Marco's buffet (已結業)

係報紙見到7折優惠券又近就同同事一齊去試下，前一日見到其他評價講到好差，但book左枱都試下啦，環境唔錯，餐廳員工都好有禮貌熱盤都有12，3樣大部份都係海鮮，咖哩蟹， 咖哩雞，青口，蜆，瀨尿蝦，扇貝，魚，雞扒，牛扒炒菜，炒飯，炒麵，雞翼仲有冷盤，沙律，甜品等等............海鮮有d會比較細隻但味道我地12個人都覺得係唔錯，甜品奶凍唔夠甜，蛋糕ok，生果種類小但夠甜唔似浸糖水，即場炒意粉都唔錯，有同事覺得意粉硬，我覺得ok。6人送龍蝦沙律一客，10人送一盒奶黃月餅，我地12個人去食送2客龍蝦沙律，一盒月餅，月餅可要卷，要現貨拎走或即場食都可以，我地就揀左即場食，餐廳仲免費幫我地焗熱，奶黃月餅唔錯仲係流心，150咁既質數我覺得ok，如果想150想食到6星酒店水準就麻煩繞道。

睇之前d食評非常差，但今日食左又覺得ok喎！兩點半後六五折，我地食三點三，連加一每人82蚊，食物比想像中多，熟食有黑椒牛扒，茶記水凖，味道👌🏻，但只出左一轉，燒汁鴨胸、紅燒牛腩、鵝肝它它、三文魚它它都👌🏻驚喜有外籍廚師即場煮的黑松露芝士意粉，味道吾錯。另外有炒飯、炒烏冬、炒米粉、菜心、雞亦、薯條、洋蔥圈、漢堡扒、炸餃子、炸春捲、炸咖哩角、pizza，沙律菜都👌🏻，甜品就少左d，除左相中的甜品，另外仲有椰汁西米露同涼粉。地方不算大，但枱與枱之間算闊，都坐得舒服既，員工服務算好，收碟幾快。以呢個價錢嚟講，算係咁上下啦，起正屋企附近，應該都有下次既😏

百多元的午市自助餐，沒有很大期望，卻驚訝連連！熱盆吃的是雞翼、豬扒、白汁魚塊、印尼超乾炒飯及超咸伊麵，雖有沙律，但雜果有怪味難入口、三文鱼他他的三文鱼碎得不能再碎，法包又乾又硬，pizza就是用刀也差點切不開……甜品就像走入中古餅店，吃的是古法甜點，連生果也欠奉，最正常竟是罐頭涼粉……飲品選擇也超有限，只有水開橙汁、可樂、咖啡及茶，另加檸檬乙片……就算免費，也建議不要為難自己個胃來吃這樣的自助餐！

俾報紙廣告吸引，見到個價錢好平，用埋優惠券每人 $108 連加一。於是，我地就試咗啦。一分錢一分貨。睇過其他 OpenRice 嘅食評，都比較負面。我覺得冇咁差，都唔係難食嘅。冇乜貴價食物。我覺得炒烏冬都幾好食，有少少辣，忌廉魚柳唔錯。前菜選擇都唔少。不過牛扒麻麻地，肉質有啲奇怪。即炒嘅卡邦尼意粉，廚師功力十足，味道都OK，但係唔夠熱，相信係因為炒完意粉之後會放喺一磚雪咗嘅芝士之中，令意粉變凍。環境方面，我地坐喺角落位，都舒服嘅。但係今日都算多人，嘈咗啲。總括來講，呢間餐廳質素一般。每人 $108，都預咗唔會話有高級酒店嘅質素。

晚市正價時段選擇都非常少 無刺身，無壽司入得口的食物得豬扒同雞扒橙汁可樂都淡到水咁 難飲到想嘔諗住有coupon七折黎試下，見無食評博一博點知中大伏，真係免費都唔會再黎作為一間酒店的餐廳真係好差D豬扒一拎出黎成盤骨 大部分都係雪藏食物D野食成陣雪氣味 真係不知所謂D湯煲到成煲 完全唔敢飲未試過食自助餐食唔飽因為無樣野想食 最後食左3碗炒飯填飽個肚走人非常非常非常非常失望 D侍應個個新黎咁 又無禮貌問佢攞隻杯都串串貢 未食完就收走我隻碟埋單用左coupon都成$150一位呢個質素真係完全唔值呢個價

剛幫襯完，坦白說，好難食。冷盤唔吸引，得火煺，煙三文魚，沙律。吞拿魚是比較好，但也不是太好食。有翡翠螺，青口和蝦，賣相不好，搵個盤乘著，夾起有水的。翡翠螺未熟，拉出來有黏液。熱盤的牛柳好硬，豬柳又乾又冇味道. 超燒雞好硬，魚柳食得出是雪藏魚柳加糊椒粉。廚師即場整的Carbonara 又冇味，個汁浠到個意粉掛不到汁，唔知呢個是否湯意粉。甜品有涼粉，紫米露（但個牌寫意大利芝士餅），啫喱，芝士蛋糕，雜果。外面賣$15 一pack 的椰汁糕佢地都整得難食，硬到真係唔想食。全場最好是忌廉磨菇湯，冇creamy 感反而顯得菇味濃，好飲。有coupon 每人$150 但下次$100 都不會再去。我同一老一少去，兩位都説難食