La Cozy

营业中

休息中

星期六天气好好，早上去左元朗公园跑步，下昼就系附近揾间餐厅食个 brunch ，呢间餐厅系元朗体育馆隔离，餐厅设计开扬，可以好chill 咁食同叹番杯咖啡，由于今日做完运动，所以两个人叫左三个餐😆😆带子墨汁意大利粉带子两边有煎香，带子中间岩岩熟，意粉软硬度适中，有少少咸香味道，味道几好，食完记得抹嘴All day breakfast 呢到既all day breakfast 好特别，可以好似车仔面咁钟意叫乜都得，今次叫左炒蛋配沙律，牛角包，薯饼，牛油果，法兰克福肠同安格斯汉堡，呢到既份量几多，所有食物既味道都几好，特别要赞嘅就系牛角包同炒蛋，牛角包外层仲保持好香脆嘅状态，而中间就好蓬松又好香牛油味道，炒蛋就岩岩熟，鸡蛋味浓又几滑日本和牛汉堡配薯条和牛汉堡嘅牛味香浓，有好多既肉汁，汉堡包表面同里面都烤得香脆，中间嘅煎蛋系太阳蛋，半熟既蛋黄成为系汉堡嘅酱汁，今次拣左配黑松露蘑菇，所以食嘅时候都有淡淡的黑松露味，另外个薯条都几大份，系岩岩炸起，表面香脆同埋食到中间嘅薯蓉柚子梳打呢杯饮品跟餐免费，都几大杯Creamy black咖啡上层嘅奶泡绵密，奶泡有香浓嘅咖啡味，加埋下层既咖啡，系两个口感