Mango Tree Kitchen (太古城中心) (已結業)

我同朋友一向為食，一到weekend 就鐘意周圍搵啲特別既afternoon tea set 食。本身同朋友都係鐘意食甜品既tea set ，但有朋友介紹話呢間餐廳既泰式下午茶抵食好味，所以就黎左試。個日同朋友都好期待呢餐，所以之前都冇點食過野落肚，去到餐廳坐低已經超肚餓，好彩待應們都好快幫我地落單，效率都好快，所以好快就有野食。一黎首先係青口同蝦既咖喱撈麵，都好新鮮，咖喱唔太辣，唔食得辣既朋友應該都唔會食唔到。之後就到個藍子，有牛柳串燒，咬落去好稔，唔會咬唔到，雞全翼都好香，而且仲有燒菠蘿！其他熟食都唔錯。到甜品就肯定係我哋最愛，有我最鐘意既芒果糯米飯，食落去唔硬，朋友就鐘意奶凍。整體呢個下午茶係抵食又好味，份量係夠兩個女仔。值得一試！

行過見到環景唔錯既泰國餐廳，因為爸爸鍾意泰國菜🇹🇭咁就入去食下睇下正唔正啦坐底見到隔離枱泰式炸蝦餅唔錯🍤就叫黎食，黎到果然無失望夠熱夠脆仲好夠味配埋酸酸甜甜既醬好開胃但太少一碟得3塊之後叫埋燒牛柳沙律🥗因為今日好想食沙律點知牛柳好淋，配埋酸辣沙律汁好醒神香矛椰青蜆湯，黎到見到好細碗😆唔似兩個人飲🙈椰青配大蜆味道清甜，但唔係我想既椰青湯😂見到有冬蔭炸雞翼幾特別，點知原來係個醬係冬蔭公味🤭但呢個唔錯，炸都夠好，點埋醬食都好好味😋主菜叫左泰式大蝦炒金邊粉呢個係塊食泰國菜必食，炒得夠鑊氣味道仲出奇好味，雖然唔夠酸，但佢有比青檸可再加最後試埋芒果糯米飯🥭飯夠軟椰汁夠濃🥥正體呢間餐廳每碟菜式好似西餐咁好少份量，好似我地好肚餓入去食，要叫多啲先飽😆

第一次食係五月尾，因為有商場coupon，下午茶時段叫咗個大蝦金邊粉+炸蝦卷，鳳爪沙律，糕點連兩杯凍飲，埋單$204💰唔記得影相不過份量好足，每樣嘢味道都好唔錯，金邊粉嘅花生碎係另上幾細心👍🏻服務都OK👍🏻早兩日叫外賣，金邊粉同堂食份量起碼差三份一，而今次個炸蝦卷都要好小心食，因為入面嘅蟹殼碎晒😐好驚會吞落肚，試埋佢個滷水豬手，滷水好入味，比較驚喜嘅原來個底仲有啲芥蘭，索晒啲汁好好味🤤🤤🤤配菜嘅酸菜都幾夠味，最後食佢會冇咗嗰種油膩感💯九折咗$186😈

仲記得第5波疫情前去太古城mango tree食tea，比兩碗冬陰功河粉塞飽咗。事隔一排再去食tea，發現轉咗做新menu，2位用$268加一，包飲品兩杯。我同朋友都揀咗熱柚子蜜🍯🍯冬陰功河粉變咗做迷你大頭蝦青口黃咖喱撈麵 (menu寫係迷你，但事實上係夠食啱啱好)，黃咖喱有少少辣🌶️好惹味，大頭蝦🦐同青口都好大隻，唔錯🌟新menu嘅鹹點改咗做牛柳串燒、豬頸肉多士 (不過嫌豬頸肉太細塊，如果可以大塊d就好啦~)，而甜點就差唔多，有最愛嘅芒果糯米飯同椰汁西米糕☺️兩個女仔食呢個餐真係足夠有餘，下午茶時段餐廳唔多人，同朋友傾吓計小聚一流👍🏻

都有一段時間沒有來這間泰國餐廳吃飯了，最近這裡推出了下午茶套餐： ~ 味嘗·泰籃子下午茶(Thai style afternoon indulgence) 泰式的 afternoon tea 頗特別，每樣餐點都很美味，用籃子擺放得好看，份量也適中，很喜歡甜點中的蜜糖燒菠蘿，燒過的菠蘿特別香甜，很有泰式風味😋 另外還點了一個菠蘿海鮮炒飯，配料有菠蘿、蝦及腰果等十分豐富，而且菠蘿份量都算多，這炒飯是我每次來都必點的，吃過它才覺滿足🍍

尋日星期六下午2:40分一家三口兩大一小入座，諗住食佢個afternoon tea set，另外加多一客炸魚餅。2:45落單，當時全餐廳冇一半滿。3:15都未有任何食物嚟，已經叫一名女侍應跟進，點知佢單都唔check，諗都唔諗就想求其打發我，話咩廚房一個一個跟單做。再隔十分鐘，都冇任何食物嚟過，今次叫個類似經理嘅男人嚟，佢竟然話tea set啲麵廚房已經一齊開始煮緊！吓，我等咗40分鐘，宜家先同人哋啲食物一齊煮？宜家先開始煮啲麵，咁其他食物點？果然，過多5分鐘，廚房真係十幾二十碗麵一次過出，即係話無論你一個鐘前嚟，定係五分鐘前嚟，廚房都係等夠單先一次過煮。嘩，呢啲咩餐飲管理嚟，茶餐廳都唔會咁做😡再過多十分鐘，tea set其餘啲食物又係十幾份一次過出😤另外額外加嘅魚餅，分量少得驚人，一般泰國、東南亞餐廳正價嘅分量，都會有四至六件不等，但呢度得三件之餘，size仲比一般餐廳食到嘅細成三分一，而餐牌係冇標明分量！好彩只係食下午茶，如果係正餐返屋企要食多碗杯麵！講真，太古城、康怡、蘇豪東都仲有唔少泰國、東南亞食肆可以選擇，食物質素、性價比、服務質素，一定唔會俾呢間差，所以真係好難搵到個原因會

星期六開開心心準時2點半黎食個下午茶2點40 落order，3點20分都未有任何主食！等左40分鐘，催左一次，侍應話自己係細既我都控制唔到，舉手搵經理又冇人理，眼見幾張枱都等緊。真係等到食乜都冇味啦！如果入座前就話要等40分鐘以上我諗冇人會坐低食囉！等左40分鐘，黎左兩碗迷你船麵（suppose係咖哩油麵，上菜時冇作任何交代點解會轉左湯麵），唔講唔知係落左單先去捉蝦同青口，要等甘耐！但係我見其他枱order main menu野食仲快過飲品到！之前等多10分鐘左右先到下午茶既小食、甜品，全部都可以預先準備既野要等甘耐，唔等得既就唔好黎了。味道可以，但岀餐速度令我好失望，亦都冇作任何交代。反正我就唔會再黎食。

今天一行四姊妹😎😘,一起去Mango🥭Tree🌴Kitchen享受😍😍精美的侍應生🤵‍♂️🤵‍♀️有點困難😬😅。不過我們四姊妹😎😘對於今天的餐食都十分滿意😃😃,一解沒有得外遊✈️泰國🛺之苦,因食品很有泰國風味😙及特色😍😘🤩。

朋友介紹Mango Tree Kitchen有個tea set CP值高👍🏻，西式afternoon tea就食得多，泰國菜下午茶就未試過，剩係睇價錢和食物份糧就好吸引，唔知味道如何，有機會都想試下呢個泰籃子下午茶仲要係每天2:30-5:00供應添，兩位用$268另加一服務費用個籃裝起泰國食品，又幾有泰國風味。食物方面質素唔差，蒜頭大頭蝦，雖然得一隻，但蝦很大隻又有膏，加埋蒜頭燒香很野味。至於迷李冬陰功湯河，亦係唔係細細碗又有海鮮都有誠意，而且唔會太辣。至於甜點方便細細件，有齊泰國特色嘅班蘭千層糕，泰茶泰咖啡奶凍，迷你芒果糯米飯，可以品嘗哂泰國嘅甜品，非常滿足飲品都有熱和凍各三款選擇，我哋叫左椰香三色冰和柚子熱情果梳打。整體來說，呢個價錢加食物質素，又冇限時間坐，算係不錯嘅選擇

疫情過後同媽媽少見左、於是就帶埋試吓呢間泰式下午茶😝😝😝今日係假期、間舖頭唔算太多人、一早訂好咗3:30、入到去見大部份人都係食緊呢個Tea set😛😛 兩個人食真係攬住個肚腩走👍🏻媽媽對於今次下午茶勁滿意，啲嘢食又有擺盆又精緻🙈影相都影咗幾個字😂至於食物方便都唔算太差，算係中上👍🏻呢個價錢、呢個質素、呢個份量係無得輸🥳🥳🥳特別想講吓芒果糯米飯真係好好食😋食完令我勁想飛去泰國😂😂😂😂

成日見人posts呢間餐廳既afternoon tea set，見吸引，今日終於去左食啦！個tea set真係算抵食，整體食物飲品水準平均，仲食到好飽Afternoon Tea Set: $268 + 10% service charge 咸點整體都幾好食，係個mini burger dry左啲，入面係塊魚餅，加左啲醬汁食無甘乾同埋幾夾個椰汁三色冰幾好飲又大柸，桂圓紅棗茶有好多桂圓，不過覺得甜咗啲餐仲要有碗細既海鮮冬陰公粉，啲海鮮唔馬虎，都幾好食，唯獨碗粉唔夠熱每人半隻蝦，蝦有膏，都幾大隻，燒得幾好食😋到甜點啦！有哂基本既泰國主打甜點再加個燒菠蘿，甜品質素都平均，唔錯P.S: 中段叫左個waiter比兩柸水，分別要向唔同人叫3次最後先有拎黎，柸水仲要得小半柸，難怪每張枱頭都放左支要加錢可以任order既樽裝水$68/支，但消費每位加$18就可以暢飲「水」

有無人同我一樣平時食high tea會唔夠飽？🤣如果會嘅，介紹您食呢個而且咸點多過甜點啱曬我心水😁👍❤唔洗驚唔飽肚啦300蚊唔洗💯💯💯2個人食到捧住個肚走🤣🤣🤣咸點方面首推蜜糖雞翼🍯🍯🍯🍯又大隻又嫩滑🐔其次係冬陰功湯河入面啲海鮮好多🦐🦑個湯好濃郁細食嘅食完碗麵可能已經飽咗甜點嘅奶茶布甸唔錯有啲咸味平衝返🥛🥛🥛除咗咸甜點仲奉送2杯特飲都咪話唔抵食！🤣🤣🤣每日2點30就有得食啦！

母親節嗰日夜晚食諗住條街會好多人所以同男朋友去食late dinner8點幾去到本身想食個鴨卷 不過賣晒🥲叫咗4個餸 不過整體來講份量有啲少最推薦係豬手好入味，好淋！配埋啲酸菜食一流🥰然後炒通菜都係必食嘅😍食泰國菜通菜一定要叫🤪個炒河粉都好出色不過我覺得有少少淡😂加埋通菜個汁就100分💯個泰式鳳爪就最唔推介真係得好少😂全部都係洋蔥咁個汁都偏淡第一個菜就上依個以為間餐廳好伏不過好彩最後都好滿意🥰最後超推薦飲龍眼冰！好滿料！🥰男朋友飲咗兩杯😂😂

太古城食肆眾多，要突圉圍而出，也要花點心思。除了食物美味外，食物的賣相也十分重要。這間餐廳的宣傳照頗吸引，下午茶二人套餐268元，有豐富的泰式食物，包括蟹餅、雞翼、鴨卷、牛肉沙律魚餅漢堡包，主菜更有大頭蝦及冬陰功粉，並配以多種甜品，包括芒果糯米飯、咖啡凍、西米糕、燒菠蘿等。食物的擺設十分精緻，用一個圓圓的籃子放上多種食品，令人目不暇給。味道方面，蟹蚶鬆脆可口，三脆沙律配上柚子，味道淸新。牛肉鮮嫩，鴨肉米紙卷香噴噴，冬陰功粉的湯底味道少少甜、不會泰太辣，而甜品也十分出色，不會太甜但美味可口。豐富的食物配以兩杯清新的飲品實在是一個100分的下午茶餐！

太古｜ᴍᴀɴɢᴏ ᴛʀᴇᴇ ᴋɪᴛᴄʜᴇɴ🇹🇭< 主菜 >- 有鑊氣，炒得夠乾身👍🏻- 有兩隻大蝦🦐🦐- 加埋芽菜同埋花生碎，口感豐富～- 足料配菜，個湯幾鮮甜😋- 整體唔錯，都好大碗下～- 好重蒜味，好惹味😋，唔會好辣🌶👌🏻- 雖然係菜類，但唔會炒到出曬水👍🏻👍🏻< 甜品 >經典泰式甜品 — 椰汁西米糕🥥- 西米處理得幾好，加上香濃嘅椰漿味🤤🤤🤤< 飲品 >- 既然連店名都叫芒果樹，就試下呢度嘅芒果特飲啦～- 幾濃芒果味🥭可以一試- 每人收18蚊，可以唔洗叫～直接order嘢飲仲好- 嚟得泰國餐廳，當然要飲返個新鮮椰青啦🤣< 環境 >- 氣氛唔錯，有空間感～- 同情侶、朋友、屋企人嚟食都好唔錯👫👭👨‍👩‍👧‍👦🔺有加一服務費整體而言▪️味道 𝟒.𝟐 / 𝟓▪️環境 𝟒 / 𝟓▪️抵食 𝟑.𝟖 / 𝟓📍太古太古城道𝟏𝟖號太古城中心𝟑樓𝟑𝟏𝟒號鋪