Le Velo - The Baker

营业中

休息中

今日終於都得閒o黎試o下呢間o係公司附近o既餐廳，一直睇食評都覺得佢幾唔錯店子真的細細，座位數埋都係得廿個左右，是麵包店與小型西餐廳的混合體要先到櫃位俾錢，就可以o係位度等。每個餐可以配湯或茶啡，朱古力就要加錢跟湯來的提子麵包非常鬆軟可口，軟軟的又甜甜的那個火腿菜湯尚算濃郁，都仲可以飲/食得出一o的菜味主菜是香草露筍鮮蝦長通粉，呢個真係要值得一讚！蝦數落係起碼有七八隻咁多，咬落去係爽、唔係老。露筍就遜了一點，但o的豆苗唔苦，香草味都幾好，少少鹹但整體好香口，長通粉亦不會過度油身店員的服務也是不錯的七十多元一個餐是否物有所值呢？值！

I missed the food and service when it was in Jervois Street. Both quality of food and service are bad now. The waitress was very impolite when we chased the order. Especially, she was using a rude wording of "nothing to owe you now". What kind of service does it provide now? I am definitely sure that I won't go there again!!! Of course, I will recommend my friends not going there as well.

中環食飯一向都快快手攪掂一般既餐廳又多人食物質素又唔會好高但呢間野的確可以話係好!我第一次去都覺得佢好好今次都係好所以要讚下佢第一次我食左大蝦意粉同火腿沙律我形容超級好味一碟意粉有十二隻蝦以上(唔係蝦毛)意粉不差個白汁仲好好味好正而沙律係用金門火腿做材料4大片絕無欺場蔬菜水果都非常新鮮加上千島醬好正呀第二次就食左焗豬排意粉塊豬排我比8分really好好味~好正~我覺得佢好係因為呢間野煮野有Heart又足料雖然坐就不太舒服(因為餐廳一半為麵包店)而價錢每個set lunch 都要 $50以上唔係話平但中環差不多啦總結:料靚、足料、廚師有Heart好抵讚~

24Dec2007 0827如巴士不回程載客，一落就對正這間餐廳，是日年尾發功，進佔一席。除丁麵及極特別食物外，湯類不嬲唔叫，在眾多的類項中，蘑菇火腿奄列是不二之選，蛋表面似乎煎得比較乾身，食落有少少過熟及叫做有水份，側邊的兩塊青瓜及蕃茄片亦有少少生水。加埋熱咖啡及多士後，諗下點樣可以將時間超頻，即係過得快點。

(20/8/08)今日工作攪到個人好無mood,想食下d自己鐘意既o野。見佢d麵包都唔平,不過咁遠來到,買黎試試,買杯咖啡,點知原來已成一個餐,算係執到平野噃。花生醬包一夾下,e….!!?好軟wor~!仲有爆滿的花生醬+椰蓉餡,好有驚喜,正!另外一驚喜是,咖啡伴了兩片曲奇,好有外國style,曲奇好脆還是熱熱的!Mocha,拎回公司,同事已聞到說好「哽」,飲下果真好「哽」,奶不多,咖啡濃度可高呢….,可惜趕快要工作,沒有攪混,o拿o拿聲飲完,才發現那濃朱古力沉晒底啊!!

沒記錯，這裡的前址是在蘇杭街那邊，以賣各式即製麵包作招徠，搬了來這邊也未幫襯過，是日就來吃個早餐。要了個腸煎蛋的早餐，還有杯熱咖啡。先來一籃子多士，烘得熱脆，滿有麥香，是自家製作吧！塗上牛油，也很不錯。其實再加果占，就算單吃多士也可以的了；蛋是太陽蛋，煎得幾靚。腸是豬肉腸，幾有份量，有點香草的味道，也好。加埋杯熱咖啡，拿份報紙在慢慢看，相當舒適。埋單25蚊，會再來的。

迷你提子合桃包....外面勁脆,脆得泥又唔硬,並非新鮮出燼都可有這個效果...不錯!!提子及紅苺及合桃佈滿整個包,每一啖都可以咬到及見到它們的足跡!最喜歡合桃!因為很新鮮及脆!!好想試它的bagel,但不知道有醬提供的嗎...p.s.供夾麵包的夾有很多麵包類的物體黏著....

今日又要放TEA, 亦要去銀行辦事, 平日上大陸坐車, 見到呢度既面包幾靚, 食客食既意粉亦不錯, 但中午價錢, 高尚了少少. TEA, 20多元一個Set, 又幾好, 個肚唔想食麵包, 見佢有個煙肉蘑菇通粉, 就來個Pasta. 份量不大, 一般下午茶Size, 煙肉蘑菇"湯"通粉, 好有茶餐廳Feel, 亦好有早餐feel.煙肉蘑菇"湯"通粉, 個湯底其實唔錯, 拍得上茶餐廳. 小弟沒有食其麵包, 但其"湯"Pasta 都算是不俗, Coffee ok 好飲.中午黎可能有唔同評分.

今早以27元在這裡吃早餐，Omlette做得不錯，也有附上面包，可以點蛋汁吃。午飯再在同一地點吃。面包仍是很好吃，更得同桌的人大讚﹗雖是自助式的，但我不去取餐具，店員也會為我送上。

和同事食晏, 原本話去食素食.行過此店又見有包有意粉, 個樣幾好坐, 就轉移陣地.地方唔算大, 午飯時間又是打崩頭似的.平平地簡單的可以叫法包餐, 吃多少少就可以叫意粉餐.我要了個出奇少少的配搭: 咖喱羊肉配意粉.先來羅宋湯, 一般貨仔, 麵包純麥的幾好, 有顏色就唔係好掂, 味道怪怪, 個人接受唔到羊肉是冷藏貨, 羊肉咬得開, 質感肉味尚存, 但咖喱汁太單薄, 完全沒有層次, 稀稀的; 薯仔反而煮得不錯.同事的香草三文魚天使麵賣相ok 不錯, 但同事之後的報告是咸...另一同事豬扒飯豬扒沒有投訴, 但佢話粟米好硬.睇住廚師煮意粉, 大家都有著同一同感, 像煮車仔麵!差唔多六十元, 都應該冇下次.

麵包的選擇好像比之前小了一些，不知道是否因為新開未ｒｅａｄｙ的關係！而且麵包比之前細個咗而且貴咗～提子合桃包之前＄１８，現在＄２２；是因為牛奶製品及麵粉都大幅加價的原因吧！可是味道依然呢^0^至於港式麵包，水準和之前一樣不太出眾，始於她的尊長是西包吧。下午茶的選擇比之前小了很多，現在沒想到窩夫呢！希望遲ｄ會有啦～是次下午茶要了ｓｃｏｎｅ　＋　ｃｏｆｆｅｅ，提子ｓｃｏｎｅ味道一般；是我的要求又高了一點嗎？或是的已經給四季、文華、島及萬豪寵壞了？知道她一定不可能有ｃｌｏｔｔｅｄ　ｃｒｅａｍ，於是要求跟ｗｒｉｐｐｉｎｇ　ｃｒｅａｍ　及　ｊａｍ；　但是店員說ｃｒｅａｍ賣完只有ｃｒｅａｍ　ｃｈｅｅｓｅ，心想也好吧！但下一刻店員又說ｃｒｅａｍ　ｃｈｅｅｓｅ也賣完！！！！　這一點真的要改一改啦；總不能和之前一樣要什麼無什麼喔。而ｃｏｆｆｅｅ味道正常，不太特出。

Hey all you Le Velo fans out there, the place has re-opened at a new location in Central! The new place is on Connaught Road Central near Sincere Department Store. It's in the same space that used to house that Italian gelato shop called Tutti Fruitti I think. The building itself is called Beautiful something Tower. The new shop is more spacious and has a full glass shop front that allows customers to people-watch while enjoying their food. I quite like the new set-up. Hurry along and chec

我都覺得好可惜,而家好掛住d bread and food.如果我知道係邊度開,我會話比大家知.好似會係中環ma. 我li 幾日食附近d 三文治..好難食..唔低食,個bread 硬o既............唉

有冇人知呢間店會在其他地方重開嗎? 它close前一星期我都去過，誰知之後就.....它做的麪包好好吃的呢

認識此店之時，仍是一日開九半，唔做早餐生意的小霸王；今非昔比，生意實在難做。吃的是石頭包：它的外表硬硬的，乾乾的，若不是從焗盤中取出來，還以為是硬豬包貨色。握在手中，尚有餘溫，亦有微香；一口，外脆內軟，色澤尤如墨汁包，有松子、南瓜籽、提子乾等，味道比一般百穀包出色（至少比它咱家的好- 個人嫌它的百穀包不夠粗）。手中拿鐵，雖然奶泡不企身，但勝在易入口。還是要多個包行街吧。