L.D.K. by Ufufu Café (新都會廣場)

营业中

休息中

今日太趕時間，同事話係見客前點都要食飽個肚先。本來等緊果間韓國嘢，但條龍太長太慢，轉嚟呢間就3分鐘内有位。入面全場坐满，感覺枱與枱之間有啲迫，但唔會太嘈。服務快捷，水同餐牌好快上枱。同事叫咗日式咖喱燴牛肉飯($108)，加$20轉午市套餐有埋沙律，餐湯同餐飲。我早餐食得太飽，亦須要見客前減減壓，點咗個朱古力brownie配抹茶雪糕($48)。同事個set lunch份量黎講比較啱一般胃口的男同士，大胃王就應該未必夠飽。同事都係同我一樣第一次黎，佢的評語係湯同沙律都一般正正常常，但個咖喱好好，牛肉燴得好 好淋，又有牛肉味；個咖哩汁唔會太辣，加上果個煮得啱啱好的飯，結果就係清咗隻碟。我個甜品中間果塊薄脆牛油餅乾最得我歡心，係新年拜年禮盒入面的嘉頓牛油蛋卷味！抹茶雪糕味道好濃，唔錯。可惜朱古力brownie質感比較乾身，切落去都好crumbly，幸好有忌廉配，否則就真係太乾了。朱古力味都算濃，所有嘢配埋一齊食都好平衡。雖然午市又旺又衝忙，但呢道員工有效率，服務快，用餐短短半個鐘都過黎2,3次加水，值得讚！加一後，全單接近$200，係葵芳新都會嚟講都算係少貴的lunch，若趕時間，呢間都算唔錯

樣樣都好好味,, 特別力推脆炸廣島蠔。58蚊3隻,, size唔太細,, 炸得鬆化唔油膩,, 蠔都有d蠔味。而且個sauce有dd wasabi,, 好正!!其他都好好味,,

這間集團式經營的日本西餐廳，在葵芳開業已有一段時間，門外經常有食客排隊等入座，尤其在午飯或晚飯時段，總是人龍不絕。可能由於枱擺得比較密，環境較嘈吵，由樓面侍應，甜品吧枱到水吧都是由一班年輕人打理著，服務勤快有禮。午餐食物很有質素，溫度及味道濃淡恰到好處，最愛吃這店舖的甜品，今次光顧剛好遇上日本水蜜桃豐收期，店舖也設計了一款限定水蜜桃甜品「白桃法式吐司」以有名的山梨縣水蜜桃配上法式小吐司及蜜桃雪糕伴食，水蜜桃香甜多汁，簡直是大滿足。另外「焦糖香蕉法式吐司」，也是每次來的必吃甜品，法式吐司外脆內軟，配上焦糖香蕉，喜歡吃甜的你不能錯過。

呢排系葵芳返開工，都食得多不同國家的味道。突然有點掛住日本餐的味道，所以午飯就相約幾位知己到L.D.K. by Ufufu Café食日本菜。我地一行4人，點左：溥多明太子忌廉汁讚岐烏冬、牛肉壽喜燒烏冬、鹿兒島和牛漢堡扒同埋白咖喱雞扒烏冬。上菜都唔算等得耐，值得一讚。溥多明太子忌廉汁讚岐烏冬，汁雖然系忌廉，但食落不太”漏”，食曬成碗都ok。明太子味道咸既，而忌廉甜既，兩樣溝埋，感覺新奇而配搭得幾好，不會太奇怪，是一個新式的配搭！白咖喱雞扒烏冬，咖喱味道夠香，雞扒都炸得夠香脆。牛肉壽喜燒烏冬，湯底濃，夠入味，都有一隻雞蛋。以上的烏冬都夠彈牙，食落有口感。鹿兒島和牛漢堡扒，有配菜西蘭花，蕃茄仔同茹，還算肉厚，不過相對價錢，略嫌貴。跟飯、沙律同埋酥皮粟米湯，酥皮夠脆，湯都夠熱，都見到有粒粒粟米系湯度。另外，粟米濃湯，飲落好creamy, 湯都夠熱。個人喜歡熱湯，覺得OK點左杯檸檬茶，原本的是冇落糖漿，可以根據自己的甜度自己落。 不過稍嫌檸檬可能擺得太耐，不太新鮮，有少許苦味。總體都算滿意的一餐，下次都會再次光顧的！

約左好友同囡囡一齊到新都會，揀左呢間新鋪，見咖哩好似特色，就order和牛漢堡咖哩飯，真係好大份量，咖哩味稍欠出色，但牛肉堡幾juicy，因為小朋友唔食辣，就特等點左兒童餐，裝係車車餐盤，小朋友特別興奮，雖然係兒童餐，份量絕對夠成人，有晒素菜蝦天婦羅香腸雞翼小熊魚蛋同意粉，囡囡平時胃口係都食左好多，而且兒童餐有送玩具，囡囡揀左竹蜻蜓。環境整潔舒適，空間寬適，都比較適合閨蜜聚會或者帶小朋友一齊，值得一試。

市場上愈開愈多日式疏乎厘班戟專門店，亦由於女友投訴已久，暖男男友唯有安排一頓令內子滿意的甜品宴。 係新都會廣場既L.D.K by Ufufu Café (下稱LDK) 就滿足到我兩大要求： 1. 唔洗排隊  2. 有疏乎厘班戟。當然， LDK絕對冇令我失望。 疏乎厘班戟配静岡蜜瓜可以講係恰到好處嘅配搭， 主因係疏乎厘班戟必然地會配以奶油及蜂蜜，而蜜瓜的清甜爽脆則能與豐盈甜感重的奶油疏乎厘無縫接合。 要一讚静岡蜜瓜除左甜度高之外， 又極之水潤。 果汁多到似飲緊一杯鮮榨的蜜瓜汁般。 總括而言， LDK呢個呢個班戟配搭係好成功。 不過， 雖然唔洗排隊， 但即叫即造關係，值唔值得等30 分鐘食就見仁見智。

星期六去葵芳行街，一心諗住去食吐司工房，但行左好耐都搵唔到，無意中俾新出的白桃系列poster吸引，立即入去一試!我地2個人，叫左黑松露忌廉可樂餅、明太子烏賊忌廉意粉及白桃果凍!先講下小食可樂餅，一碟有5件，口感有點奶，黑松露醬味道亦不是太濃，與日本食開的可樂餅差別都幾大，但整體來說還可以接受。至於明太子烏賊忌廉意粉，意粉的軟硬程度適中，烏賊的份量比想像中多，口感亦算彈牙，加上忌廉汁味道又剛剛好，多得黎又熱度十足，撈埋意粉食好好味!最後當然係最期待的白桃果凍，份量比想像中細很多，而且白桃有點未熟透，食左幾塊後， 舌頭有點怪怪的，但要$98，真有點不值!

下午4點幾，與好幾個女性朋友相約在葵芳新都會吃個早飯，便去了一間日式西餐料理店。店內環境不算大，但都舒適。我們點了意粉，跟餐加$20，有蘑菇湯、3款沙律同餐飲選擇。先來蘑菇湯，蘑菇味不算濃，一般。沙律中的沙律菜新鮮，照燒雞肉柚子沙律醬汁濃，煙三文魚沙律也不錯。再來意粉「和風博多明太子意粉」賣相好不錯，有一撮明太子，不太咸，醬汁一流，微微辣，好味！「自家製煙三文魚蕃茄意粉」三文魚有不少，仲有大大粒三文魚籽，好味！「厚切煙肉蕃茄卡邦尼意粉」夠CREAMY，煙肉OK多。

市場上愈開愈多日式疏乎厘班戟專門店，亦由於女友投訴已久，暖男男友唯有安排一頓令內子滿意的甜品宴。 係新都會廣場既L.D.K by Ufufu Café (下稱LDK) 就滿足到我兩大要求： 1. 唔洗排隊  2. 有疏乎厘班戟。當然， LDK絕對冇令我失望。 疏乎厘班戟配静岡蜜瓜可以講係恰到好處嘅配搭， 主因係疏乎厘班戟必然地會配以奶油及蜂蜜，而蜜瓜的清甜爽脆則能與豐盈甜感重的奶油疏乎厘無縫接合。 一讚静岡蜜瓜除左甜度高之外， 又極之水潤。 果汁多到似飲緊一杯鮮榨的蜜瓜汁般。 總括而言， LDK呢個呢個班戟配搭係好成功。 不過， 雖然唔洗排隊， 但即叫即造關係，值唔值得等30 分鐘食就見仁見智。

Ufufu嘅pasta真係好有清新嘅感覺，每一樣烹調味道都唔會好濃，但係仍然能夠帶出食物嘅鮮味😊鵝肝配意粉，入面加咗梅子，更加開胃。雖然有些少湯汁，令人會覺得味道偏淡，但事實並不一樣，調味剛剛好，亦沖淡左鵝肝嘅油膩👏🏻👏🏻牛肉方面都真係算精彩，食得出係用靚牛肉，一啲都唔韌，熱辣辣上枱嘅時候肉味嘅油份令到食物更有香味，真係流晒口水🤤甜品亦令大家食指大動，淨係睇過外貌都知道幾吸引，材料分量十足，甜在心頭😍大家食完正餐之後，真係唔好漏咗叫甜品😽

L.D.K. by Ufufu Café  係一間來自日本九州嘅日本料理餐廳，星期6帶埋仔仔去食。可能過左午餐高峰時間，唔洗等就入左去了揀食lee間既原因，為左佢個兒童餐。價值$68蚊嘅佢 份量對小朋友來講都幾足，有肉醬意粉，炸蝦，雞翼，薯角，八爪魚腸仔，不過味道比較濃DD但都有DD菜跟番～健康番小小注意：佢唔一定俾車車餐盤，有機會係子彈火車餐盤，開頭俾錯左，仔仔係拒收既，好彩餐廳肯換番。如果小朋友有指定既，最好落單時講清楚～最後 食完會有小玩具送～（不過店員太忙，唔記得）大人方面我地叫左日式肉汁蛋包飯 （$78) 同 蕃茄卡邦尼意粉（$88)  ，份量唔算多，味道不錯卡邦尼意粉相當creamy，重有厚切嘅煙肉蛋包飯d蛋好滑～入面包了有用醬汁炒過嘅飯，但味道不濃，加埋肉汁，好好味我地另加左$48 變套裝～有個酥皮湯，沙律同一小碗白飯，食埋就夠飽了 不過整體來道～對平常食得較淡嘅 我地 來講都係濃味左D  希望下次可以試埋店內嘅甜品，賣相真係好靚，好日本呀～

今晚同男朋友黎食飯, 揀左間一路都好想試,但係又KEEP住好多人排隊的人氣店。難得今日早收工, 一於黎試下呢間 L.D.K. by Ufufu Café。打開 MENU, 好多選擇, 花多眼亂,最後揀左厚切煙肉卡邦尼意粉好CREAMY, 意粉夠晒彈牙吉列豚肉咖哩飯厚切豬扒啖啖肉, 正宗日式咖哩, 甜甜地, 撈飯一流份量好足, 夠晒飽肚, 味道一流。今次真係食得好飽, 其實餐廳仲有好多甜品揀, 唯有留返下次啦

午飯時段來了這家食店，一嚐這裡的白咖喱雞扒烏冬。賣相吸引，咖喱味道濃郁，雞扒也炸得脆，但有肉汁，實在不錯。媽媽還嘗了這裡的酥皮湯，味道不俗。可是價錢也偏貴，要加錢才有餐飲和沙拉。

由於新都會開左一間新既日式西餐料理店，晚飯時段都需要排隊不過都係10分鐘到，吾算太內。店門口擺放了甜品蛋糕櫥窗，吸引甜品控前往啊。店內面積吾算太大，不過勝在走和風，小清新風格。博多明太子忌廉意粉日式意粉當然要嘗試明太子風味啦，齋看外形已經feel到佢好creamy，加入明太子，醬汁一流，帶點微咸，而且忌廉味十分濃郁。配料有魷魚圈，魷魚圈沾上意粉醬汁，簡單弄已經好美味。意粉既質感偏硬身，麵條分明，吸取醬汁，十分出色。鹿兒島和牛漢堡扒咖哩蛋包飯除左意粉外，蛋包飯當然亦系日式西餐既主打之一。最愛既當然就係漢堡扒啦，和牛漢堡扒厚度已經非同小可，肉質鮮嫩，十分juicy。咖哩汁微辣，偏甜，味道普通。蛋包飯，外層蛋都做得唔錯，半熟滑蛋，加炒飯，整體來說，都係好味既，但係看反價錢就偏貴左小許。香蕉朱古力巴菲呢間餐廳主打既當然吾少得甜品啦。巴菲款式亦系十分多啊，云云之中揀左呢個朱古力口味既，外形已經充滿少女心，巴菲的特色就係一層一層，味道偏甜，配合其他香蕉巧克力餅乾條，整體都滿意，下一次會繼續嘗試其他巴菲口味。

好耐無嚟葵芳行街，多咗好多食肆呀，真係搵食都搵到攰，剛好經過呢間餐廳見到佢地嘅餐牌就比餐牌嘅圖片吸引，於是就入去試試喇，一座低就嗌咗個廚師推薦《吉列豚肉佐咖哩蛋包飯》，蛋係炒蛋蓋面亦唔咪想象中嘅用好厚嘅蛋包住，包飯裡面有啲蘑菇同埋有少少茄汁，咖哩甜甜地原全唔辣，豬排炸得外脆內軟但係好細塊呀，價錢就略貴，所以只會食一次唔會再去。