LM Cafe (已結業)

放左工同朋友去左依間食lunch餐廳位置於一間人流唔旺嘅商場，但係入面都差唔多坐滿地方唔大，但係都坐得舒適我叫左滷水雞脾意粉+熱檸茶味道幾好，份量都夠我食價錢都算便宜下次會再黎

原本見食評好好, 所以一早約左姐妹食飯來這間, BOOK7:30, 朋友早到15分鐘內到不停有店員來摧又比說話人聽, 服務態度勁差, 我們一共6人, 向店員要求要水話要6杯, 佢竟返問話5杯夠咩.....仲有好多架..放餐具,食物時的態度，不過精籣講,--> 店員一定做到嘈底, 但不能找客人來出氣囉食物方面最令人大大失望, 名就改得好好聽, 但食落完全係兩回事, 似係普通茶餐廳質素,  叫左西蘭花, 意粉, 炸雞, 多士)所有食物都夠熱, 最離譜係來到的湯係凍的想不到掛名CAFE, 原來氣氛似茶餐廳, 所有餐具係用彩色的膠餐具, 似是返左幼稚園食總結,不會再來

之前喺觀塘一帶食過D類似嘅冰室，依家又想試下呢間LM Cafe，畀我嘅感覺係大件夾抵食，荷包一點也不會肉赤，可以食飽飽咁離開。餐牌附帶圖片，感覺吸引，而且價錢唔貴，樣樣都想試啲。先試咗個羅宋湯。羅宋湯的雜菜多到出乎意料之外，乜嘢雜菜都有。湯和雜菜各佔一半，味道酸酸甜甜同埋帶有微辣。蜜糖雞翼＄38一個煎pan熱辣辣咁上檯，陣陣蜜糖味撲鼻，咬落去雞肉非常嫩滑多汁，誠意推介呀！香蒜牛油帶子意粉＄72賣相非常之唔錯！！似有啲餐廳求求其其放啲嘢上碟，冇啲裝飾。價錢適中，而意粉方面軟硬適中，每一啖都大有彈性，不會淋劈劈的，而且汁的調味不錯，特別欣賞半生熟的帶子，超級之好食。黑松露炒蛋多士餐＄35有幾塊生番茄片、薯餅和黑松露多士。有啲似半份全日早餐，價錢超級抵食添。炒蛋非常之滑，而且呢有帶有蛋香，微微松香味～薯餅外皮炸得鬆脆，裏面熱辣辣，令人食唔停口。叫咗兩杯嘢飲添，第一杯係黑牛。的個朱古力雪糕十分特別，有少少朱古力chips，口感十足，但雪糕球有點細。第二杯係朋友嘅雪糕紅豆冰，味道唔錯，唯紅豆份量有待增加。朱古力窩夫＄48呢個窩夫真心值得推介，超級至抵食。平日去甜品店食嘅窩夫只可以揀原味，但係呢間

​ 樓下Cafe竟然都幾平，裏面裝修都幾舒服好得意。 餐牌價錢其實同餐廳仔分別唔算太大， 又有得食鐵板餐，西餐又有，完全係fusion菜⋯ 爵士西冷扒拼香草腸＄80 講真，比得呢個價錢食牛扒就唔會預咗佢好高級，亦都有少少筋。 不過都算幾大件，而且我哋選擇嘅sauce都落咗好多，係蒜蓉醬。 朋友就話好鍾意香草腸，因為味道好香濃而且外皮夠脆。 最瘋狂係我哋選擇配上意粉，本身以為係得少少， 點知一大斗，比想像中多咗好多😹😹 香蒜牛油帶子意粉＄72 牛油帶子意粉有幾唔錯，香蒜味唔濃郁， 不過牛油味就香啲，帶子都有好多粒細細粒， 每人都食到一粒以上。意粉每一條都有油香， 底部仲有啲牛油，所以之前個意粉除咗有啲加左蒜蓉汁之外， 有啲撈埋落嚟做牛油意粉一齊食⋯⋯ 自選班cake＄55 四件班cake ,又整得幾鬆化， 有好多配搭例如藍莓，朱古力醬等等。 我哋就叫雪糕紅豆冰，原來套餐只需要加＄6就有得飲， 雲呢拿雪糕比較硬身，紅豆冰有好多粒紅豆比例唔錯啦！ 最重要係佢夠抵飲，同好多裝修一般的店舖價錢竟然差唔多。 LM Cafe 觀塘駿業街56號中海日升中心地下M

昨晚，放左工約埋幾個朋友仔來到呢間Cafe，因為呢度環境唔錯，好舒服，同埋食過一次D西餐OK。真係好肚餓，叫左個西式西冷拼香草腸，淋上洋蔥汁，西冷都幾大塊，唔係頂級，但好有牛味，都JUICY，五成熟夠OK 唔韌。香草腸食唔出香草咁，但都好好食。呢個配羅宋湯，夠Match，個湯好多蔬菜味，蕃茄味亦濃，好多菜係入面，真材實料，成功!黑松露薯原來唔係洒上黑松露啊，D黑松露係沙律醬度，食落好過癮，薯條夠大條，咁先有口感，薯味不俗，不過點沙津醬會幾"樓"下。另外我地個個愛紅豆冰，入面有雪糕的，但唔係好甜，紅豆夠多咁，好正。再來海龍套餐，有魷魚、吉列蝦、炸魚咁，加埋D香辣咖喱汁，呢個好好食，個咖喱汁夠晒香，成功！還有黑松露炒蛋多士，個蛋好嫩滑，又有黑松露香味，個包唔係太厚，多士香脆，好味道。黑松露蘑菇意粉，個汁幾好味道，D意粉煮得夠爽口，但吸到汁，唔肥膩好清新。甜品係朱古力窩夫，唔係好甜，朱古力味不算大濃，但配埋朱古力雪糕食更為好吃，反而太濃朱古力味唔好食。呢餐真係好飽下，味道ok，我地hea 了3小時啊。

之前嚟食lunch嘅食物都ok。今次過完年經過嚟食Tea就火都嚟。店內客人不多，少過半過餐廳。不過唔知嗰位落單嘅侍應姐姐唔知係唔係替工，錯漏百出。叫咗凍奶茶少冰但冇寫，最後杯奶茶一半係冰都算。蕃茄湯炒蛋义燒一丁，嗰位侍應落咗通粉。最神奇係覆咗單一次都錯。最後上錯咗碗清湯义燒通無咗炒蛋，於是叫佢改番，佢就喺張單手寫改番一丁。之後等咗起碼10分鐘有多都未見碗麵於是跟單問吓碗麵幾時先嚟。另外一位侍應好好幫我哋跟單。之後上咗一碗d麵煮到淋晒和湯底無味嘅一丁，事旦放咗坺茄醬上去。未見過茶餐廳嘅丁整成咁樣。嗰廚可以煮坺咁嘅嘢俾人食，仲要唔知有冇加料。之後再同侍應姐姐投訴，最後取消咗嗰order。平日冇寫過食評，不過今次嘅唔愉快經歷一定要share吓。一個茶餐破壞晒嗰日去街嘅心情。

平時係呢邊做開野先會行過黎，知道有間cafe, 有時都會係度買lunch , 只需三十蚊左右！今次同朋友夜晚黎食，我地首先點左個黑松露薯條。 覺得都唔錯! 薯條其實就系普通薯條，原本以為黑松露會灑系d薯條上面，原來系d salad醬入面，覺得幾好食，幾香口：)  分量都好多下，我地都差d食唔曬。帶子意粉!! 請大家務必試下：) 我覺得哩間餐廳最值得食ge就系哩個意粉。見好多其他食評都話唔錯，真係無令我失望😆😆😋😋 帶子好多，有五大粒! 淡淡肉! d汁都好好味，望落好似唔夠汁咁，其實好多,好香蒜蓉味! 意粉ge質地都岩岩好 😋朋友叫左個海龍皇鐵板燒，有餐湯同飲品。鐵板有龍脷柳、蝦、帶子、魷魚，分量好大! 所有野都好大塊，我朋友食得好滿意，佢話雖然系有d唔健康，都系炸野，但加埋d醬佢好中意😄我地叫左壺洋甘菊茶，味道飲落好舒服😊 無糖的😊 有淡淡的洋甘菊味，食得“制”得制叫番杯，個胃舒服舒服好多。讚讚讚

之前朋友帶我黎過呢度，覺得幾好，所以今日帶朋友黎坐下，食下。上次仲live band 添，不過今日就無啦。當日好旺場，全場坐滿，職員做到無停手，不停走來走去。但上菜都唔會太慢，我地食鐵板餐，兩三個字到就上。鐵板餐包主食，餐湯同飲品餐湯羅送湯好多菜，不過有少少辣，幾開胃既。自己叫左西冷牛配香草腸同薯菜餐。睇個樣都知好大份！個底仲有好多薯條，超飽。牛扒同平時食開既差不多，唔韌，厚身。腸大條，外皮脆口。雜扒餐配飯有雞扒、豬扒、煙肉、炒蛋同腸。個雞扒較為有驚喜，好嫩滑，外邊既皮煎得脆口，肉“”葉“”過，入味。豬扒都好林，啲肉唔鞋。飲品係黑牛同紅豆冰最後我地仲叫左個自選pancake。餅好鬆軟，厚身。有好多種醬點！I like it! 有兩球雪糕，特別喜歡朱古力味，入面混入薄脆朱古力，正只係55蚊，價錢好抵！

我都幾鍾意食咖啡店，因為環境夠舒服而且唔使趕時間。今次同朋友嚟咗呢度食飯，地點都幾方便落咗車唔使行好遠。海龍王套餐＄98本身已經有一碗羅宋湯，味道濃郁而且多蔬菜，不過就有點偏濃。裏面有好多粒吉列帶子，仲有魷魚同埋吉列蝦等等。每一粒都熱辣辣，加上我哋選擇咗龍蝦汁，所以特別有鮮味。魷魚夠爽口彈牙，吉列帶子熱辣辣而且大大粒好有鮮味。仲有吉列蝦，好爽口，好似去咗日本餐廳咁！我哋選擇咗薯菜，所以薯條喺裏面，最好快啲拎出黎食，如果唔係嘅話好快就會稔。黑松露薯條＄38特別係一大堆薯條，有兩個醬汁包括黑松露忌廉汁同埋番茄汁任君選擇。薯條剛剛送上來的時候非常香脆，黑松露忌廉汁就比較重忌廉，黑松露味亦都有少少清香，如果係黑松露粉嘅話可能更加好味呢！菠蘿冰就有少少醃車厘子味道，不過裏面啲菠蘿都好清新，味道還可以。

同朋友出街，行左陣街，行到有點累時，老友提議我一齊搵個地方可以食下野飲下野，又可以坐耐一陣傾下計，就黎到Cafe.今日餐湯係羅宋湯，蕃茄味濃，用料夠，除左蔬菜仲有牛肉粒，令整碗湯有蔬菜清甜味外仲有牛味添。主菜係香蒜牛油帶子炒意粉，未食已經聞到香噴噴牛油蒜味，食落蒜味能帶出帶子鮮味，帶子經牛油煮過後輕微爆開，入口口感軟熟，味道帶點鮮甜，而牛油令帶子更滑身。至於意粉撈埋蒜粒一齊食，仲有香草滲上，香濃牛油味令我覺得意粉越食越想食，意粉質地軟硬適中。最後食埋份薯條，一食就知道係即炸既，比某大快餐店既薯條更脆口，除左可以點茄醬咁傳統外，仲可以點黑松露醬架，我幾鍾意呢款口味，夠創新又特別，黑松露混入沙律醬裡頭，即時令平凡既薯條升格。估唔到cafe都有特別得黎又有創意既野食。

去開附近做野，就搵野食～我見尼間餐牌都好多選擇，加上價錢幾平呀，就走去試下啦～同埋我突然好想食蛋包飯～去到就見到間店好大，應該唔錯既～我坐底左冇幾耐，就即刻點魚柳蛋包飯～但我明明叫茄汁，但唔知點解黎左芝士汁。。。不過算啦，費時叫人再換。。。我就係唔想咁漏，先唔叫芝士～但我食落去，又唔覺得漏，同埋唔似芝士汁，反而似忌廉汁多Ｄ食落去味道唔錯。另外我叫左職員拎支裝茄汁～加埋又幾好食呀～大家可以一試～佢塊魚柳好好食～外脆內軟～真係唔錯～而且又大份～但同我想像中既蛋包飯唔同。。。我以為蛋入面係飯。。。而家蛋係飯上面。。。原本叫左芝士西蘭花，但岩岩賣晒關係，我改左油菜。。。唔難食。普通。不過果個調味料可唔可以另外上，就咁擺係上面，唔覺唔合衞生嗎？另外我叫左杯咸檸七，幾好飲呀～半個咸檸七好好食～尼個值得推介～因之前試過咸檸七唔好食，令到杯野飲唔多掂。。。原本還想比好既評語，但最後真係唔多得，一定比劣評。就係因為服務超差。其實間店明明仲有好多位，點解當有人入黎，特別係得1或2個的人，都要叫佢地搭我相枱。你地又唔係茶餐廳，都可以搭枱嗎？如果係咁，唔會再幫襯，起碼餐飯有成5次或以上，叫佢坐落黎～特別係當我

大概一年前黎過呢個cafe，淨係試左佢個甜品窩夫，當然已經覺得好抵食，但食左晚飯無計啦。今次同朋友想揾個地方傾計又要食平野，就一於試呢間，結果朋友非常滿意由於我同朋友兩條友都係嚴重選擇困難症，呢到個餐牌真係好野到呢...中式又有西式又有，見到鋸扒好吸引想叫，點知轉個頭又見到蛋包流心飯又想叫重點係全部都好平...師奶黑洞表示好想試哂佢水牛芝士蕃茄沙律本來想叫個沙律，見四十幾蚊健康下都好，點知黎到真係嚇一嚇！平時沙律聲稱有芝士，通常係芝士粉或者一少撮芝士碎已經好比面囉，估唔到呢個真係有水牛芝士仲要用黎圍邊，砌到咁靚靚又好多粒，拿有食開芝士既人都知超市買一包都幾十蚊，呢個配埋蕃茄好fresh，整體好抵🤘🏻芝士黑松露焗西蘭花又一個健康但惹味之選！點解呢到啲野連小食都咁大係咪因爲知道我黑洞黎呢到既西蘭花都起碼一個半，多到呢...芝士加埋白汁都係無敵配搭，黑松露反而唔係好突出，不過芝士都正流心芝士蛋包飯配咖哩汁魚柳又一抵食之選首先炸魚柳雞扒豬扒任您揀，而家香港咩都無得揀...難得有得揀仲有成10隻汁任配，而且唔係hea汁，有芝士汁龍蝦汁蒜蓉汁等等，我揀左咖哩汁，汁既量好多夠哂撈飯撈餸！被個流心蛋吸

約舊同事食飯,大家都係觀塘付近返工,約係觀塘食飯方便大家係觀塘返左一個月工好少出街食,經過日升中心見到好多新開食肆念住放工時間應該少人,唔洗逼叫左一POT 茶,華茶具超靚未飲已經心花怒放茶湯好清,好香花味白鳯瓜,好彈牙,好爽口,沙律,芝士又多又大粒,蕃茄同菜都好新鮮,好開胃蜜糖芥辣雞翼,甜甜地好好味加埋芥辣好match 蒜蓉蜆意粉,好香,小小辣意粉唔太淋,味道OK甜品好大份有4件窩夫,一條香蕉,2球雪糕真係好飽,又好味又抵食2個人食咁多野先係百令蚊,環境又好價錢又平係香港真係好難搵好彩近公司,真係開心大發現~~~

炸魚薯條：份量很大 又多薯條。薯條炸得香口。除了必備的茄醬外，還有蛋黃醬，配有兩種醬料。多種享受。魚塊可多點時間處理。外層很脆，香囗，但魚肉內裡屬剛熟，可以更加hot 厚厚的魚肉，沒太多炸粉啖啖肉 韓式炸雞：每件都很大件，雞肉很滑，配上蒜香，又有另一番風味，在鐵盆上，可令温度keep得更耐。海鮮意粉：想不到這個海鮮意粉會有這麽大粒的帶子，而且有4粒裡面還有不同配料。絕不欺場，而意粉亦煮得入味黑松露意粉：很多汁很juicy,而且滿滿松露的味道，每條麵都沾上黑松露，滿足餐湯：不過不失，都算多材料。少些油會更好

今明兩日都要去觀塘做野，所以預先上Openrice搵定喺邊食晚餐。今晚就隨意地揀咗LM Cafe，依間餐廳雖然位於觀塘工廠區內，但8點半去到都滿哂座。我同Mr.J被安排坐喺中間嘅高枱，舒適度比想像中高，至少張椅喺闊同有椅背嘅。今晚食咗1)黑松露薯條(2)鐵板爵士西冷配香草腸(黑椒汁)(3)芝士汁雞扒焗意粉黑松露薯條嚟到嘅時候係熱辣辣，份量好多，足夠3至4人食，薯條係幼薯條，伴隨薯條嘅有黑松露醬同茄汁，黑松露醬ok嘅，都有黑松露未，但味覺上爭少少先滿足，可能因為個醬係用沙律醬做底，所以甜咗少少。我個芝士汁雞扒焗意粉係即焗嘅，要攤一陣先食到。雞扒預先切開幾件，方便食客進食，件雞扒應該煎過先再焗，但仍然保持肉質嫩滑，好好味。芝士汁啱啱好足夠撈意粉，意粉都唔錯㗎，唔係淋pei pei。Mr.J係食肉獸，所以佢揀鐵板爵士西冷配香草腸(黑椒汁)，份量好多而且好熱，西冷肉質不靭有肉汁，香草腸有一大條，配菜有一片厚切蕃茄同幾棵西蘭花，平衡返食咁多肉嘅胃口，至於配搭嘅粗薯條都幾好食。食完鐵板Mr.J表示好滿足好滿意。