Macaroni Dessert Bar (已結業)

今日黎到位於紅磡嘅呢間特色西餐廳 叫咗兩款唔同嘅牛扒🐮完全啱晒好鍾意食牛肉嘅我霜降和牛西冷扒叫咗七成熟啱啱好 質素高嘅牛扒真係唔需要戰太熟 廚師技術好高烹調左一塊好完美嘅七成熟牛扒 入口完全即溶 油香好重 實在令人再三回味😍龍蝦拼牛小排呢一款超級驚喜！係完全可以滿足晒你兩個願望 龍蝦係切邊上 龍蝦鉗亦預先好細心咁拆開左少少龍蝦殼方便進食 龍蝦唔會加咗好多調味料去烹調去保留返應有既鮮味 肉質爽口彈牙 龍蝦中間仲有滿滿嘅蝦子 連埋蝦肉一齊食好好脆口 至於牛小排有兩大塊 牛味重 外層經微微香煎後可以鎖緊肉汁 散發住獨特既牛香味！

朋友位於紅磡既家，新居裝修， 我和老公趁著放大假，下午去參觀一下，並送上新居禮物。在朋友家中逗留了兩小時，也是時候回家了，由於朋友家與港鐵何文田站非常鄰近，我和老公原意乘搭 港鐵回家中附近食飯算了，後來在行去何文田站時，發現一間裝修華麗既西餐廳，看看餐廳外擺放的menu，任何main course只需加$60就可轉set dinner，價錢咁抵，即管入去試吓。甫入餐廳，看見一盞好靚既吊燈掛於門口，有些貓兒狗狗既畫像掛於牆上，相信餐廳老闆是特別喜歡貓狗的， 加上紅磚牆，好grand嘅梳化凳，感覺時尚華麗。set dinner咁抵食，當然不會散叫， 只需係main course度揀選自己喜愛的就可以了。煙三文魚沙律煙三文魚肉質鮮嫩，沙律菜淋上蛋黃醬汁，零舍好味。粟米茸忌廉湯湯既口感濃郁又幼滑，非常creamy，味道香甜。黑松露芝士法包法包外脆內軟，配上黑松露高級醉人既香氣及奶酪既口感，簡直係一絕。蜜汁黑椒烤豬手($148+$60轉set dinner)豬手既外層又脆又煙韌，而內層既肉質好嫩滑，配上德國既酸菜， 將豬手嘅肥膩度大大減低，加上香口既薯條，食到我兩口子舐舐脷。鮮茄肉丸意粉($78

因為想兩個人坐得好d吹下水，朋友帶左我去呢間餐廳食飯我特別想講下佢個心太軟，真係好正首先佢勁流心，朱古力味勁濃，而且佢外層係有烤過既脆脆地，成個口感係外脆內軟，而唔係一pat野！佢配埋個酒雪糕同個心太軟好夾，一匙雪糕再一匙心太軟，正

放學後帶媽媽到何文田吃西餐，在openrice找到了這間開張不久的Macaroni餐廳裝潢時尚，紅磚牆紙成為了點綴黑松露野菌飯十分creamy,每一啖飯都能吃到蘑菇片，配合黑松露和芝士碎更加惹味可口熊本西冷煎得剛好，肉質鮮嫩有肉汁脂肪比例不錯，不會太油，十分有牛味原味吃已經好好吃，點燒汁會有另一種風味媽媽加了杯熱檸茶來到重頭戲鮮果拿破侖賣相非常漂亮，碟上灑有店名水果新鮮，不是罐頭的cream不會過甜，玫瑰花為味道增添了不少層次

公司今日派咗嗰新同事跟我一齊外出跟進係何文田嘅工程進度，因工程出現問题，要攪好耐先可以收工，途中經过一間歺聽，見有啲肚餓，我倆就入去食埋嘢先返家，睇完歺牌，大家都揀咗霜降和牛套歺，一樣都係七成熟，大約十零分鐘，霜降和牛來了，切開入面重係紅紅地色，入口好有牛肉味，好冧，好香，一路食一路倾，轉眼就食完，跟住埋单走人。

前幾日去開何文田，遠看門口黑色設計，在同區顯突出，吸引到想去試一試，地鐵站附近非常就腳，入面簡單裝潢，坐得寬敞，環境寧靜，係放工去 relax 嘅不錯選擇。叫了兩個晚餐主菜，其中加錢轉set: 有湯,有沙律,飲品,甜品。先來前菜: 意大利巴馬火腿沙律，火腿淡淡鹹香，沙律配黑醋，帶微酸，清新開胃。餐湯: 紫薯忌廉湯，賣相吸引，飲落好香滑，配香軟黑松露麵包，很搭。另外叫了兩隻生蠔，新鮮，海水鮮味重，$1好抵食。主菜: 熊本西冷(霜降)，叫左5成熟，剛剛好鎖住肉汁，好juicy，滿口油香，配上惹味黑椒汁，一流。另一道主菜：安格斯肉眼，同樣叫5成熟，肉質厚，口感腍，充滿肉汁，很不錯。甜品: Tiramisu，甜度剛好，好香滑。總括黎講全部都好滿意，好有誠意，會再去。

何文田A2出口條天橋一落就係。我幾鍾意裡面兩幅畫，非常Eyecatchy!最緊要，係呢度有熊本霜降和牛食，仲要大大塊。個漢堡都唔輸陣！熊本霜降和牛西冷 $188,份量：目測250g，材料：  薯粒，牛扒燒汁，沙律菜等。(以下項目最高5星)，顏色：5星，熟成度：4星 叫5成嚟6-7成，足料度：5星，香味：5星，調味：(咸味)4星，油脂分佈：4星，嫩滑度：4星，CP值：4星。 皇室和牛漢堡 $128,份量：超大份，材料：面包，煙肉，芝士，和牛漢堡扒，蕃茄，洋蔥，芝士醬，薯條，茄汁。(以下項目最高5星)顏色：4星，足料度：5星，面包鬆軟度：5星，面包足料度：5星，和牛扒香味：5星，和牛扒調味：(咸味)5星 非常平衡，和牛扒足料度：5星 目測200g，薯條：5星真薯，薯條熟成度：5星，CP值:5星。

我又再嚟呢一間餐廳度食飯喇想知道究竟係乜嘢吸引我嚟第二次嘅呢~就即刻睇落去啦!《半熟帶子刺身黑松露意大利飯》 $98又係佢呀~Cp值超高的好選擇👍🏻👍🏻口感超Creamy， 飯粒中帶有淡淡嘅黑松露味、忌廉味、芝士味...好豐富❤️同時間有大大嘅蘑菇粒同芝士片令到成個飯好rich👍🏻👍🏻👍🏻帶子出面煎到好香，入甜鮮甜❤️❤️❤️《蜜汁黑椒豬手》 $148$148就食到咁大隻豬手！而且隻豬手係有驚喜添架！平時對德國豬手都冇咩大興趣！因為餐廳為左配合人哋飲酒而整得隻🐷✋🏻超咸🙄所以對我呢個唔飲酒嘅人嚟講真係興趣不大😂😂但點解我會係呢度order🐷✋🏻呢？因為我睇左大家嘅相同埋比價錢吸引咗🤭🤭🤭果然冇叫錯！佢是皮脆肉嫩！肉汁充分地被鎖住哂！就咁食都唔會覺得咸！呢樣值得好好😭😭😭😭😭而且附上勁多酸菜！點食都唔漏呀🤭🤭《熊本西冷（霜降）》$188 今次要7成熟，入口都係有溶溶的感覺🤤🤤好正都係一如以往既好味❤️《75%朱古力心太軟》 $68佢哋有好多款雪糕可以揀包括：冧酒提子🍾🍇、朱古力🍫、雲尼拿、紅豆、抹茶🍵一叉落去d朱古力醬就湧晒出黎...而且個蛋糕夠香，唔乾👍🏻👍🏻👍🏻配埋朱古力醬一齊食都唔會漏🤤🤤🤤

呢間西餐廳位置好方便，在何文田地鐵站出、沿着天橋直行落去就已經見到，見到環境都幾靚、幾舒服咁，唔會坐得好迫，所以就同朋友入嚟試一試啦。Main course我哋叫咗呢個熊本西冷，佢問我地要幾成熟？其實本身預小店都唔會真係喂足要求，都會煮得偏熟！點知佢真係做到medium rare俾我哋。薯仔、黑椒磨菇汁，都係令個牛扒加分嘅，整體提升咗佢個味道。薯條配黑松露醬，佢個薯條係整得好好味架，炸得啱啱好又唔會好油，而且係新鮮炸出來嘅、絕對唔係炸完放係到好耐。雙層芝士夏威夷薄餅，佢個雙層芝士好特別一層就係已溶化左落去Pizza入面、另一層就係會係一粒粒芝士咁，所以你係會食到兩層口感嘅芝士！呢個做法好好，令你唔會有懷疑雙層芝士係從可以來。😂😂芝士味濃啊！ 水牛城雞翼因為同同行朋友都比較怕辣，我哋都專登問咗侍應，佢以譚仔五小辣黎形容佢嘅辣度，所以就打算試下！我哋就覺得都唔係咁辣嘅、其實酸酸甜甜帶少少辣，好開胃！好好味！所以就算怕辣嘅朋友仔都可以食、唔需要擔心。每人二百頭、坐得舒服、環境又寧靜、好岩情侶/三五知己坐低傾下計！

plan左同男友慶生，一早落左order喺甜品碟寫字，佢地服務都好好！可能位置有點僻，所以星期六晚上去都唔會好多人，感覺幾寧靜又舒服，可以靜靜地傾計~我地兩個人叫左迷你和牛漢堡，半熟帶子黑松露意大利飯同4隻$10生蠔首先食嘅係生蠔，都好新鮮，又好抵！！之後係個漢堡，個包面烘過，所以好香脆，和牛好香，唔會太熟，成啖咬係好juicy意大利飯都好出息，帶子煮得剛剛好！！好鮮好滑，成個飯份量都好多，食完其實有d飽。 但最重要都係個甜品！！佢地真係超有心機超靚呀！仲有係拿破崙係好好好好食，超級脆，仲係暖笠笠架

近期番工番到好攰好辛苦😩，真係要吃番d好野，對自己好d。今日去左呢間幾靚嘅餐廳。見佢個門面幾靚，睇下餐牌，set dinner 又有前菜，湯同甜品咁，咁正所以就入左去了😝。見到d學生餐超抵食，😳可惜...我已經唔係學生了。入面嘅環境好好，係西式cafe 嘅感覺。抬面用左黑色石面，椅子亦係坐得舒服嘅沙發凳。😊坐好後，服務員就俾左個menu 我地。近期嘅餐廳都好鐘意用個tablet store menu 俾客人睇啊。😂🤤我地決定加$60 將主菜upgrade 做set👍🏼⭐️煙三文魚沙律😋⭐️粟米蓉忌廉湯⭐️黑松露芝士法包❤️ - 包邊脆包心軟，熱辣辣嘅包令到上邊嘅黑松露芝士好香，好好味。🤤⭐️安格斯肉眼 - 五成熟控制得好好。👍🏼薯菜都好正，每一粒薯仔都用炸薯條嘅做法。😋⭐️香煎羊扒配薄荷燒汁👍🏼⭐️Tiramisu⭐️Drinks

在昨天放工，被老闆罵完，冇計，人工包埋，同嗰同事邊行邊傾，意猶未盡，佢原來住何文田，我於是問佢何文田有乜好嘢食，佢帶我去一間西餐廳食飯，因坐地鐵過來，所以很快坐低餐廳後，我們睇咗嗰电子歺牌後，我點了1分霜降西冷扒，加多60轉歺，又有歺湯及甜品，頭盤係煙三文魚沙律，煙三文魚好大件，沙律汁味道好正，另叫生蠔，每隻只需$10元，味道很鮮甜，霜降西冷扒七成熟剛剛好，好冧和味道一流，沾少少醬汁，特別惹味，歺湯配埋嗰黑松露麵包，食下食下，心情好了很多，發覺這裏食物相當不錯，服務也非常好，環境舒適，下次可帶老婆再來，問過侍應，這個是𩄐降西冷是日本運來的，二百多元實是抵吃，歺飲叫了一杯可樂，最後重有甜品，甜品擺設得好靚，都好好吃，埋單五百，我請，打工為乜，只為餐食，今晚我食完牛扒有所體會！

其實2週年無plan做乜~就諗住喺紅磡隨心搵嘢食~經過呢間Macaronin desset bar~就入咗去試喇~環境都幾有格調~啲櫈幾大張~坐得都幾舒服~Menu都幾多選擇~ 只要加60蚊,就可以轉餐~是日餐湯係西蘭花忌廉湯配黑松露牛油法包~餐湯有淡淡嘅西蘭花味~好清新~個法包好好味~我哋揀咗 香煎龍蝦拼牛小排配燒烤汁 牛小排好好味~唔會整到好熟,好林又唔韌~雖然薄薄哋~但都幾大塊,仲有2塊~龍蝦我就覺得一般,可能係佢個燒烤醬~我覺得唔太夾~但都唔係唔好味~只係個醬唔啱我~隻龍蝦都有膏喎~掛住食都無影到~之後我哋再叫咗個 皇室和牛漢堡好好味~食到好濃烈嘅和牛味~平時食漢堡我會走洋蔥呀,酸瓜呀嗰啲~但今次又唔記得咗走喎~但又幾好味喎~食落啲生洋蔥係甜,酸瓜都無搶咗啲味道去嘢飲我叫咗 玫瑰梳打~好靚得嚟又唔太甜~讚套餐個甜品係Tiramisu~我就唔太食Tiramisu~所以加錢轉咗鐘意嘅甜品~我轉咗鮮果拿破崙~好好味啊~食到我lam lam脷~好滿足又高質素嘅一餐~大家可以一試啊~

今日去咗紅磡蕪湖街近何文田地鐵呢間Marcaro-ni dessert bar 意大利餐廳食個晚餐。我未去過，朋友介紹，七點去到，見人不算多，不用等位，見內裡裝修整潔，坐座舒適，也是個方便喝酒談天的好地方！我地點咗兩個set dinner有焗法飽，丶野菌忌廉湯、三文魚沙律、主菜是柚子汁焗文魚扒，同埋香煎羊架配薄荷燒汁！焗法包香口，好好食！忌廉湯上桌時保持得熱騰騰，充滿野菌香味，令舍開胃，前菜的煙三文魚沙律菜也是十分醒胃！主菜的三文魚扒和香煎羊架上菜速度剛剛好，可見服務員是很留意我們進食速度去配合的！三文魚以柚子汁焗得入味，魚肉亦很細滑，十分可口！羊扒我要了八成熟,所以有很嫩滑的肉質，軟腍而香味濃郁，醮以薄荷燒汁是十分好的配搭！個人喜歡手工啤，點咗這款澳洲製造的Little Creatures Pale Ale仲係買二送一，此酒以蛇麻草花釀造，味淸香，飲落有苦味但慢慢又變得甘甜，好有特式！食完主菜再來的甜品是意大利芝士蛋糕好精美好細心的擺設，食落軟滑可口！再來一杯香濃熱咖啡，這頓晚餐十分豐富同滿足！

今晚早收工決定同老工拍拖搵好野食！俾我喺何文田港鐵站附近發現一間西餐廳，外面睇餐廳裝修幾有品味，於是決定入去試試。一入去就有個親切嘅侍應哥哥招呼我哋坐低喇。用電子餐牌好有型，揀野食都揀得開心啲😂今晩好肚餓，見Main course只要加$60就可轉做set，咁抵就梗係點個Dinner set啦！頭盤係煙三文魚沙律同巴馬火腿沙律，兩個都正，最欣賞佢哋自己調啲白汁同黑醋汁，味道濃淡剛好。至於湯，今日個Daily soup係西蘭花濃湯，真係有濃濃西蘭花味，真材實料！Main course 有頗多款揀，我就揀咗羊架，老公就揀帶子黑松露意大利飯。個羊架煎得堅正，我點medium rare，真係煮到剛剛好喎，絕對無過熟過生！佢個薄荷燒汁都唔錯，連唔鍾意薄荷味嘅我都食晒！意大利飯係全晚亮點，芝士同黑松露味香濃，老公光速扒晒落肚，我只痴到兩啖咋。食到呢度，兩個已經飽到上心囗，所以我哋無再特別點其他甜品，只要跟餐個Daily desert：Tiramisu。以為會hea底啦，原來都落足心機嘅，蛋糕又香又滑，唔太甜，小小一件剛剛好！總結：一間用心做嘅小店，一定會再幫襯！