Marco's buffet (已結業)

係葵涌都可以食到一間有水準既酒店自助餐，地方環境都不錯頗舒適，很適合一家大小，或同朋友傾計慢慢食，而食物質素亦相當不錯，我最開心係會轉唔同菜式，唔會食黎食去都係果幾味，當中亦有特色細緻食物，好似豆腐蒸魚，呢個好正，青青地但又好入味，豆腐夠滑，魚夠鮮味，另外即炒芝士海鮮意粉亦相當好味，蜆肉新鮮冇沙，外國廚師烹調得好好，食得又睇得，另外令我最開心就係甜品區，甜品有好多種類，淨係食甜品都足可以令我飽晒，最正當然係朱古力蛋糕，香芒布甸，其實樣樣都好正，停唔到口，一定要再黎，實在太超值

睇報紙見到Marco's Buffet做promo，價錢好平，咁就呢個長假期同屋企人黎試下先。好彩一早book了枱，好爆場，walk in不可能有位的。餐廳不算很大，但食物種類蠻多，冷盤，熱盤，甜品等都不缺。沙律bar，有菜沙律，意粉沙律，韓國泡菜等，很夠凍，雖然放open area，但感覺也衞生。熱盤位食物較多，牛扒，豬扒，炒雜菜，栗子炆雞，口水雞，炒飯，炒麵等都有。其中有個蟲草花雞湯好好飲，無味精靚湯一小碟一小碟的是蛋沙律，煙三文魚沙律，巴馬火腿沙律等。有外籍廚師即煮卡邦尼意粉，燒牛肉等，旁邊呢個圓圓的是芝士來，會刨芝士碎加入意粉中，香口又好味。飲品方面有汽水機，咖啡機，茶包，檸檬等。甜品款式很多，芝士蛋糕，奶凍，泡芙，和菓子，涼粉，紫米露等，嚐甜的我當然是每一樣都一試了，芝士蛋糕有三款口味，三樣都好正，綿綿的又香又滑壽司就差啲啲了，飯硬又無乜味。燒牛肉勁正，牛味濃，有咬口但不韌。第一round甜品要了呢啲，好味喎，圖中幾樣都encore左，奶凍好滑，泡芙軟綿綿，冬甩一口size方便食又不死甜，朱古力蛋糕仔好多cream食左咁多甜品又飲番杯熱檸檬茶先。仲有即整pancake㗎熱辣辣

是晚又與他二人行尋找美食，早前已在報章見過此自助餐廣告，見2百多圓已可於荃灣的酒店嚐到自助餐，一於一試吧😊到達後見用餐場地非常大，應該可以容納百多人！自助晚餐於晚上6時起供應，入座後當然不忘先到處拍照，冷盤、前菜、熱葷、甜品都有很多款式，未開始用餐已萌生好感☺️6時正！大家都啟動了！我先試試冷盤、前菜，有肝醬、碎蛋沙律及三文魚醬多士，味道很不錯！壽司、沙律、煙鴨胸、煙三文魚，款式很多啊😱！我全部都試了，亦是好吃的👍👍開始嚐嚐熱葷，有很多選擇！竟然有薑葱蟹、焗蠔等比較高檔次的食物，焗蠔味道很好、又新鮮😋豬扒、黑椒牛扒、炒麵、Pizza等雖然是其他自助餐都有的食物，但水準真的不錯😌餐廳的忌廉蘑菇湯，菇味非常濃！尤其好喝！😍另外，炸物當中，竟然有我最愛的蝦多士！脆脆的、蝦膠很彈牙，大愛喲😚😚到甜點時間了，其實這裡甜品都一樣有很多款式選擇，我差不多每款都嚐了一遍😂360牛乳布甸很滑🥛原味卷蛋很好吃，忌廉很香滑，蛋糕鬆軟的🤤當中要讚賞的是餐廳自家製的幾款芝士蛋糕，我嚐了Tiramisu及原味忌廉芝士蛋糕🎂是令人感覺驚喜的👍另外紅豆卷我亦很喜歡🤤他突然發現，為什麼沒有水果？我再到甜品區搜尋一下，立刻

報紙有coupon買六送一，十送二，仲有七折，平到咁，即刻同屋企人黎試下先。雖然話係荃灣酒店，但其實位置在葵涌，地點都唔難去，撘小巴或巴士就到。咁平嘅價位，都唔會期望有咩驚喜野啦，入到場，地方唔大，但熟食，沙律，甜品都有，基本上都好豐富了。食到中途會有特別野推出，有薑蔥炒蟹，芝士焗蠔咁，雖然人多難免有搶食感覺，但其實比啲耐性，食物係不停咁出嘅，第一輪食唔到都有下一轉。百零蚊有自助餐食算係咁，長者同小朋友仲有半價，堅抵食，當係黎同屋企人見識下都抵，哈哈哈哈！

此餐廳經常係報紙賣廣告，見價錢唔貴，加上餐廳位於兒時住處 - 石蔭邨，山長水咁遠去，順便係附近行下。餐廳地點確實唔方便，係葵芳搭完地鐵仲要再轉車，絲麗酒店o既穿梭巴士係唔提供比餐廳食客。是日係平日星期二，到達時為早上11點左右，已有5、6枱食客黎左，當日又落雨，酒店附近又爆水管，真係唔明啲食客可以咁早到? 下午一點仲有成40人入座，遠遠聽到話係某教會帶長者黎開餐。所以成個場，超嘈，點會諗到平日如星期六咁多人。食物唔多選擇，走兩走已行完全場。有自選沙律、碎蛋他他、吞拿魚醬他他、兩款雞翼、雞排、鴨胸、中式菜 (菜芯、椰菜)、齋炒飯、齋炒麵，魚肉燒賣、牛肉燒賣、豆腐蒸魚肉、豬柳、咖喱雞及兩款湯 (中西各一) 等，全部都係啲超平價食品同住家餸。唯一有啲睇頭就係比 Marco's Oyster & Grill 類o既pizza 同意粉，仲有個靚仔鬼佬serve。廚房都算快添加熱食，唔會好快攞完就冇。甜品完全冇酒店水準，有啫喱、和菓子、奶凍、朱古力 donut及檸檬蛋糕等。其中藍莓奶凍確實。反而甜品就唔多添，所以我揀果陣甜品都已經冇乜了，其實本身選擇都唔多。飲品都係自助，咖啡、茶、檸檬水或茶、汽水

都無乜嘢可以吃，甜品好難食，當盆上沒有食物時，都不會補上食物，我建議大家去食韓舍，那裡不但便宜，而且那裡的食物很好吃，還有刺身呢！還可以自己動手做雪糕、蛋糕和章魚燒等等

同事介紹在葵涌和宜合道竟然有一間酒店，在大約二百元的筆直之下，就有外籍靚仔廚師為你炮製即製的卡邦尼意粉，即製薄餅及即烤羊架，另外還有任食巴馬臣火腿，壽司刺身，各式熱葷及大量甜品等等， 這麼的荀， 一定要來試一下。坐下後便先拿了點冷盤， 麵包有三款塗醬， 分別是肝醬， 蛋白mayonnaise 以及吞拿魚醬三款，濃香的肝醬從來都是我的最愛，只是不敢吃上太多，還要留點胃納以應付餘下戰鬥。再來是經典的港式沙律，份量少少的一個勺子，裏面是新鮮多汁的水果，伴隨著小時候常吃的沙拉醬，很久沒有吃過這港式的經典美味。巴馬臣火腿，今天或多或少也是衝著這個而來，二話不說便拿了數份，這裏的巴馬臣火腿充滿鹹香，伴隨著墊底新鮮的沙律菜同吃，是一個不錯的選擇。三文魚壽司，這裏的壽司種類選擇也不少，唯獨覺得三文魚份外肥美，忍不住安哥了數次。即製卡邦尼意粉，每當食客點餐以後，廚師便會在食客面前用平底鑊略炒意粉，然後再放進超巨型巴馬臣芝士中翻炒，讓意粉徹底吸收最多的芝味，過程有點像平日在中式餐廳，等待片皮鴨上枱的感覺，絕對是拍照呃Like的最佳機會，這款卡邦尼意粉比起其他餐廳質地較硬身，芝士味道更濃厚，亦因為廚師有用火

葵涌石籬嘅絲麗酒店相信冇乜幾多人認識， 唔係得同事介紹話呢度有平靚正嘅buffet食， 相信都冇咩機會會留意到。由於要farewell同事， 同事就介紹咗呢間酒店嘅自助餐，話價錢相當吸引。呢間酒店buffet主打家庭客為主， 大多舉行家庭聚會或者慶祝生日，場面溫馨熱鬧。熱食方面選擇甚多， 喺意大利嘅小corner可以尋找到即焗的意大利pizza， 熱辣辣香噴噴。 pizza餅底鬆化， 餡料豐富， 有大量嘅粟米、青椒、辣肉腸， 重點係撒上大量芝士， 營造拉絲感覺， 熱辣辣咁食真係最為美味。外仲有即煮卡邦尼意粉，大廚會喺你面前即席炒香煙肉同意粉， 然後再放入大型芝士輪裏面， 用意粉嘅熱力同餘溫， 將芝士溶化， 令每條麵條都充分地被芝士包裹，「芝」味十足。另外仲有自助沙律吧， 番茄同蔬菜都非常新鮮， 而且仲有預先調好味道嘅意粉沙律同埋薯仔沙律， 啱曬啲鍾意食素嘅朋友。而且仲有重點嘅燒羊架， 羊架燒好之後新鮮熱辣送上， 侍應更會大肆宣傳有新鮮羊架出爐， 羊架多汁juicy又唔會太騷， 肉質又夠嫩滑， 加埋少少肥膏味道更為香濃， 實在令人食完一塊又一塊。另外都有唔少嘅中式熱食， 好似有蒸魚、豬手

今次又中伏，已經上開飯啦睇下啲評論先卜位，睇到啲評論都應該唔係打手黎，諗住真係應該唔會太伏，點知。。。我都未試過黎食buffet ，全部都係家常便飯，豆腐煮魚，菜芯，白切雞，咖哩雞，煙肉白汁意粉，up得出平時阿媽煮開既餸，係呢到都可以食到😑 Buffet 竟然搵唔到刺身同蝦😑壽司個樣同惠康買到既差唔多，係得芝士焗蠔叫做睇得下。。。女朋友平常食buffet 食甜品已經會飽，但今次都話未試過食唔飽🙄食左一陣，忍唔住睇番open rice既評論，終於搵到有兩篇係講左個事實出黎

父親節就到了，朋友在上葵涌返工，找到間便宜又抵的自助餐，決定提前慶祝父親節，帶爸爸來食晚餐。來到酒店門外，幸好一早預訂了位，晚餐時段已一早爆滿。入到餐廳可以見到簡單舒服的裝潢，空間感十足。服務人員態度很有禮貌。前菜方面有沙律、碎蛋或鵝肝多士，三文魚沙律，蜆肉沙律，鴨胸沙律，壽司等。熱盤方面有pizza，蔥油雞，咖哩雞，即叫即煮意粉，抄飯，炸雞等。最有驚喜的是有焗生蠔，生蠔夠多汁夠肥味，食完再食，還不停提供此外，黑椒牛扒的牛肉味濃，肉質嫩滑甜品約有7至8款選擇，還有即叫即製的班戟，雖然不算特別的食材，味道不會過甜，總算用心製作。這一餐的父親節晚飯，抵食多選擇，爸爸也很滿足

早前聽朋友說葵涌石蔭那邊有一家酒店的自助餐價錢相當實惠， 雖然選擇不多，但質素可接受。早兩天剛巧要到石蔭那邊探望朋友，決定提前訂枱，試一試這個傳說中的平民自助餐。酒店的格局和裝潢都非常寬敞，甚有格調，看到這家酒店竟然坐落在石蔭這個屋邨地段，可謂相映成趣。自助餐的選擇比較精簡，主要有沙律、壽司、熟食、甜品等等，個人比較貪心，決定每樣都要試一試。【沙律】主要選擇都是一些豆類、蔬菜、青瓜、菠蘿等等，味道尚可接受。【壽司】只看外貌，不算特別吸引，但吃起來甚有驚喜，燻三文魚和鴨胸都非常好吃。【燒牛肉】酒店有聘請外籍廚師即場為食客烹製燒牛肉，牛肉燒得恰到好處，口感不錯。【熟食】主要都是一些蔬菜、雞翼、仿鮑片、豬手等等， 其貌不揚，但是吃起來，味道不錯。【湯水】 豬骨湯，誠意推介，值得一試。【甜品】主要有一些冰卷、蛋糕、西米露、涼粉等，不過不失，個人比較喜歡吃涼粉。總括而言，酒店的選擇雖然不算太多，但是勝在夠集中，食物的質素和味道都不錯，一位不用$200，這個價錢，其實真的相當實惠。

家住葵芳的小妹, 竟然住左成5年都重未踏足過上葵涌, 殊不知這地方竟然有一間酒店。最近從朋友口中得知其晚市的Buffet價錢非常相宜, 小妹決定一於帶埋老媽子到訪一嚐。位置雖然並不算鄰近地鐵站, 但在葵芳地鐵站好爵中心方向, 百佳附近的巴士站乘座31M, 約15分鐘藍田街下車即可到達 。踏入酒店2樓樓層, 場地已有大量食客, 令小妹急不及待隨即四出覓食。 小妹見到店家更有超巨大的芝士年輪拌意粉提供, 令小妹即時心心眼試取一份, 芝士味雖不是非常濃郁, 但新鮮熱辣煮調而成, 味道剛好亦算味美。店家亦有燒牛肉提供, 大排長龍, 小妹同媽子亦有參與, 肉質尚算香濃, 7/8成熟, 非常適合大眾口味。店家冷盤以壽司沙律為主, 但以非常相宜的價錢已十分超值, 媽子亦食得非常滿意豎起拇指。當中熱食亦有不少款式, 小妹覺得都唔錯, 款式大眾化, 其實真係頗適合家庭聚會, 始終老人家不太喜歡食冷吃。甜品亦有很多花款, 當中明月冰卷及芝士蛋糕味道令小妹驚喜, 冰卷皮薄煙韌, 芝士蛋糕芝味十足, 岩哂芝士一族。總括而言, 本來瞻粗粗試一試的晚餐, 雖吃到的不是驚為天人的味道, 但眼見老媽子滿足笑容, 加上

呢間主打平價既酒店自助餐，就係位於石蘺既酒店，地點係有d偏遠，所以酒店都好好咁提供左shuttle bus 既服務，來往葵芳、青衣同尖沙咀接載食客餐廳入面座位都寬闊，以下係部分酒店提供既食物有專人即切牛肉沙律吧提供沙律菜、車厘茄、通粉、菠蘿、栗米，大家可以自制專屬既沙律沙律吧旁都有d一小碟既小食壽司就當然唔少得，有三文魚熟蝦同鰻魚壽司熟食方面就有好惹味既咖哩雞，雞肉滑，因為用左雞脾肉pizza都幾厚身，有栗米、芝士等等椒鹽豬扒都可以，唔太乾身鮑片金菇伴津白，夠哂健康，順便請下腸胃我幾欣賞呢個即煮意粉，有個外國人係你面前煮意粉，芝士味濃最後甜品都有好多選擇總體而言，已呢個價錢食到酒店食物，尚算合理

近2年葵涌區開左間新酒店，而我又住葵涌约埋屋企人去食晚上自助餐放题絲麗酒店坐位寬闊，傾計一流，酒店食物有壽司，甜品(芝士蛋糕，朱吉力蛋糕，啫喱，涼粉，布丁，)西瓜，木瓜，沙律，炒飯，靚湯，pizza,抄麵，飲品區，海鮮青口，魚，雞蛋仔，麵包多士，薯角，還有好多好多食物酒店食物好有水準尚算可以，但以平民價錢就可以食到酒店既食材下次一定要再黎，而我覺得所有食物味道岩岩好，易入口，我屋企人果個食到飽住走

被親戚邀請去食既一餐自助餐，真心講句如果唔係自己爸爸生日被邀請去食我睇到啲評論已經唔想去食....完全中伏，啲野難食都不突止，全部都勁咸，雖然都無期望佢會有幾好，但無諗過衰過我屋企樓下任何一間餐廳...難食到真係唔識形容...最後食左碟意粉同埋兩件豬手...啲位又勁近攞野食位置，啲人又行出行入，仲要中途發生意外，個侍應姐姐帶位又唔睇人，我屋企人又攞住碗湯行返埋位，咁啱我行開左，否則我成身都係湯..我無事但不幸我的包包遭殃了....個侍應去攞濕紙巾比我然後講左一句唔好意思就走左去....我個帆布袋就充滿湯味！之後我就搵個侍應理論，佢話意外無人想發生，白痴ga ，我夠知啦！話賠返一個位既自助餐比我，我同佢講你個自助餐值幾多錢呀...我攞個袋去洗都唔止Lee 個價錢啦...跟住我話要搵經理，開始耍我，又話放假又話無話事人，我心諗邊可能會有咁既事，之後我就講我要見話到事既人佢就話call 緊，叫我等一陣，成餐飯搞到我勁燥底，真係不知所謂到我唔識講，到個個所謂既話事人到左同我講佢都係唔肯賠錢，我話我就聽日攞個袋去乾洗公司洗，張單我就比返你公司去賠償返比我，結果我個袋乾洗公司唔建議我洗，再加上任何