自己控制👍🏻。呢杯以栗子為主打既甜品，由佢既賣相可以見到好多栗子蓉加一粒栗子🌰。啲栗子蓉唔會太甜，幾好，食完都好飽😁.

1. 焦糖香蕉法式吐司（$78）🍯🍌🍞我地只係落左少少糖醬，已經超有甜度，吐司真係外脆內軟，入面係濕軟嘅麵包🍞加埋脆皮焦糖香蕉🍌一齊食，好正呀🤤🤤🤤彤樂評分：9.5/102. 漢堡咖喱蛋包飯（$148）🍳🍛漢堡好有厚度又大舊，密度高肉結實，不過偏乾身，唔算多肉汁，連埋咖喱同嫩滑蛋一齊食就好好多啦🙈🙈🙈彤樂評分：8/103. 和風博多明太子意粉（$98）🍝一上枱其實有D失望，相見湯底都橙橙地，以為湯都有濃濃明太子😅不過，將明太子粒粒混合成個食，味道都唔差，只係普通左D🙈彤樂評分：7/104. 焗酥皮栗米湯（＋$30）🌽酥皮薄D，但好鬆脆，又焗得好香，不過個栗米湯就真係好罐頭湯味，好麻麻啦☹️彤樂評分：6.5/105. 玫瑰花茶（$48）🌹☕玫瑰花味好香又清新😍，消膩就最啱啦，配上一塊甜甜嘅曲奇餅，幾match☺彤樂評分：8/10

是夜的某夜，小人送別豬君離港，心下有點不太歡懷，盡地吃個痛快，一忘愁緒。小人從來都不好Shabu Shabu，對於壽喜燒一味得個甜字的湯從來抗拒。詎料這個湯鍋烏冬竟不是一味的甜，不必要加豉油方才夠味，本身已飲到超然的鮮味，一定要給個讚！要提的是溫泉蛋不太溫泉，過老這實。靜崗蜜爪招牌班戟……一熱一凍才算做高招！斑戟不是梳乎厘，有厚度有態度，口感非凡，趁著忌廉及甜甜的靜崗蜜瓜，還加上一小杯糖漿及奶，香滑溜口，是甜品中的一絕。叫咖啡竟奉上一塊杏仁日式曲奇餅，貼心之至。又等待著豬君下一次回港鳥。😟

位於葵芳的Ufufu，是一間由日本九州來港的過江龍。今天相約好朋友們來吃晩餐，點選好多菜式，賣相出色，味道高質，拍照拍得得開心，吃也吃得很開心，真的是身心都好滿足阿。鹿兒島和牛漢堡扒咖喱蛋包飯$148長大後超喜歡吃漢堡扒，特別是日式的漢堡扒哦。漢堡肉是採用鹿兒島和牛造成，圓滾滾的厚肉賣相，肉質鬆軟，肉汁溢出，並不乾柴，肉味很濃呢。蛋包飯同樣烹煮得宜，蛋包保持滑嫩嫩的半熟質素，咻一聲就吃進咀裡，米飯用蕃茄醬炒起，拌以微辣微甜的濃稠咖喱醬，太美味啦，必需每人點選一份阿。南蠻炸雞$48大大件的南蠻炸雞，只需要$48港幣，實在是太超值啦。炸雞外皮脆香微厚，咬下肉汁滲出，肉厚肥美，肥脂相間，好好吃哦。焦糖香蕉法式吐司$78全晩最愛最值得點選的甜品，是我們三位吃貨一致推薦的 法式吐司。根據親切有善的靚仔店長介紹，吐司泡在北海道的牛奶和雞蛋液的甜蛋漿中兩至三個小時，然後慢火焗製煎成，形成這道美味度達101分的法式吐司。吐司外皮激脆，脆得微微脫皮，跟內裡濕潤軟糯的麵包體，形成强烈對比，淋上濃郁的焦糖漿，和脆皮焦糖香蕉，堪稱全港最強最完美的法式吐司阿！三個女孩一共點選五個甜品，服務員驚訝得跟我們確應三次

I have come into this shop because of seeing the good comments before. However, the food quality is under expectation. The pork curry rice should be sauced with tomato which is not a good match with curry. The curry favour is also too plain anf not delicious. I have tried to finish the dish buy really cant, near 50% is wasted. The salad sauce is also bit disappointing which i don't think being a match.

去到葵芳唔知食乜，見到門口有烏冬就衝左入去，最好又係有bb櫈，老公食三色丼，黎到見有牛肉無食到，淨係食魚生飯都感覺超好味！我嗰個旦多包飯我感覺麻麻地咋，因為個汁太濃我不喜歡

平時夜晚放工或weekend 經過這家餐廳都好多人排隊, 難得星期六早了起身, 於是早點去吃午餐碰碰運氣~果然早起的鳥兒不用排隊~依個招牌pancake好吸引~但要先食正餐~明太子奶油瀑布蛋飯 - 蛋多到湧了下來, 內裡是已調味的飯, 加上明太子奶油及紫菜, 層次及口感都很豐富~牛肉鍋烏冬 - 熱辣辣香噴噴的出埸, 滑嘟嘟的烏冬很讃~可惜食完正餐已經吃不下甜品~靜岡蜜瓜pancake 唯有留待下次...