Little Prince

营业中

休息中

今日去左葵興個邊見工，咁岩朋友都係個邊返工，就約左佢食晏，葵興我只知道KCC有野食😂見KCC地下間cafe唔錯就入去試下(´▽｀).麻辣牛肉忌廉汁意粉 $68麻辣呢個字好少配意粉出現，中西Crossover幾特别，意粉煮得適中，唔會太林，醬汁辣度正常，唔算太辣，屬於大眾可接受嘅辣度。牛肉幾滑身，夠哂入味，朋友話似雞煲既味道😂.檳城叻沙蝦意粉 $65本身猶疑緊叫呢個定係冬陰功意粉，見叻沙意粉比較特別就試下🤤意粉好掛汁好食，少少辣，蝦肉都大大隻，好彈牙，亦有番茄仔同蒜片調味！.柚子蜜梳打 $14柚子味濃，清新解膩.荔枝玫瑰梳打 $14荔枝味唔會好假亦唔會太甜，入面仲有一粒荔枝，整體好fresh～.餐廳每個月都會推出一款限定的新口味意粉，今個月係韓式泡菜海鮮意粉，呢到有好多特别既意粉，係附近返工既不妨黎試下(´▽｀)

📍LITTLE PRINCE 午餐嘅時間最好就係簡簡單單又一餐🍝一碗意粉一杯咖啡可以享受一個寧靜嘅下午☕️係一個繁華嘅商場入邊找到一份寧靜午市嘅時間，依一間coffee shop都吸引咗唔少嘅學生同埋打工仔。最緊要係價錢合理，食物又有質素，唔係隨隨便便炒個意粉就算，食得出用心製作🥳✨煙三文魚煙肉忌廉白汁意粉每種口味都有混合奶油調味皆帶有奶油香氣、奶香味十足忌廉白汁好濃郁，意粉好掛汁吃得出老闆的用心，很有「家」的味道✨熱草莓鮮奶店家還是用進口的草莓喝起來仲有濃烈草莓味🍓真的非常好喝 草莓不會過酸反而很甜＋ 整杯喝起來就是超級當季的草莓牛奶奶酪配在一起剛剛好🍓

25/1中午，我叫了一個外賣，去取時因為我講緊電話，收銀員立即大聲呼喝，我便立即收線，因為我覺得有些吾好意思，但她的態度仍然極差，說話凶惡及將單據掟向客人！極度過分，我從來沒有遇到這種態度惡劣的員工！我同她面拆時，他還要說（投訴我阿笨）如果佢唔係老闆，請她做員工的老闆是否要諗諗換過員工做收錢！！食物質數幾好都沒有用，如果我不是第一個投訴顧客，老闆真係要考慮把她遣散，因為這樣對你的店舖也有不良的影響！

今次嚟到這間餐廳試下佢哋嘅招牌意粉，真係唔錯。首先，冬蔭公鳳尾蝦意粉嘅表現就好驚喜，泰式嘅酸辣滋味同意大利麵條嘅Q彈完美結合，辣辣哋嘅香味撲鼻來，鳳尾蝦又鮮嫩，食落去好夾，真係過癮！🍤然後，西班牙辣肉腸、煙肉、茄汁意粉都唔差，煙肉嘅咸香同埋茄汁嘅酸甜好平衡，煙肉脆卜卜，啖啖肉感，每啖都嚼勻茄汁，味兒夠哂，開心！🍳至於飲品，香芋鮮奶真係太正啦，幼滑嘅口感同芋頭香味簡直就系一對天生嘅好拍檔，咪話你唔知，淡淡嘅甜味令人回味無窮呀！😋總而言之，這家餐廳嘅意粉同飲品都令人滿足，平民價錢都能享受到咁好嘅味道，真係值得推介！轉介紹我嚟都唔枉一試，下次記得再約埋多啲朋友一齊黎。

仲以為只有我覺得服務態度有問題原來呢度好多人都領教過午飯繁忙時間剛過，一人食飯見有位想行去坐低我示意是否可以自己求其坐低，又無人應我，只眼望望埋到枱邊想坐低，餐牌都未睇，職員先叫出來（收銀）落單先小…..第一次來食，你估個個知你餐廳規矩咩？問你又唔應你又裝修到好似普通餐廳咁，原來要客人出嚟收銀櫃落單比錢先仲要叫檸檬茶又唔會有羹或者棍俾你，但見幾片檸檬係完整，原來而家飲檸檬茶係唔使篤檸檬食物可以，但服務態度就……..接受到可以幫襯

喺OP search葵興附近餐廳，見到呢間賣相評價都好似幾好，就試下～第一次食冬蔭公嗰個意粉&latte，性價比唔錯！但！敗筆在收銀員嘅態度！真心衰！不過因為食物質素唔錯，再食第二次但！仍然敗筆在收銀員嘅態度！點解可以咁臭4格😒好似前世欠左佢咁呢款態度就算嘢食好食都好都唔值再幫襯，除非餐廳自己識得審視問題所在🤞

收銀員態度十分差，好似前世欠咗佢咁，我真係寧願比貴少少食其他店舖，邊有可能要客人受你氣呢！今時今日咁嘅服務態度點得㗎？既然你比客人又話番轉頭，自己又唔開心，有冇諗過係自己問題？見到佢比客人激親，又唔份氣，佢個人生真係慘！Btw, 啲野食係唔錯！蒜意粉，冬陰公意粉幾好不過份量越來越少飲品都係普通質素，冇咩特別食完就會用眼神係咁趕人走，坐多一陣都唔得都幾唔自在！體驗真係麻麻我覺得唔洗特登去食嘅！😅😅😅

呢間係喺葵興kcc地下嘅木系cafe cafe舖面唔大 呢日係星期六同埋未夠十二點就嚟咗食lunch😉 所以未見好滿座 餐廳嘅午餐有各式各樣嘅意粉🍝沙茶肥牛意粉呢個係10月限定嘅意粉 牛肉配沙茶醬一定係絕配🥰 不過加埋意粉就好fusion未試食 一上檯已經聞到好香嘅沙茶醬味 意粉炒得偏乾身 食落有少少沙茶醬嘅沙沙口感🐮 幾特別 加埋有脆蒜片 意粉幾香脆惹味煙三文魚煙肉忌廉白汁意粉淨係見到朵煙三文魚花已經心花怒放啦 🐟 除咗煙三文魚花嘅三文魚肉 意粉入面都仲有三文魚粒 配菜仲有洋蔥同煙肉 忌廉汁唔會太杰 但係都好掛喺意粉上面🤪 飲品鮮奶咖啡奶味好重 有個簡單嘅心形拉花☕️ 黑芝麻鮮奶就偏甜 芝麻味都夠重嘅 建議用匙羹徹底攪拌先至飲用 因為店員都好重手 有好多芝麻沉澱咗喺底啊😙呢間木系cafe嘅感覺都好舒適 意粉即炒得嚟上菜速度都好快👍🏻 好適合呢頭返工嘅打工仔啊

早幾日Emi去左KCC做野，做完嘢有啲時間就搵吓呢幢樓有咩食，兜咗個圈又唔算好肚餓，最後揀咗呢間食意粉嘅Little Prince，成間舖頭燈光都好warm好舒服，而且舖頭冇咩人，可以靜靜地休息吓食少少嘢🍝Emi叫左個冬蔭公鳳尾蝦意粉，雖然睇落平平無奇，但味道就好有家嘅感覺🏠另外杯嘢飲都幾特別，係黑芝麻Latte，飲落唔太甜🧋簡簡單單又一餐☺️.Little Prince 地址 ｜葵涌葵昌路72-76號活@KCC地下G05號舖

#搞串個pantry又係腐腐👩🏻‍🔬我搵嘢食嘅時間，今次就講下一間位於 #葵興 嘅#cafe ☕️。呢間餐廳位於葵興商廈地下，平日有好多人喺呢頭返工💼，以呢個價錢，揀嚟做午餐🍝都冇乜嘢挑剔😋。🦆煙鴨胸茄汁意粉($57)煙鴨胸幾香幾好食🤤，加埋茄汁🍅嘅鮮甜味，令到一啖食到嘅味道更加新鮮，而且蒜味濃郁🧄，好香口，唔錯！而且餐飲嘅奶茶🧋味道都整得幾好，唔會有死甜味或者好澀。以呢個價錢食到呢種質素，私心❤️可以返轉頭再食。🥞朱古力香蕉熱香餅($36)(下午茶時段)熱香餅嘅質地係煙靭類型🫦，係行美式🇺🇸傳統熱香餅嘅風格，咬落嘅口感似麻糬🍡嘅感覺，口感幾好😋。一啖食到朱古力🍫同埋香蕉🍌呢個經典嘅配搭，滿足到預期嘅味道🥰。

呢間餐廳嘅午餐除咗坊間嘅忌廉意粉，亦都有幾款fusion嘅意粉口味😆💪🏻 煙三文魚、煙肉、忌廉白汁意粉($62連飲品)呢個意粉嘅忌廉醬汁好濃稠，所以意粉都非常掛汁，每一啖都食到沾滿白汁嘅意粉😋 而且意粉亦加入煙三文魚、煙肉同三文魚粒，份量充足，亦令到意粉有好香嘅煙薰味道，令意粉味道更吸引！另外，意粉亦有芝士粉，有微微芝士香。💪🏻 檳城叻沙蝦意粉($63連飲品)檳城叻沙係馬來西亞版嘅喇沙，同新加坡係有啲唔同，檳城叻沙係唔用椰汁，而係用魚湯熬製，所以味道偏酸。呢個意粉同樣都係有微微酸味，而且蝦醬味突出😚 加上叻沙醬汁同樣煮得好濃稠，收晒水，因此意粉都係好掛汁🤤 另外，蝦肉都大大隻，幾彈牙，亦都有少量番茄仔同蒜片調味！另外仲有冬蔭公、泡菜、麻辣、芝麻汁等fusion意粉。味道：8/10性價比：8.5/10 食住瘦指數：💪🏻💪🏻/5

性價比高嘅 意大利粉小店🔸 麻辣牛肉忌廉汁意粉 $66麻辣味通常都係用在米線上，這次係搞fusion，中辣味放在忌廉汁意粉上，好有創意，味道好特別。麻辣牛肉 就做得好冧，唔係好辣，保留 燒牛肉嘅香味。味道：7/10性價比：7/10🔸 煙三文魚煙肉忌廉白汁意粉 $62煙三文魚都幾大舊，手勢做得幾好，鍾意食煙三文魚嘅人應該會好鍾意食。意粉裏面就有好多煙肉，應該係卡邦拿意粉做法，即叫即做，以鹽水熠熟意粉，用煙肉起鍋煎出豬油再放入意粉回鍋炒，放上鮮奶再一起炒，做得口感好creamy。可以用六十幾蚊做到 西餐廳百幾蚊嘅高級意粉，真係唔錯。除煙肉外，意粉裏面有好多鮮蒜片增香，配上口感啱啱好嘅意粉，好食。味道：8/10性價比：8/10🔹環境：近葵興地鐵，在@生活商場地下，舖位不大但有座位面向葵昌路，可靜觀街境，閑坐飲杯咖啡真不錯🤩🗣毋須加一服務費-人均消費：～$66-整體味道：8/10性價比：7/10-#littleprince📍葵涌葵昌路72至76號Life@KCC地下G05號舖

由葵興港鐵站往中環方向月台出閘從行人天橋可直達九龍貿易中心 𝐊𝐂𝐂雖然沒有晚市供應但這家人流不管週末還是平日都駱驛不絕店鋪以白色磚牆和淺色木材桌椅作為基調透白吊燈加上落地大玻璃窗整體感覺明亮開揚簡潔菜單價格亦非常實惠價廉絕對是性價比之選！☞ 冬蔭公鳳尾蝦意粉 $63𝗣𝗿𝗮𝘄𝗻 𝗧𝗼𝗻𝗴 𝗬𝘂𝗺 𝗚𝗼𝗻𝗴 𝗦𝗮𝘂𝗰𝗲 𝘄𝗶𝘁𝗵 𝗦𝗽𝗮𝗴𝗵𝗲𝘁𝘁𝗶意粉彈牙掛汁，蝦肉新鮮爽口。☞ 煙三文魚烚蛋牛角包 $39𝗦𝗺𝗼𝗸𝗲𝗱 𝗦𝗮𝗹𝗺𝗼𝗻 𝗮𝗻𝗱 𝗕𝗼𝗶𝗹𝗲𝗱 𝗘𝗴𝗴 𝗖𝗿𝗼𝗶𝘀𝘀𝗮𝗻𝘁熱辣辣上菜真係份外好食！價錢好合理，份量夠大。☞ 鮮奶咖啡 𝗖𝗮𝗳𝗲 𝗟𝗮𝘁𝘁𝗲 $30☞ 熱情果梳打 𝗣𝗮𝘀𝘀𝗶𝗼𝗻𝗳𝗿𝘂𝗶𝘁 𝗦𝗼𝗱𝗮 $38唔太飲甜野既我都鍾意！送野食一流。✁┈┈┈┈┈┈┈┈┈┈┈┈┈┈┈┈┈┈┈✄𖤘 𝙎𝙖𝙫𝙚 𝘵𝘩𝘪𝘴 𝘱𝘰𝘴𝘵 𝘧𝘰𝘳 𝘺𝘰𝘶𝘳 𝘧𝘰𝘰𝘥 𝘫𝘰𝘶𝘳𝘯𝘦𝘺𖤘 𝙁𝙤𝙡𝙡𝙤𝙬 𝘵𝘰 𝘧𝘪𝘯𝘥 𝘺𝘰𝘶𝘳 𝘳𝘦𝘴𝘵𝘢𝘶𝘳𝘢𝘯𝘵 𝘪𝘯𝘴𝘱𝘪𝘳𝘢𝘵𝘪𝘰𝘯

今日黎到位於葵涌KCC嘅Little Prince，係一間好簡約舒筋既小cafe ,餐廳就起KCC@Life地下扶手電梯隔離，位置非常方便👍🏻葵興又多左好野食啦🤍🤍-煙三文魚、煙肉、忌廉白汁意粉經典嘅配搭，味道好出色，再加上濃稠嘅汁，幾好食。-麻辣牛肉忌廉汁意粉中酉合壁，而且個麻辣味幾麻下，幾入味，不過牛肉食落似豬肉多d。-冬陰公鳳尾蝦意粉冬陰公味濃郁，而且份量好足，好多鳳尾蝦，鳳尾蝦爽口又彈牙，非常惹味。-

葵涌真係都有幾多嘢食，呢一間位於KCC life地下嘅little Prince Cafe都好唔錯，裝修風格簡約，感覺非常舒適自在。-煙三文魚、煙肉、忌廉白汁意粉煙三文魚同埋煙肉真係好夾，再加上調味出色嘅忌廉汁，食落一啲都唔膩，幾好食。-麻辣牛肉忌廉汁意粉中式嘅麻辣牛肉同埋西式嘅意粉Crossover，都幾特別，滑牛肉爽滑嫩口，而且入味，加上麻辣味，幾唔錯。-冬陰公鳳尾蝦意粉冬陰功味好濃郁，而且非常地道，個汁好濃稠，掛晒上去個意粉度，非常好食。再加上份量非常多嘅鳳尾蝦，又大隻又彈牙，再加上調味，食過返尋味。