Magic Touch (大鴻輝(荃灣)中心) (已結業)

同朋友放工去荃灣行街，講起想食壽司，原本我地都係食開板長，但知道最近開左間新幹線壽司，貪得意就去試下。一開頭去到大鴻輝個時，發現滿滿的人龍，即刻有想去番板長既衝動，後來先知呢間店原來就係一樓，搭電梯上去就到啦。去到拎左籌又係附近行左一陣，大概廿分鐘左右到就入得去。蟹鉗($18)因為係新開張無耐，所以有D食物都係做優惠，好似呢間蟹鉗咁，都係$18，質素一般，可以接受。劍魚腩($32)刺身都係平均30幾蚊一個，抵食！迷你三文魚反卷($30)呢個三文魚卷超級抵食，雖然寫住係迷你版，但係出黎份量比我想像中大件，味道都幾好，推介！吉士糰子消費滿$100，佢個MON就會出個小遊戲比你玩，玩嬴左就會有甜品送。但第二次玩個時，發現原來唔玩都會嬴，都係會有甜品送。甜品係吉士糰子，我反而覺得成餐飯最好食係呢個。最後我地兩個人食左$200左右埋單，但都叫左好多野食，好抵食，但係質素黎講都係一分錢一分貨，至少唔會太差，小食同埋甜品我覺得反而仲好食D。我去個時做緊優惠，SHARE 野食相同LIKE PAGE就可以免150減低30，所以又袋番$30出去左買雪糕食

爭鮮旗下嘅品牌嘗試模仿其他壽司嘅高速線，但係食材超一般冇下次唔會再去食。價錢仲要比元氣貴雖然食物嘅選擇比較多，但係都係果句冇下次。一次十分差嘅經驗。。。。。。。

原來除左元氣壽司有高速列車之外，呢間magic touch 都有得玩。其實都係吸引細路仔啦。一黎就見列係用部iPad 落單。每架車最多可以載4樣食物，所以一點滿左4樣就好似上圖咁，咁就一定要撳點菜先可以出車啦。又唔一定要滿左4樣先出車，就算點一樣食物都可以出車。新開幕都有d優惠，而且佢又冇限時，所以都要預時間等位，因為佢座位唔多。其實佢有上下兩行軌道，但列車只有上層有，下層的食物就沒有列車載，只係就咁用運輸帶碌過黎。鯖魚特價$28一條，都幾大條。而且燒得幾好食小甜薯仔就幾香口，細細粒都好甜。三文魚和吞拿魚迷你刺身丼，仲有一個味噌湯附送$39 咁既價錢算係性價比高茶碗蒸有蟹鉗，仲有冬菇同日式魚蛋，蒸蛋好滑好好味。讚👍🏻以上兩個係中獎送既，每消費滿$100，iPad 就會有個小遊戲玩，如果中左獎就有野送，估唔到中左一之獎，就送左一碟三文魚刺身同三文魚壽司咁抵加長鰻魚壽司，好味，堅係好長條鰻魚。油甘魚刺身都好生鮮。讚👍🏻基本上整體食物質素都唔錯，價錢亦唔貴，而食物到達的速度都好快。四人行晚餐每人$80

今次去所謂「經理」同店員睇唔起人，明明冇生意，我地想坐卡位， 話咩繁忙時間唔可以，結果我地嘅下一台， 一樣得兩個人，但可以坐卡位，咁叫咩標準？ 咩繁忙時間？ 嬲嬲哋唔食走人！

荃灣既大鴻輝出名係排隊之城,為免一到晚飯時間要等得耐,我一個人就黎左一樓既magic touch! 之前已經係網媒睇過,係爭鮮既副線,高級版。又有新奇既高速車,大人細路都爭住like!我六點左右已經到左餐廳,唔洗攞飛已經安排到入座一入到去,同爭鮮好唔同,當然有個平版點餐。其次,杯,筷子,匙羹,仲有紙巾就係頭頂;茶有綠茶/玄米茶茶包,我當然要試下玄米茶啦!平版對於後生都易上手,對於老一輩,我見職員都樂意提供說明都協助食物標榜即叫即做,每個order可以點四樣野。我叫左幾樣:1.厚切三文魚壽司(一貫)-真係好厚切2.海老雙拼-鮮度okay3.黃金魷魚壽司-紫菜仲係脆身4.炸軟殼蟹(需時10分鐘)-呢個堅係要like! 即炸,無乜萬年油味,夠晒大隻!唔似得出邊果啲好腥好縮水,仲有蟹膏見到!5.帶子壽司(特價$28兩件)-夠厚身,正!食物款式都多樣化,由前菜,定食,烏冬,飯,炸物,到甜品飲品...好多都係爭鮮無既當然,價錢都比較貴少少啦!唯一要彈既,就係啲壽司飯,都係似爭鮮凍冰冰既機器飯,如果係飯既調味同溫度著手,肯定更加客似雲來!我今次食得好開心,服務幾好;中間有收下碟,無俾人催埋單! 高速

前身係泰國食店，如今變咗高速線，但唔明個店名點解叫＂Magic Touch”咁得意😆，反正期待咗幾個月，食個lunch試試水準如何。平日人客稀少，可能同價錢有關啦，價位真係同元氣差不多，我見個餐牌都呆一呆，憑乜定位咁高，所以叫咗一個唔係一般日式食店有嘅鰻魚飯一試🧐蒲燒鰻魚定食 $78定食有溫泉蛋、鰻魚飯同麵豉湯，主角鰻魚又肥美又有口感，正到痺😋😋😋，飯粒粒都好飽滿，超大碗我食唔晒；溫泉蛋不過不失，蛋味唔算濃；湯好足料好豐富，有三文魚有豆腐，非一般麵豉湯👍🏻一人共消費：$86

3人等卡位門口男侍應表示前面有一張4人在等，之後就到我們，結果前面4人no show，理應到我們入座，但該男侍應竟把位置先給在我們之後到的人，並表示要沒有4人入座才給我們入座。在一開始又表示4人後到我們，結果後到的都比我們快入座，然後我們前跟他理論，但他語氣就是故意不讓我們入座，氣難下所以就走人離開。如果該男侍應不離職就不會再到此用餐👋🏻

前排係樓上飲茶時見佢標榜住高速綫即將開業，作為元氣長期捧場客點都要新屎坑試下。由於呢類型壽司店都會好受小朋友歡迎，都怕好多人排隊，點知望落都有十數個吉位。點餐同元氣一樣用平板完成，再由前面嘅火車送到你前面。而綠茶方面就採用茶包，不過茶味清淡左d而碗筷就係抬頭望上方自助形式領取，都算幾方便。款式方面其實比元氣為多，試下味道先-優惠價錢30蚊兩件珍寶帶子，算新鮮，都清甜嘅。另外鮮蝦雙拼，三文魚，迷你三文魚反卷，炸軟殼蟹都是不錯的。赤貝望落好大件，比平時食開嘅大1.5倍，不過就唔推介喇。另外暫不推介嘅有一貫嘅火炙特長星鰻同劍魚腩。而全日最好食嘅，反而係食完200蚊送嘅炸蝦卷。希望magic touch可以係食物品質方面，宣傳方面同埋服務培訓方面做足準備，先至可以係度站得住呀。另外值得一提嘅係原來點夠100蚊就可以玩平板上預設嘅遊戲，如果幾個朋友同行就用一部平板點菜喇。

今日返半day ，放工就帶個寶貝去食午餐，原本想去食拉麵，但想起荃灣新開一間火車壽司，呢間係天水圍已經食過幾次，荃灣近近地一試都無防。去到點餐發現有好幾款本日優惠，都岩我口味，珍寶帶子壽司買一送一$30好抵呀！原來呢度係拉麵得烏冬，點左松葉蟹鉗烏冬，有5隻蟹鉗仲送埋可樂，蒸蛋又有蟹鉗冬菇卷卷魚蛋.......好足料呀！壽司飯唔係凍冰冰，係即整黎到仲暖暖地架最勁係蜜糖炸手羽.....嘩！咁大隻既？仲要全翼兩隻，雖然外皮炸得比較乾身，但入面唔乾，外面有甜甜蜜糖好味呀！呢度點滿$100可以玩遊戲贏禮物，但好難中。

今日路過荃灣大鴻輝地面有人派傳單話有新餐廳開咗，有新張優惠，我見喺一樓咁近就上咗去望望。一來到見到係勁似元氣高速線嘅格局，又係用pad來點菜，由輸送帶送到面前。見佢咁新淨，我又貪新鮮，所以入咗去試試。用pad點菜似足元氣高速線，但茶杯筷子等餐具係自助，呢一方面就似爭鮮迴轉壽司。就用pad點菜好方便，pad上會清楚顯示食物嘅賣相和價錢，還有點菜時間，同埋全張訂單嘅價錢。當食物準備來時，pad上會有提示。當食物一來到，狀態就會顯示成為一個剔號。來講返食物先，由於新張期內，食滿$200就會送價值$200嘅優惠券，所以我地叫夠$200。 因為係新張期，所以我地決定叫齊所有新張特價食品。先來一份炸墨魚仔 ($28)，估唔到係全日最好食的食物。熱辣辣剛炸好，不過味粉太重手，偏鹹。之後食了特價松葉蟹鉗烏冬餐($48)包一罐可樂。d蟹鉗都幾難食，冇乜肉又冇乜味。特價的炸蟹鉗 ($28)，好難食，同我烏冬入面嘅蟹鉗一樣係冇肉冇味。後來食咗好幾樣野，份量都不太多，味道好一般，似明將嘅質素，外帶爭鮮嘅味道比這裡好。食晒已來到嘅食物，都未見我份鮮蝦和風沙律，於是我問問職員，職員幫我查問後話因爲未有貨，所以提供

上個月啱啱喺台灣食過Magic Touch，今日喺荃灣竟然見到開咗係度，呢個新幹線嘅造型，非常得意，分店設計同台灣一模一樣，不過面積就細好多，點餐都係用平板電腦，不過部機網絡成日有問題，可能係新開關係，要搞好耐先可以點餐大致上個設計同元氣壽司冇分別，唯一比較方便嘅係，唔需要㩒返個返回掣，出餐都比較慢，同台灣差好遠壽司非常驚喜新鮮又好食，啲炙燒壽司，都非常香口，其中一個海鰻壽司，非常足料，成隻成人手掌咁大最後試埋個甜品，畫上完美嘅句號唯一不滿係服務太差，明顯訓練不足，希望下次再嚟服務有改善，食咗咁耐都未聽過員工講歡迎光臨