La Mensa Grill & Bar (Plaza 88)

营业中

休息中

朋友最近生日，大家搵咗間餐廳一齊慶祝生日。餐廳環境都算方便，喺荃新天地附近。餐廳環境裝修都幾有氣氛情調。LINGUINE VONGOLE 蛤蜊意大利麵呢個意粉係用新鮮蛤蜊、檸檬牛油醬，再加上少少辛辣嘅味道，好開胃好食，意粉硬度啱啱好，有水準。MEAT LOVER PIZZA 肉類愛好者披薩同朋友都係食肉獸，就揀咗呢個pizza。Pizza 有火腿、意大利臘腸、香腸、雞肉、意大利辣香腸、燒烤醬、芝麻菜。佢呢度好好Pizza可以揀厚嘅批底或者薄嘅批底。我哋揀咗薄嘅批底，批底好食有麵粉香，再加上足料嘅芝士同埋配料，好滿足。HOMEMADE TIRAMISU 自製提拉米蘇Tiramisu屬於美式嘅口味，係平時我哋香港人習慣嘅口味，佢又唔會太甜，朱古力同埋芝士甜味等等都配合得啱啱好。生日嘅文字等等都寫得好靚，好有心思。最驚喜係佢呢度我哋慶祝生日，餐廳竟然會播生日歌，連身邊啲外國人食客都同我哋講Happy birthday，好有氣氛。

中東 南亞 印度風味 一間樓底好高 空間感好足嘅Bar裝修風格幾正 古典優雅 舒服👍🏻Lunch Set 餐湯或者沙律包埋甜品(今日是紅蘿蔔糕）周打海鮮湯 煎三文魚扒配蒸蔬菜及奶油芥末醬 外層煎至金黃酥脆 內部魚肉嫩滑 個魚皮係勁香口😳 天然健康油脂食多d唔怕奶油芥末醬豐潤口感與芥末微辣風味芝麻吞拿魚魚塊$135吞拿魚切塊後裹上黑白芝麻 外層熟 內裡生生地印版既「魚生」 面頭有芒果粒 紅椒粒 洋蔥粒 番茄粒 香 鹹 甜 酸齊哂 第一次食 印象好深

La Mensa Grill & Bar, nestled in the bustling Plaza 88 at 88 Yeung Uk Road, Tsuen Wan, offers a delightful dining experience that tantalizes the taste buds with its array of dishes. We have ordered Grilled Snapper with Steamed Vegetables and the New Zealand Grain Fed Ribeye (prepared medium rare) are true testaments to the chef's prowess in delivering flavors that resonate with the essence of quality ingredients.The Grilled Snapper, served with a side of perfectly steamed vegetables, is a master

我今日放工遲左，最方便快捷的方案就是去買外賣，我去位於揚屋道Plaza88的 LA Mensa Grill & Bar買喜歡吃的pizza。我點左Meat Lover Pizza $187，Chicken & Avocado Sandwich $171。Pizza 好味，Sandwich 好食，薯條又好味。

荃灣由大會堂、荃新天地，行天橋到盡頭，經過楊屋道街市，都係一間商場，但呢度原來有間又係酒吧，就係餐廳嘅地方。裡面燈光比較暗，相信夜晚食會更有feel。睇下餐牌有咩食等嘢食嘅時候，可以飲水酒吧式裝修，夜晚應該幾有feel卡邦尼意粉 Spaghetti Carbonara $143意粉唔太腍，醬汁Creamy同好多煙肉，仲有香草🌿算幾好食，不過感覺唔係意式蛋汁嘅感覺。牛油咖哩雞Butter Chicken Curry /Naan Bread $182作為一間西式餐廳，有呢個質素，非常驚喜。茄汁味嘅咖哩雞肉，喺印度餐廳會有好少辣，呢度接近完全唔辣，非常易入口，但開胃。當有啲印度餐廳都係俾普通Nann，甚至急凍油酥餅嘅時候，呢度嘅Nann係有蒜蓉牛油，係出面要加錢另外叫嘅質素，可能就要多謝呢度嘅印巴員工啦！Fruit Punch (Happy Hour) $75酒吧版嘅雜果賓治，一般係石榴糖漿溝橙汁，酸酸甜甜，口味開胃，但多數無放生果。不過呢度放左藍莓同士多啤梨，仲插住菠蘿，除左賣相更好，都會有更多真實嘅清新。Virgin Colada (Happy Hour)$75經典飲品Pina Cola

餐廳環境舒適，好有異國風情味道，燈光好有氣氛，如果係餐廳慶祝生日，餐廳會播住生日歌送上蛋糕，超有氣氛！難怪平日夜晚都幾乎滿座！▫️ 煙熏三文魚烤三文治用生菜、洋蔥、青瓜、煙熏三文魚、番茄等配料製作！可能好多人都覺得三文治係好簡單嘅食物，但係其實要做得好食就絕對唔簡單，例如配料嘅選擇、配搭都已經影響成個三文治嘅質素！今次呢個三文治就令我十分驚嘆，用料相當新鮮，而且材料同味道嘅配搭亦都相當夾，麵包鬆軟，煙熏三文魚好新鮮，整體足料而味道清新，咬落去滿足感滿滿！▫️ 豬助骨半份豬肋骨燒烤得啱啱好，外表鬆脆之餘，亦都保持咗肉質嫩滑！配埋佢香口嘅燒烤醬同埋薯條，真係好食又飽肚！而且仲有花椰菜解油膩感，清新可口！▫️ 凱撒沙律每一次去唔同地方食嘅凱撒沙律都有唔同嘅做法，但其實最緊要就係整得好食！今次呢個凱撒沙律用料相當夠，沙律菜新鮮且爽口，而且醬汁都唔會太濃味，可以品嚐到每一個食材佢自己獨特嘅香味，整體味道相當唔錯！

位於荃灣西站附近一間西餐廳，喺荃灣西站行過去穿過公園就到，大概10分鐘啦。餐廳室內部都好西式經典嘅感覺，空間感亦都好大當中有一大張半圓形嘅梳化，非常之適合一大班朋友嚟飲酒食嘢。坐低張枱第一樣嘢吸引到我嘅就係佢嗰支水了，佢支水裏便係有薄荷葉的，非常之吸引，亦都很清新。一打開餐牌見到有墨西哥美食都唔使諗即刻叫丫，我哋叫咗個墨西哥炸肉米餅配雞肉，有酸忌廉牛油果醬食落有清新，但有一點肉味真係停唔到，加少少檸檬汁真係好開胃。另外我哋嗌咗一個海鮮pizza。非常多料，有蝦，魷魚，蜆肉，海鮮雜錦，睇我幅相就見到佢啲芝士係拉極都拉唔完，勁多芝士，仲有佢個薄餅係用香草醬做底。成個Pizza份量好足，足夠四個人食。整體今次嘅體驗，感覺良好餐廳老闆好好服務好周到。

同朋友去聚餐既好地方，卡位夠大，又有Privacy.熱朱古力 - 正常Presto chicken Spaghetti - 估唔到酸酸味好開胃，意粉又好好口感Steak - 我見人人讚，於是試下，但又老又鞋，其他配菜ok.黑松露芝士薯條 - 出奇地口炸得好香脆，推薦

喺個門口望入去都見到幾多人食 仲要食嘅過程中都播過兩次生日歌 睇嚟應該都有唔少人喺呢度慶祝生日 個環境同氣氛都唔錯😚咁我哋就叫咗兩個主食同埋一個沙律凱撒沙律🥗凱撒沙律嘅沙律醬啱啱好 唔會太多 啲菜都切到細細塊好容易食 除咗菜之外仲有煙肉同麵包丁 最特別嘅係有鳳尾魚😋BBQ BB豬肋骨半份🐷呢間嘢啲嘢好大碟 一嚟到見到個豬肋骨完全唔係BB豬肋骨！好大碟！🤩而且豬肋骨嘅味道好濃 啲肉都好腍 起碼有六七條骨 仲有一大碟薯條 我同個friend淨係食呢碟都差唔多飽啦🤤煙熏三文魚烤三明治🥪個三文治比我想像中大 材料亦都好豐富 唔止有煙三文魚 仲有啲好fresh嘅青瓜🥒蕃茄🍅作配搭 令到個三文治唔會太油膩👍🏻

荃灣staycation瞓到中午落嚟食個brunch，想搵個地方舒舒服服飲杯嘢，睇地圖行遠少少有呢一間Cafe午餐大約百零蚊，有齊前菜主菜甜品同埋飲品，見環境都唔錯，就入去試一下叫咗兩個餐，前菜跟湯同埋沙律，兩樣都做得好好，特別沙律嘅醬汁有少少泰式冬陰功嘅香味，非常開胃，好有誠意👍叫咗一個蟹肉千層麵，比平時食開牛肉肉醬嘅千層麵清爽，可能係多咗啲蟹肉相對地冇咁油膩，我自己就幾鍾意❤️朋友想食pizza，揀咗呢一個肉類愛好者，有火腿， Salami， Pepperoni做配料，食落都幾豐富，而且餅底做得幾好，鬆軟得來又唔會太腍我本身唔係好飲得咖啡因，但跟餐嘅茶普遍都有咖啡因，店員勁好，幫我轉咗做洋甘菊茶🥹甜品係carrot cake, 平時好少食，係濕濕地嗰種蛋糕，口感好軟熟，而且唔會太甜，我都幾鍾意整體嚟講，呢間餐廳嘅午餐價錢合理，雖然以午餐嚟講唔算特別平，但食物質素好高，環境好，絕對對得住個價格🫶

呢間餐廳係荃灣plaza 88，感覺好有氣氛同格調，想飲下嘢一班 friends聚下都好適合～嘢食方便主要以 pizza pasta為主，另外都有唔少墨西哥菜，選擇種類多，唔怕揀唔到啱心水火腿菠蘿披薩 - 披薩底香脆金黃，有香濃的馬蘇里拉芝士、充滿鹹香嘅火腿同香甜嘅菠蘿，加埋牛至的香氣，同千島醬好夾自製雞肉nacho - 呢道前菜個份量成個主菜咁～ 番茄莎莎醬、馬蘇里拉芝士、墨西哥辣椒、牛油果醬、黑橄欖和酸奶油，撈埋一齊食fit晒～大蝦芒果鱷梨沙律 - 好足料嘅沙律，新鮮大蝦搭配香甜芒果同軟滑牛油果，層次感好豐富巧克力布朗尼 - 外層酥脆，內部濕潤紮實，加埋巧克力的香氣超濃郁，同雪糕一凍一熱雙重enjoy

位於荃灣plaza88地下有間chill爆食墨西哥野既餐廳，裝潢富麗，原來價錢卻抵到爆。當日去到已經全場機乎爆滿，但都搵到卡位！台上有水自助斟！Lunch set抵到癲！！！🤭🤭🤭叫左個新西蘭肋眼排配烤蔬菜和沙律，前菜可揀餐湯或沙律，包飲品同甜品。兩個人叫左一個新西蘭肋眼排（$125）+ 牛油咖哩雞配大蒜烤餅（$110）。前菜叫左一湯一沙律，轉配latte加 $20、埋單先$200+👍🏻👍🏻餐湯係蔬菜即打死的忌廉湯，豐富口感，不會草青味，鮮甜！前菜既沙律都勁大兜，配上橄欖油同烤雞肉粒，非常之開胃！牛油咖哩雞勁好味！咖啡少辣，但易入口！雞肉超級鮮嫩！撈埋大蒜烤餅一齊食正到癲！！！😋😋仲要熱辣辣上，超級超級惹味！！唔配烤餅可配白飯，但老闆都強烈推介配大蒜烤餅！仲有青瓜同蕃茄，食食下可以用來中和一下！新西蘭肋眼排配烤蔬菜和沙律係兩塊超大塊牛排，揀左medium熟，岩岩好，嫩滑口感，配埋醬汁同芥辣醬，超正！飲品揀soft drink唔洗加錢，轉配拉花咖啡加$20。用來打卡一流啦！總結：性價比超級強！！！

餐廳環境幾舒服，播住舒服輕鬆嘅音樂、枱與枱之間嘅位置闊落。我哋嗌咗兩個lunch set。🍄蘑菇湯配蒜蓉麵包蘑菇湯好creamy ，唔單止蘑菇味濃，仲飲到一粒粒嘅蘑菇，有口感。蒜蓉包香脆，滿滿說蒜蓉香味。蒜蓉麵包好適合點蘑菇湯食。🍄煙三文魚沙律沙律新鮮、爽口，煙三文魚厚度適中。係一個幾唔錯嘅開胃前菜。🍄 Grain Fed Ribeye Steak with grilled vegetable & side green salad 新西蘭肋眼排配烤蔬菜和沙律 $125分量十足，大過我嘅手掌。很驚喜。比起一般坊間牛扒係食佢嘅口感、軟度，佢嘅肋眼排更注重牛本身嘅肉味。牛扒煎烤得啱啱好，好有肉味。越咬就會越食得出佢嘅香烤味，同埋肉眼扒本身嘅肉味，係質素好高嘅肉眼扒。烤蔬菜有薯仔同埋椒， 烤得好香口同埋入晒味，好好味。🍄 Crab Meat Lasagna 蟹肉千層麵 $110佢以芳蒂娜芝士、牛油帕瑪森芝士和濃鬱的瑞可塔乳酪為特色菜。一開始會擔心千層麵嘅份量會好大食唔晒，但係上碟嘅時候見佢係細細地一個，一人份量。上枱嘅時候仲係熱辣辣，切開嚟食嘅時候，仲有芝士拉絲。食起嚟嘅口感食到一絲絲嘅蟹肉，

難得今日放假，見到個個匆匆忙忙返工，趕食lunch，我自己一個又可以搵地方chill下，慢慢慢食。係荃灣plaza 88 見到呢間西餐。好，坐低睇下有咩好食先。叫左個set lunch蘑菇忌廉湯，好creamy，有蘑菇香，蒜蓉包外脆內軟，唔錯！新西蘭肋眼排，牛扒上有香草，肉眼都好有份量，肉質食落都有肉味，而且彈性幾好。配菜有瓜、薯仔、紅椒，都煮得幾爽脆。跟餐飲檸檬茶都有裝飾，好少有。最後仲有跟餐甜品，係Brownie，香濃朱古力漿配朱古力餅底，一件都好滿足。

I recently had a dining experience at La Mensa Grill & Bar located at Shop 5-7, G/F, Plaza 88, 88 Yeung Uk Road, Tsuen Wan. The restaurant offers a variety of dishes, and I had the opportunity to try a few of their signature items.To start off, I ordered the Mango Avocado Salad. This refreshing salad was a delightful combination of tangy mangoes, creamy avocado, and crisp greens. The flavors were well-balanced, and the addition of a light dressing brought everything together. It was a perfect ch