MangoChaCha (已結業)

之前已經黎食過一次，個陣係佢新開張果陣，都有d 甩漏，但佢d 愛文芒果好特別，所以再黎試下！佢地呢期出左d 夏日限定甜品！ 係有關烏梅的，絕對要試！ (事關我有個朋友好驚"梅"/酸野, 平時同佢出親街都無得點酸野！)點左個烏梅茶，定烏梅特飲酸酸甜甜，有d 似酸梅湯咁。但係有芒果肉食！ 仲有粒梅添架，幾特別！今次飽飽地，唔食冰，點左個芒果肉+雪糕佢d 芒果同之前一樣，無咩"根" 架！ 唔痴牙！ 正！雪糕入面仲有果肉添！p. s.: d芒果唔算好甜，不過聽講愛文芒係咁，食落係特別d

我覺得呢個愛文芒果太特別啦..芒果我地個個都食得多,但係芒果俾我地既印象往往都係酸酸地,淋淋地既,但呢間MANGOCHACHA完全令我對芒果改觀,意想不到既諗唔到芒果肉可以咁香,入口似雪糕,而且有咁多既食法....首先我等左一陣(15MIN)可能因為比較夜11:30左右好快就入到因為個日有D涼我無點到佢地既招牌冰,見到呢個芒果卷睇似好普通但賣成38蚊兩件.即管試下你龍定虫 等左5分鐘就到左啦都真係幾快手,賣相睇落去平平無奇,但一食落個下D CREAM加埋芒果估唔到個種咪味可以好似食緊MANGO ICE CREAM咁,加埋個蛋卷超鬆軟,完全可以同酒店個D比,食之前覺得有D貴,食左之後叫多左一客,所以話貴一定有佢既理由另外我地叫左一客4件芒果酥,唔好意思因為太香一黎到我地就食左,所以無影相,呢個芒果酥到我地台既時候仲係熱熱地香嘖嘖,食落去有D似鳳梨酥,但陣陣有小小似咸蛋既香味,入面既芒果茸又好似食緊蓮蓉包,好有口感....正...但68蚊4小件,真係有D貴.....台灣MACARON囉...........走既時候見到門口竟然發現有呢個中秋禮盒,雖然有D貴138一盒8件,但一生人都要豪一次

朋友之前食過，佢知道我鍾意食芒果，即刻介紹我黎試下！佢話舊情人同窩夫好味，所以我好聽話咁叫左呢兩樣野~首先講下個窩夫先，入面係夾住ｄ cream同雪糕既，因為個窩夫好厚好大舊，所以黎到我都諗左陣應該要點樣食，我同男朋友share食，口感好好，因為入面好凍，而個窩夫又脆脆的，好夾，好好味！另外仲有個舊情人，本身我唔係太鍾意食冰，不過見佢有黑糖味幾得意，而我朋友又咁推介，所以又試下，個冰都ｏｋ，唔會太甜，宜家天氣咁熱其實食下冰都唔錯，不過印像最深刻都係冰上面個雪糕，因為個雪糕係有好多芒果肉，又夠凍，口感好好，朋友無介紹錯~其實整體黎講都幾好味，環境都唔錯，我諗下次都可以再黎試下其他甜品~

店子以橙色和白色為主,環境舒服特別推介芒果窩夫配黑糖醬。這窩夫上桌時還是熱的！咬下去，表層香脆，內裡鬆軟，口感富層次，還帶著蛋香呢。窩夫中間夾著愛mango弄的雪糕和cream，冷熱交融，非常滿足。配上黑糖醬吃，把甜味帶到另一個層次，正！甜得黎又唔會溜, 超級好味,吃完由心甜出來(^.^)

上星期同我做記者既哥哥去左尖沙咀行街,佢話佢有張MANGOCHACHA既優惠劵所以好豪咁論請左我去HIGH TEA我地入到去可能因為下午所以人唔係太多,都算坐得幾舒服,店面以橙白色為主,梳化都算闊我地之後點左一個舊情人,半價既烏梅黑糖荼同芒果茶-OVERALL價錢都算可以接受舊情人-個日天氣超熱,最岩食冰,呢個舊情人有兩層一層係芒果雪花冰一層係黑糖冰,食落去超夾,雪花冰一入口就溶好綿加埋甜甜既黑糖冰,一個字-爽,最頂仲有球大雪糕-有點普通,但食完雪糕再食芒果就知,原本係咁既,呢種愛文入口根本就食緊雪糕仲要唔酸-正......即係我地食左十幾球雪糕咁烏梅黑糖荼-阿哥飲佢話好飲,因為入面仲有芒果肉食,但可能因為有烏梅酸野我唔係咁岩,但半價既大家可以試下既芒果茶-呢個我叫既因為好特別,咩茶我都飲過啦,生果茶就未試過,入口香而不太甜-有D似香片既感覺,行得攰HIGH TEA呢個最岩不過,夠哂大壺等我下次帶埋女朋友黎試下佢D港式野先....

如果唔係朋友介紹我都唔知有一個專食""芒果""既甜品店!mangochacha每一粒芒果都好甜原來佢係用左""愛文芒""加上呢間甜品店既員工教我地如果想再提升芒果既鮮甜係食之前灑海鹽係上面 會更加調到芒果既鮮味!總括黎講..真係好好味價錢上我都覺得幾合理!唯一唔好既就係要哂少少時間去排隊..下次去食真係要揀平日唔洗排隊下次去食我要試下黑糖做既甜品

看台灣節目介紹過只在台灣出產的愛文芒,想不到竟然在香港有分店出售以爰文芒為主題的雪花冰甜品,本來嗜芒的我當然來一試! 當晚到達大概10點半,可能有點晚所以不用等已可入座。我喜歡這類環境舒適的甜品店, 吃起來也特別好味道! 跟朋友點了一款名叫..."舊情人"及"甜蜜夾心","舊情人" 以愛文芒制的雪花冰及剉冰加黑糖糖漿合併為一的甜品,當然加上主角愛文芒果粒粒及愛文芒制雪糕球!!! 他們店的雪花冰跟在其他吃的有點不同,比起來更鬆軟及入口立化的感覺很特別! 黑糖糖漿剉冰加上爰文芒果粒粒一併放入口的口感很爽!! "甜蜜夾心"是即制窩夫缾加上我最愛的忌廉和愛文芒制雪糕球做夾心餡,淋上黑糖糖漿,他們的窩夫餅是我吃過最最最好吃!!!! 亦是香港分店限定款之一!! 那窩夫餅吃起來鬆鬆軟軟,烤到剛好外面不會太硬裡面又熱熱軟軟的口感,真的太好吃!!!!!!! 加上冰冰的雪糕球及忌廉,是最好的搭配! 我決定每一次來也要點這個!! 總括來講,這新來的台灣甜品店很好!

女朋友好鐘意食芒果，一路都好想食呢間，但奈何每次夜晚去都人山人海所以一直都無機會食到，今日我地兩個放假，就突登出泥食，3點幾去到無mud人，終於可以食到啦！！！因為女朋友超喜歡食芒果，所以就點左個招牌情人，芒果雪糕＋芒果冰＋芒果肉，全芒果，正！再加一個香港限定甜蜜夾心；招牌情人簡直就係為我女朋友度身定造，芒果冰好棉，入口即溶，加埋海鹽，鹹鹹甜甜，好過癮，雪糕軟硬適中，芒果昧濃，再加埋愛文芒果肉，簡直係完美配搭，呢個真係我地食過最好食既芒果冰！至於甜蜜夾心，外熱內冷，口感十足，絕對值得一試！我地食完都好滿足，一定會再來！！！

在FB見到好多朋友Po, 上個禮拜終於有機會試到。點左一個舊情人，係有刨冰 + 雪花冰2合1，仲有雪糕，都幾豐富30幾度高溫情況底下，食冰真係無得頂。我特別鍾意個雪花冰，因為芒果味好香。底果d係黑糖冰，侍應好細心，同我講話唔夠黑糖可以再加。不過我覺得ok，唔會話多到浸住哂。佢隻黑糖幾特別，唔太甜，所以都值得encore的。綜合黎講我覺得番check指數都達4粒星，下次會試試其他甜品!

係團購無意中見到Mango Cha Cha有discount，而且一直都覺得芒果味既甜品點整都吾會太難食，所以就去左試 可能係因為平日同早去啦，吾洗排隊而且冇咩人，一入到去就有得坐啦 我同朋友叫左個招牌情人，賣相挺吸引;)頂層有一球芒果雪糕，味道正正常常，冇咩特別xddd下面就有芒果同淋有黑糖既沙冰。芒果都幾新鮮幾甜，而沙冰既黑糖醬甜得黎又有d黑糖獨有既焦香，非常不錯  

可能因為星期一晚去,好多位唔洗等,但原來只係坐係度等!!快速叫了個招牌情人,睇圖好似好正,好心急想快D食一等就等了起碼15分鐘..望下其他食客,比我們早到既都好似仲等緊.....只不過係錦錦冰,加球雪糕同少少芒果,搞咩搞咁耐? 真係好離譜再等多大約5分鐘先有得食,賣相係唔差,但D芒果係比DISPLAY少好多的食了一啖黑糖冰,真係甜到你阿媽都唔認得,純粹得個甜字,而且冇錦錦冰果種軟滑感,只係覺得食緊D低密度既冰.......D芒果又細塊又薄,唔太新鮮, 店員話D比我地果樽鹽係用於芒果度, 咪試下囉, 無錯就變了咸的芒果, 無言。可能個雪糕球係成個甜品相對最好食(其實係一般..)以$58既價錢,絕對可以食到更多更便宜的,一定不會再光顧!!

話說果日行過赫德道見到這家野沒排隊，所以就和朋友進去吃個甜點。二人分享一個吐司，忘了正確名叫咩但就$98.Ice cream 好正，好芒果味但我朋友說好像某brand的雪糕。 食到一半之後發現，把吐司放底再將棉花糖，芒果，雪糕放面 一齊食係會好味過單食吐司後再吃配料。大家可以試下☺️ Btw 二個份量岩岩好飽。下次有緣再試試其他啦

係台灣大有名氣既呢間甜品店 以香口清新既蘋果芒為招牌材料 據聞呢啲蘋果芒仲有抗抑郁既功效 實在太吸引啦叫左一個金牌情人同舊情人金牌情人係充滿芒果香既綿綿冰 食到芒果既三種不同口感層次 分别係嫩滑濃厚既芒果雪糕 爽口冰涼既綿綿冰 仲有最原汁原味既芒果粒食法特別在要灑海鹽係上面 更加調到芒果既鮮味 真係不得不試呀!!!

家人很喜歡吃愛文芒果，每次到台灣出差，只要是適逢當造，總會抬一大箱回來。近年他們迷上同樣紅色外衣但更高一級的日本宮崎完熟芒果，不過那個要命的價錢我可無法抬一箱回來哦。Mango cha cha 是來自台灣的品牌，在門外等候入座的期間，不斷看見電視播放許多台灣著名藝人的訪問和綜藝搞笑節目上有關店方產品的介紹。最近店方推出了烏梅黑糖系列兩款期間限定品，包括烏梅黑糖冰和烏梅黑糖挫冰，剛好日前收到公關寄來的優惠券，便打算與男友去試試。晚飯後的時間來到，全店滿座，需要在門外輪候一會。等待期間發現，來這兒捧場的除了本地客，也有來自日本和韓國的遊客。店內裝修以橙紅色和白色為主，醒目之餘，不難聯想到愛文芒金黃色的果肉。店內裝潢沒有太大特色，倒是放在店中央的一幅搞鬼版《吶喊》和一些周邊產品的賣相讓我笑得很開懷。當晚我們比較貪心，分別點了金牌情人、烏梅黑糖冰及愛文芒果肉冰棒。金牌情人算是店方其中一款人氣產品，以雪花冰加上雪糕球和新鮮果肉製成，份量不算很誇張，一個人也能吃得完。台方沿用台灣梅花牌的製冰機，刨出來的冰一片一片、一圈一圈，層層堆疊成一座黃色的小山，真的很像雪花，感覺很美。底部圍了一圈非常大件的愛

其他人喜歡吃飯後甜品, 而我偏愛好飯前甜品!  因為不用等位吧!5時多到逹, 此時剛好還剩一張枱。MENU的款式不多, 所以很快就點了芒果黑糖冰及芒果多士。先來的是多士。我點這個甜品的原因是因為它的配搭很特別, 但吃起來比預期中失望, 兩者的"連繫"有點不足, 麵包有點像我們每朝早吃的一樣。首先芒果本身甜度足夠, 雪糕也不錯, 唯獨是麵包的味道可再稍作加強, 如可以於麵包表面烘上一層薄薄的焦糖, 或於表面淋上芒果汁 (像窩夫一樣), 那可能會較特別。雖然我很少吃刨冰, 但卻被黑糖冰所吸引。雪糕、綿綿冰及刨冰的層次足夠, 只是黑糖冰吃到中間時黑糖有點不足(應該是一般吃刨冰也會預到的問題吧), 但整體感覺不錯!