Mango X'press (已結業)

同朋友們0係尖沙咀晚飯過後，未夠滿足，又想見多陣，指定動作一定係食糖水。0係街頭行行下，我地都被一間橙色小店吸引到目光。呢間係外賣甜品店，以芒果做主打，所以裝飾以橙色為主好吸引人，門口仲有兩隻大大隻芒果公仔添。我地一行人叫左幾樣野食，當中最驚喜係芒果綿綿冰同珍珠奶茶豆腐花。《芒果綿綿冰》綿綿冰飛碟形，非常大份，有好多配料如椰果同小丸子。芒果肉好新鮮香甜，不愧係主打。綿綿冰好薄好幼滑，冰涼又有芒果味，好消暑。而配料中既小丸子都好特別，唔係一般好彈牙果種，係軟綿綿又甜甜既，好有口感。《珍珠奶茶豆腐花》豆腐花係佢地芒果以外既另一主打，口味絕對有違傳統。豆腐花本身製作時已有奶茶成份，食落有豆腐味亦有奶茶味，好特別。醬汁唔係傳統糖水，而係珍珠奶茶，好有心思。原來軟滑既豆腐花配彈牙既珍珠奶茶，又幾好口感的。兩樣唔關事既野擺堆一齊又好夾，不得不佩服佢地既創意。野飲方面都唔錯，但無咩特別。店主既創意，同新鮮既食材，價錢亦唔算貴，尖沙咀街頭又有新選擇了。

有晚同朋友食完晚飯已經11點 但又想食d甜品周圍糖水舖都好似就閂閂地門咁 可能閒日啦 行到厚福街口 見到有間芒果野  不過外賣既 招牌芒果綿綿冰 大大杯咁 好足料 下面仲有糯米糍既丸子 同綿綿冰一齊食 好得意一人再飲左杯野飲 奶蓋芒果茶同埋 綠茶拿鐵個奶蓋做得好靚賞心悅目 飲落芒果味都幾濃 但甜左少少綠茶拿鐵 走左cream 一定要搞勻先好飲 因為佢地用左綠茶粉去開底底有好多抹茶粉 好濃好香 好鐵意後面個個吶喊圖案  招牌仲有紅豆抹茶豆腐花 難得佢咩味都齊哂 有紅豆味有抹茶味 仲有番豆腐花味一次過滿足你三個願望

今日係附近買野， 經過緊係飲返杯珍珠奶茶啦。之前飲過覺得幾好飲同埋珍珠都好味😋 今次就有點失望， 茶味無第一次飲既香濃，淡左d, 珍珠就不過不失 ， 希望會改善下個茶 整體黎講都算吾錯， 只係不及從前！

食飽飯, 口渴想飲野, 經過見到橙黃色的招牌, 大大個芒果, 即刻吸引住我視線睇睇餐牌, 好多選擇: 飲品, 小食, 飯都有...一場黎到, 當然試下台灣特產 - 愛文芒果叫咗一杯一飲, 感覺似益力多, 但比較甜. 再飲, 食到芒果味的蒟蒻, 較有咬口.睇相以為有新鮮芒果肉, 點知冇, 有d失望.但$16一杯, 幾抵飲, 如果可以再酸dd就好.朋友叫咗銷量排第一位的一拎到手, 嘩, 好靚, 原來紫色配黃色都幾夾上層紫色的係蝶豆花, 天然食品染色劑, 上網search過有抗氧化功效, 飲完皮膚都好d不過飲落冇咩味.下層黃色係芒果汁, 酸酸甜甜, 仲有d蘭香子, 感覺好健康!

特調藍蝶芒果露有少少令我失望，因為冇咩味，可以用接近淡黎形容。諗住檸檬汁，芒果soda酸微微，消消暑，但好明顯係普通野飲一杯😯如果真係再幫襯唔會再叫呢杯野飲~ 小食好普通，炸雞係迷你麥樂雞黎，花枝丸唔太彈牙，勝在芒果醬較特別，我都係鐘意食雞件多啲。

夏天熱辣辣，隨街買杯凍冰冰既野飲一定少不免。黎到呢間個名都有"Mango"既小店，鋪頭細細，除左各式各樣既飲品之外，呢度仲有食物選擇！唔理咁多啦，即刻揀左杯愛文芒果梳打飲。顧名思義，裏邊有芒果粒、芒果汁同梳打。飲品入邊既冰粒啱啱好，飲落去有透心涼既感覺。芒果粒好甜，唔會太酸，但份量可以再多少少。

飯後口痕痕，行過厚福街，被橙色燈吸引住!叫左個炸雞，因為出面聞到好香的味道，口水即流，等左一陣，熱辣辣的雞粒出現了！雞粒外面鬆脆，炸醬不厚，雞肉幾嫩滑，細細粒，一口一啖大細剛剛好個呢黃色醬汁又幾得意，少少酸少少甜，但蓋不到雞的鮮味，ok喎好在叫左個飲品，看名字唔知是什麼，只見有個龍虎榜第一位，咁飲下新嘢啦! 呢杯特調蝶豆花芒果露，外型一流，要攪一下先飲味平均d，下面藍色似梳打水，淡淡的少少甜，加左d芒果味，又唔同左，甜番又有d芒果甜。可能食完炸雞，味道覺得清淡左消化左想食埋個心心窩夫，因為太靚啦！愛靚的我一定要食！好大份量，窩夫六件都幾飽肚，香脆粉香，上面忌廉內仲有芒果雪糕在內，撈埋窩夫好正！不過，食完都幾飽，下面閃燈的飲品中和消滯，是梳打水的味道，解渴不錯

電視節目有介紹過此店，最出名是芒果系列，但我今次選了較特色的抹茶豆腐花。紅豆抹茶豆腐花($15)：紅豆鋪滿面層，煮得夠焾又香甜而不過膩。豆腐花是都算滑，雖有淡淡的綠色，但綠茶味不足。食物價錢算合理。老闆很好人又友善。小店繼續加油！

對上一次來到Mango X’press，對這裡印象不錯，最可取當然是飲品類不會有過甜情況出現。見這天天氣還算清涼，我跟男友便決定買點小食到公園開餐啦~看到門口豎立的Banner我才知道原來這裡有做午市外賣飯盒生意，$32有飯加飲品，夠經濟實惠。特調藍蝶芒果露 $26據知藍蝶花汁液有護眼作用，而奇亞籽除了屬高纖維食品外亦蘊含多種營養素，所以一杯呈紫藍色的飲料除了看著覺得很夢幻外，對身體亦很有益處。飲落也挺重芒果味，只是微甜，所以消暑之餘又不會令人長肥，非常好!珍珠奶茶豆腐花 $15我一早對Mango X’press的豆腐花虎視眈眈，這次就嚐了口味比較罕有的珍珠奶茶豆腐花，豆腐花呈現淺褐色，不過吃著也不算有太大的奶茶味，最驚喜的反而是珍珠，非常煙韌十分有咬口。豆腐花滑溜軟綿綿，加上珍珠的QQ感覺，兩者可算配合得天衣無縫。這天天氣不熱，在尖東巴士站上蓋有人在捉小精靈，也有我跟男友在吃小食的身影。

夏天的夜晚，雖然有風，但也是悶熱。在街上走一走，也流汗了，心想：如果這時能喝上一杯冰涼解渴的飲品就好了！ 走著走著，在轉角處有一間以芒果為主題的小店。店舖四周也張貼了熱賣飲品，而且飲品款式多樣。除了飲品外，還有台灣肉燥飯、豆腐花、炸物等選擇。由於小店只作外帶，和友人商量後，我們叫了「人氣飲品No.1」的蝶豆花芒果露。經店員講解，才知道蝶豆花是一種天然的食用色素，有豐富的花青素，有美顏、鞏固視力等功效。大約5分鐘，店員便送上飲品。漂亮的紫色便是蝶豆的顏色。紫色部分，味道較淡。黃色部分是芒果汁，酸酸甜甜，十分開胃。飲品中還加入了梳打水和奇亞籽，清涼而有咬口。  另一款是Mango X’presso配心心窩夫－－甜品與飲品的組合。這組合分為上下兩層，外形特別。上層由6塊三角形的窩夫包圍著雲尼拿雪糕，雪糕上淋上芒果醬和朱古力芒果醬，再加上朱古力碎作點綴。底層還有鮮忌廉和芒果肉。下層則是一樽特調飲品。窩夫入口暖暖的，甜度適中，香脆且蛋味濃郁。搭配雪糕及果醬後，冷暖之間充滿驚喜，尤其是芒果醬味道十分突出。最底層鋪上新鮮愛文芒果肉，香甜味美，令人十分滿足。隨後喝上特調飲品，味道由淡、微酸至酸甜，很有

尖沙咀不嬲都多野食，今次就試下呢間小店，見好評都幾多下咁。鋪頭要出左地鐵站行一陣，唔算特別難搵，而且係門口掛住個芒果公仔，都幾eye catching😂兩個人就試左小食雙拼，34蚊就可以簡兩款小食，我地就拼左花枝丸加雞由於係即叫即炸，所以要等五分鐘左右，大熱天時都真係幾難捱下，不過一拎到就會覺得值得新鮮炸起，加上上面放左酸酸甜甜既芒果醬，令到食落fresh 啲，炸花枝丸就基本係平時食開既味，反而雞肉幾嫩，調味又岩岩好，行街餓果時買黎當小食的確唔錯👍

上星期六我為了捉到更多不同品種的 Pokemon，於是去了尖沙咀的幾個商場走走。下午的時候去到 K11 商場，那時已經開始肚餓，便想吃點東西。不過，商場裡的餐廳收費不太便宜。那麼，我突然想起不遠處有一間小食店 Mango X'press，那裡有些以芒果為主打的掃街小食，價格好像還算便宜。掛在門口的芒果公仔都幾可愛的 XD。串燒芒果冰，看起來都幾吸引呀~雖然店裡較狹窄，但裡面的擺設都相當吸睛。坐在吊架上的梳乎蛋，黃色的身體同芒果又幾襯喎 XDD店員問我小食想在店內吃還是外賣，而我選擇了外賣，等了約 15 分鐘，小食終於全部做好了。由店舖行了兩三條街，不用 5 分鐘，便回到 K11 外的有蓋花園，我便找位置坐下，一邊吃一邊捉 Pokemon 了。外賣紙盒有鐵線屈成手挽，有點像超巿的購物籃，再加上紙盒摺成頂蓋卡住，設計既創新又方便攜帶，食物又不會掉出來。打開其中一個盒子炸物雙拼 ($34)，內有兩款自選炸物各五件。左： 椒鹽花枝丸右： 炸雞兩款炸物還是熱烘烘的，果然真的即叫即做。花枝丸都幾煙靭彈牙。炸雞的肉質相當 juicy 嫩滑， 炸粉較薄而口感香脆。最惹味的是店舖秘制芒果醬，一早已淋在炸

近日身體抱恙，但正所謂醫食同源，食好西也是強身健體的一大良藥。素聞尖沙咀開了一間名為Mango Xpress的甜品店，熱愛芒果的我又怎能錯過？可惜的是，女友苦勸我說身體抱恙不應吃芒果，也只得望洋興嘆......只是，難得一場來到，雖然吃不了最想吃的芒果綿綿冰，也來試一下在某雜誌看過介紹的新口味豆腐花。在芸芸千奇百趣的豆腐花口味中，珍珠奶茶的評價最高，也就來試一試吧！說到珍珠奶茶，最不能缺少的當然是又名葉子楣的波霸珍珠吧。如圖所見，一粒粒可遇不可求的特大黑色珍珠終於不用浸泡在奶茶裡，浮在軟軟的豆腐花上看起來也別在一番風味。店員放上櫃檯時，已有種流口水般的感覺，再澆上少許黑糖漿，簡直是色香俱全。味道方面，黑珍珠的嚼感煙韌，咬落香甜又唔腥，口感獨特。豆腐花十分爽滑，在炎炎夏日及間中有雨下特別清甜。唯一美中不足的是說好的奶茶味不夠突出，吃的時候仍然像一般豆腐花，但整體來說賣相及味道也十分獨特，值得一試！

上次見區區開伙介紹Mango X'press, 搞到我突然又好掛住佢d愛文芒甜品飲品今日一於又黎朝聖一下點左愛文芒乳酸芒果仍然係好甜好香芒果味！個乳酸唔會太酸，甜甜酸酸咁，好消暑！跟住又發現佢而家原來新推出左d特色豆腐花，我叫左碗抹茶紅豆味試下紅豆好甜好林豆腐花質感都滑既不過就唔太食得出有抹茶味我仲外賣左個炸雞拼炸花枝丸返去同朋友仔一齊食花枝丸好彈牙入面仲有d花枝粒有誠意！炸雞有少少似麥樂雞既好味版，炸得脆卜卜

Today i was running some errands around Tsim Sha Tsui area. After finishing my shopping at Lung Shing dispensary, i decided to grab some quick lunch & desserts for myself as the weather was too unbearable. I decided to come back to this dessert kiosk again as they are one of the better ones around.   Mango X'press is one of the subsidiary of Mango ChaCha, which is a walk in dessert shop selling mainly mango stuffs. Mango X'Press is a small little shop that serves take away and its bright orange