LA Restaurant & Dessert Bar (已結業)

呢度除咗有得大杯嘅曲奇🍪飲品仲有其他梳打選擇細細間舖頭不過嘢食真係有驚喜烤焗芝士蟹肉牛油果原來牛油果配蟹肉咁適合蟹肉連芝士超足料，焗過嘅芝士真係超級邪惡牛油果香滑入口烤焗半熟帶子忌廉墨汁意大利飯帶子大大件超級鮮甜煮得夠晒creamy，意大利飯亦好都超級有口感，唔會漏！德國鹹豬手配酸椰菜超大隻豬手！！本身睇相以為啲份量唔會好多估唔到真係超級大隻仲有啲配菜食埋超級好味～LA伯爵茶奶凍伴雪糕🍦伯爵茶奶凍真係唔錯精緻甜品唔太甜，反而好有茶香

旺角La西餐已經來幾次啦！森系的餐廳裝飾, 打卡飽肚聊天，可以一次性滿足既三個願望！個人覺得他家不止是環境好，食物出色，服務高質，性價比還很牛！室內是拍照的好地方，它家的威靈頓牛扒做的超級無敵嫩！外皮弄得焦脆，配上一些蔬菜粒和cream source，口感在清新的同時也很濃厚！這道豬手和我想象中的lamb完全不一樣！切片的香炭烤味道，配菜有茄子，焦香的豬手，每一樣配上豬手都是不同的味道。稍微有一點中東風情〜一每次吃都有不同的體會，唯一不變的是他家的服務質量以及價格。當然打卡區也是滿分的。如果沒記錯的話，他家的切餅費還是挺貴的！但是菜餚的性價比超級高!!

極抵食西餐🍹必食酥脆威靈頓🍔極厚肉汁Burger！🌰#田中食旺角 🌰#田中食油麻地-而家疫情下只有午市，唔少小店嘅午餐都相當抵食，而呢間小店嘅性價比，完全係令田中震驚！-🥩威靈頓牛柳 ($98)1️⃣酥皮值得一讚，烤得酥脆帶牛油香，牛柳未必係咩靚料，勝在火喉剛好，充滿肉汁。2️⃣出邊食威靈頓，起碼幾百，甚至過千蚊，呢個價錢有呢個水準，值得一試。🍔重量級安格斯牛肉漢堡伴薯條($98)1️⃣睇相都見極厚肉，真係重量級，入口Juicy，濃厚黑椒味，伴以芝士、煙肉、烤洋蔥，更加邪惡。2️⃣粗薯條香脆熱辣辣，值得一提個自家製他他醬，濃厚而開胃，配薯條一流。🦞棒棒溫泉蛋伴龍蝦汁闊蛋面($68)龍蝦汁同樣係自家製，每啖闊蛋面都被龍蝦汁包住，非常濃郁鮮甜，闊蛋面口感較煙韌，令人上癮。🍹而呢到嘅Mocktail亦非常精緻，例如Fruit Punch同Mojito咁，都係加$15，值得一試。👍🏻8/10

今日嚟到旺角做嘢，所以順便搵朋友食飯，通菜街一向都收埋咗唔少隱世餐廳，今日就決定試吓呢間啦。因為中午嘅關係，我哋叫咗一個餐share，叫咗個蒜蓉包，湯，同埋威靈頓牛。蒜蓉包夠香同湯都夠熱，另想講吓個威靈頓牛，有驚喜，出邊個皮，唔會做得太厚，入邊嘅牛肉估唔到仲係咁鮮嫩多汁，時間控制得啱啱好，整體來講而呢個價錢食到咁嘅質素，絕對值得返轉頭，遲啲開返晚市，一定會叫埋其他朋友一齊過嚟。 另外見到餐牌上亦都有其他，例如燒雞，下次就試呢個啦

是日約咗朋友過嚟而家試吓個威靈頓牛柳，其實對於呢道菜本來就唔會有太大期望，特別係呢個價位，即係如果有一般嘅水準其實已經好好；但係真係有啲令人失望。首先入到餐廳嘅感覺OK嘅，但係上菜嘅速度真係有啲過分，10分鐘都未上到嘢飲，然後我個威靈頓等咗45分鐘，中間話個焗爐有問題叫我等多2分鐘，嗰陣我就係諗應該都唔知2分鐘嘅啦， 2分鐘都唔使同我講啦，果然結果係20分鐘左右😂OK，希望慢工出細活啦，拎上嚟個賣相都OK嘅，但係一吉落去就知出事，我叫五成熟，張單都係寫五成熟，但係我諗應該都超過七成…然後把刀直頭切唔開，切到我手軟，最後要換過把刀。簡單啲來講其實我就冇乜期望嘅，呢個價錢中午叫威靈頓牛柳都唔係想要求啲乜嘢，但係真係唔合格，啲肉切都切唔開，放落個口到更加難咬，我會用煲湯瘦肉去形容佢嘅口感。但係，都有值得一讚嘅係職員好好禮貌，中午時分呢個環境到有八成滿，成個場得佢一個走來走去，服务都算係咁啦，最後要介紹吓個人覺得全場最好食嘅…因為等咗45分鐘所以職員送咗兩個雪糕俾我哋，全場真係最滿意杯雪糕，仲好飲過杯咖啡😂最後咁講啦，我諗佢餐廳唔係唔得嘅，但係似乎唔係太適宜做呢一類型嘅菜式，朋友嗰件漢堡都係有

呢間餐廳一早收藏左，等去開旺角試下，lunch食真係超抵食既平價威靈頓牛扒威靈頓牛扒 ⭐️⭐️⭐️⭐️⭐️一個lunch包餐湯，係周打硯湯，叫左兩份5成熟既威靈頓牛扒，酥皮好酥，厚薄適中，牛扒好嫩又厚，份量岩岩好，加埋脆卜卜既薯條，好味有湯有野飲，咁抵食既西餐係邊到搵

慢煮黑椒牛舌配薯菜 $68牛舌份量超多，足足有5塊!!!! 而且每塊都非常大，有兩塊差不多是西冷牛扒的大小🙊 牛舌煮得非常軟諗，但比較可惜的是，黑椒汁味道較濃，所以蓋過了本身牛舌的味道，如果單純是慢煮或燒以黑椒調味的牛舌，相信會更惹味 🤤喇沙海鮮意粉 $68這道菜則讓我有少許失望，喇沙汁並非我平常吃的新加坡風味的喇沙，而是較偏向咖哩汁，而且偏辣 🥵 而且海鮮份量不多，所以不太推薦 🙈Fruit Punch +$15普通，下次會比較想試其他cocktail 🙊 總結: 小妹以前也有光顧餐廳的晚餐，覺得晚餐質素較午餐高，而且晚餐可享有+$30有一塊鵝肝多士的優惠，所以建議可在恢復晚市堂食後再試 🙈

西班牙風乾火腿薄餅 $98pizza係薄批底 鋪滿芝士同風乾火腿 餅底薄身焗到好脆口, 批邊都好脆, Parma Ham 份量啱啱好 有咸香味 唔會過咸 同芝士好夾 又唔會過膩 性價比高德國咸豬手配酸椰菜 $168豬手份量好大隻, 外皮好香脆, 豬肉焗到好淋身, 咬落好juicy, 調味唔錯, 配酸菜食 好有層次感配菜仲有翠玉瓜, 雞髀菇同埋茄子蒜蓉包蒜蓉包焗到好香脆，仲有自家製嘅蕃茄洋蔥醬, 酸酸甜甜, 幾fresh幾好食南瓜湯味道甜甜地, 幾好飲Peach Flower $48係Elderberry 同 Peach Soda mix 埋, 下面有好多蘆薈粒粒 幾好咬 Big Boss $68係Apple cider, Lime juice, Ice mix 埋, 好清爽, 好大杯溶岩泡芙伴雪糕 $68泡芙系餐廳自己烤焗, 加埋雲尼拿雪糕同oreo餅碎, 好好食

今日經過左旺角，入咗去女人街嘅時候見到呢一間餐廳，我見到呢度都幾有特色，所以就入咗去試吓！今次我就叫咗一份炭燒厚切澳洲榖飼肉眼扒！而且我哋叫咗七成熟，呢度嘅牛肉扒都好好食，牛肉嘅味道非常之香濃，而且好Juicy！前菜係有一個黑松露忌廉湯，呢度嘅忌廉湯好好食，啲湯好滑，而且黑松露嘅味道都好吸引！

見到有平價威靈頓(98$)勁有興趣就約埋同事去食嗌左威靈頓5成，夏威夷pizza，溫泉蛋棒棒龍蝦汁濶麵同加20$ 升級個餐湯做酥皮湯Pizza 勁脆咬落去滿滿芝士味好食溫泉蛋棒棒龍蝦汁濶麵個汁好濃味，溫泉蛋一了開就流晒，拌住食都幾正威靈頓係就咁包一包酥皮，一切就分離不過入柳牛就好juice同夠味 搭救晒始終98蚊呢個價錢食到都算係咁應該就唔會返轉頭食威靈頓，不過其實午餐望落都好抵玩

同friends 係呢到食個lunch 先, 見到呢到係食西餐, 咁就岩晒喇。因為我同friends都幾鐘意食好西就試下佢先，叫左個pizza 食    個薄餅底係薄身既，咁先夠晒傳統，面頭D料都幾豐富有pineapple，火腿仲有最心愛既cheese.... 味道方面係唔錯既！ 另外，我地都仲叫左個威靈頓牛扒，牛扒都幾嫩，外皮好酥脆，都值得推介！係呢到既主打菜色，味道相當GOOD！份量黎講都係足夠既，係旺角黎講價錢合理. 亦都可以滿足到打卡因為環境幾好，我地都食得好開心，服務員都有禮貌！下次會再黎食，試下佢其他菜色先

同朋友黎到呢到食飯 地方環境幾好 可以四個人坐一台 叫左個威靈頓牛柳 外表個脆皮 真係唔錯 仲有佢個牛柳 肉質鮮嫩得黎又多汁 一d都唔會硬 簡直就係 delicious 😂 then 我地都叫左個龍蝦汁闊蛋麵 龍蝦🦞汁味濃 蛋係溫泉蛋 配合麵 非常smooth 真係好好食 下次黎到我都會叫呢一個 一班friends 都經已食到飽 睇黎份量方面都係足夠既 整體黎講一定係唔錯 餐廳亦都有花心思係裝修上面 所以都提供到一個舒適既環境 係呢到食都幾舒服 😌 下次都可以黎過 重點推介係威靈頓牛柳同埋龍蝦🦞汁闊蛋麵👍🏼👍🏼👍🏼

又去食啦食咩吖係 La Restaurant & Dessert Bar佢係位於旺角既通菜街之前去唔都覺得好食今次encore多次食物方面今次點左份厚切豬扒配蘋果泥佢個豬扒真係好juicy佢真係厚切而且啲肉汁咇哂出黎超正La Restaurant & Dessert BarLocation: Mong KokPrice (10 is expensive): 6.5/10Environment (10 is chill): 7/10Yummy (10 is delicious): 7/10

Weekend 喺旺角同朋友行開街，想食返個西餐，朋友介紹試吓呢一間平㗎優質小店我哋簡簡單單叫咗個set dinner蒜蓉包加個Sasa sauce , 廚師好細心，個包加埋個sauce, 食落去原來係好夾㗎❤️再加埋個餐湯係蘑菇忌廉湯，最緊要係個溫度仲係熱辣辣的，忌廉湯口感好smooth，而且裏面仲有好多蘑菇添度，啱晒冬天飲。因為我比較喜歡健康生活，所以我叫咗個松露野菌意大利飯，食落去覺得真係好creamy , 個Risotto整得又唔錯喎, 唔會太淋又唔會太硬，最緊要係有好香嘅黑松露味朋友就叫咗個澳洲穀飼肉眼配燒汁，見朋友食得好開心，佢話個份量十足，口感又唔錯最後跟餐有埋個甜品，賣相又幾精緻😊要打下卡💕下次都要介紹吓啲朋友過嚟食，縱觀來講，以這個優惠嘅價錢可以食到有質素嘅西餐，個人覺得可以再同朋友黎呢間餐廳😊😊

餐湯🥣-三文魚忌廉湯：本身以為係普通嘅白湯。但係上到碟發現原來仲加咗三文魚🐟，而三文魚都好足料。三文魚嘅味道雖然唔係好出，但係都足夠令到忌廉湯比平時嘅更加好飲😋。餐湯包🍞-蒜蓉包：蒜蓉包本身好香脆同埋好重嘅蒜蓉味，就咁食都好好味。配搭埋隔離嘅醬汁，即刻變咗墨西哥🇲🇽風味，有啲似墨西哥嘅粟米片咁。令到成個麵包更加有層次。煙三文魚薄餅🍕：薄餅嘅一大特色係在於佢非常之薄身同埋脆口👍🏻。但係又唔會好似食緊餅乾🍪咁，依然有薄餅嘅風味喺度。煙三文魚🍣同其他配料嘅配搭亦都十分之夾。整體而言，味道好合一。水牛城雞翼🐥：雞翼嘅醬汁濃郁，味道十分開胃。雖然雞翼外面過咗一層濃厚嘅醬汁，但係雞翼皮仍然保持有一定嘅脆香。阿根廷紅蝦🦐配龍蝦汁🦞潤蛋麵：紅蝦非常貼心咁剝晒下蝦身嘅殼🍤，蝦肉香脆，非常新鮮。而龍蝦汁非常之濃郁，每一啖就如置身大海🌊。之前未食過潤蛋麵，但係覺得佢非常有煙韌，口感十分唔錯。掛汁嘅能力絕佳，配搭上濃郁嘅龍蝦汁真係冇得頂👍🏻。焦糖燉蛋伴雪糕🍨：焦糖燉蛋嘅焦糖整得好好，脆卜卜而且甜度十分充足。但係自己就覺得雞蛋🥚味可以再濃郁啲就完美喇。而雪糕揀咗雲呢拿味，食得出唔會好假。依然雪糕下面有Oreo餅