Lava 燒

营业中

休息中

近期日日ot~有時收工真係要約朋友食下宵夜呻返下先掂前兩晚食完飯就即興約左個收夜既fd食宵夜聚下吹下水佢帶左我黎呢度，話有串燒食，做宵夜一流既然宵夜就唔洗叫太多，我地都係隨意叫左啲黎分享同一般既串燒店唔同，呢到既串燒唔係逐碟逐串咁黎，係一盤過咁一次上曬朋友話佢最中意呢個芝士燒粟米hk$28同燒魷魚筒hk$24自已就覺得個煙肉芝士燒烤菇hk$32幾抵食手掌咁大既燒烤菇既佈滿車打芝士，加上有煙肉既咸香，好惹味呢個燒芝士漢堡排hk$22都『芝』味十足講到一致讚好既就係呢個燒鮮菠蘿hk$26香甜又多汁，不得不食食串燒又點會唔飲下野呀不過第二朝我地都要返工，所以都係飲下mocktail算啦，兩杯都夠曬冰涼~~爽------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

又到了週末，今晚想得light 一點，食下串焼做晚餐。在openrice 搜尋之下，發現這間位於太子西洋菜街的串燒店。這家串燒店有好評不絶，一於同honey入內試試。這兒的串燒有成五十八款，分別有燒肉、海鮮同蔬菜，大部份串燒的價錢也只不過是$13-$28。而一夜干、珍宝燒刺身帶子或整條特大蒲燒鰻魚，也只是$40-$98， 價格平易近人。在等待時間，先點兩杯non alcoholic 的飲品消一消暑。Lemon squash$58這lemon squash 味道清新，是soda water 的味道, 帶有檸檬的清香，感覺輕怡清爽。Orange squash$58香橙口味的Soda water, 味道酸酸地，口感冰涼。椒串牛柳$28以青椒牛柳相間串成，牛柳肉質軟稔，有肉味，雖然比較熟，但也不會鞋囗。燒香草羊架$26這羊架烤到medium, 羊肉肉質嫩身，滿有肉汁帶脂香，還有香草風味，好正呀！明太子雞翼$18這雞翼脹卜卜，已經去骨，而且釀入明太子，心思十足。雞翼燒得好香，雞肉嫩滑又juicy, 加埋明太子的甘香，送酒一流金銀絲扇貝$50（2只）扇貝大大隻，味道十分鮮美，肉質嫩滑，配上帶黑椒香

難得放假，琴日收工就同朋友去happy hour，朋友話之前去過一間酒吧有串燒食，咁我就兩話不說話去試下！！ 去到餐廳同其他酒吧差唔多，燈光柔和又有music令人放鬆不少！可能聽日放假，所以個晚都幾多人！餐廳既串燒唔洗自己燒的！ 所以唔洗怕食完會成身燒烤味！！我地座底後叫左杯hoegarrden 同asahi , 兩杯啤酒大大杯！又夠凍！ 正！！ 之後傾傾下計就叫的串燒送下酒😋🍢🍢🍢🍡🍢見到餐牌都有唔同既串燒食，有肉類有海鮮類同蔬菜類！我地揀下揀下都揀左好多串！燒菠蘿好甜！雞肶菇好香好juicy!!真係唔明點解次次自己都燒得咁乾🙈仲有好好味既大蔥雞串同椒串牛柳！串燒都淹得好入味，而且燒得剛剛好！唔會太燶！牛舌佢就切左粒粒，不過個人覺得少左的口感🤔燒茄子🍆上面仲有蒜蓉粉絲！羊架有用香草淹過，但唔會太咸，食落肉質juicy!不過可能我地一次過叫大多呢，有的串燒食既時候已經放涼左！所以下次去應該要分開叫，慢慢吃同飲啤酒！

Weekend 約左老友去太子忍野嘆世界🍻成條街咁多間畀呢間LAVA燒吸引左眼球😻睇落好企理、裝潢又夠high 🚬令人震驚係 原來有一流既串燒🤤🤤🤤🤤omg 明太子燒雞翼🍗🤤 外脆內嫩 入面勁多明太子 勁香...掛住食無影到😹牛柳😋😋foto speaks itself 🤩一夜干 👍🏻 出色 燒得好香好脆💯合照來一個繼續...蔗蝦、豬頸肉、台灣腸、魷筒🦑通通都好惹味🔥🔥🍻一啖啤酒一口肉🤪🍗🥓🍢同朋友傾下計食下好野🎪人生一樂也太子忍野食串燒黎講呢間真係高質👍🏻推！

和舊同學聚舊，我們來到太子這間酒吧。除了有酒喝，還有特色串燒。一邊飲酒一邊吃串燒，人生一大樂事也。由於明天還要上班，所以點了沒有酒精飲料。Orange Squash有陣陣的香橙味，清香中帶點甜味，很好喝。Food Punch朋友點的飲料，賣相吸引，有多種鮮果的味道。侍應很快就送上了一大盤串燒，香氣滿溢。金銀絲扇貝扇貝很厚肉，配以粉絲味道很夾。韓燒豬五花五花肉味香濃，肥瘦分佈均勻。珍寶燒刺身帶子帶子很淋身，燒得很香口。燒芝士夾心漢堡切開後有芝士溢出，有拉絲的效果。

啱啱放工同朋友食飯，壓力大到飛起急需一間有得啤的餐廳。搵到呢間有得串燒的bar, 見仲有happy hour就入左去。有室內室外可坐，室內有冷氣室外可以食煙HH每人一杯凍冰冰hoegaarden rose 大大杯好重手，大啖飲幾口即刻消除煩惱串燒有得揀辣/唔辣，全部都叫左辣，個辣唔算好辣但又未至於無味，係香辣，個人覺得剛剛好。 串燒種類都幾多，肉類海鮮蔬菜都有牛肉串好長的一條，啖啖肉軟殻蟹係半隻完整的，要自己再切黎食，炸得幾香口煙肉芝士燒烤菇好大隻，蓋滿芝士，菇勁多汁好juicy，而且好唸燒蓮藕片燒得香脆，又不失蓮藕味，好爽口脆米流心芝士波一份有3粒，外脆內流心，係軟軟的芝士櫻花蝦餅蝦肉幾彈牙，蝦味幾重燒大魷筒唔韌仲好爽滑，仲有少少醬汁燒芝士夾心漢堡一切開成層芝士，同漢堡的味道好夾黑白雙丸的黑丸係墨汁墨演，好彈牙，燒過特別香海螺肉一串咁上，都幾大粒爽口，無沙北海道墨汁豚肉腸個樣好似潤XD, 味道似肉腸多d，硬硬d咁

Happy weekend，呢個moment梗係要同姐妹飲係啤距食下串燒啦。我地叫左韓式五花腩，完全唔肥膩，燒曬肥油出來，咬落去小小煙韌有彈性。還有爽脆北海道墨魚汁腸，個墨魚嘴都好正，脆脆的。送酒一流。另外例牌一定會食燒雞腎，爽彈口感，正!雞肉大蔥燒得好好食，雞肉多汁，大蔥又甜，兩者mix埋一起，絕配。唯獨個雞皮強差人意，無燒脆，好似咬緊脂肪。多春魚都好味，不過可以再燒脆D...有肉梗要有菜，有燒蒜燒茄子，韭菜同筍。都十分唔錯，不過如果可以少D鹽就完美啦。我飲啤，姐妹飲fruit punch…就咁食食飲飲又過了一個開心夜晚…下次再來食過…

星期五準時放工happy hour，朋友帶到她主埸飲啤酒食串燒店內木系裝修環境寛躺，一邊食串燒一邊chit chat 好地方啤酒happy hour $32/支串燒選擇多，可選辣度大、中、小辣羊架羊肉沒有羶味，大廚剛剛燒熟，肉質鮮嫩之餘超Juicy燒栗米栗米原來加上sour cream，特別又美味咖哩薯餅 (後)薯餅平日食得多，加入咖哩好野味免治雞肉串免治雞肉串，內有雞軟骨，燒得香口惹味亦有囗感燒玉子玉子吸收了醬油，香口又惹味北海道豚肉腸豚肉腸燒得香，食落幾惹味，必食之選燒雞皮雞皮燒脆而且沒有油，簡單灑上海鹽已經好好味燒雞腎雞腎爽口，味道不錯脆米流心芝士波外層香脆，裡面非常芝味

週末食串燒飲啤酒是最歎的～難得今日朋友冇揸車，可以一齊飲，於是來左太子呢間LAVA燒～唔知大家覺唔覺，有Ｄ酒吧的食物好難食，除左花生之外真係唔好試其他野......這間LAVA燒的好處就是，專心地做串燒，給人感覺會專門一點。好過MENU寫住有各種各樣西餐，出到來好難食果Ｄ酒吧椒串牛柳 $28很喜歡這款，以青椒、洋蔥夾住大大粒牛柳，味道很夾，賣相又好看！韓燒豬五花 $26豬肉口感很好，不會太靭，燒得勁香～孜然羊串 $18孜然粉加羊肉是絕配，必食！北海道墨汁豚肉腸 $18之前去台灣勁鍾意的墨汁腸，見到呢度有，當然唔可以錯過啦～燒香草羊架 $26呢款羊架比平時吃到的沒那麼重調味，只加了香草的香味，適合比較喜歡清新味道的朋友。明太子雞翼$18明太子雞翼有驚喜，原來已經預先去骨，原本是骨的部位換成明太子，勁正!!!金銀絲扇貝（兩隻） $50好鮮甜蒜蓉澳洲茄子 $32又是每次必點的燒物，沒有落太多蒜蓉，較注重本身的清甜味。脆米流心芝士波 $28表面脆米粒口感很好，內層是拉絲的芝士，邪惡度爆登1664 $58hoegaarden rose $63推薦大家一齊來摸住酒杯底食串燒，一流享受

太子有間串燒同酒吧嘅化身，一次過滿足兩個願望！裝修都唔錯，燈光偏暗，座位闊落，不斷播住歌，都幾適合三五知己黎飲酒傾吓計，放鬆下鋪頭位置旺中帶靜，地鐵站一出行幾步就係喇有紅酒、白酒到香檳同啤酒都有提供食物選擇由肉類去到海鮮、蔬菜同埋小食仲有另一樣野值得提嘅就係，佢哋點餐係直接搵白板筆寫落呢張度，咁就唔會浪費紙張，幾環保♻️我哋啲嘢食嚟啦！我見到佢一個叫一是難忘咁特別，所以就嗌咗原來係雞嚟嘅，但係隻味又真係幾特別同其他串燒唔同，因為其實串燒全部都係同一隻味韭菜超級長～蒲燒鰻魚原來有咁大條架！都幾厚肉😋😋

事發，我本身同一位朋友坐緊4人桌。咁有客黎，要我地share table, 分番開2個位一張桌。我就話好啦，咁有趣既事情來了！我叫既野食等左好耐都冇黎到....但隔離桌遲過我入黎就有野食...隔離桌發現佢地食緊碟野唔係佢地... 同侍應講啦... 咁個侍應拎左碟野比廚房。個廚房有玻璃，我朋友睇到晒佢放入微波爐再丁，再比碟野我地...仲要搞笑到我朋友問個侍應:朋友:我問你，呢碟野係唔係係微波爐到出黎？個侍應答:係咁即係你地一直回收人地食剩既野食再賣係冇問題？我以後都唔會再去...

又到weekend，係我地打工一族鬆一鬆嘅時候，約左朋友見面，地點揀左太子，皆因無論你住邊一區來呢度好方便，兼太子一帶選擇超多，今晚就去咗呢間「Lava燒」㨂佢原因是：第一，就腳，地鐵、小巴，巴士、揸車第二，我地想飲嘢兼食少少串燒第三，坐得舒服，環境氣氛好第四，價錢公道合理，呢一區來講應該話算平第五，梗係好味道啦串燒十零廿元已經有交易，喂！唔係街邊擔櫈仔嗰隻喎，環境格調絕對OK坐低，乜都唔使講，整返杯啤酒啤一啤先，小小酒精，傾計都會放好多，特別relax燒大蝦⭐️⭐️⭐️⭐️大家都知道燒大蝦喺串燒來講真係好正，大大隻,啖啖肉，香噴噴,乜都唔使講燒香草羊架⭐️⭐️⭐️⭐️廿零元一件，份量啱哂一個人，肉香酥軟，正金銀𢇁扇貝（兩隻）⭐️⭐️⭐️⭐️又係絕對要試啦，鮮甜肉嫰，再食埋啲粉絲，包你滿意明太子雞翼⭐️⭐️⭐️⭐️火候啱啱好，皮脆肉嫰蒜蓉澳洲茄子⭐️⭐️⭐️⭐️燒茄子絕對係我至愛，好快就俾我哋K.O.晒咁舒適嘅環境，當然高朋滿座啦，傾吓計，吹下水，真係好Relax，疲勞盡消，香港人，喺時候放鬆下啦

今日同朋友放左工想relax下傾下計，行過太子就係Lava燒坐低左，見有好多串燒食，啱晒我地坐底一邊傾計飲酒一邊食串燒，而呢度環境都幾有格調，幽靜得黎又乾淨。我地一坐底就先叫左一杯1664同Mojito，飲開酒既我地一飲就知道呢間酒吧並無溝稀到啲酒。跟住串燒就叫左椒串牛柳、烤牛肉串、孜然羊串、明太子雞翼、大蔥雞串、金銀絲扇貝、燒尤魚串、腐皮串、燒玉子。質素相當不錯，雖然味道略嫌單調，但係酒吧黎講算相當不俗，送酒佳餚。呢度仲有一啲大枱，不論少人還是多人，都好適合黎呢度傾計。

夜晚晚行過酒吧街覺得好肚餓同友人行過呢間酒吧&串燒餐廳用木裝修覺得好別緻就入咗去試下串燒menu同埋一般酒吧都有嘅wine同啤酒都有問咗店員有咩特別介紹之後就點咗芝士漢堡扒（聽講會流心架）和風燒鯖魚（大大條，店員仲好貼心咁提示我地快啲食，如果唔係凍咗會變得好腥）蒜蓉澳洲茄子（呢個同平時出面食嘅燒茄子有啲唔同，呢個茄子比較厚身少少，但可能難燒啲，個感覺有少少生）明太子雞翼（鐘意食明太子嘅一定唔可以走寶，啖啖明太子）不過價錢就略嫌小貴我地兩個大概每人食咗200蚊到仲嗌咗杯啤酒啤啤佢

剛剛工作完，想試番杯啤酒爽下，係行過條酒吧街，見到主打串燒，入黎嘆下都好，而且剛剛開門，人不多，我可以靜靜地嘆一陣，坐底已經即刻叫杯大既hoegaarden飲雞拼盤都必點，因為有雞皮，雞腎，雞肝，雞免治，另外還有，一試難忘和雞燒醜，食剩最後兩樣，先個係咩黎而椒串牛柳真係要點，牛柳好嫩，雖然好大舊，但咬落夠軟冧，磯燒海螺肉同金銀絲扇貝都唔錯，有醬汁的味道已經本身的鮮味都足夠，煙肉芝士烤菇都正，咬落十分juicy