L.D.K. by Ufufu Café (MOSTown新港城中心(4期)) (已結業)

各同事輪流放假之後，今日終於可以坐埋一起去午餐，見到公司附近開了間新的西餐，於是就一起去試下，一入去發現座位擺設同之前的UCC Cafe差不多，只是主色調轉換了一下，被侍應安排坐在入面，人數唔多，算是可以靜靜地傾計的地方！見到午餐是主餐牌內自選，然後加20元就可以有沙律、餐湯和飲品！我就叫了個和牛漢堡，個賣相唔錯，但就堅係貴了少少，同事叫了個卡邦呢意粉，唔太大的驚喜，一般般而已！相反另一同事叫「三色丼」，賣相可愛但入量唔多⋯⋯整體感覺是環境舒適，但價錢唔夠親民！

見到馬鞍山開左間新舖頭😏裝修幾靚 入去試下啦😃其實菜式好多元化 有日式 意式 西餐👍🏻就連甜品都有😗睇左一輪餐牌 H先生揀左食「碎吞拿魚腩及海膽丼」🐟不過中曬伏😣吞拿魚蓉好乾身 想整鬆佢撈匀啲飯都有困難😫入口無乜吞拿既油香味🙄蔥係好多 但味道唔突出☹️海膽有啲苦味 感覺唔太新鮮 份量較少😞

上幾次經過可能嗰時新開張，看見吃飯時間門口好多人排隊。 今日下午行經見到冇人排隊，就走過去看看，原來更加了下午茶時段，而且款式也好多選擇。門口擺設好窄，初時如為餐廳好細間好少枱，原來餐廳L型設計，內裏也不細。叫了吉列豚肉滑蛋丼餐，包括有一小碟沙律及青瓜漬物及飲品。 份量比我想像多，豬扒又厚又大塊，而且吉列外層仍保持著帶脆口感。 肉質及份量也十分好，可惜鹽灑得不平均，吃到中途有一邊比較鹹了少少。 跟餐茶選凍飲也不用加錢，而且大大杯，茶味又夠香。

今晚去食飯，叫了一個咖哩吉列豬扒蛋包飯，加了$48湯、沙律、飯套餐， 因為無預計會有事情發生，所以無影上檯相，黎到嘅時候，咖哩汁圍碟邊一圈，咁食到一半發現唔夠汁，咁就叫侍應想要多少少汁，咁佢答我無問題，轉頭就有另一位男侍應埋黎遠望我碟飯，然後同對講機講兩句就埋黎，同我講小姐唔好意思加咖喱汁要加錢，我話吓！好明顯係你個汁唔夠，點解要加錢，我又唔係要黎飲，我只想要多少少都唔得？你見到碟飯都睇到唔夠汁，咁都得？ 咁佢行開咗，轉頭又黎第三個侍應同我講唔好意思加汁要加7元，我真係有d火，你就咁咖哩蛋包飯又係咁多汁，咖喱吉列豬扒蛋包飯又係咁多汁，個豬扒要點汁架嘛，唔通乾爭爭食，點會唔預多少少汁用黎點肉，咁你又比多個套餐人加，我仲有碟白飯都未有汁，用咗我個女個白汁烏冬果汁撈，我都算喇，唔加就算，一次無回頭，做生意咁死板，咩set定份量，最好笑係我食完走，行過隔離檯，碟碟咖哩個汁都唔同份量囉，隨手落，只係比多少少汁點埋果幾舊豬扒都唔得，佢咁樣擺明趕客。其實呢間餐廳食物味道唔差，只係因為少少咖喱汁而令客人失望，我真係唔相信係日本餐廳管理方法囉。

今日找到家好食的日本料理餐廳，見到餐牌寫80%日本食材使用，每次經過門口都有人龍在排隊等候，令我對這餐廳的食物質素好期待同有信心！我們二人在中午 12點左右到店，人不多，還有卡位可坐。咖喱蛋包飯🍛 $92一個午餐來說價錢略貴。好食的真是不惜付出多一點點！ 果然無失望，把雞蛋煮得半熟，入口十分嫩滑，被包住的是磨菇炒飯，它醬汁的甜度和份量調得剛好，超好味！！厚切煙肉卡邦尼意粉🍝$88用上咁靚的碟子，必定相機先食！別看它醬汁多，但一點也不膩！好好食！午市優惠：加$20就可享有沙律+餐湯/白飯 +飲品粟米濃湯照燒雞肉袖子沙律🥗：沒什麼袖子或袖子的味道若懷念日本食物的味道，就來食吧！

L.D.K好多人都會因為價錢貴而只做眼睛👀購物。如果選擇平日下午茶時段去一樣可以以平的價錢食到想食的東西。本來以為下午茶無咩野選擇，但當待應拿菜單黎，都幾多選擇。有些還是當季限定—日本餐廳最慣呢一招。整體來說，份量比正餐少三分之一，但也足夠，味道好地道的日本料理。

這家新店開幕很久都沒機會探店，今天趁空檔就跑來試試。装修是日式西餐廳的簡約設計，座位舒適寬敞。餐牌分主菜和飲料。這两天吃了不少意粉，所以今天點了蛋包飯。牛肉條是日本進口和牛，牛味十足，而且燜得很腍👍🏻。蛋包飯做法不太地道，只是雞蛋鋪面，並非“包”飯，這個要扣分👎🏻。cappuccino附送一塊杏仁薄脆餅，餅比咖啡好味😅。cappuccino的牛奶泡沫非常豐富細膩，但咖啡就比較苦d，與牛奶並不太契合。而且很小杯，加服務費是46蚊，都係Crostini好味同抵飲好多。

今日和太太往新港城L.D.K.by Ufufu Café 食晚餐,我們點了日式肉汁芝士蛋飯,焗酥皮粟米湯、吉列豚咖喱蛋包飯和心太軟抹茶芭菲。日式肉汁芝士蛋飯賣相吸引,食落芝士味香濃,肉汁味道鮮甜,蛋食落好香,口感香滑,飯配上醬汁,食落去軟綿可口, 整碟日式肉汁芝士蛋飯材料豐富,口感滿足；焗酥皮粟米湯酥皮食落香脆鬆化,食落不會感到成口油,湯飲落香滑,溫度適中,粟米湯味道味香甜,忌廉香滑美味可口；吉列豚咖喱蛋包飯咖喱辣度適中,而且咖喱有少許甜味,味道豐富,吉列豚炸得金黃,食落香脆,豚肉啖啖肉,口感十足,蛋包飯蛋汁軟綿,配上吉列豚一起食,口感惹味十足；最後心太軟抹茶芭菲,心太軟朱古力甜度適中,材料是黑朱古力,味道香濃,食落美味,抹茶芭菲抹茶味香濃,紅荳甜度適中,綠茶厥餅口感十足,紅桑子酸甜度適中,整份心太軟抹茶芭菲材料豐富,口感十足。餐廳座位舒適,食物美味,食了一頓高質晚餐。

難得放假，一定要嘆一下，就選擇了這一間新開的食店。一踏進去，有種似曾相識的感覺，格局不變，只是裝修了，換了枱椅，但擺放的長枱位置完全沒有變。好似去了似前的 UCC cafe.我 order 了主菜漢堡咖哩蛋包，這個飯真是很好味！蛋包住的是有味(牛肉和磨菇）飯，真是值得一讚，另加了栗米湯和照燒雞肉柚子沙律，湯不夠熱和沙律菜有生銹痕（不夠新鮮，放得太久了），敗筆！飲料 order了八女抹茶啫喱，糖水和抹茶啫喱另上，可隨意落多少，好安排！

今日和太奇往L.D.K by Ufufu Cafe 食晚餐, 我們點了日式肉汁芝士蛋飯配白飯, 南蠁炸雞和熱八女抹茶。日式肉汁芝士蛋飯肉汁香濃鮮甜, 配上忌廉食落香滑、芝士蛋飯芝士味道香濃, 蛋食落香滑, 飯炒得乾身, 整份日式肉汁芝士蛋飯份量足料, 味道足料；白飯食落軟綿, 配上乾蔥令白飯食落口感十足；南蠁炸雞炸得金黃, 雞炸得香脆, 肉質鮮嫩, 沙律醬汁食落開胃, 沙律菜食落爽口新鮮；最後八女抹茶茶味香濃, 溫度適中, 八女抹茶配上杏仁餅, 杏仁餅食落香脆, 咬落有啖啖杏仁香味。餐廳座位舒適, 食物美味, 價錢適中, 我和太太食了一頓高質日本午餐。

原先依個位係UCC cafe，之前週不時會去食，主要係進攻佢哋個沙律吧🥗😻 但唔知幾時間嘢執左，開左一間同樣主打日式西餐嘅cafe👀 甜品嘅款式幾多，有大家至愛，soufflé pancake 🥞 但個價錢貴得有點不合理，$168兩塊pancake🤷🏽‍♀️ 🍔都係幫大家試其他嘢啦😂-吉列豚肉佐咖哩蛋包飯($148) 豚肉嘅份量幾多，肉唔係話厚身個隻，炸粉同肉嘅比例啱啱好，食落超脆口，熱辣辣😋 咖哩同其他日式咖哩差不多，偏甜，唔辣咁濟🤣 個蛋煮得勁軟滑，幾有蛋香！飯唔係白飯，係有啲蕃茄肉汁👍🏽 感覺上依個蛋包飯都幾比心機去做！自家製煙三文魚蕃茄意粉($118) 煙三文魚有三舊，個厚度好似魚生咁，所以食落去比一般薄嘅三文魚更滿足🥰 加埋上面嘅三文魚子增添左份鮮味！ 蕃茄醬偏酸，而意粉煮得啱啱好，唯一嘅就係份量略為少左啲👉🏼👈🏼焦糖朱古力芭菲($68) 超美的💕 上面有三球雪糕，有雪呢拿，朱古力同焦糖味！三隻味都好正，焦糖味必試，超濃的！鮮忌廉都好香奶味，入面仲有啲脆脆同香蕉添！

周六去試新開的LDK by ufufu. 入面的格局好有以前ucc 的影子，食物主打為日式西餐及賣點為日本食材。初五晚上六時入座，很快已滿入口有人排隊。點了幾樣東西，一個兒童餐(68元)，沒什麼特別，也没有像ucc一般送小禮物给兒童及没有特別飲品如牛奶或橙汁，明顯不及Ucc细心。一個冷蟹柳蕃茄(幾好吃及新鲜)，爙炸芝士/明太子雞翼(值得推介)，鹿兒島和牛漢堡跟焗薯(98元)(比較多油)熱辣辣但口味一般，壽喜燒牛肉烏冬(味比較咸)。沒極大驚喜，下次可能會試下一些意粉或牛肉蛋包飯，似乎不錯。

第一次食呢一間唔知道叫乜嘢好，就揀咗三色丼，咁佢一次過有三種口味，又唔會太大碗可以試多點，分別有帶子三文魚籽丼，吞拿魚茸丼同燒汁牛肉飯，雖然三本都係迷你版，但係一次過食都有啲太多，兩個人分會比較好。帶子三文魚子吞拿魚都幾新鮮，帶子都幾鮮甜，魚生份量都幾多，燒汁牛肉就反而煮得過熟咗少少有啲韌，而燒汁鹹鹹甜甜調得幾好，總括嚟講三種飯味道都中上，唔會食到悶，幾豐富。另外酥皮忌廉湯都非常不錯，酥皮好脆好鬆化唔會好硬身，忌廉湯都濃郁值得一讚！