LM Cafe (已結業)

今日來到工廈地區的冰室吃晚飯，地點近辦公室，走過來不用兩分鐘，就在日升中心地下，很方便。平時來吃會點焗飯，今天想吃意粉，選了牛油帶子意粉。意粉好味得來不太膩，意粉煮熟後會「過冷河」，使麵條分離。經牛油煮香的意粉味道固然好吃，加入蒜頭後，味道更香。一碟簡單的意粉，竟然藏有5粒帶子，新鮮好吃。除了意粉外，還吃了西冷鐵板。鋸扒當然要鐵板上才吃得夠爽快。面積接近鐵板般大的西冷，大得無從入手切下。西冷配上黑椒汁，黑椒汁的味道沒有過辣，不會蓋過牛扒原來的味道。加上薯條、西蘭花、德國腸及蕃茄，這份牛很豐富。飲品選擇咸檸七，原個咸檸檬送上，原罐七喜自行沖調出適合自己的口味。

今日係觀塘放工，隨便走進一間餐廳食晚飯，估唔到有驚喜。要講既係呢份ALL DAY BREAKFAST 貌相雖然普通，而且食物都唔稀奇，但，重點就係個炒蛋上面。食物黎到後，見到個炒蛋炒成玫瑰花形，外圍炒得岩岩熟，而中間仲有少少流心，一吉落去，蛋汁就流出黎，未食已經覺得好吸引。食落就知有調味，唔係就咁炒兩隻蛋出黎，有小小鹽味，仲有小小雞湯味，但唔會蓋過蛋味，恰到好處。另外呢個撈丁冇乜懸念，驚喜既係鹹牛肉蛋，中間同樣係半生熟，雖然加埋個面味道唔太夾，但分開食真係好好味。牛肉夠多，由頭到尾都有，好飽滿！

去完觀塘開倉後就係附近搵到呢間cafe，雖然係cafe，但我覺得形式上接近茶記，食物選擇都好多，常餐、all day breakfast、鐵板燒、意粉、三文治等等是日不想食飯，就點了炸魚柳奄列意粉，上菜時我真係嚇到呆左，個奄列也太大了吧！$52來講真係好抵食，奄列我估應該都用左四隻雞蛋去整，下層的意粉配上芝士汁一點都唔會乾好好食口痕想食炸物我點左黑松露醬炸薯條，同樣份量多得驚人，薯條係會直到鐵桶底...黑松露醬味道不錯，除了點薯條外仲可以點我的炸魚柳 =P晚上食得太飽要消濟，我通常都會點花茶來飲今次點了名為"和茗"的花茶，材料由綠茶、矢車菊、玫瑰花和金盞菊組成神奇地會有水蜜桃的清新果香味，味道很不錯，打開一看有兩個茶包，份量還是驚人的多總括來說這間餐廳的性價比很高，便宜又大份，只是當時客滿有點吵，跟朋友聊天都要大聲點

呢個晚上約左中同返返黎呢個中學讀書既地方，附近早有幾間唔錯既冰室同Cafe，咁今次Openrice左之後見到咁多好評，就決定黎試試。由地鐵站行過去，熟果邊路既話幾分鍾就到，當我去到果陣，我有小小呆左，因為原來呢間LM cafe同觀塘一間冰室係一樣餐牌，但只係唔同名，食之前都無發現呢件事，心入面更驚訝既係原來淨係觀塘 有3間一樣餐牌既Cafe/冰室。一坐底 我覺得呢間LM cafe即管係同另外兩間一樣餐牌，但呢間明顯係氣氛同裝修上係更出色，先講氣氛，佢會keep住播d比較young小小既歌，聽講有時候更會有live band show，想像到呢到搞一路聽一路食既感覺，而裝修就有以往去Cafe既感覺，暗暗地幾舒服，啲燈好靚小小文青咁。由於餐牌太多頁，我同朋友都只係係幾頁似乎比較熱門既食物到選擇，最後點左雙拼咸牛肉炒蛋豬頸肉撈丁同英式早餐。首先送到既係兩杯凍檸茶，同埋粟米湯加沙律，首先沙律同凍檸茶正路，不過不失，係唔知點解沙律有益力多味，一開始以為我食錯，但原來朋友都食到有，之後粟米湯要一讚，個湯好好飲，好多粟米蓉，黎果陣有小小忌廉汁係上面，個蓉真係好香。之後好快個撈丁就黎左了，成份撈丁最正

適逢去觀塘開會,開會後已經晚上,就決定四處看看有沒有方便搵食的地方,眼看這裡附近也很多餐廳,就決定呢間LM Cafe。晚餐的關係,看到人流都幾多,空間也算頗大,雖然是平日的觀塘,但原來在這裡食晚餐的人也是頗多的。看到餐單的選擇也算多,不論意粉或是飯類,甚至鐵板燒也有。甚至有一些常餐作為選擇。要是不飽的話,這裡還有甜品的選擇,真的中西合壁。我先點了一客黑松露磨菇意粉餐作為是日晚餐。先來一客前菜。比我想像中大碟一點。然後就上了黑松露蘑菇意粉。上菜都幾快,而意粉份量豐富,再配上黑松露香濃幼滑的汁,食下去都幾飽肚的。而當中的菇類和洋蔥也幾多的,美中一足的是切得比較大。餐飲來了一份熱好立克。之後就另一點了一客小食,芝士煙肉薯皮。看到都已經覺得幾吸引的。切得細細粒,方便入口,啖啖軟綿的薯仔,上面也佈滿了濃厚的芝士醬,醬料十足。而煙肉也會看到切得很幼細,看到一盤的份量也幾多,一個人食的話,就可能份量多了一點。建議和朋友分甘同味,就唔怕浪費食物吧!一個人渡過寂寞的晚上,幸而有一餐豐富的晚餐安撫一下我,這裡的份量的確夠大份,上菜也很快,味道整體而言也是不俗的,不過侍應耐性就差一點,比較急燥的,這可能是每

好多時放工後就會即刻番屋企，不過最近都會周圍去下一啲餐廳仔食飯，黎到依間LM Cafe坐坐，睇落去環境唔錯。地方幾寬大，可以坐到好多枱客，環境佈置充滿色彩，背景播放住以前既流行歌，令人懷念。套餐款式多羅羅，對於中西合壁既冰室黎講，四隻字講晒，應有盡有。椒鹽雞翼，一份六隻，以鐵板上菜，煎完出黎好香，外層充滿濃濃咸香味，本人覺得過左一啲，肉質略韌。芝士焗西蘭花，見Open rice咁受歡迎，自己都忍唔住嗌一份，焗出黎色水鮮綠，芝宜味香濃，同本身會有啲乾口既西蘭花搭夠得唔錯，表面係微焦既芝士，而內裡就係熱辣辣既芝士溶漿，不錯一試。奄列餐配多士黑椒汁，奄列配火腿係相當普遍食法，但估唔到奄列當中唔係火腿，而係自由配搭既黑椒汁，一刀之下黑椒汁傾巢而出，令奄列充滿濃濃黑椒味。最驚喜係配餐中既多士，口感鬆脆，加上奄列同火腿更加滿足。特濃朱古力，見係推介所以決定一嗌，不過令我有少少失望，奶泡CREAMY，而而依個朱古力係非常特濃既果種，濃到帶苦澀味(但又未去到黑朱古力果種)，味覺嚐唔到一絲微甜，嗜甜人士不建議嗌，但中意唔甜朱古力既人士，就係個唔錯既選擇。木糠布甸，看似普通但感覺好驚喜，口感柔軟細滑，甜度

唔知大家有冇好多朋友都係以前好fd, 但因為工作關係大家都好忙, 忙到有時連約個飯都約唔到出黎? 今日終於約左一個好朋友見面食飯, 原來數數手指大家已經有成年冇見過面喇!今日大家都想近近地, 係官塘搵左呢間LM Café食晚飯其實呢度個格調有d似茶記, 不過裝修比茶記高檔少少, 價錢方面都唔算太過貴同朋友一人叫左一個餐傾下偈食下野都係一個幾好既環境今日恰巧遇上了有人打band既時間, 雖然感覺比較嘈, 不過整體而言都唔錯的!叫左個土匪雞翼炒一丁 $50晚上而言價錢都算係平宜, 不過一上枱賣相唔太討好, 而且d雞翼黑忟忟, 食落d雞翼好干😅😅😅又干又hi, 真係唔厭好炒出前一丁既色水唔係好夠, 味道唔夠香, 認真麻麻地整體而言呢個晚餐真係好一般, 同openrice 既好評真係有d差距..... 只此一次

約左朋友黎食飯，呢度真係好旺場7點幾黎到已經好full～因為多人本身都難傾計，加上而家有live band show⋯質素麻麻 好嘈同都幾難聽下，影響氣氛。呢個飯好多汁，啲咖哩好香椰汁味，唔錯！雞扒本身咸，加上甜甜地既咖哩汁，中和返，都幾好食跟餐加$6，味道唔錯，好多紅豆。 朋友叫左個蕃茄通，湯底好淡。冇乜味。炒蛋同火腿都係普通，正常野。跟餐加$5 半份奶醬多，個包烘得唔錯，配埋啲醬好香，幾好食跟餐加$2，好淡完全冇味，伏。呢度勝在價錢平，如果想傾計/談心，呢度未必適合，除左有好嘈既band，啲枱都排得逼。建議搵返質素好少少既band黎唱歌，而家加唔到分仲影響氣氛

觀塘區久唔久就有開倉優惠，過開嚟行街，順便食埋飯。之前幫襯過一次，覺得環境唔錯，嘢食算OK，又幾抵食，咪encore 囉，點知 ⋯⋯龍蝦汁豬扒意粉 $4x 一個餐 ，唔會對龍蝦汁有期望 ，只係今晚唔想要黑椒蒜蓉之類。結果，成碟嘢淡而無味 ！汁撈落意粉度，唯一作用係令到意粉冇咁乾。豬扒又係冇味，仲要有好大舊肥膏。 餐飲熱柑桔 同杯水冇咩分別，似乎只係落左半茶匙即沖柑桔 瑞士汁雞翼撈丁 呢碟穩陣喇？ 瑞士汁雞翼係正常水準， 反而零難度嘅公仔麵 ⋯點解可以又乾又凍？ 唔通係冷麵？冇啖好食嘅一晚，差過快餐店好多，搞到我下次唔係好敢再嚟。裝修得咁有誠意，希望店主可以提高食物水準。 PS: 上次我食扒餐，味道算ok ， 所以今次唔俾喊。况且我希望可以見到多d有質素嘅餐廳小店响大商場以外生存到。

位置離地鐵站不太遠，處於工廈範圍！平時食lunch或放工食飯好去處，因為真係平靚正。爵士西冷扒配香草腸（$80），我唔記得咗影香腸，但係佢好大條好食！牛扒就正正常常，肉質嫩口，大大塊，薯菜跟龍蝦汁係勁好味的！愈食愈想食！所以推介龍蝦汁～呢個扒就CP值高！因為幾大碟又好味。蜜糖雞翼（$38），有六隻，肉質嫩滑，有好多好多蜜糖，唔膩，甜甜地同雞翼好夾！唔算話非常入味，但味道都不錯，夠嫩，又大大隻。下次可以試下佢新出既青芥醬蜜糖雞翼。香蒜牛油帶子意粉（$72），好香嘅牛油味一啲都唔膩，帶子又大粒又多肉，意粉份量足夠，意想唔到嘅好好食！仲有d菇菇伴碟，正，連菇都香牛油蒜味。呢個幾入味。最後甜品叫了自選waffles（$48）, 朱古力味窩夫伴vanilla雪糕，藍莓醬和香蕉配料。估唔到咁既配搭又幾夾，好多creme同雪糕，連埋所有野一齊食真係好滿足的。原來以為窩夫咁厚身應該都硬硬地難入口，估唔到係超級鬆軟！真係好好食，拍得住出面甜品專門店，份量又多，仲要原條蕉蕉上。兩個人都係食左二百幾蚊，好抵呀食咁多野食。佢唔收加一服務費！佢其實野食品種好多元化同新穎，價錢大眾化。特別推介飲品熱柑橘蜜，我個日

老爸鐘意剧扒，今日特登接佢收工嚟到呢間好旺場嘅龍門冰室。係人都知觀塘工業區已經轉型變哂商廈，夜晚街上確實人影都唔多隻，之但係呢度咁大地方，都依然坐無虛席，一定係性價比夠高所以咁受歡迎啦！坐低無耐，竟然見到有二人組在玩live嘅流行曲，逢星期四由7-9pm，食客可以寫紙仔點歌，佢地就會為你獻唱架啦！一路食我都好專注聽歌，食茶餐廳都有live music 真係第一次😍香蒜白酒蜆肉意粉$72，有很多蜆肉，意粉掛著白酒汁，滲透了白酒的香味，不錯。鐵板西冷扒意粉$80，西冷扒大件頭，熱鐵板上搭配蒜蓉汁相當滋味。扒下面仲有條味道幾好嘅巨型德國腸。芝士焗西蘭花$28，份量絕對對得住呢個價錢，上碟時仲係熱辣辣，鋪滿一層厚厚嘅芝士食落好滿足。紅豆冰$18，奶味濃，紅豆煮得夠綿，如果紅豆再多啲就冇得彈了。嚟到甜品時候叫返杯招牌朱古力（跟餐），以最愛的瓦杯盛載，香滑而有奶味。見到餐牌有自選窩夫$48好吸引！由窩夫味道、醬料味道、雪糕口味、到搭配嘅生果，全部都有得揀😆仲要即叫即做，真正做到外脆內軟，配上雪糕一凍一熱，絕對是味覺一大享受！必食推介👍🏻總括嚟講呢度企理，食物價錢抵，味道好又選擇多，做茶餐廳做到咁有

由於係觀塘工作，唔係好多選擇，放工想快食，呢間之前係午飯時食過係ok嘅，今次試下晚飯純粹食個快飯，唔點揀食乜。夜晚人流明顯少好多，佢仲有常餐，原本其實時間都30元樓下，6點後就三十幾元啦。常餐正正常常，我試炒蛋白都ok嘅，起碼無咁油。再黎個奶醬，好夠醬。五香肉丁米，都ok啦，無乜特別，常餐係要咁食嘅。係叫職員明顯無下午咁積極，同hea啲。比起我第一次光顧，佢陣油煙味勁咗，一出門口勁大陣味，返到公司要噴除味劑。

一向都好中意食茶餐廳，同事介紹宜間餐廳既有茶記feel，又有cafe feel...重點都係夠平！🤑七點幾有live band ，仲可以點唱，宜間餐廳太有趣了！什扒餐，大過手掌既豬扒、雞扒、煙肉、蛋，仲配有一碟飯，食到勁飽都係$75！牛油帶子意粉（$72），牛油味勁濃！😍😍😍帶子大過五蚊硬幣小小，size唔算大，但勝左夠厚，爽口有嚼勁！隨餐送既salad同湯都好有水準！🧀芝士焗西蘭花（$28），芝士味好香，相信好食到唔食菜既小朋友都會中意呀！黑松露薯條，非霸氣，滿滿裝左一個鐵筒！松露醬味到濃郁，怕膩既我再醮上茄汁，正好balance 番！朱古力Waffle($48)，朱古力waffle 真係朱古力整🍫，唔只加上朱古力醬咁簡單，食落仲好重🍫🍫🍫味！再配上自選既綠茶雪糕同士多啤梨，食到令人心花怒放呀綠茶粉絲既我點了綠茶鮮奶做飲品！綠茶味好重，加左奶，口感好濃滑！唯一不足既就係太多泡！

今晚係官塘配眼鏡，路過見到有一間cafe係商場內，諗住靜靜地同朋友傾下計，就二話不說地坐低啦！叫咗一個鐡板西冷扒拼香草腸配薯菜選汁方面叫咗蒜蓉汁，個扒份量都好大，又厚身！薯菜其實主要只得薯條，都幾脆口！餐湯叫咗羅宋湯！另外叫咗個韓式鐵鍋珍珠飯，今晚食嘅係雞丁粒北海道蟹柳，配芝士汁！嘩，好多汁呀！朋友喜歡用汁撈飯，啱哂！雞丁好淋身，蟹柳好甜！啲芝士汁實在太好味，我哋叫多咗個芝士汁西蘭花，啲芝士汁真的會起司，不是一餅餅餐飲叫咗個咸檸7，唔知是否太耐冇飲，覺得飲完喉嚨好舒服，可能係個咸檸有料到，正！今餐飯看似簡簡單單，但味道真的不俗，而且價錢極之優惠！下次拎眼鏡時，會再次光顧！

和同事來這裡吃下午茶，這間Cafe在商場裡面較入面的位置，平日番工都沒有留意到，剛好放工經過便來試試。商場人流唔太旺，但Cafe人客都幾多，幾乎坐滿，我和同事只可以和其他人搭枱，雖然地方不大，但環境都算寬敞舒適。這裡的all day breakfast，價錢平，分量多，下午茶時段再有特價優惠，同事叫的是蜜汁叉燒意粉加炒蛋配多士，炒蛋和多士還有不同款式可以選擇，套餐連熱飲，凍飲也只是加$2。我叫的是下午茶餐，粟米雞蛋沙律加吉列豬扒，看上去分量不多，不過下午茶餐來講其實不少，味道也不錯。