L.D.K. by Ufufu Café (MOSTown新港城中心(4期)) (已結業)

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 酥皮粟米湯 $30·• 和風蜆肉意粉 $98·• 吉列豚肉咖哩飯 $128·• (Lunch Set) 粟米湯 & 煙三文魚沙律 $20其實我一直都好喜歡食Ufufu😋。食family restaurant 真係好開心，有好多野揀好多野食～ 同埋真係好鍾意食日式西餐，西式菜同日式材料醬汁一流😛。雖然佢價錢唔算抵食，但乜都有得食質素又唔差，暫時未搵到間更鍾意嘅日本洋食。不過馬鞍山分店明顯比沙田差啲😖。-♡═━┈┈　　酥皮粟米湯 $30 ✰✰✰最愛酥皮湯✨ 其中一個鍾意嚟食嘅原因，好少餐廳有酥皮湯～ 酥皮點湯食💛 不過湯應該係用罐頭，少扣分～-♡═━┈┈　　和風蜆肉意粉 $98 ✰✰✰好多好多蜆，但馬鞍山分店真係失色。意粉個口感怪怪地，好似煮完攤左好耐咁。個汁好似鹽水🥲 沙田店好食啲！-♡═━┈┈　　吉列豚肉咖哩飯 $128 ✰✰✰咖哩偏鹹，口感太實的的～ 飯粒口感唔錯。Lunch set +$20 就有湯同沙律幾抵食。

馬鞍山這個地方，一到午飯時候周圍都人山人海，忽然看見有一間不用排隊的餐廳，於是退而求其次入去試一下，一看餐牌價錢都不算便宜，怪不得不用排隊。這間餐廳的午餐，可以是餐牌上主食 加 $20 轉為餐；先來沙律及餐湯，沙律的份量不多，但蔬菜也算新鮮，忌廉湯也是很少的。於是我就叫了博多明太子烏賊忌廉汁意粉。一看就知忌廉汁濃，每一根意粉吃的時候都充滿了忌廉汁，感覺也很滑溜，意粉的硬度適中，雖然很邪惡，，但我也愛上這個意粉，難得放縱一下。另外還點了一個牛油果大蝦凱撒沙律，這個沙律值得一讚。因為份量真的很大，裏面的食材很新鮮，而且牛油果真的份量十足，性價比高，蝦都有幾隻，很爽口彈牙，沙律醬不會太多太少，一丁點甜甜酸酸不會太膩，再加上脆脆，吃下去的感覺很清新很像在田園😋餐飲我加錢轉了 Cappuccino , 真的很精美； 加上甜餅送口，很好的配搭這家餐廳，對於日式西餐來說食物質素算幾好，而且餐廳內空間感比較大，坐得舒服，疫情期間確實是個好選擇

L.D.K.喺馬鞍山都開咗一段日子，每次經過都俾佢高級雅緻嘅設計吸引住，今日終於可以嚟食個豪華午餐啦✅餐廳好闊落，每枱都有自己嘅空間，仲要係梳化櫈座位，坐得好舒服，好適合同朋友聚會傾偈🔸博多明太子烏賊忌廉汁意粉（$112）明太子鮮味濃郁，以忌廉汁點綴，重口味得嚟唔會太腬，意粉彈牙煙韌，烹調時間控制得好好，如果烏賊份量可以再多啲就perfect🔸豚肉生薑燒撈烏冬（$102）賣相誘人，豚肉份量算多而且好入味，爽口彈牙嘅烏冬🍜配上半生不熟嘅溫泉蛋🥚同惹味醬汁，連同新鮮沙律菜一同入口，味道豐富有層次，有意外驚喜🔸日式肉汁燴牛肉蛋包飯（$128）蛋香味濃，口感嫩滑，牛肉柔軟多汁，炒飯有茄汁調味，酸酸甜甜好開胃，配搭埋特製嘅肉味醬汁，食落滋味無窮，絕對係encore之選

再一次係馬鞍山覓食，今次黎到L.D.K 食lunch，三個人分別叫左3個主食，雖然味道唔錯，有一定水準，但份量較少，性價比較低🐖豚肉生姜燒撈烏冬 $102醬汁調較得唔錯，味道同烏冬好夾，而且豚肉生姜燒配烏冬呢個配搭比較少見，食落有驚喜🍝博多明太子烏賊忌廉汁意粉 $112作為明太子愛好者，每次見到明太子菜式都忍唔住叫，明太子忌廉意粉呢個配搭永遠都唔會錯，但奈何佢嘅份量較少，價錢較貴☹️🐄日式肉汁燴牛肉蛋包飯🍛 $128賣相唔錯，味道正常，肉質似牛腩，份量較少，不過雞蛋生熟程度掌握得好好，不會過熟過生

外賣通粉份量極少，與價錢不乎。啲通粉拎到返屋企已經凍哂(回家路程5分鐘都不用)打咗折都要八十幾蚊，如果要原價食呢碟通粉真係抵食。幸好有叫多一個牛肉飯，唔係真係唔會夠食。

平日下午，到此店下午茶。下午茶餐牌有飯、意粉的，也有甜點的套餐。不過，話明下午茶，當然嘆返杯才是重點。今次點了個黑炭朱古力蛋糕及一杯熱咖啡。朱古力蛋糕有濃濃的巧克力味道，甜度適中，配上無糖的齋啡，很配合。盛著蛋糕的碟是日式的，成件事日式晒。美中不足是切件的蛋糕是岩岩巉巉的（見相片）。輕鬆一坐，消磨了一小時。可能因為平日，人少，尚算清靜。服務方面，可說是十分一般。沒有人留意你進店的，行到入去自己找個位坐下一刻，才有人發現。

看到這間連鎖餐廳評價不錯，星期天下午想來嘗試下午茶。可是星期天好像沒有下午茶優惠，需要正價點餐。在外面看以為餐廳面積不大，一眼可以看完，但被帶到裡面轉角的座位，原來別有洞天，有點驚喜。裡面有很多窗提供自然光及風景，能看到對面學校及天空，是和朋友聊天吃飯的好地方。因為這次以嘗試食物的心光臨，我貪心的點了蘇皮粟米湯及鹿兒島和牛漢堡咖喱蛋包飯。份量有點多，其實只點蛋包飯會更滿足。蘇皮粟米湯能嘗到設計者的心思，內有煙肉味增加湯的層次。不錯但還有不少進步空間。鹿兒島和牛漢堡咖喱蛋包飯，如其他食評所說，是有水準的。蛋汁多而滑讓人有滿足感，咖喱汁雖然較稀但足夠點綴這道飯，和牛漢堡不會太油而且有牛肉漢堡應有的美味。內裡的飯也有點心思，雖然不是我偏愛的口感。最與食物及餐廳環境不搭的是服務質素⋯這麼好的環境，這麼美味的食物，這個價錢，為什麼不多做一步，為員工提供更好更嚴格的培訓，增加顧客在餐廳用膳的體驗？浪費了！感覺就像是在酒店高級餐廳進食，被茶餐廳伙記包圍，影響食慾。不明白為什麼員工都急忙著甚麼，一個重重放下食物在枱上，沒眼神交流，轉身說逃；一個被要求加點水的，皺皺眉好像對你說你很煩，沒回應讓客人知道他

呢間L.D.K 牛市同晚市比較貴，所以我通常下午茶先嚟食。今次試呢個吉列雞肉咖哩飯，雞肉好滑，juicy, 唔錯，但咖哩汁比以前稀左，冇以前咁好味！ 咖啡都唔錯，奶幾香！

點了一份咖哩牛肉飯，飯和咖哩汁都可以。。。全碟共有5條牛肉條。。。發現大部份是肥糕(脂肪)完全要切走。。。是否把牛肉/排的邊邊切來煮給客人食？剛剛送來的樣子，牛肉條被咖哩汁蓋住，看不出來，原來是一條一條的脂肪。但最後切掉不能入口的脂肪， 共有全碟牛肉的2/3。。。即係肥糕。。。食咗肯定對健康大受負面的影響。這一間店，每況愈下，以後不會再去它及它所有的連鎖店。一千萬個失望

晚市禁堂食有啲餐廳5點已經唔俾入座了，行完山真係想坐低食少少野，行到第三間終於可以入座同有位，要坐係食啲野原來咁難😵。日式裝修設計我幾鍾意👍，好整潔，由於6點要離座所以我地都快快落單，唔止我地落單快，廚房係神級效率💪💪，落咗單5分鐘啲野就到齊，仲要全部都熱辣辣同賣相不錯。《九州炸雞翼》雞翼先到，有5隻，雖然細隻，但面脆脆地，熱辣辣，好惹味😍《波菜芝士焗餃子》似日式煎餃，因為有少少脆囗，同樣熱辣辣，芝味濃郁《抹茶紅豆吐司》賣相好靚，吐司有三件，外脆內軟💛，除咗抹茶雪糕同紅豆側邊仲有啲香蕉。

再有機會同雪嵐嘅表弟一家人去玩，今次去馬鞍山，玩之前要醫咗個肚先，去到新港城中心搵食，都多食肆，不過蹱啱食飯時間，都要等位，大約等咗二十分鐘啦！一人叫咗一個意粉/烏冬：海老野菌忌廉汁意粉、和風博多明太子意粉、厚切煙肉卡邦尼意粉、厚切煙肉蕃茄卡邦尼意粉、海鮮蕃茄烏冬我食海老野菌忌廉汁意粉🍝，海老即係蝦🦐，蝦㜬大隻，好爽口，配上忌廉汁，味道好夾，如果加埋芝士會仲正😋兩位小朋友就叫咗兒童餐，份量都唔細，兩位小朋友都食得津津有味，可以選擇飲果汁或者食布甸，一個兒童餐仲有一件玩具送添㗎，小朋友可以又食又拎，好開心🥳

馬鞍山呢間L.D.K.嘅下午茶特價款式好似比其他分店多啲嘅, 可能因為生意唔多啦😅裏面都坐得舒服, 係今日冷氣大咗啲。。叫咗份橄欖油蒜片蝦意粉， 配熱咖啡 今次個意粉冇之前咁好食，今次就濕咗啲，之前就 橄欖油同蒜味重啲。 個意粉有辣椒片，幾好食，微辣，就咁望以為冇乜味，不過勞下啲汁都幾好味嘅咖啡話係佢哋招牌咖啡 ，普普通通啦 ，上年飲過好似好飲啲🤔 而家個咖啡奶係比較普通啲嘅，上年就好似忌廉味重啲😐 不過呢啲就個人喜好啦，可能有人覺得太忌廉會肥啲😆有加一，可以入會儲分換免費嘢食~

第一次踏足馬鞍山, 朋友話馬鐵線係鬼地方但係今日商場仲多人過旺角, 點解?😂本來想食甜品但居然冇蜜瓜🍈😟<肉汁芝士蛋包飯>個蛋面真係滑嘟嘟, 又有蛋香, 好正🍳撈埋芝士食本來應該唔錯, 但因為唔夠熱, 淨係食到一舊舊芝士硬塊🧀個汁鹹得滯, 太濃太鹹, 食多兩啖要食下其他野先😉<厚切煙肉卡邦尼意粉>厚切煙肉好正! 鹹香好咬口~🥓意粉都煮得岩岩好👍🏻本場mvp就比佢啦!!<芝士明太子烤年糕>明太子一啲都唔吝嗇, 個汁都好濃明太子味, 有啲微辣🌶年糕輕輕燒過外脆內軟👐🏻其實睇個名冇expect係咁, 不過食落都ok既~------------------------------呢三樣野都偏濃味, 會想試下甜品🥺隨便講下, 覺得呢間餐廳啲碗碟餐具幾靚~😺

和女朋友在馬鞍山的簡單一餐, 平時晚上七點多應該是要排隊的時間, 現在是空空如也的餐廳, 我倆享受難得的寧靜. 對這連鎖和食西餐沒有太大的期望, 但她的蛋包飯確實不錯, 蛋香味濃, 內裏的飯酸酸甜甜的, 而且十分有咬口, 是我喜歡的類型. 和牛漢堡扒外面有點乾, 而吉列豬扒炸粉平均, 內裏的肉質依然juicy, 做得比和牛出色. 經濟不景, 也造就了加$28可以有例湯和新地的優惠. 平時大size的新地也要100多元, 現在變得超值得多了!

每次來ufufu 必定會吃漢堡扒咖哩蛋包飯！真係好好好好食！漢堡扒熱辣辣好香，蛋包飯係炒飯底，可能有少少茄汁，少少酸酸地，配埋咖哩汁，加埋夠香滑嘅蛋一齊食，味道同口感都係一流！每次食都剛剛好「點」哂碟上咖哩汁，飯同汁比例好好！今次點左一杯抹茶，配埋一塊餅，好好味！下次都會再來，希望試下其他野，唔好次次叫漢堡扒咖哩蛋包飯🤣