L.D.K. by Ufufu Café (MOSTown新港城中心(4期)) (已結業)

好耐都無食過L.D.K了 食過一次佢個蛋包飯之後就念念不忘🤭❤️今次同朋友一齊食 仲試多左幾款野食💁🏻‍♀️-🍴明太子忌廉蛋包飯 $108明太子既味道唔算好出 但加埋忌廉就好creamy 好綿滑 另外上面個雞蛋都好滑🍳 蕃茄炒飯好足味🍚 連埋明太子忌廉汁食 好夾 而份量都幾多 好滿足😆❤️🍴南蠻炸雞$58炸雞唔會太油 肥瘦剛好🤭🍴沙律+焗酥皮栗米湯 $38單叫一個小食驚唔夠飽就可以加多個沙律同焗酥皮栗米湯 即刻變左個日式定食套餐😏👍🏻🍨莓家族乳酪芭菲 $82比想像中大杯 幾重乳酪味 但有少少失望既係成杯既生果(士多啤利、紅莓等)都硬到好似啱啱係冰箱拎出黎咁🤣 唔係好咬到 但整體成杯芭菲係唔錯的🤭🥞抺茶紅豆法式吐司 $92暖粒粒既法式吐司外脆內軟配埋抺茶雪糕🍌+紅豆泥 好夾🤭另外仲有d抺茶醬同香蕉伴碟 更口感更豐富👍🏻📍L.D.K. by Ufufu Cafe @馬鞍山MOSTown 新港城中心2樓2141號

難得今日早收工就嚟到馬鞍山新港城中心行下，以前呢到好似沙漠咁餐廳好少😕，宜家越開越多比你慢慢選擇😎，而我老公今日佢好佛系揀左呢間日本餐廳嚟試試🤓，啲嘢食都唔差質素幾好😋。呢個係明太子烏賊忌廉意粉 $118濃濃嘅明太子味帶少少辣，而且好creamy每啖意粉都掛滿醬汁，魷魚好彈牙，意粉煮得啱啱好唔會過淋，鍾意食明太子嘅你一定要試下，好滿足☺️和牛漢堡俾我哋扒佐鵝肝 $188和牛漢堡扒雖然望落好細塊，但食落好濃郁嘅牛味🐮，口感軟得嚟帶點結實，再配埋個醬汁一齊食好入味👍🏻，旁邊嘅薯仔好好食，外面搽左沙律醬食落好開胃😋香蕉朱古力芭菲+ $38 (晚餐升級)朱古力雪糕唔會太過苦🍦，溝埋下面嘅脆脆一齊食好有口感，香蕉好新鮮配埋雪糕一齊食好夾焗酥皮粟米湯 $30酥皮好酥脆食落帶點鹹香味，而且酥皮整到金黃色好吸引，個湯濃濃嘅粟米味甜甜地好好味粟米湯+$38 (晚餐桌升級)  

條題已經講明餐牌上嘅必食項目，呢個係超級抵食嘅壽喜燒，一個已夠飽肚仲熱辣辣，請店員幫我提廚房一定要燒到滾熱，店員服務細心，喺張單打埋「好熱、好熱」，重要嘅事情打兩次，嚟到之後真係好熱好熱，非常感謝店員。張相濛濛哋，因為啲湯真係好熱，好好食寫住「好熱好熱」嘅烏冬超好飲嘅抹茶紅豆飲品邪惡朱古力加雪糕球加酥皮餐湯，好飲好有誠意嘅咖哩豬扒蛋包飯，啲飯入面仲加咗小蘑菇呢個係俾小朋友食嘅漢堡包，點咗嚟俾大人食

小朋友最鍾意黎呢間餐廳，因為野食又靚又好味，兒童餐仲有玩具送。吉列豚肉佐咖哩蛋包飯 ＄148吉列豚肉炸得好脆，蛋都好嫰滑，日式咖哩偏甜口味，所以小朋友都食到。海老野菌忌廉汁意粉 ＄132忌廉汁奶香味重，大蝦都好爽口，不錯。兒童餐 ＄78有齊小朋友最愛嘅元素，香腸八爪魚、吉列大蝦、九州風炸雞、炸薯條、蔬菜、意粉、布甸，最緊要係仲有小禮物一份。其實就略為熱氣左小小，簡中食一下好啦。宇治抹茶蕨餅芭菲 ＄78抹茶雪糕好濃茶味，最鍾意蕨餅QQ的，不錯。草莓家族乳酪芭菲 ＄78小朋友揀嘅草莓口味，酸酸甜甜。甜品賣相一流，好吸引。食物係唔錯，價錢略貴，間中一次ok的。

今天到馬鞍山新港城中心的Ufufu cafe 吃午餐，叫了一客牛肉蛋包飯及抹茶芒果蛋糕。可能蛋包飯製作需時，都要等大約二十分鐘才送到來。但單看賣相都覺得好吸引，再試第一口的牛肉，是入口即溶的！要煮到這樣軟腍，確實需要一點時間。而厚厚的滑蛋和濃濃的醬汁用來送飯就最適合不過了。至於抹茶芒果蛋糕的甜度適中，不會太膩，由於蛋糕的抹茶味已很濃，那一瓶抹茶醬汁我會建議只落一些，如果落太多會偏苦。芒果跟抹茶很夾，不過芒果切粒會更容易吃，而餅底可做得更漂亮。這間日式cafe的食物質素算高，服務員也有禮貌，但要小心這裡的冷氣，坐久了會覺得凍。

非常適合選擇困難症既人，一次試曬三個口味😍🍚三色丼 $138+10%吞拿魚蓉飯：魚蓉份量好夠，而且幾新鮮💁🏼‍♀️溶雪都做得唔錯，唔會食到雪粒❄️蔥花就令個飯更加香☺️帶子三文魚籽醋飯：呢個就好普通，帶子無咩味，個飯都食唔到醋味🥹但飯係用珍珠米，粒粒分明😋燒汁牛肉飯：食到第三碗其實已經好飽😂但都覺得呢個飯好味💁🏼‍♀️燒肉調味岩岩好，唔會過咸，牛肉又唔會好韌👍🏻本身飯入面都有淋燒肉汁，輕鬆ko個飯🤤

⭐️日式肉汁燴牛肉蛋包飯醬汁味道普通 蛋夠嫩滑 牛肉 肉質軟腍略肥 味道帶羶好一般飯 係茄汁炒飯 味道帶微微酸甜 飯粒偏硬整體普通問題出咗喺牛肉同埋個汁可能其他配搭會比較好⭐️厚切煙肉卡邦尼意粉卡邦尼汁 味道香濃 稀稠度適中 汁夠多煙肉鹹香 意粉彈牙有咬口整體味道都可以 但份量略少⭐️芒果芭菲面層 芒果香甜 忌廉香滑 杏仁脆片鬆脆中間有兩球雪糕 分別係芒果雪葩同吉士雪糕芒果雪葩 芒果味幾香 冰咁偏重密度幾高吉士雪糕 味道好淡 唔夠香滑 相對普通脆米香脆 令口感更豐富底層 芒果啫喱 味道清香口感彈牙 整體層次幾豐富份量唔少 足夠兩人分享賣相吸引 份量略少味道可以 環境正常如果坐卡位係幾舒適但其他座位感覺會一般 服務普通 當時只有我哋一枱客店員們只顧大聲傾偈 完全唔似做緊嘢做嘢亦慢半拍有好大進步空間價錢普通 定價少貴 加上份量略少性價比比較低

行山前充充飢，同另一半去咗馬鞍山新港城中心的L.D.K by Ulfufu Cafe. 之前幫襯過沙田店，感覺良好，今次再試。當日叫咗個蛋包飯，加$25升級可以食埋個柚子沙律，白飯加招牌熱咖啡。這個肉汁燴牛肉蛋包飯好好食。滑蛋包着蕃茄飯，入面有蘑菇和煙肉。牛肉煮得夠林，個汁有蕃茄嘅酸甜吊味。超like呀👍🏻我自己叫咗個抹茶set, 超靚！睇得又食得，偏甜嘅薄簿曲奇餅，同抹茶好夾。塊餅就咁食就有啲甜，飲埋綠茶就啱啱好。

新港城商場食餐好少少嘅日本嘢，唔使排隊，一入到去估唔到咁大，4個人去坐得舒舒服服❤️，一打開餐牌價錢唔算勁貴，叫左4個餐，兒童餐仲要有驚喜小禮物🎁，個女好開心，份量剛剛好，個女好滿意，我就食漢堡扒滑蛋咖喱飯，個漢堡扒同個滑蛋絶對有驚喜，肥熊🐻叫左個牛牛壽喜燒都好好味，個湯同份量都好好，肥熊媽叫左三個小丼，以老人家食唔得多泥講，呢三碗小飯仔係一流，樣樣都可以試下，最後加$38有埋個雪糕甜品，個女最開心🥳！成餐飯食得好舒服好滿足，可能小出去食飯，員工態度又好，出飯又快！大讚❤️

政府第二年消費券， 領取左即刻去消費。2人午餐點了1）咖喱蛋包飯配炸豬排 另 加$25有餐飲， 餐湯， 沙律。粟米湯， 像開粉沖， 唔似新鮮煲。檸檬紅茶。鴨胸沙律炸豬排唔乾， 肉唔鞋，讚。 但冇什麼肉味 2）三色丼飯同樣另 加$25有餐飲， 餐湯， 沙律。粟米湯， 像開粉沖。。熱咖啡。煙三文魚沙律三色飯來， 第一見到中間的吞拿魚容出涷煙， 顏色啡黑， 像冰櫃取出， 完全唔係新鮮粉紅色魚。 我都打個突， 問侍應是冰箱取出的嗎？ 好像好冰咁， 侍應話唔係。 我又信佢， 即管食啦。三色丼飯之帶子普通。三色丼飯之吞拿魚容飯， 冇味， 唔香又冇腥。三色丼飯之牛肉飯， 此牛肉是最出色， 新鮮， 汁好味。。🤮🤢🤒食完比錢走， 回家後，以為 肚脹胃痛， 食左胃藥， 仲痛， 痛左1個鐘， 又痛， 又再食特效藥。 不久就嘔吐大作， 嘔完又嘔， 又嘔， 去瞓覺休息， 又痛， 起身又嘔。。。嘔左8次， 終於嘔完。。同行另一家人， 同樣有試食三色飯， 佢就痾左3次。晚上嘔完， 精神回復後， 有打電話去LDK .同他們講， 叫他們留意是否吞拿魚變了， 令我們痾嘔。 他們說會同經理反應及留我電話

今日食中午啦⋯⋯想食呢個大根蓉和牛漢堡扒，另外加45蚊就會有得升級，就會有粟米湯、雞肉柚子沙律、熱抹茶拿鐵。先食雞肉柚子沙律，雞肉好味配埋佢嘅沙律汁，酸酸甜甜嘅好好味😋食晒。我最鍾意粟米湯，飲晒，一眼睇落和牛細細舊，原來真材實料，可以兩個人食，真係飽飽，但見到佢嘅杏仁脆餅乾，好鬆脆，又忍唔到口，好在有杯抹茶拿鐵，一啖杏仁脆餅一啖拿鐵，咁就冇咁甜啦⋯⋯你都學我咁食丫

今日和老婆往新港城L.D.K食晚餐糖心蛋煙肉薯仔沙律, 吉列豚肉咖喱飯和玫瑰花茶。糖心蛋煙肉薯仔沙律糖心蛋味香滑, 蛋汁拌沙律口感一流, 沙律菜食落新鮮爽口, 薯仔爽口和煙肉粒食落香脆惹味, 整份糖心蛋煙肉薯仔沙律材料豐富, 口感滿足；吉列豚肉咖喱飯吉列豚肉炸得金黃香脆, 食落口感十足, 咖喱汁辣度適中帶甜, 食落惹味；最後玫瑰花茶茶味帶玫瑰芳香, 配香脆杏仁甜口感一流。餐廳座位舒適, 食物價錢合理, 份量十足,我和老婆食了一頓舒適晚餐。

I love their Homemade Smoked Salmon and  Tomato Pasta. It never let me down. This time I ordered burger here for the first time. It was better than what I thought. The burger and fries plus salad and soup were enough for two persons. The coffee is normal here hut i love the cookie they provide with the coffee.

好想食甜品，經過這間日式店見到餐牌上的下午茶set幾吸引，就吸咗入去試吓🙂點咗兩個下午茶甜品跟一杯餐飲👇🏽迷你士多啤梨巴菲$48有條零食蛋捲，士多啤梨有啲果酸味，入面有脆脆和士多啤梨啫喱，下午茶size因為係迷你版，所以個杯唔高，配埋飲品剛好。草莓杏仁撻$48啲士多啤梨超酸😵‍💫，溫利拿雪糕唔錯。杏仁片好硬偏甜，個撻唔算好甜，個杏仁撻口感ok咖啡算幾香。整體來說，食物味道普通，座位夠闊落，坐得幾舒服，服務員態度唔錯！

星期六中午時間喺新港城見到間間食肆門口都排隊，見呢間唔使排可以直入就是但貢左入去，不過之前都食過沙田嗰間，冇伏可以放心入三色丼$138+10%其實我係為左個吞拿魚蓉先嗌呢個三色丼😂丼飯原來好細碗，雖然都一早估到吞拿魚蓉丼同豚肉丼都好好味，但最左邊個帶子醋飯就遜色左啲，雖然醋飯本身好有味，但真係但少餸😂鰻魚醬油蛋包飯$158+10%食左少少鰻魚飯都幾好味牛肉壽喜燒烏冬$102+10%壽喜燒淨係食左舊牛肉，冇意見😂