La Mensa Grill & Bar (Oasis Place)

营业中

休息中

屯馬～開通～真的很興奮 係呀真係好興奮，所以今個星期六專登plan左個啓德宋皇臺食團，無理由山長水遠淨係走去個站度影相既je ? 第一站黎到呢間 La Mensa Grill &Bar 因為有個frd係住呢頭，佢話呢間啲野都幾有水準～因為睇啲set 無咩心水，咁我地就決定單點～📍新西蘭白酒煮青口&海蜆海蜆同青口都好鮮味，再加埋白酒生蒜辣椒等等煮，勁香口惹味！仲有仲有塊蒜蓉包好脆好鬼正！📍La Mensa House Pizza成日覺得一定要叫餐廳既招牌嘅pizza，佢材料好豐富呀，有香腸，意大利辣肉腸，火腿，洋蔥，辣椒，煙肉同埋菠蘿。佢哋嘅餅皮厚薄適中，食落有口感，唔會話比啲醬汁整到淋哂。📍安格斯肉眼扒14安士份量好大，兩個女仔都夠食，牛扒肉汁豐富，配菜分別有自家製嘅粗薯條，即叫即炸，熱辣辣脆卜卜，仲有清新嘅田園沙律～～我哋呢次叫左兩杯mocktail 📍Virgin Colada椰奶同菠蘿作為飲品嘅主調，非常有熱帶嘅風情📍Fruit Punch 果味濃郁，清新清爽，最啱依家炎炎夏日飲。

接老公放工順便去鄰近啟德站行吓，原來喺九龍灣商廈區過去好近㗎！ 行到Oasis 果邊見到呢間有outdoor 既餐廳，內裡都幾有格調。呢個環境緊係要chill chill 飲杯野啦～ Sangria可以揀紅/白酒，我就點左配白酒。蘋果、紅桑子、士多啤梨、菠蘿等等，果香釋放跟白酒融和，好colourful，好fresh!! BarTender緊接調製另一杯係老公既Bloody Mary🌶充滿衝擊性口味，餐前飲都開胃D！茄紅色視覺感真係幾似羅宋湯，仲有陣陣胡椒氣味，入面仲加左片檸檬同切條西芹提吓味～ 一啖入口即刻醒晒，好濃郁既蕃茄汁同Tasbaso辣椒仔汁夾雜喼汁係Vodka之中，入口酸酸辣辣🌶！新西蘭白酒煮青口拼海蜆青口拼蜆作為餐前佐酒幾啱～ 用檸檬汁、香蒜、辣椒配料同白洒調煮好濃郁醬汁，配合蜆肉本身既咸鮮味道，入口效果非常惹味仲有幾分辛香感。跟兩片金黃脆卜卜既Garlic bread，沾埋汁食一流！份量方面好足，海蜆多到層層叠半殼青口放在旁邊。蜆貝肉質感覺超鮮嫩幾吸汁，外殼辮開時大都見肉唔會中空寶。青口肉有掌心咁大，咬落有一股輕身海水味，裙邊仲有少少脆口，浸少少醬汁係肉面食味道更棒！海

九龍灣放工來到啟德，方圓幾里好像只有這間餐廳，地點也方便，趁餐廳未出名快來享受一下寧靜時光吧！墨西哥芝士餡餅 🥙拎上手熱辣辣，芝士餡非常澎湃，啖啖芝士雞肉好正💓 有齊salsa醬，sour cream 同牛油果醬，令餡餅添上不同風味。香蒜蜆肉意粉 蜆肉非常之多，用蜆殼盛著香辣醬汁，一口吃掉蜆肉😋非常惹味！被醬汁滲透的意粉鮮味四溢，蒜味突出又鮮甜，超讚🤤海陸大餐 有10oz的炭燒牛柳、兩隻大虎蝦、大啡菇、車厘茄和沙律菜。牛柳牛味豐富，炭燒過的味道別具風味，肉質略嫌韌了一點，需多咀嚼。虎蝦已開邊，可直接拿出完整的蝦肉，啖啖肉的感覺真爽😆這裏的酒也是值得一試的，遠遠也看得到bartender 調配的mojito，酒、砂糖、檸檬、蘇打水和薄荷葉平衡得很好，酒味比平常喝的重，來喝酒也是一流，適合放工來放鬆心情~

今日同朋友試搭屯馬線，嚟附近有啲嘢做，做完想搵間有質素啲嘢餐廳食下晚餐同飲杯嘢傾下計。上網睇呢間評價幾高，嚟到環境都幾好。值得一提係職員都幾玩得，都nice，一見我影相就俾個✌🏼我。我地兩個人叫左個白酒煮青口海蜆，佢呢個調味好正，有小小辣，好開胃但又唔會覆蓋左海鮮嘅鮮味。而個蒜茸包都真係好香又夠脆。之後我地揀左個安格斯肉眼扒，原來14安士真係唔係講笑，份量十足，而佢啲粗薯條都好味，外脆內軟。因為朋友怕生，所以我地揀左七成熟，我原本都驚會太熟太硬，但係嚟到又唔係，佢好juicy而且仲好腍，單單加鹽已經好味。另外又揀左半隻烤雞，佢個雞髀位好多汁，啲肉都好嫩，不過雞胸位就乾左小小。食完嘢之後，緊係要飲杯嘢，我自己揀左Margarita，用左都最愛嘅tequila 仲底再加啲檸檬汁，配埋鹽，係正嘅。另外朋友叫左Pina Colada，飲落好香椰子味，加埋酸甜菠蘿，以甜味為主，唔錯。

近排土瓜灣啟德真係旺咗唔少，我都黎呢頭搵下食😂😂呢間新開嘅La Mensa Grill & Bar 裝修好有歐陸情懷，同朋友飲杯野係唔錯嘅地方，佢個酒櫃打卡都一流架😆野食水準都唔差架！黑白芝麻吞拿魚卷：吞拿魚好新鮮，芝麻都爆到好香口，加埋表面嘅生果好醒胃架😝卡邦尼闊條麵調味整中，唔會太咸又夠哂惹味，闊條麵掛滿醬汁，值得一試👍🏻Prime Ribeye steak叫咗Medium，肉質鮮嫩多汁，牛味突出，有成14 orz，相當大塊，但都煎到好平均👍🏻 配埋厚切薯條食一流，炸到外脆內軟都唔錯嫁！野飲選擇都唔少，士多啤梨沙冰非常足料，口感好冰涼好creamy，夏天真係岩哂😎因為係晏就去食就無叫酒類，但係嘆返個伯爵紅茶都唔錯架😁😁

今日去咗啟德見過客！順便同佢吃個晚飯！個客話想据扒咁岩啟德有間西餐廳「La Mensa Grill & Bar」睇吓個menu 都係好多嘢食我哋叫咗個starter食吓先新西蘭白酒煮青口&海蜆啲青口同蜆都好大隻，食落有少少辣 幾好味！如果飲酒就一流👍Main course 安格斯肉眼扒Medium 食落好juicy 肉味香濃 好淋身！正！海陸大餐有兩隻大虎蝦同牛柳隻虎蝦啲肉好彈🦷😆😋😋😋Mojito呢個cocktail 飲落好fresh 唔覺有酒味！好飲！Mixed Berries Smoothies有幾種berries ！

難得屯馬線開咗，去邊度都方便咗好多，於是今日同朋友過咗嚟啟德站，行行吓街見到依間位於九龍城oasis place既西式餐廳，估唔到嘢食咁高質咁好味！首先一嚟到，職員嘅服務態度好好，而且呢度嘅裝修好靚，啱晒各位嚟打卡，仲要嘢食都好好食😋Sesame crusted tuna chunks黑白芝麻吞拿魚卷，好特別嘅小食，喺其他餐廳食唔到，好香嘅芝麻味，裏面夾住好鮮味既吞拿魚😛Salmon fettuccine忌廉三文魚闊條麵簡直係一流！飽肚又好味，一啲都唔會乾爭爭，三文魚超級大塊，闊條麵都整到好彈牙King prawn and baby asparagus risotto蕃茄醬大蝦蘆筍意大利飯🤩 10粒星推介！番茄醬同埋大蝦嘅味道好夾，令到成個飯嘅口感好豐富最後仲叫咗兩杯嘢飲🧃Pineapple smoothiesFruit punch清涼解渴，完美嘅一餐🥳

啟德高質Grill & Bar住係附近咁耐都未黎過啟德食野同事推薦依度有間好chill既西餐 就過黎試一試😋😋😋🍽Surf & Turf 海陸大餐 $328賣相非常吸引 10oz既牛柳🥩同2隻開邊大蝦🦐大蝦好新鮮咬落啖啖肉揀左medium既beef tenderloin 燒烤焦香味十足牛肉千層麵 $138分量十足睇得出好足料因為新鮮熱辣上菜芝士仲可以拉絲🧀千層麵片做到好薄同軟熟新西蘭白酒煮青口&海蜆 $155青口同海蜆粒粒飽滿白酒同蒜蓉汁嘅味道融入左係入邊帶到海鮮既鮮甜🤤忍唔住一啖接一啖咁食🍹Virgin Colada $70唔飲酒嘅都可以飲既mocktail菠蘿、椰奶同蜜糖嘅味道都好出唔會太甜而且感覺清新🍸Hendrick’s G&T $130選用左floral tonic 同Hendricks Gin都幾夾依款gin有青瓜既滿爽同埋玫瑰花香 成個組合好fresh📍La Mensa Grill & Bar九龍城啟德沐寧街10號Oasis Place地下D-F號舖

La Mensa Grill & Bar 係啟德站附近，主打西餐，更加係酒吧餐廳，飲酒食飯都啱哂！安格斯肉眼扒 $320Prime Ribeye Steak嘩！非常之大塊，仲好厚身！表面嘅燒烤網紋都好靚！我哋order咗五成熟，外層微微焦香，內部粉嫩多肉汁！仲有大量粗薯條！大滿足！帕馬森香蒜烤羊架 $298Lamb Cutlets肉質軟腍可口，入口有溫和嘅羊羶味，食羊嘅朋友會超鐘意！面層有份量恰到好處嘅帕馬森芝士，增添咸香和香脆嘅口感！Strawberry smoothie $75甜美又解渴！Suntory Black $65黑神泡同呢餐好夾！炸魷魚圈 $120爽口彈牙，點少少泰式辣醬或沙律醬，仲滋味！

啟德距離返工地方九龍灣大約15分鐘路程，我有時候會約埋同事去啟德食飯。近年啟德發展項目越來越多，住宅項目一個接一個，餐廳亦越開越多，La Mensa係啟德最早期嘅餐廳之一，亦係我近期好鍾意嘅餐廳之一。餐廳嘅裝潢極具質感，尤其係彷樹木凹凸牆身。傢俬地板屬於木製🪵，加上燈光昏暗，令人有種慵懶隨性既感覺。餐廳室外座位旁邊有工程進行中，有少少大煞風景，不過我非常期待工程完結後嘅面貌。- 帕馬森香蒜烤羊架羊架肉質正常，但勝在羶味唔重，羊肉味幾濃。每一件羊架都灑上厚厚既帕馬森芝士，增添風味既同時並唔會搶走羊肉嘅味道，賣相仲變得更吸引😍- 黑松露雜菌雲吞雲吞包得好好，完全無漏餡。除左意粉講求Al Dante，雲吞都一樣，軟稔得嚟帶點煙韌，La Mensa完全做到呢一點🤙🏻，配以簡單的忌廉汁已經好正。雲吞上面灑上芝士粉，餡料入面亦有芝士，可謂雙重「芝」味🤩另外加咗黑松露但唔會喧賓奪主。- 新西蘭白酒煮青口&海蜆海蜆好鮮甜，青口大大隻肉質飽滿。番茄、白酒同蒜蓉令味道更豐富，加添一份辣味既刺激。另外仲配上兩片蒜蓉包，蒜蓉包吸收左湯汁後出乎意料地好食👍🏻- Sangria 星期六當然要飲酒，逃離一下社會嘅壓

屯馬線宋皇台班同土瓜灣灣站就黎開通，要由大西北或者馬鞍山出黎搵食又方便快捷左。但好餐廳唔會得港鐵開通先黎準備，一早已經係屯馬沿線插旗。講緊的是位於啟德站Oasis 的La Mensa Grill and Bar. 餐廳樓底高，設計新穎，坐得舒服，黃昏時間黎到，好多人都會黎摸摸酒杯底，係啟德黎講呢到好有氣氛ga, 夜d當然有埋歐國盃睇吧，落黎飲番杯超夠Chill的。 至於餐單方面 ，一睇就知餐廳專長做Grill,各款肉類燒烤 都應有盡有肉眼扒羊架漢堡 豬扒等等， 款款都想食。 除咗肉類當然仲有主菜如意大利粉意大利飯及pizza， 總有一款適合。 飲品方面， 無論是有酒精或是無酒精飲品都有得揀， 無論cocktail還是mocktail, 甚至有即叫即製的 smoothies and milkshake ，超設想周到。Salt and Pepper Calamari 炸魷魚圈前菜就叫一客炸魷魚圈吧，一看就知份量超澎湃的，條條炸得金黃，粉漿炸得薄，而且不覺得油膩，香酥的口感，又有魷魚的嚼勁，把酒一流。Grilled.Baby Back Ribs 醬燒豬肋骨又係超大的一份，半份都差不多occu

自從啟德站開通之後，近排都多咗嚟呢邊食晏，最近便試過這間集扒房與酒吧於一身的西餐廳「La Mensa Grill & Bar」。店舖位於沐寧街 Oasis Place 地下，離港鐵啟德站只是 2 分鐘路程，交通挺方便。餐廳很闊落，設有室內和戶外座位，環境開揚寬敞。店內裝潢以金啡色為主調，配上歐陸式的紅磚牆身，高貴中又帶點 Vintage，可見設計師的細心。食物選項都幾豐富，除咗主打嘅燒烤及扒類，另外仲有前菜、海鮮、墨西哥夾餅、意粉、意大利飯、薄餅、沙律、漢堡及甜品等供應。先嚟一客地中海傳統菜式，新西蘭白酒煮青口&海蜆 ($155)  做頭盤，藍青口和大蜆煮至剛熟，肉質肥美又富鮮味。白酒汁加入了蒜頭和紅椒烹調，味道帶點辛香，以蒜蓉包蘸著吃，惹味又醒胃。主菜點咗帕馬森香蒜烤羊架 ($298) 同 辣根醬三文魚扒。羊架分量十足，一客有成四件，肉質富彈性、非常嫩滑，而且油脂適中及分布均勻，入口鮮香不羶。伴吃的烤薯仔，味道亦不俗，肉甜又有薯味，可口得很。至於另一客辣根醬三文魚扒 ($258)  亦好有驚喜，睇下塊魚皮煎得幾靚仔，咬下金黃香脆，而且最難得嘅就係魚肉依然油潤嫩滑，入口啖啖鮮香，非常滋

啟德陸續入伙後，也有不少餐廳進駐。這天和朋友就來了La Mensa Grill & Bar吃個悠閑的午餐。餐廳的裝潢充滿歐陸風情，吧台上展示著各種酒類，來小酌一番也很有情調呢前菜點了一份黑白芝麻吞拿魚卷 Sesame Crusted Tuna Chunks，非常有驚喜。賣相色彩繽紛外，味道都同樣美味。軟嫩的吞拿魚被微微炙燒，再加上香脆的黑白芝麻邊，所以味道特別香，充滿咬口。醬汁澆上了mango salsa，酸甜開胃又清新🥭主菜點了海陸大餐Surf & Turf，10oz char grilled beef tenderloin with two king prawns，份量十足🦐 大蝦鮮度夠，厚身啖啖肉，加了點黑椒和鹽已經很好吃。炭燒牛排將肉汁鎖住，愈嚼愈香另點了黑松露雜菌餛飩 Truffle Mushroom Ravioli，白汁非常creamy，帶濃郁的黑松露香氣～試試這裡的Signature cocktails，夏日炎炎就點了果香豐富的Pina Colada和Sangria。Pina Colada由椰奶、Rum和菠蘿汁調成，喝起來酒感似有還無，非常易入口，充滿熱帶風情。熱情洋溢的

住啟德有時最麻煩就係搵餐廳食飯，希望商場早啲開啦！今次同屋企人食飯，費時去咁遠，就試吓樓下呢間西餐廳。環境睇落唔錯，似尖東海旁啲酒吧，餐飯食主要係西餐同墨西哥菜為主。肉醬千層麵肉質夠多夠Juice，麵就不過不失食肉獸餐絕對係最平之選，有大蝦、羊架、白肉腸、雞扒同牛扒，4百幾蚊，份量夠曬2個人食。不過，質素認真麻麻。有啲overcook，牛肉唔夠另一個主菜牛味重。墨西哥牛肉夾餅，最好食應該就係哩碟。牛肉味重，牛油果醬濃淡相宜。

差評係比兩樣野1. 曱甴2. 價錢去到環境絕對同相有點距離揀左坐出面, 係我唔岩有蚊絕對理解同可以接受但全餐飯有曱甴飛左係我個身上四次係枱上出現有三隻我理解坐室外...係需要有昆蟲既心理準備...但平時如有得揀一向都會揀室外（除非太熱）自問自己絕對可接受室外用餐...呢個價錢既餐廳...唔係街市大牌檔曱甴出現係身上同枱上咁多既次數都係第一次...仲想提一提手工啤IPA Goose 竟然要$95...飲開既朋友應該懂吧⋯⋯白酒一杯$80...中環價加上四周仲係地盤既狀態隔離枱又全程唔帶headphone 睇youtube...但要講番佢個生蠔同松露意大利飯係好食既我的朋友係pizza 好愛者就話pizza好普通想食pizza 唔會黎呢到咁吧...無想過會寫差既食評係呢到...但經驗真的很差...