Le Bon Pain Bakery (已結業)

見大家都有食,我今日就一於去試!其實我見得同panash 差唔多~佢真係學得好足bo!又唔見比panash差, 而且cream chesse重多過panash tim!可能咁o岩我食果件落重手左,我果件scone真係食得到一pat pat cream cheese~不過合桃就少左d

外皮有鬆化口感, 夾雜著香脆合桃, 不濃的芝士夾忌廉, 雖餅面上巳灑滿沙糖, 但仍吃到帶點點的苦味?!

呢間係係何文田panash附近既,今日特登想去panash買包但佢初4先開,行返火車站時經過呢間,要左合桃忌廉芝士鬆餅~$5.5,平panash1蚊cream cheese少d,個scone冇咁香,係食得出有分別既.

都開差不多一個月, 入到去見D飽種, 就覺得同PANASH好似, 不過形似, 但神唔多似, 價錢都同PANASH 差不多, 平少少咁啦. 幫襯過兩次, 一次係鄉村法飽, 因為剛出爐, 熱辣辣十分好吃, 但就欠缺了少少糖霜在飽面. 另一次係朱古力丹麥飽, 好好味, 朱古力適中, 沒有PANASH那麼多, 面頭又焗得夠香口, 我好鐘意. 不過見到我既至愛芝士飽, 就唔敢試啦, 淨係個樣都同PANASH差好遠.

因朝早要去勝利道附近上堂, 由火車站行去離遠望到0左呢間麵包鋪. 門面好新淨, 估計新開無耐, 全店裝修主要用橙色色調, 加上地方頗大(相對附近的麵包店), 第一印象唔錯.但入到去就發現差唔多一半的麵包架係吉的, 有點失望, 因0個陣時九點都未夠, 唔通D包包咁快賣晒???? 最後都係快快手揀左個藍莓軟芝士酥. $7一個, size大約好似手掌咁上下, 我買的時候個酥已凍0左, 但好彩食落去都唔會好硬. 中間的藍莓醬唔太多, 面有幾粒四四方方的軟芝士, 隻芝士幾好味, 唔太濃, 配埋個藍莓醬都唔錯. 可惜係份量細, 食完都唔覺.環顧佢地的麵包價錢都算偏貴, 可能因為地區關係啦. 雖然地點都近火車站, 但我唸我唔會刻意走去幫襯...