Lockeroom Zoom Football Restaurant (山頂廣場) (已結業)

星期日嚟咗山頂，去睇風景之前就嚟咗呢間充滿足球氛圍嘅餐廳食午餐。呢到坐得好舒服，枱與枱之間隔得夠開👍🏻..✅ 安格斯牛肉芝士漢堡配薯條🍔 $188呢個包好好味😋塊牛好juicy好香口，配埋芝士同蕃茄，成個口感提升咗。如果食完覺得有少少膩，可以食返啲黑醋沙律中和返😚..✅ 龍蝦海鮮脆包配薯條🦞 $198呢個包脆卜卜，口感非常之好，我好鍾意😛佢入面嘅籠蝦肉同醬汁都唔孤寒，配合埋個包，好味！..✅ 香脆炸蝦球 🦐 $98呢個炸蝦球都無令我失望。6舊都大大粒，而啲蝦肉都好彈牙爽口，係一個唔錯嘅小食選擇👍🏻..呢間餐廳無論係情侶、一家大細定一大班人，都好適合。佢有兒童餐，亦都有唔同啤酒選擇。最重要係佢掛曬唔同簽咗名嘅球衣，足球迷嚟到一定好滿足⚽️🌟

今日去到山頂‼️😍去山頂吹吹風，好耐都冇行山頂喇，搵到間足球主題餐廳。Lookeroom zoom環境寬敞，用足球圍繞着裝修五顏六色。佢仲有室內坐，如果帶寵物嚟就一流啦！令人食嘢都開心啲‼️😍今次叫咗一個主菜，一款小食，一款甜品主菜煙三文魚蟹肉忌廉汁意大利飯非常creamy ，芝士味濃郁，淡淡都食到蟹肉，濃郁白酒味道！配埋煙三文魚另有一番風味！燴飯粒粒分明！正正‼️小食鹹蛋黃雞翼，愛情焗到脆卜卜，鹹蛋味濃郁！連埋鹹蛋醬汁一齊食！非常惹味‼️😍而且超爆肉汁‼️鮮嫩！呢個好食到唔停得口！以佢$88嘅價錢到五隻！非常之抵食！飲品叫咗蜜桃烏龍茶Zero甜品雜莓香蕉窩夫配雪糕窩夫熱辣辣！脆身仲有半條焦糖香蕉伴碟，配埋雲呢拿雪糕，一熱一凍👍🏻完美

山頂原來有間以足球為主題既西式餐廳⚽門口已經有一堆經典人物既波衫排隊等你打卡啦！多到唔曬。作為球迷既我梗係唔會錯過啦😍我去果陣無咩人，店員仲比我地自己揀坐邊到~💙西班牙黑毛豬脆包配薯條 $198佢唔係一般平時食既漢堡包，食落口感似法包，幾特別而且出奇地同啲黑毛豬夾。薯條上到黎仲熱辣辣，好脆好香💙卡邦尼扁意粉配溫泉蛋 $178我就中意打完卡之後就戳開溫泉蛋先，味道岩岩好！每一條扁意粉都有卡邦尼醬，而且好濃好creamy~💙鹹蛋黃雞翼 $885️⃣大隻雞翼炸到超級香脆可口！鹹蛋黃要煮得惹味，一定要將啲鹹蛋黃煮到起晒泡起晒沙，呢個一上碟就驚見到鹹蛋黃醬滿滿厚厚咁覆蓋住雞翼👍🏻超級邪惡😈正呀！呢個價錢有5隻大大隻雞翼真係超值！佢啲鹹蛋黃煮到起沙超好味超濃，十分推薦大家食呢個雞翼，啲鹹蛋黃嘅份量係可以包住每一隻雞翼，唔會唔夠!山頂既餐廳黎講價錢合宜，食物質素唔錯，又有大量打卡位，一家大細黎又得，情侶黎又得💙

餐廳入面有好多足球主題嘅收藏品，有部分球員嘅波衫、波鞋同相都有簽名，我都認到唔少！餐廳設計以足球場為概念，地板鋪滿草地，我哋坐咗喺教練席嘅凳上面，簡直覺得自己好似要準備派後備球員上場咁😂。個位仲對住部電視，咁啱播緊06年世界盃決賽義大利🇮🇹對法國🇫🇷場比賽，男朋友睇到成餐飯都無同我講嘢咁濟。不過食物整體而言都好好食，我都專心食飯唔理佢haha🤣🤣🥗蟹肉芒果木瓜牛油梨沙律 $158老實講，我本身純粹係因為個造型而叫呢個沙律，因為可以一嚐各大球會捧盃嘅滋味haha。份量好足料，蟹肉嘅鹹香配上酸酸甜甜嘅芒果，十分開胃，係個好fit嘅前菜。👅評分：7/10🍝肉醬千層麵 $158千層麵一上枱就飄滿芝士嘅香味，熱辣辣食就最啱！每一層交互疊加融合得天衣無縫，有咬口嘅麵皮增加咗整體豐富嘅口感。濃郁嘅醬汁同芝士包裹住麵皮，但係又唔會好膩。👅評分：8.5/10🦞澳洲南蟹肉龍蝦包 $188用牛油烘過嘅麵包非常香脆，口感一流。入面包著滿滿嘅蟹肉龍蝦沙律，入面仲有兩隻原隻龍蝦鉗肉，新鮮嘅沙律菜更凸顯到龍蝦肉嘅鮮甜。👅評分：8/10🍗鹹蛋黃雞中翼 $88每一隻雞翼都係炸過，所以外皮酥脆，而且我哋特別揀咗多汁，所以

山頂廣場變番人頭湧湧，見到有啲旅行團又有啲幼稚園團，當然食肆最開心。上到黎山頂，山頂廣場都好多食肆，今次揀左間足球主題既西餐廳，估唔到又幾好食。叫左兩個餐，一個係西班牙黑毛豬梅頭肉、根菜配菠蘿莎莎。黑毛豬都唔細塊，又厚肉，重點係好juicy，啲肉一啲都唔鞋口。配菜有啲沙律菜，烤南瓜勁甜，菠蘿莎莎應該係啲薯蓉加菠蘿粒，一啖食哂兩樣都幾夾。另一款叫左個西班牙脆包，之前未食過，所以想試下。燒牛肉脆包幾出色，包夠脆，唔會林哂。牛肉好有牛味，唔乾柴。重點係個醬係幾夾個牛肉包，令到個口感唔會覺得好乾。所有西班牙脆包仲有配埋薯條，薯條夠脆夠新鮮，好味。Lockeroom好多分店但係今次係第一次食，估唔到都幾有驚喜，餐廳環境係足球做主題所以都幾有親切感，食物都幾有質素，係好味嘅西餐廳。

一間足球主題既餐廳坐落於山頂，相信好多球迷都好想去朝聖。整個餐廳裝潢超用心，圍繞着足球主題⚽️，更有不少球隊的陳列品供大家欣賞，球迷必去嘅好地方🍽✔️燒牛肉沙律🥗燒牛肉🐂非常優質，大約五成熟，五成熟將牛肉的油份逼出，令牛肉非常香口，而且配上黑醋沙律汁超級醒胃。😎✔️鹹蛋黃雞翼🐔淨係睇個賣相已經流晒口水🤤 即叫即炸，熱辣辣又香脆，外脆內嫩，每隻雞翼都有滿滿嘅鹹蛋黃醬。雖然好邪惡，但食咗先算🤓 ✔️溫泉蛋卡邦尼意大利扁麵🍝份量適中，醬汁非常creamy，每一口意粉都好掛汁，而且意大利扁麵軟硬程度適中，好吃而不膩口，正😋順帶一提，餐廳除左充滿球衣及其他足球陳列品，枱面嘅餐具如杯，碟等等都係足球主題，打卡一流🤩

趁週末去山頂逛下,又嚟咗Lockeroom食嘢,因為我真係好掛住佢個鹹蛋黃雞翼😍😍而且山頂店佈置更靚,成個綠茵草場咁🏟每檯嘅膠墊都係一支球隊嘅旗,連啲牙簽筒都有球星figure添⚽️!牛肉丸唔會係太乾死實哥種,咬起嚟柔軟有牛肉味🐮個汁都幾好味,但肉丸淨食無汁都ok夠味~我係為呢個鹹蛋黃雞翼而來的😍😍!鹹蛋黃雞翼仍然係咁充滿鹹蛋黃🍳每隻雞翼都包滿咗鹹蛋黃,但個皮仍然脆脆地~而且入面嘅雞肉嫩滑又juicy💦一路寫嘢我我忍不住吞了一下口水🙈🙈本來以為呢個煙肉芝士脆包比較頹🍔,但估唔到個脆包真係名符其實地好脆!而且係裏裏外外成個都好脆!配埋好多嘅煙肉🥓🥓同略烘香嘅芝士🧀,又係一個邪惡max嘅美食👍卡邦尼意粉有時唔好食係因為個汁太水,一係個汁太少,但呢度嘅卡邦尼汁好濃,完全係緊緊裹住每一條麵~雖然我知又係好肥,但呢種咁濃嘅卡邦尼先最正😋之前無留意到山頂有呢間,成日淨係識得去食快餐…以後嚟親都會有去食鹹蛋黃雞翼嘅衝動💓

見人地嘅食評有餐牌，而我地去到只有電子餐牌，有餐牌點解要收埋佢呢？可能星期六日價錢唔同掛。諗住坐得舒服d就坐窗邊位啦，但個梳化椅背勁高，明明可以睇到凌霄閣，影相嘅話就一流啦。可惜椅背太高遮住左，最後只可以影到個天空，嘥晒！野食款式唔多，主菜唔太吸引，咁就主攻小食，諗住實無死啦。我地叫左炸蝦，鵝肝多士，仲有心太軟加雪糕。講返食物質素先，炸蝦好大陣油膱味，粉太厚，太硬，完全唔酥脆，如果唔係有wasabi 嘅醬去一去d 油膱味，真係唔多想食。至於鵝肝多士尚算ok,多士幾香，而鵝肝我唔太識食，咁就無謂comment 啦。仲爭心太軟未上，咁其實落order 個陣都講左最後先上，但我地食完頭兩樣，等左一陣見未有就已經提下侍應個心太軟未上。最後等左成半個鐘先食到。好好彩，心太軟加雪糕幫佢執返唔少分。兩個人食左三樣野，無叫野飲，盛惠四百幾，本身對食物要求唔高，但唔會再黎，希望佢地正視返食物質素。最後想講下，客人好少，小貓兩三隻，而出面其他餐廳好多人，價錢貴，食物份量少，無services(雖然有好多侍應），仲有食物質素都係影響客流嘅原因。

男朋友生日同佢上山頂食嘢行下 預約左呢間足球主題餐廳 餐廳啲櫈啲枱全部都有關足球 中間天花橙都係足球 相信有賽事黎呢度一直睇波會非常有氣氛同熱鬧餐廳好貼心 只不過隨手remark生日 竟然間有個蛋糕仔有蠟燭 有啲surprise!

我今日想周圍行吓所以專登去咗山頂, 其實喺灣仔搭巴士上去都係20分鐘左右, 上到嚟太平山頂又可以睇風景, 又可以吹下風, 都幾浪漫㗎😗然後呢度有一間用足球做主題嘅餐廳, 全間餐廳都有好多球星嘅卡通, 例如朗拿度,柏金; 仲有好多球衣, 差唔多每一件都有簽名, 好有紀念價值☺️😍 連啲餐具, 碟, 杯, 都係足球; 而我張枱嘅枱布就係皇家馬德里😗 有好既環境, 嘢食都好重要㗎🍗鹹蛋黄雞中翼（5件）$88Salted Egg Yolk Chicken Wings (5pcs)雞翼炸得好香口, 仲有好邪惡嘅鹹蛋黃, 係不敗嘅選擇😍 🍔 法園鹅肝和牛漢堡 $198Wagyu Beef Burger with Foie Gras漢堡包好大個，個麵包係熱辣辣脆脆地，和牛漢堡都算Juicy，最重要係有一舊肥美嘅鵝肝😍 佢啲油份連同醬汁流哂出黎，睇見都流晒口水🍝 日本直送饅魚意大利燴飯 $158呢個fusion 意大利飯幾特別，意大利飯係佈滿日式嘅鰻魚汁，鰻魚好彈牙，上邊仲有啲木魚絲 同埋少少蔬菜最後都嗌咗一支本地手工啤酒 叫做the peak, 入口幾甜, 好飲☺

同朋友慶生日，就一齊黎到山頂🗻行下食下野，山頂廣場有間特色主題餐廳，以足球⚽️為題，周圍環境充滿足球佈置同特色 呢度有一邊係大玻璃窗，觀景非常好，仲可以出去露天位置坐或打卡，佢仲有個足球俾小朋友玩😊 法國鵝肝秀珍菌意大利飯🍽香濃珍菌味，鵝肝加秀珍菌，配合意大利飯，令到飯味好香，而且每粒飯都好creamy 澳洲藍蟹肉龍蝦包🦞🥖龍蝦肉加上藍蟹肉已經好鮮味，夾係法包入面，再加沙律醬好好食 鹹蛋黃雞中翼鹹蛋黃加係脆香雞翼上，又美味又可以食到雞肉嘅嫩滑😋

今次去山頂，特登楝了這間餐廳，因為小朋友是球迷⚽️一入去有就過很多波衫，擺設同請精品😍我們三個叫了：鹹蛋黃雞翼 $88 x 2:這個超好味，我們食完－碟不夠，之後再叫多一碟👍台灣鳳梨蝦burger $138; 這個覺得OK,鳳梨都很甜卡邦尼意大利粉 $168: 這個正常水準鰻魚risotto $158; 小朋友最鍾意食呢個，鰻魚配cream risotto 也好夾人均消費； $220

估唔到上到嚟山頂都會見到𝐥𝐨𝐜𝐤𝐞𝐫𝐨𝐨𝐦!之前喺旺角都曾經幫襯過佢地覺得非常唔錯👍🏻今次毫不猶豫都揀咗佢哋，原來山頂嘅菜式會比較唔同😆整個餐廳以足球為主題周圍掛有好多足球衫以及好多足球卡⚽️，最適合足球狂迷嘅你嚟呢個地方食嘢打卡👍🏻 - ✤ 卡邦拿蟹膏溫泉蛋義大利扁麵 $𝟏𝟔𝟖 呢個有驚喜🤩濃郁𝐜𝐫𝐞𝐚𝐦𝐲嘅卡邦尼醬完美地包裹著每一條扁麵、細味之下仲食得到醬汁當中嘅濃郁海鮮蟹膏味！戳開溫泉蛋，令半熟嘅金黃色嘅蛋黃漿混入其中，令口感味道層次更上一層樓！ ✤ 白松露野菌烤包 $𝟏𝟑𝟖 吐司烤得香脆！切開可以見到滿溢而出嘅松露醬、菇菌以及海量芝士絲🧀一人半件剛剛好，飽肚得黎又唔會太𝐡𝐞𝐚𝐯𝐲 ✤ 鹹蛋黃雞翼 $𝟖𝟖 5️⃣大隻雞翼炸到超級香脆可口！鹹蛋黃要煮得惹味，一定要將啲鹹蛋黃煮到起晒泡起晒沙，呢個一上碟就驚見到鹹蛋黃醬滿滿厚厚咁覆蓋住雞翼👍🏻超級邪惡😈正呀！ ✤ 明太子松露薯條 $𝟕𝟗 份量好多🍟面頭有不少帶有辣味嘅明太子醬、沙律醬以及黑松露顆粒醬，小食推薦！

今次去左山頂既足球主題餐廳，店內擺設球星親筆簽名球衣、球鞋、龍門手套、多款聯賽及盃賽足球等等，還有一幅巨型壁畫，可以盡情打卡一番。除此之外，露台仲有室外位，景觀夠曬開揚，係到chill下都幾吾錯。蘇格蘭煙三文魚藜麥沙律沙律有煙三文魚、藜麥和沙律菜，沙律汁以檸檬汁同橄欖油調製，入口清新美味，還用透明獎杯盛載着，賣相份外吸引。法國鵝肝和牛漢堡和牛漢堡煎得恰到好處，肉質軟腍，入口juicy，鵝肝表面微微煎香，口感順滑，麵包也烘得很脆，還有濃濃的牛油味。卡邦尼蟹膏溫泉蛋意大利扁麵醬汁好creamy，加左蟹膏味道特別濃郁，將溫泉蛋伴均後，還有點像咸蛋黃的味道。

本人比較嫌麻煩同少寫文，今次第一次寫食評，因為覺得太可惜了，環境，食物，性價比都非常高分的餐廳，因服務質素令我要三思是否要再到此餐廳，而昨晚大時大節見餐廳人流很少，更覺可惜簡單總結：飲品／食物質素：5／5環境：5／5服務：1／5（如果可以比0或負，唔會有1）食物種類：3／5（可以提供更多元化的食物，不一定是食物種類數量，也可以是不同類型的食物，例如甜品只有蛋糕，主菜款式也是相類近，可以嘗試不同類型食物）苦口婆心，希望餐廳老闆可以多注重員工服務質素培訓，否則環境再好食物質素再高，客人也不會吃得開心，想再來光顧也需要慎重考量