Madera Cafe

营业中

休息中

boxing Day決定同媽媽去做下運動做運動之前梗係去醫下個肚先啦，就揀咗筲箕灣呢一間唯一嘅coffee shop食個靚早餐先我嘅第一個感覺係杯size對我來講都已經大咗啲 對於整體presentation我本人認為唔係咁好而且咁大會都未必個個人飲得晒。同埋唔知點解我覺得好似來來去去都係得三文治咁，冇咩其他特別款式好揀🤪結果幫媽媽揀咗個三文魚bagel ,可惜始終脫離唔到我對bagel嘅陰影, 都係太過煙。我唔欣賞！ 我自己呢就買咗個黑芝麻醬牛油果多士。個人來講個賣相都麻麻地，佢用一個木盒入邊放咗芝麻醬沙律同埋多士，兩者一齊放埋啲汁醬好容易令到個包變淋。其實牛油果多士坊間全部嘅做法都係一樣所以冇特別，不過個芝麻醬係幾好味嘅。到我家姐嚟到佢再叫多一份芝士火腿牛角包都係一般貨仔囉咖啡來講都冇乜令我好深刻印象！我叫咗杯Latte 家姐叫咗杯Americano 阿媽果杯milk tea 就最大獲架喇! 不過都預咗, 始終唔係茶餐廳奶茶，一d茶味都冇, 佢自己又落得太多奶，變咗奶水一樣，飲下飲下變咗淨係飲茶包茶其實應該早啲去行避過咗中午嘅時間，不過拖下拖下再食下早餐都成11點先開始出發。 本身

一入到去已經很喜歡這個餐廳的裝修，很洋化，別給人舒服的感覺，他們有賣西餅糕點、小吃、又有熱湯，還有各式三文治，咖啡極正，一定要平反一下! 我們點了南瓜湯，又有免治牛肉千層麵，煙三文魚施鞋麵包，樣樣都好味，地方整潔乾淨，服務態度極好，一定會再嚟。

係東大街唯一一間 coffee shop，但係估唔到會飲到暫時最難飲嘅咖啡。見到佢嘅signature coffee 係黑芝麻Latte，諗住一試，點知一見到杯嘢就打個突：真心未見過咁肉酸嘅拉花，大佬，作為一個 Barista 點好意思拉杯咁樣嘅嘢出嚟？拉到咁不如唔好拉好過，唔識拉平實啲學 M 記用個模係咁易灑啲朱古力粉咪算囉，好過拉到咁。無外表都算，最慘係無內涵，飲落口最大陣味唔係芝麻味，更加唔係咖啡或奶味，係一大陣「油益」味，好明顯係啲受左潮唔知擺左幾耐嘅芝麻搞到咁；丁點咖啡味都無，有少少奶味，似足人哋低脂奶再開水咁。總之，你叫我 Blind tasting 嘅話我一定答唔到你飲緊乜，飲一啖就頂唔順，點好意思賣三四十蚊杯？？？另外杯 Americano 都係苦澀味，同茶記齋啡不相伯仲。去呢間 coffee shop 不如去 Nespresso 就咁整杯 capsule 好過。打咁長，真係堅嬲。

好似每次去呢一間cafe都係落大雨，cafe係東大街裏面唯一一間類似starbucks或pacific coffee個類型的cafe 。今日一點鐘到去到，滿座喎!我發覺而家好似唔只係女士喜愛呢一類型的cafe， 男士都會三五成群黎cafe傾上半天。以自助形式買左一個all day breakfast同smoked salmon bagel。All day breakfast $82個麵包脆脆哋，加埋啲果jam都仲可以接受，牛角包唔錯，有微燶的香味，但係個炒蛋就一pat pat啦! 唔係太好食，另外肉腸味道不錯，另外有三塊火腿，竟然唔係煙肉，失色左，感覺上好流。Smoked salmon supreme bagel $58個bagel欠左一份軟熟感，不過入面 煙三文魚火箭菜份量好夠，好豐富，火箭菜唔苦，同埋醬汁好夾。芝麻拿鐵  $42係佢的新產品，但係唔太推介，有苦味，奶又多，完全冇芝麻味， 如何談得上叫芝麻拿鐵呢?

東大街出名多野食但西式coffee shop就只有呢一家。難得放平日假作為都市閒人訓到自然醒就過去食個慢活早餐。由於平日早上個個返工返學所以不用等位就可以入座仲可以揀自己喜愛位置坐。係櫃檯落完單後當店員有禮貌地送上hot mocha + beef bagel時內心不禁說讚，賣相相當不錯，碟上兔仔好可愛呀！ 食物質素係好味嘅的， bagel是熱哄過的，餡料亦很豐富。店內裝潢都很新很舒服又唔趕客還檯，可以比我靜靜地坐低碌電話。有機會會再來光顧。

食厭早餐A，B，C餐，好想有啲新口味，「東大街」住咗幾十年，食店比我感覺係街坊食物，茶記，魚旦粉麵，很少可以有個地方靜靜地，飲下嘢，感受一下呢個月社區。芝麻醬沙律牛油果多士，沙律新鮮配牛油果好好味咖啡口感很滑

假日的中午一時來到，店內已經幾乎滿座了。原本想點三文治，可是這家店的Bagel和Ciabatta居然都賣光了，有點令人失望啊🙈最後只好選擇了All day breakfast。食物的水準合格，沙律也不錯，柚子芝士蛋糕就很一般了，柚士和芝士兩種味道都不突出😅反而咖啡的質素預料之外的好呢😊值得一讚的是店子的採光度很高，令氣氛很溫暖悠閒，動物碟子也很可愛，我們坐著聊了好久，沒有任何壓力，是舒適的一家咖啡店啊。

連續來了2天，1次中午，1次下午茶，有水準誠意嘅cafe.在東大街盡頭，筲箕灣邊皮，旺中帶靜。裝修簡約開揚。大概$80-90一個set.第一天下午茶時間，與朋友一人一個set.各樣咖啡也不錯，香純順喉。煙三文魚比高包超水準之作，比高包微微烤熱，除了包香，也夾雜著上面poppy seeds的麻香味，令人食慾大增，煙三文魚散發微微煙燻味及三文魚油香，再加上cream cheese,成個比高包令人幸福感標升。雞肉意大利包，雞肉是雞件，非薄片，可惜有點嚡有點乾，包身有咬口，感覺實在，又有青瓜蕃茄片生菜等，好健康。第二天中午再來。All-day breakfast set.旦有旦香，而且非常嫩滑。腸是豬肉腸，不是一般廚師腸。面包不是一般方包切開分4小片，而是法國面包片及牛角包！

牛油果密密放在法包上，軟度剛好，加上非常新鮮的還有蔬菜和車厘茄加了恰當的沙律sauce，给整個tea-set 都好有fresh 的感覺，mocha 冲的濃度非常好飲，做的感覺到好有心，我個人覺得佢做得好過starbucks

剛巧筲箕灣工作，到附近找美食醫肚。3時半左右到臨東大街一帶，遠看大大落地玻璃，門前一看原來是cafe。木色tone為主調，很美，決定進入吃吃看。長台黑高凳，很有時尚感；cashier頂佈置亦很花心思，以多個大玻璃樽裝飾。選了二人座位坐下，看過下午茶menu後，點了熱cappucino 同牛角包，成為$58。店內只得一位barista在製作咖啡小食。十餘分鐘後才到我的order，火腿芝士牛角包外層脆，包內的餡則很軟，火腿芝士亦烘得剛好，溶在火腿上； cafe內輕輕播著悠閒歐美歌曲，聽著呷咖啡，心情都很放鬆。另一面牆身的設計很特別，拍下留念。

筲箕灣東大街好多野食，好多都要排隊，但行前少少，有一間別樹一格既cafe!餐廳唔算好大，但勝在坐得舒服，絕對係傾計飲杯野既好選擇！ 而且就算你食完野，店員都唔會好快收你d野，咁就可以慢慢坐，無壓力！下午茶時間有tea set-都唔算平。叫左火腿牛角包同伯爵茶。牛角包熱辣辣，但係味道就一般！唔算好食既牛角包。餐廳選用好得意圖案既餐具，仲可以比客購買tim!都坐左1個半鐘，如果休息一下係ok的，但食物就一般了！

下晝兩點幾三點想搵個地方同朋友飲下咖啡傾計，就諗起Madera Cafe我地叫左兩杯small mocha ($35)一杯拉花係熊仔（張相睇唔到），另一杯我覺得係用朱古力醬整既蝴蝶，so cute! 地方唔大，有 projector 放電影 trailer （mute左聲），落地玻璃、木地板、室內佈置都令環境好舒適。一路聽住歌(playlist 好正，尤其係Coldplay既Trouble），一路飲咖啡，一路講下工作、朋友、政策、電影、信仰、音樂、人生⋯咁就spend 左一個悠閒既星期日下午～ 唔知係咪weekend既關係呢，今日杯mocha 比平時更甜

住左香港咁多年，其實都係第一次黎筲箕灣逛逛。去完附近博物館，隨意搵下附近有咩地方同朋友食tea 同坐低chitchat 。巧合經過依間cafe , 俾佢既裝修吸引左環境幾舒服幾靚，見到有人好悠閒咁畫畫。裝潢簡單舒適，給人一種安靜悠閒既感覺我地揀左個sofa 位叫左blueberry cheese cake , jasmine tea ,cappuccino個碟好靚餐廳既碟都幾有特式，好多唔同款本身好鍾意食藍莓芝士蛋糕藍莓打成蓉去整，好濃味，唔會太甜，餅底都好好食成件藝術品咁都好飲不過以為會係熊仔拉花下次再去，一定會要求

這間cafe 的食物可以，咖啡也不錯，坐得舒服，裝潢也漂亮，店員態度友善。我們吃了all day breakfast, 份量適中，也不是等候很久。這是hea ,傾偈的好地方。

中午食完飯行過見到有間coffee shop 門面及餐廳內裝修看似不錯，有＂小清新＂感覺～即管入去買杯Latte試下先～ 味道同一般鏈鎖店的差不多，不過不失吧。由於今次沒有購買食物，只有飲料，所以下次會議再來的，來試一下食物