La Cozy

营业中

休息中

諗住搵間cafe食light少少加杯咖啡見到呢間有得自己揀all day breakfast又有咖啡飲一於試一試~ All day breakfast揀左：茄汁豆$10/蘆筍$10/豬肉腸$15/南瓜薯餅$20/牛扒$35連埋菜加蛋$28 Total$118其實整體係唔差既不過條豬肉腸酸宿臭左同左店員講 佢都好nice話換番比我不過我估佢成pack都壞 所以我話唔洗了～個炒蛋唔滑 但牛扒好食 係冇乜汁姐….但個沙律菜太多醬 結果成碟好似變左好高卡路里雙層手打安格斯漢堡$98個安格斯唔香唔juicy整體好一般 麥記好食過佢好多但薯條係好食既成餐最surprise係個蘑菇湯好足料好好飲最差係杯咖啡…半價加左$14 但杯咖啡唔係我想像中個隻係茶記個d即磨咖啡加奶….唉…整體感覺好失望元朗咁多cafe 呢個價錢我食到好食好多既都有了……

今日9/11(六)，一個人的晚餐，趁有ME TIME就嚟到元朗厘間食個特色Burger🍔夜晚會發光的cafe，入到去可能6pm左右，我係第一位食客，可以隨便揀座位，我揀坐近窗口兩座位，樓底高，座位大約18個，有中文及英文歌曲播放着🎼，環境舒適及昏暗，幾有情調🌷餐牌:厘度都有ALL DAY BREAKFAST㗎，下次再試吓堂食送餐湯/餐飲，要左南瓜湯手打安格斯漢堡配黑松露蘑菇醬揀左沙律南瓜湯味道較淡個沙律有1細碗，比想像中多及入口爽脆手打安格斯漢堡配黑松露蘑菇醬，內有沙律菜(我致愛)，蕃茄及醬汁，切開左一半食，味道好配合，仲有肉汁流出有多種電子支付方式，很方便。若慶祝生日🎂，免切餅費及可存放cafe雪櫃內。店員服務誠懇。🥰

次次嚟親呢間餐廳，都一定點burge🍔入面塊厚厚牛肉漢堡又夠多汁佢連個麵包都唔係hea，會烘到漲卜卜仲有幾款醬汁可以揀，我之前會點芝士酸瓜，今次就試他他醬薯條熱辣辣，好味😋仲可以揀湯或者柚子蜜埋單$68無加一，絕對勝價比高👍🏻餐廳對面有錶位泊車如果full可以去餐廳隔離有停車場，$25/hr如果入嚟元朗，絕對值得一試，支持小店👍🏻

1. 店員非常友善 - 我遺留下電話,店員即便在關門後仍主動回店鋪把電話歸還給我，這體現了店員的熱心周到服務態度。這種細心體貼的服務確實讓顧客感受到被重視和受到良好的款待。2. 食物不錯價廉物美 - 能在價格合理的情況下提供美味可口的菜品,這對於餐廳的競爭力和口碑都有很大提升。3. 香蒜菠菜蟹肉意粉 - 能夠突出食材本身的鮮美風味,真是令人垂涎。蒜味是很多人喜歡的風味,能夠襯托出其他食材的鮮美,實在是非常不錯的搭配。這家餐廳在服務態度、菜品質量和價格方面都非常出色,值得高度推薦。

今日和同事去吃個西餐lunch，呢間前身都係西餐，開了新店後未食過，就試試佢。Lunch set 有Pasta/Risotto 、Burger 和All Day Breakfast 的選擇，我選了手打安格斯漢堡（$68）。🥗 沙律菜非常新鮮爽口，唔會太多salad dressing, 有啲芝士碎，好清新！👍🏻🍔 手打安格斯漢堡有驚喜！芝士溶溶地個樣幾靚，整個漢堡好高，個包好脆。手打安格斯嘅肉比較厚實，胡椒味濃。醬汁可以四選一，我選了水牛地辣醬，又幾刺激😂All day breakfast 可自選配搭感覺也不錯哦，下次試😃

晚上隨機選擇一間餐廳用餐遠處已看見店舖外的小吊燈，整間店舖坐位不算多入內時見walk-in 位置不多，但非常幸運還有位置每枱也配上一個漂亮的月球燈，非常有情調點了2個主食及一個小食煎蛋安格斯漢堡調味適中，意粉不會過軟，口感不錯明太子芝士玉子燒味道互補，玉子燒味道不錯手打安格斯漢堡份量算大，安格斯不會太乾太硬整體感覺不錯，環境及食物品質屬物超所值價格合理值得推介👍🏻現有推廣優惠，每人均送一碗南瓜湯非常足料，味道大贊💕

回頭度🍪8/10｜人均消費💰~$80-130🥬#crispy_健康外食 -由於最近想食健康啲🤣所以見到自選全日早餐 已經覺得好吸引$28包凱撒沙律🥗同炒蛋/太陽蛋🍳之後自己可以再加錢add on唔同配料包類有牛角包🥐Bagel🥯等等配菜都多到眼花繚亂 有二十款咁多🥳想健康啲 可以揀牛油果🥑煙三文魚🐟雞胸🐥想放縱啲 可以揀牛扒🥩炸軟殼蟹🦀-🤍自選全日早餐 $28✨香煎露荀（+$10）✨煙三文魚（+$20）✨烤大啡菇（+$20）味道🌕🌕🌕🌕🌑-🤍忌廉三文魚意粉 $78🤍香蒜菠菜蟹肉意粉 $78🤍是日餐湯-龍蝦湯 $18抵食之餘賣相都好好 份量都合理🍝朋友食嘅就唔作比分了 有機會都想試吓-跟餐飲品可有半價 以下係半價價錢☕️🤍香甜白桃茶 $14🤍Mocha $14🤍Latte $14-整體味道🌕🌕🌕🌕🌑抵食🌕🌕🌕🌕🌑

在這個繁忙的城市中，找到一個寧靜的角落享受美食，實屬不易。今天，我有幸來到了一家隱藏在街角的小餐廳，環境清淨，坐得舒服，是一個遠離喧囂，享受一頓悠閒午餐的理想之地。餐廳的裝潢簡約而不失格調，營造出一種溫馨而舒適的氛圍。坐在窗邊，可以欣賞到街景，同時享受著店家精心製作的意粉。談到食物，這裡的意粉絕對是主角。每一口都能嚐到麵條的煙韌和彈牙！而且，這裡的份量十分合理，不會讓人感到過於飽腹，正好適合午餐時間。總的來說，這家餐廳提供了一個優雅的環境和高質量的食物，是一次愉快的用餐體驗。如果你正在尋找一個可以安靜享受美食的地方，這裡絕對值得一試！

話說我好鐘意食all day，除咗因為賣相靚，睇到個人都會開心啲之外，好大原因係因為一盤入面有好多材料，岩晒我呢啲有選擇困難症嘅人😆。估唔到有間可以自選嘅all day，想咩配搭，有幾大份都可以由自己話事，價錢仲好抵！好可惜當日我得1個人（難得1個人me time），所以就食唔到幾多啦。 🍽我的自選組合 凱撒沙律配鮮奶滑蛋 （$28）+牛角包（$15）+香煎煙肉 （$10）+半份牛油果（$15）+法蘭克福腸 （$10） 睇下我嘅自選all day +蔓越梅梳打，咁豐富都只係需要$78！！平時額外叫杯嘢飲最少都要$3-40，呢度有3款飲品係免費😎。 份量吸講已經好足夠（我一個人食唔晒😆），牛角包夠香脆，牛油果都新鮮。而腸仔同煙肉就正常發揮啦，蔓越梅梳打雖然無好特別，但免費嚟講已經算好滿意，整體高cp值。😊 唯一麻麻哋就係，女店員由始此終都黑面，落單連一句對話都冇🖤 (相後男店員就好好多) 

有人來到元朗，想吃全日早餐，於是帶她過來這裏吃，順便試試新餐廳。大啡菇松子青醬意粉 $78大啡菇保持水份，青醬和松子與大啡菇很合襯，意粉爽口彈牙。是日餐湯 $18我聽到是紫椰菜忌廉湯，立即叫一知試試。湯內有洋蔥粒，味道香甜，口感順滑。自選全日早餐基本有凱撒沙律配炒蛋/煎太陽蛋，友人選了配雙太陽蛋 $28。然後她再加選烤蕃茄$10、牛油果半份$15、香草豬肉腸$15及香炸魚柳$20。友人很興奮，可以自由地選擇自己喜歡的食物。牛油果份量不少，烤蕃茄也不錯，略嫌碟子太少，吃的時候有點不便。蔓越莓梳打、柚子梳打跟餐免費，絕不馬虎，兩種口味不會很淡也不太甜，美味可口。食物雖簡單，但感覺到餐廳的用心，值得試試。

返完工，辛苦咗一日，緊係搵啲好嘢食嘆下，行過見到呢間好chill 嘅餐廳，就同屋企人入嚟試吓，呢度環境非常舒適，仲播住柔和嘅音樂，好啱放工之後喺度食嘢唞吓，而我哋叫咗2樣野食🌟自選全日早餐佢有超過25種嘅配料可以選擇，總有一種啱自己心水，除左叫鮮奶滑蛋之外，我仲加左蒜蓉多士、香煎牛扒、烤大啡菇同香煎蘆筍。咁多樣面最鍾意佢嘅蒜蓉多士同埋牛扒，蒜蓉多士蒜蓉味好重，而牛扒到煎到好香，軟硬適中，口感一流🌟迷迭香燒羊架 配意粉一共有2舊羊架，而且size仲好大，淨係食羊架都已經飽左一半，而羊嘅味道都非常正，完全唔覺有騷味，而且好鬆軟，滿分。📍 La Cozy 📍元朗馬田路38號怡豐花園地下22號舖

抵食到懷疑嘅𝐶𝑎𝑓𝑒 😳 晚市食意粉、𝐵𝑢𝑟𝑔𝑒𝑟最平都係$𝟲𝟴起，仲要包野飲!̥ͦ!̥ͦ!̥ͦ環境餐牌 香辣水牛城雞翼（𝟼件) $𝟻𝟾 香辣水牛城雞翼惹味，正常發揮。做開胃小食最啱。 香草雞胸青醬意粉 $𝟽𝟾 香草雞胸青醬意粉份量適中，味道有驚喜(⁎⁍̴̛ᴗ⁍̴̛⁎) 每條都撈咗青醬，味道唔鹹調味剛好，意粉軟硬度適中，雞胸唔算嚡口，用香草煮過就無咁單調。 加拿大豬鞍 $𝟷𝟼𝟾 有幾款Mᴀɪɴ就係夜晚𝟷𝟾:𝟶𝟶後先有。加拿大豬鞍就係其中一款，厚身但都到入面剛好熟仲隱約見到好微嘅粉紅色，控制熟成度方面做得好，肉身有質感唔韌唔嚡，本身都係用香草煮，個人認為跟個醬汁更好～～ 柚子蜜（跟餐𝙵𝚛𝚎𝚎）及 𝙲𝚊𝚛𝚊𝚖𝚎𝚕 𝙼𝚊𝚌𝚌𝚑𝚒𝚊𝚝𝚘 $𝟺𝟾 飲品有𝟹款跟食物就𝙵𝚛𝚎𝚎，分別係柚子蜜、柚子梳打同蔓越莓梳打，晚市$𝟼𝟾仲包埋野飲真係買少見少啦!⃝

日本和牛漢堡🍔和牛肉有優質的紋理和豐富的脂肪含量，使得這道漢堡更加美味。搭配新鮮的蔬菜和醬料，以及一個鬆軟的漢堡包。一啖接一啖，停唔到口😆全日早餐🍳🥚配凱撒沙拉、雙太陽蛋、牛角包、煙三文魚、烤大啡茹、橄欖油蒜片蝦和牛油果😆😆這個全日早餐組合包含了多種不同的食材，提供了豐富多樣的口味和營養！！凱撒沙拉以其脆生菜、帶有傳統凱撒醬的特色而聞名，為早餐增添了清爽的口感。牛角包十分鬆軟。煙三文魚提供了豐富的蛋白質和奶油口感。烤橄欖油蒜片蝦有十分濃郁的大蒜和蝦的風味😛牛油果亦都好新鮮！

星期六天氣好好，早上去左元朗公園跑步，下晝就係附近搵間餐廳食個 brunch ，呢間餐廳係元朗體育館隔離，餐廳設計開揚，可以好chill 咁食同嘆番杯咖啡，由於今日做完運動，所以兩個人叫左三個餐😆😆帶子墨汁意大利粉帶子兩邊有煎香，帶子中間岩岩熟，意粉軟硬度適中，有少少咸香味道，味道幾好，食完記得抹嘴All day breakfast 呢到既all day breakfast 好特別，可以好似車仔麵咁鍾意叫乜都得，今次叫左炒蛋配沙律，牛角包，薯餅，牛油果，法蘭克福腸同安格斯漢堡，呢到既份量幾多，所有食物既味道都幾好，特別要讚嘅就係牛角包同炒蛋，牛角包外層仲保持好香脆嘅狀態，而中間就好蓬鬆又好香牛油味道，炒蛋就岩岩熟，雞蛋味濃又幾滑日本和牛漢堡配薯條和牛漢堡嘅牛味香濃，有好多既肉汁，漢堡包表面同裡面都烤得香脆，中間嘅煎蛋係太陽蛋，半熟既蛋黃成為係漢堡嘅醬汁，今次揀左配黑松露蘑菇，所以食嘅時候都有淡淡的黑松露味，另外個薯條都幾大份，係岩岩炸起，表面香脆同埋食到中間嘅薯蓉柚子梳打呢杯飲品跟餐免費，都幾大杯Creamy black咖啡上層嘅奶泡綿密，奶泡有香濃嘅咖啡味，加埋下層既咖啡，係兩個口感

初榨欖油蒜片蝦 $78頭盤黎講份量十足，煎香後既蝦肉依然質口感彈牙，香濃既初榨欖同油蒜片，提升了整個味道層次。迷迭香燒羊架配香焗薯蓉 $158選用優質羊架羊脂飽滿，肉質嫩滑。外層以適量迷迭香、孜然、黑白胡椒調味燒至半熟，惹味得黎又唔會蓋過羊架本身鮮味，唔會死咸，配碟嘅薯蓉同埋沙律味道都好好。檸檬軟殼蟹忌廉意粉 $88意粉軟硬度煮得啱啱好，口感有咬口唔會好淋，忌廉汁底勁濃郁，配埋酸酸地嘅檸檬唔該唔太膩好好味，軟殼蟹炸得香脆可口，成個意粉值100分，令人食唔停口。Latte 咖啡底喝起來順口，唔會苦澀，加埋滑溜既牛奶，好飲！蔓越莓梳打蔓越莓味道酸酸甜甜，配埋勁多氣嘅梳打，消滯解暑一流！餐廳中亦設有戶外座位，啱晒有愛犬既朋友。