Le Bon Pain Bakery (已結業)

真想不到這間 La Bon 會摺埋，畢竟這店在何文田區都屹立至少有五年的歷史。有時慳妹路過都會發口痕入去要少許o野食。因為每當你走到麵包店不遠處，已經嗅到麵包香。尤其是在晚上路過時，這店舖泛黃的燈光，令人覺得有點像日劇《真夜中のパン屋さん》(深夜烘培坊)那間麵包店一樣。當然， La Bon 不會在深宵營業呢！店內滿佈麵包架，擺放了林林總總的麵包。而La Bon 應該是走中高檔路線，有多數同類麵包店一樣，有一個「特色麵包」專櫃。除了麵包外，還有少量切餅蛋糕和自製果醬出售，都幾齊全。小妹每到 La Bon 都唔會速戰速決，我會走完一圈再一圈，看看有甚麼造型有趣或新產品﹑甚至是那些麵包是抵買的，我才會買的。都看不到有職員揶揄我喎。當天到 La Bon 看到一款新出品叫做「紫薯Q心冬甩」。說是冬甩，不過不如傳統的冬甩有圈的。不過其外層色彩較紅，而且舖滿小糖粒，甚為吸引。再看到價錢不算貴(港幣 10 元)而且是 NEW! 產品。那便買一個來試試。暖暖的，一口咬下去，微微的糖粒甜味和有點脆的外層創造良好的口感。外層厚薄適中，內裡是紫薯的主餡料，偏甜，但算是有細綿綿的質感。再咬入一些，原來最內層有一

幫襯貴店好多年，估唔到有一日都系因為貴租維持唔落去，真系好可惜……系last day點都要趕去幫襯最後一次。一直以來的最愛，紅豆芝士包，第二度永遠揾唔到甘好食的包，芝士落足本好軟好cream（我估系水牛芝士？），包系歐洲風格脆脆硬硬而唔系通街個種日式個d又甜又軟的包。我甚至有朋友中意到系上水住都專門過黎買……無論如何，感謝貴店一直以來出品甘多好味的包，如果將來打算覓地重開的話，記得再系openrice開番個頁面，等我可以再搵番你地啦！

今日搭完巴士落車，見有少少想食嘢就當然幫襯非連鎖經營嘅麵包店啦。 行入去見到啲包嘅外觀都幾似日本造型麵包，而且有仲有啲韓國午餐肉同埋啲揸麵包嘅朱古力、蜜糖etc, 心諗都幾整全，本應加分，點知我見到麵包tray裏面有幾隻蒼蠅係度飛來飛去 ，所以嗱嗱聲係另一層夾左個忌廉麵包$9同埋三文治$13。行去俾錢，見有人已經俾緊錢，咁我當然係佢格離排隊，點知有位"女仕"拖住啲行李大搖大擺，仲要係我排緊嘅另一邊又再開一條新隊伍 下，咁都得？！之後仲有位"男仕"即刻企去佢後面霸位 下？？？最神奇係三個店員都見到係我先排隊，佢好似當我透明咁照同"另"一條隊伍收錢 我就咁企左係到直至佢終於叫我俾錢。其實我係呆左，好難明白點解幾個店員都若無其事 而家講下個包:1.忌廉勁甜2.麵包勁硬3.三文治冇餡完。

次次經過Le Bon Pain Bakery都會覺得好香，今次入左去隨便買一個好似健康啲嘅多穀麥包，唔記得exactly個名係點。一包有5塊，$13。價錢普普通通，不過其實袋包真係好輕，五塊先得165g。大家可以比較下普通嘉頓個啲方包，一塊大概係50g，但呢隻一塊只係大概33g。佢咁輕嘅原因係因為佢有好多空氣，所以食落係好鬆軟好鬆軟，我幾鍾意佢咁鬆軟，不過就會食極都唔飽咁。望下後面嘅成份，其實糖份都幾多，而且落左Margarine，所以都唔算特別健康。雖然佢叫多穀麥包但我覺得穀類同埋瓜子個啲係非常少，每一啖先得一兩粒瓜子，完全唔見有oat flakes。整體黎講，味道同口感都唔錯，不過我建議可以落多啲cereals。

啱啱食完晚餐返屋企，經過哩間餅店，聞到好香嘅包味，可能有新鮮出爐的麫包（咁夜仲出爐？），就走咗入去睇下。入到去仲香，不過麫包種類多，都唔知邊隻包啱啱出爐。見個装着燒餅個cover冇關，心念可能系新鮮出爐的，就買咗個離試下。買完之後梗係食啦！點知個包好硬，裏面D菜好凍，又冇咩味，好失望。以後買包都係唔好夜晚買啦！

第1次寫食評因為太憤怒了。。之前見呢間野咁多人讚，剛巧路過，咪入去睇下，第1次黎當然會行1圈先決定買咩，而且好幾樣飽都吸引，所以諗左少少時間，點知有個店員就大大聲話"今日d人諗咁耐都唔買，仲賴死唔走" 仲要大大聲講左2次。你打開門做生意，就預左有人睇架啦，而且買野梗係要經過選擇既過程，我唔要求5星級服務，但係唔係要聽呢d受氣難聽說話。香港又唔係得佢一間bakery, 即使點好食都好，我唔會貼錢受氣，以後唔會再幫襯兼且奉勸各位杯葛呢間野。我寧願幫襯A1 or panash.

係何文田返學既我...如果搭小巴係旺角落行返上何文田都會經過呢間麵包相信如果大家有經過都會比被佢既麵包同埋牛油香吸引(約廚房既排氣位對住街真係叻)其實我以經食左野出門...但因為我LASTDAY返何文田啦...以後再想食麵包就唔順路(其實我都算半個旺角人都覺得唔想行個邊)佢位置係旺角火車站條橋下(往何文田方向)行上少少一到去你會見到一盤盤好令既麵包係你眼前佢個麵包都有介紹材料有D係無糖咖我最後簡左個巨包田園法式軟包(無糖)$12SIZE約2手掌大買完切完就拎返學校食佢既外層白色的粉(不是糖的...是麵粉???HAHA)見到佢既麵包氣孔好令咬落去外皮係個脆之後白色麵包部份係軟熟..雖然無糖而牛油味無麥...但麵粉味很香!!!!!我諗佢既麵粉成本都唔平...我無搽JAM個D淨食包都1口氣食左半個佢地曲奇都好正咁...$16/100G(約10pcs)好想試佢地個綠茶紅豆曲奇....啊!!!不過有讚有彈既..我覺得佢地mini系列就一段啦qq ball系列無yamazaki好食...mini dount又超級甜但你諗下當你比十幾蚊美心既難食包(美心係我覺得係最無heart連鎖麵包店)或者比2x

不知道大家有沒購買今期的《新假期》? 當中又有為食媽媽的採訪了，而這次地點是旺角／何文田交界的Le Bon Pain。這店舖門面很寬敞闊落，並附設餅房關係，出品甚為多元化，如甜品除了一般的西餅、蛋糕，還有北海道戚風蛋糕、馬卡龍等，比起舊日的紅磡小店是規模大增。 店內就連周邊產品的朱古力、花生脆皮、包裝曲奇、餅乾條、蝴蝶酥等也有發售，當晚所見也有不少食客選購。 當然這裡最核心、也最廣受歡迎的，也是當晚試食的重點，就是全天候不斷出爐的超新鮮麵包；大家都知道新鮮出爐，真的可令美味度增加200%，當晚聞著那陣麵包香氣，真是迷人極了! 根據既是麵包師傅、又是麵包迷的老闆何生講，此店用料嚴謹，如選用香濃軟滑、奶香十足的紐西蘭靚芝士；而麵包、曲奇等則使用Anchor的優質牛油，取其香濃味純的特點，難怪香氣撲鼻來啦! 面對新鮮出爐的多款靚包，只看不食好難忍啊! 所以拍攝完麵包，快快讓我展開試食啦! 先試藍莓乳酪堡，清甜藍莓與微酸乳酪一向都是最佳拍檔，再襯以鬆軟的麵包真是沒得輸；但這裡還加上芝士脆皮頂層，為這款甜包帶來更豐富的味道與層次變化，是個下午茶妙品呢。 接著品嚐總匯多士，夾層的火腿、蛋

每次踏入旺角, 總覺得有種難喘息的機會, 只因人流實在多得很, 但偏偏在火車站就邊相對幽靜一點, 算是遠離喧鬧, 早在數年前已發掘到這家餅店, 如果時間容許的話, 真想特意過來跟美味相會。 路過時已有陣麵包香飄送過來, 在誘惑之下, 很自然便想停下腳步, 入內轉個圈看一下都好的。店內陳設簡單, 空間感蠻大的, 款式種類劃分細緻, 滿室都是麵粉的香氣, 愛包的我頓時開懷。 只要細心留意的話, 不難發覺風格有點panash的影子, 但就多點台式風味, 某些出品跳出傳統框框, 是幾令人意想不到的。 甜跟咸包的比例相若, 每個造型一點也不馬虎, 不自覺呆了好一會。印象panash 中也有合桃忌廉芝士鬆餅($8.5), 完全是倒模的樣子, 但就不是何家為先。 本身明明不太愛吃合桃, 怕了那陣苦澀味, 但一見鬆餅, 竟被吸引過去, 真奇怪。 餅身看似扎實乾巴巴的, 實只是假象, 近邊位帶點鬆脆, 組織細軟綿密, 麵粉味較重, 沒太多牛油香, 樸實一點, 夾雜大量烘至香脆的合桃粒, 顆粒不太細碎, 不然便失去食味, 出奇地沒了澀味, 反而是濃濃的甘香, 還有奶滑的忌廉芝士,餅面特意撲上砂糖, 吃時

下午突然曲奇癮起，想起半年前留意過的這家店，於是便立馬過來看看。首先來到曲奇櫃前察看，混合售價為$16/100g，獨立售價則較便宜。取捨不適用於我，所以選了前者。這次選了六款口味的曲奇，分別是燕麥提子、黑白朱古力、綠茶小紅莓、十勝牛奶、伯爵紅茶和咖啡合桃。這裡的曲奇牛油含量較少，鬆脆程度自然較低，完全不覺有牛油膻味，突出的反而是每種口味的本身。這幾款中最得我喜歡的是十勝牛奶和伯爵紅茶。前者的質感是在各款中最為鬆脆的一款，而且真的有所謂的牛奶味，不管是香精還是純天然，合口味便好了。後者的伯爵茶味不會過濃，而且與牛油香頗為相合。至於其他口味就沒有使我印象特別深刻的特點了。炸煙肉芝士包($9.5)，外型酷似邪惡的炸芝士條是吸引我選它的原因。外層是經過油炸的，一粒粒的是麵包糠。內裡是火腿和芝士，火腿味道稍淡，芝士味濃不過略嫌量少。包身是軟熟的，水份足，不會過乾。忌廉號角($8)，內裡是幼滑的吉士，蛋味與奶味同樣香濃，很不錯。號角，即包身也相當軟熟，而且不太厚，加上朱古力外層，整體比例拿捏得很好。是吃過以來可說是最好的吉士號角。美式芝士($14)，賣相相當精美，十多元也有如此的賣相，餅師確很有心

麵包種類繁多，而且有別於一般「大路」款式。麵包外型精緻，很多款式都想買來一試。可惜自己不是住在店舖附近，不能一次買太多。今次再買了他們的招牌「紅豆芝士法包」，喜愛法包質感的人必要一試。若不愛法包的人，可能會覺得較硬。另外，今天試了他們的曲奇($16/100g)。大約有8-10款選擇，價錢合理。自己一向喜愛餅店出品的新鮮曲奇，Le Bon Pain Bakery的曲奇也真的如其他食評中那麼好。我買了黑白朱古力味及咖啡味，兩款質感同樣鬆化。朱古力味及咖啡味也夠濃，而它們不是重牛油味的風格，食後不會有很「漏」的感覺。很喜歡。而且，店內的麵包師傅也很nice. 值得推介的一間有heart麵包店！！！

每逢去何文田，最愛徒步下山，再到勝利道看看寵物店的得意小貓小狗，再去Le Bon Pain買心愛的芝士包。以前放學常與同學到寵物店看小狗，一看就看十幾分鐘，不願走的，小狗太得意了，可惜我有嚴重的鼻敏感，不能養寵物 看後就會與同學到Le Bon Pain買包吃，通常放學都是餓得比錢後邊走邊吃呢!!今次是買了以前每次都買的帕巴臣芝士粟米包，一袋四個 ($13)，打開包裝袋芝士香氣撲鼻而來，芝士包依舊鬆軟，內裡有少量粟米粒及 紅米粒(?)，很有咬口的，即使不肚餓，也可以吃兩個。我有少少後悔為何只買一袋，應該買二袋回家啦，HAHA

數月前在這間餅店吃過鬆餅，感覺不錯，這天再次路過，入內看看有些什麼吸引的飽餅可以買回家做下午茶，見多款不同味道的自家製曲奇餅，好像腰果曲奇、咖啡合桃曲奇、黑白朱古力曲奇、南瓜籽曲奇、十勝牛奶曲奇、伯爵紅茶曲奇等，都是劃一價 $16 一百克，便在眾多味道中揀了自己較有興趣的一款「朱古力燕麥合桃曲奇」回家。原來這間餅店的出品不只鬆餅好味，就連曲奇餅也有水準，這 100克六塊的大件薄身曲奇餅，餅身鬆脆，朱古力味濃郁，而且因為材料中含有燕麥和合桃的關係，帶來粗糙而有嚼勁的口感，雖然甜味稍重，吃得多的話可能會有點膩，仍然頗為好吃。鬆餅試過了，曲奇也試過了，兩者都非常不錯，下次再來，應該是買麵包了吧！

經過見到有綠茶ＣＯＯＫＩＥ就想試下，　老闆好好人請我食一磈。真係好有綠茶味，好正！而且唔會好膩，價格又合理，＄１６有１００Ｇ，立即買！！仲買埋紅茶，朱古力等都ＶＥＲＹ　ＹＵＭＭＹ！！！但最鍾意綠茶，好難有咁好味道！

食面包食到推介比人，呢度都係第一間喇，無論蛋糕面包小零食蝴蝶酥定曲奇，都總令我滿意1.黑糖提子多士~$10一包o個陣，我試過一次買晒成盆，分享比家人朋友食，事關我買過一次之後，有一段時間我黎親都話賣晒嫁@@＂一包有九條，鬆脆可口，黑糖係痴o係面o既，即係少糖粉 d o既就無咁甜，買o既時候可以自己揀多糖定少糖。而家加左價喇, 好似 $ 12 一包, 都仲係好快賣晒....2. 層層香濃 / 綠茶紅豆層層香濃~ 呢個就好似丹麥o個d 面包咁 , 好香牛油同牛奶味就咁食一個好似方包咁o既包, 都可以咁好味 !! 綠茶紅豆就仲正啦我試過買返去烘一烘之後上面加球雪糕咁食 , 無得頂呀 ^V^3. 芒果瑞士卷~ 好似 $ 26 一條, 但物有所值o家, 唔係一般芒果果 jam ,而係食得出用新鮮芒果做o既果醬, 甜酸味得宜, 一盒六件都幾厚身, 個蛋糕係無平時瑞士卷o個層啡色皮 , 好味4. 紅豆栗子酥~ o個排日日都買唔到黑糖提子多士條, 就日日都買一個紅豆栗子酥佢個鬆化程度簡直係大師級法式拿破崙o個層酥皮咁好食,紅豆栗子餡雖然係撈埋一齊, 但都食得出兩者o既香甜味道## 好食o既仲有脆皮流