LM Cafe (已結業)

剛剛同同事食下午茶，諗住好耐無黎過就過黎食下，點知.....係失望既。服務、食物愈來愈差。我叫左個TEA SET，內有五香肉丁麵，個麵味道不錯，份量就較岩女仔。不過，我跟同事TEA SET內分別都有腸仔 同 芝士腸，就出事了...腸仔又燶又"巢"、芝士腸好似炸完又炸.....之前叫飯餐外賣都試過，(佢地有個$30自取飯，有時係雞脾+腸/雞脾+火腿/豬扒+腸..)其實價錢係抵既，不過條腸仔就永遠係又燶又"巢"。 而我望到對面搭枱既女士，芝士腸完全無事，所以要更換~希望可以留意一下.....此外，而度有個收銀既姐姐日日都好亂，又失暈，畀左$又話你未畀等等問題。但而幾日轉左個男收銀就嘸事。

行完觀塘區的海濱公園，路過這店给舒服的裝修所吸引，高木製的枱、大大的sofa, 有種感覺叫人入去坐下，停一停，休息下去醫肚，餐廳内還播放一些流行曲， 令人心情愉快， 餐牌內有超多選擇 ，最後選了一個芝士雞扒飯 ，芝士配搭雞扒非常特別，肉質嫩滑而好味 ，另外叫了一個黑松露意粉，松露的鲜味帶起意粉的美味，跟餐的沙律，材料雖是平平但算合格、而湯也是一樣、而那杯凍咖啡，非常香濃，但以佰多元的價錢來说，這餐廳是十分超值的。

朋友係觀塘返工，推介食呢間cafe，話係好平好平，今次就去睇下有幾平。間cafe好大，環境舒適，有長枱同卡位，餐牌有好多選擇，價錢適宜。雜扒餐雜扒餐好豐富，有豬扒，雞扒，炒蛋，煙肉同腸仔。豬扒煎得略為乾身，比較難切。雞扒好厚，就咁睇都3cm高，淋上胡椒汁。就咁睇個雜扒已經好多好多，但原來個意粉係分開上嘅，所以呢個餐兩個女仔都得。份量好多卡邦尼意粉呢個意粉，味道濃郁，忌廉汁好濃味，入面有菇，煙肉等。意粉煮得啱啱好，唔會太淋同太硬，呢個意粉係冇海鮮。芝士魚柳呢個魚柳炸得好香脆，成塊好大塊同厚身，但個粉都略厚，配上芝士，好正。朋友一個人就食咗大部份呢個餐。黑松露薯條呢個薯條似麥當勞嘅薯條，幼身款，炸得有啲淋，軟身，黑松露醬唔入味。覺得味道一般，但個外貌好呃like ，用鐵桶裝住。整體價錢平，份量多，食物質素ok ，環境大，合適同一大班人gathering。

約了在九龍灣上班的同事敘舊，順便交換吓公司情報。同事提議去觀塘商廈的《LM Café》吃晚飯，原來佢之前曾經和朋友到訪過，覺得店子食物唔錯，而且經濟抵食，所以想帶我一試。餐廳座落於駿業街中海日升中心地下，店內地方比想像中大，空間相當闊落，樓底特高，環境舒服。尤其是店面採用落地玻璃設計，感覺開揚又不侷促，配上木檯、吊燈和花磚地板，裝潢亮麗吸睛。安頓後先拿起厚厚的餐簿細閱，有常餐、撈丁餐、意粉餐、麻辣湯麵、焗飯、鐵板餐、流心奄列餐、精選晚餐、韓式鐵鍋珍珠飯餐、湯、沙律、小食、飲品、窩夫、木糠布甸、提拉米蘇及班戟餐等等，選擇勁豐富；而且全部幾十蚊就有交易，果然夠經濟。筆者喜歡吃雞翼，店裡的雞翼有兩款口味，包括蜜糖同椒鹽，由於我倆都特別愛甜，所以就選了客蜜糖雞翼 ($38) 做前菜。雞翼一共有 7 隻，外皮烤得唔算香脆，不過入面雞肉很滑，而且完全沒有一點多餘脂肪，配上蜜糖，能提味之餘，亦減少了雞翼的油膩感。主食方面，我揀咗客港式茶檔食物，蔥油雞扒撈丁餐 ($42)，而同事就點了韓式鐵鍋珍珠飯餐。雞扒撈丁率先送上，挾起麵條一試，麵質稍軟，而且唔夠乾身，蔥油分量亦不多；幸好雞扒煎得唔錯，表面呈金黃

第三次食同區算抵下午茶時間 都多人, 未爆唔需要等位一個下午茶餐只係 $30 仲有好多嘢食揀朋友食肉丁面, 多士, 炒蛋Q版肉醬意粉唔會焗到乾哂 OK肉醬味道一般, 好香蒜味, 食到有蒜粒士匪雞翼 雖然唔算入哂味, 但係外面嘅香料好足, 夠香

今日下午同外藉老闆一起吃飯，佢最鐘意咖哩，佢吃豬排咖哩飯，我叫了咖哩牛肉飯，其他同事全都叫了奄烈飯。先說我的牛肉飯，賣相味道都唔錯，少少辣，咖哩內仲有放香茅添，但牛肉落左食粉！我老闆食得好開心，但唔知係咪太多人，佢地將其他同事d 蛋飯都搞錯曬，用左其他汁。

又是吃點東西再去上瑜伽課的一晚，走到觀塘蒲東East Lounge，一試>>>LM Cafe<<<。 餐廳設計輕鬆舒適，通道甚寬闊，相信輪椅出入亦會方便。 上課前用餐，不宜吃得太飽，於是點了一客輕型流心多士餐(HKD35)。 奄列包裹配芝士汁，由芝士汁帶出流心效果。芝士汁咸香與奄列是個美妙配搭，煎蛋時間控制得不錯，沒有過乾，軟滑一流。煙肉沒有煎得太硬，份量也不吝嗇，只是食材本身偏咸而矣。奶醬多的烘底恰到好處，略略香脆，但仍帶著麵包鬆軟；奶醬甜味中和了芝士汁咸香。 若嫌奶醬多甜度未夠，可追加木糠布甸，跟餐只需另付HKD8。 小小的一杯，忌廉比例較多，餅碎略嫌不足，軟滑度高但口感不足。 餐飲還是熱檸茶，是冰太一成不變了吧。 餐廳最值得一讚是其效率，下單後三分鐘內起菜！冰不禁再三檢查手提電話，從與友人對話的時間紀錄，確定這無與倫比的速度。匆忙用餐的話，值得考慮光顧上述食品喲。

嘩！一去到門口就有成條龍排隊，真係誇！等候約15分鍾，我們被安排搭枱，大家都選了雞扒omelet 飯，我加龍蝦汁，同事加咖哩汁。份量很大很飽，男仔一定夠食，但鷄扒鹹左d，個汁根本不似龍蝦汁。同事話似中學時候的飯盒螢光汁！由於價格也算ok才這樣多人吧！

今天是星期一，  想起公司附近的LM Cafe 又大又舒服，而且很抵食，一於去eat Dinner alone tonight !我叫了個西餐，前菜是沙律菜和羅宋湯，沙律菜很爽口，而且羅宋湯又香又湯!我的是白酒蜆肉意粉，蜆肉很多也很鮮味，再加上白酒很香，意大利粉很爽口彈牙感覺真的不錯!  難怪不到七時，己坐得滿滿，真的是一間性價比高的Cafe

去完觀塘買波鞋就同朋友走左去間CAFÉ食野，叫左個水牛芝士蕃茄沙律，味道5錯，有好多粒既水牛芝士，芝士味5太濃，5會好膩。而蘑姑湯好特別，佢有粒粒既蘑姑粒，不過味道比較淡，鐘意濃味既人就未必岩啦。另外，我地又叫左個黑松露芝士焗什菌西蘭花，黑松露既味5太重，但有滿滿既芝士，加埋什菌同西蘭花真係好正。

來到觀塘工業區開倉掃貨, 血拼完要找點吃的^^ 來到熟食中心對面見有個新商場, 見這裡環境不錯, 客人不少, 看看餐牌還相堂經濟, 就馬上進去了~進去時是六點半左右但很多檯已有人訂了, 幸好我們只兩個人, 要細檯還有位 餐牌選擇很多, 意粉鐵板餐外, 連茶餐廳的食物也有, 甜品也有不少選擇, 連全日早餐也有多種 ～花多眼亂, 選擇困難症發作下, 剛好看到隔離檯上了一道相當吸引的鐵板餐, 就決定跟叫～另外也點了黑松露蘑菇天使麵～大大份鋪滿整個板的鐵板雜朳餐, 燙熱的滋滋聲端上來很有氣勢 扒餐材料相當豐富, 有醃得美味的豬朳, 煎得香口的厚肉雞朳, 還有煎蛋、雞肉腸和煙肉, 而鋪底的薯菜炸得香脆, 吸了汁料相當好味！    豬扒同薯條都好好味！黑松露蘑菇天使麵($78)- 白汁偏淡沒有搶去松露的香美, 令蘑菇味相當突出~跟天使麵餐還有沙律和羅宋湯, 兩樣的材料都很豐富。  吃完兩個餐都已經很飽了, 甜品就只試了木糠布甸, 很有奶味, "木糠"很有牛油香味呢。

平時嚟觀塘都會去工廠大廈食晚餐，但今次就去咗一間商場地舖芝士煙肉焗薯皮 焗薯皮超級熱辣辣上枱，擺咗成三分鐘我先敢食薯皮其實係細細粒既連皮薯仔粒 煙肉同芝士分量都比得好大方因為真係好熱辣辣，親熱撈勻佢，粒粒薯仔都可以同芝士一齊拉絲流心奄列配雞扒飯流心奄列入面嘅流心原來唔係蛋液，而係蕃茄黃豆粒，即係平時用嚟做早餐嗰隻 因為本身都係揀咗蕃茄醬，所以感覺並唔突兀 酸酸甜甜嘅醬汁好開胃奄列炒得啱啱好，有水份有幾滑 雞扒就有兩件，整個飯嘅份量都係偏大架香蒜白酒蜆肉意粉 淡淡嘅香蒜味就已經好足夠加上蜆肉俾得好多 香蒜炒意粉雖然無醬汁，但意粉冇炒到乾曬，又有水分所以唔會覺得好DRY雪糕紅豆冰黎到懷舊茶餐廳冇理由唔試下紅豆冰雪糕紅豆冰有傳統嘅鋁杯盛載住，別有一番風味甜品叫左PANCAKE，質感比期望好很多而且有好多配料，有兩球雪糕、兩種醬、同紅豆粒咁多選擇岩哂同朋友SHARE

放工後無所事事，行下行下，發現了間新商場，見到內有間裝潢有點文青感覺，都有幾多人幫襯，所以我又襯熱鬧去食野。我入左去嘆茶+小食，自己一個人點了芝士煙肉薯皮、蜜糖雞翼、粟米湯再加茉利香片茶。先講芝士煙肉薯皮：薯皮有小小煎至香金色，好脆香口感加芝士，好正😋蜜糖雞翼：雞翼煎到剛剛好，雞肉嫩滑香口再配蜜糖，好fresh。最後茉莉香片茶：清香茶茉莉茶味，又消濟。

觀塘比人嘅感覺係人口密集嘅工業區，不過其實近年好多工業樓宇都改建為商廈地方。今日去觀塘搵朋友，走嘅時候因為成日未食過野好肚餓，咁岩要行去地鐵站，經過見到有間CAFÉ，就入左去試下。一入到去個陣係1800 左右，好快可以入座。睇過Menu，普普通通30-50都有一個餐，其他就70-100左右。 另外佢特飲只係加2蚊，算係唔錯。另外都有啲幾平嘅甜品選擇，有pancake and waffle。沙律好新鮮，仲好甜，配埋柚子汁好夾。另外，朋友點左磨菇湯，佢地嘅磨菇湯幾特別，係將啲磨菇切粒黎整湯，好足料。好好飲，完全係期待，紅湯都唔差，好重鮮茄味，而且啲湯暖胃，好岩咁凍時飲，咁嘅價錢，味道一流。再等多15分鐘左右，就有野食，同時店都多左好多客。先係黎左個鐵板海龍皇，十分出色，魚都炸得幾靚，而入面唔會老。帶子口感彈牙。帶子意粉$72，十分香口，仲有好多粒帶子，粒粒大大粒，而且見到隔離左右都係叫呢個意粉，份量啱晒女仔，可以試多幾樣嘢小食就梗係要叫雞翼啦！剛剛出爐，熱辣辣！蜜糖適中，唔會太甜，煎到金黃色好吸引。女人有第二個胃，梗係要食甜品啦一於試下個pancake, 可以選擇2種雪糕，啱晒女仔。而且佢

本身小弟在觀塘區內工作，什會推薦同事到這間LM Cafe, 由於每天食飯時間只有一小時，便到附近餐廳食飯本身都已經冇乜喺呢度食食評今次到這裡用餐體驗真不得不提，亦都希望有心去呢間餐廳食飯的，先想一想！本身呢間餐廳都係同事之間嘅食堂，經常幫襯，當然餐廳都唔志在一班會否長期支持嘅客人，有人特登黎食添！但經過今日我真的怕怕了今日與同事來吃晚餐，我叫左一個晚餐「咖哩牛肉飯」 由於食完先影相，你冇睇錯，真係水汪汪的咖哩汁！仲要係無拿拿加辣版！首先咖哩汁係沒咖哩味的，因為當中加了辣椒，只會感受到辣椒的辣味，水汪汪嘅感覺令你覺得好似飲咖哩湯一樣😑口感極差如圖，其實大家會見到，凍檸茶少甜，問題出在係走左甜！明明叫少甜，最後水吧竟然係走左甜，失望嘅用餐另外，如各位想喺呢到用餐，首先我會建議你要有充裕時間，而這裡的職員態度其差！其實香港嘅所謂冰室是否應該改善果種愛理不理，串串弓果種態度呢，你估你係澳牛？明明你舉手叫人，個個扮睇唔到，特別係收錢果個疑似老闆娘，本身我同事叫左個「沙疆雞脾飯」，等了30分鐘仍未有得食，叫人追單，仍竟然隨口答，雞脾係要燒出黎的，呢個餐係要等耐啲，我下次會一早話你聽！其實沙疆雞係燒