Marco's Oyster Bar & Grill (已搬遷) 新店位置

服務態度非常非常非常好 價錢中肯、食物好味南非蠔 $28 蘇格蘭蠔 $28香港難得食到既新鮮生蠔+肥美原味就既已經好夠甜..好濃既海水味.. 好正!南非蠔味道相對重少少牛肝菌蘑菇忌廉湯 $65香味好濃郁,牛肝菌同蘑菇既味道好特出食落偏鹹 可以另外適當加少少胡椒牛柳8oz $328牛柳煎得啱啱 非常juicy配上廚師特配既汁、好tasty海鹽焗歐洲海鱸魚🐟 $258海鱸魚好新鮮⋯食之前加少少檸檬汁⋯食落更加Fresh⋯旁邊既蘑菇同車厘茄吸引晒所有精華 好出色

兩公婆今日趕到5點前去到中環郵局寄包裹，之後老公就車左我去半山揾食，原來去一間好特別嘅餐廳，竟然有 Live歌手彈結他自唱，歌聲悅耳，環境讓人輕鬆，燈光調得有點昏暗， 每枱也有蠟燭， 蠻有情調的，同時還可選戶外用餐的。今晚感覺好浪費呀！戶外都幾爽咁，今晚落著雨還涼涼地，不過老公覺得餐廳內好些。意外驚喜有 Live自彈自唱，優美歌聲唱舒情歌，令人進餐之餘還多個享受，真係好少餐廳有咁的安排，我會記住的。講得蠔吧必定要叫 Order啦！價錢又平又貴，睇自己 budget同喜愛自己選取。話比大家知叫1打自選生蠔還會送一支意大利紅或白酒添我自己食開法國蠔多所以今次都揀左兩款，一款係 Fine de claire, 另一款係Gillardeau, 新鮮爽甜帶點海水味。Prosciutto Pizza $128嘩 賣相好色彩繽紛，火腿磨菇火箭菜芝士，食材簡簡單單但味道佳，已夠晒兩個人份量。Baked Seabass 鹽焗鱸魚 $258已起肉鱸魚焗好後起肉再加一個青醬，伴碟還有青黑欖甜椒，食到啖啖魚肉，但食落無我想像般滑，反而質地較軟身味道帶少腥，不過老公就食唔到腥，可能腥味我較敏感呱。

偷得浮生半日閒，遊到半山食好西！環境優美寧靜，又舒適！食物選擇多！餐廳內有個外國人現場彈唱，普遍都係英文舊歌，但唱得好好，超浪漫！叫左一份卡邦尼，本身以為好簡單，點知係出埋廚師+超級芝士+現場直煮！先用鍋煮了煮意粉，再用圖中厚厚的一大樽係芝士磚煮出卡邦尼的味道！現場表演的感覺超級好，色香味全！好出色！另外叫左半打生蠔及兩杯白酒，生蠔鮮甜肥美，沒有沙代表廚師開得好靚！白酒香甜易入口，生蠔配白酒係絕配！忌廉磨菇餐湯應該係自家制，有細細粒磨菇口感瑋流！沙律都ok!

今晚與友人一起坐半山電梯，隨便逛逛的時候，發現這間餐廳。內裡的裝潢非常歐化，頓時令我彷如回到在歐洲生活的日子，十分溫馨。不得不提的是，餐廳經理非常幽默有趣，令人有賓至如歸的感覺。特別的是，餐廳經理曾經亦是大廚，我們有選擇困難症的時候，問他意見，問題就解決了。餐廳待客之道非常友善，而且每位客人今日餐廳都能夠享用一杯免費餐酒。轉轉酒杯，談天說地一小會兒，點餐後等待上菜的時間特別容易過。前菜的沙律配上了特調的黑醋，能夠十分開胃，而且味道非常特別及地道。龍蝦濃湯味道香濃而且十分足料。主菜方面，鵝肝配牛柳，鵝肝烹調火候控制得很好，是我吃過最好吃的鵝肝。牛柳方面，牛肉厚度比一般餐廳厚，而且肉汁鎖得非常準繩，5成熟，剛好。甜品亦非常有特色，心太軟熱暖烘烘，配上雪糕，就像冰火兩重奏。

呢間餐廳系半山算系中位價，今次考完試就黎試試佢！個門口睇落都好高級，而且好有外國風味，簡約風。內在環境有分室內同外，室內用格仔布裝飾，有一幅大油畫，好似意大利感覺，而且人流唔多，推介同另一半黎，有情調得黎又唔會太暗，都幾好！室外就好有feel，但係都係bar位或者2個位，同埋冬天會大風。呢個撻撻有驚喜，開頭以為前菜會好少，但係呢個有2塊好香口既包，上面有2仲味既topping，一個系碎蛋，一個系三文魚，我覺得2個都好足料同埋三文魚唔會好腥，呢碟都有沙律，上面系用左意大利黑醋同埋有幼芝士條！朋友覺得個醋有d酸，但係我覺得比起其他沙律黑醋，呢個入口較甜，個經理話有個婆婆每個禮拜都會黎買一支，哈哈！呢個龍蝦湯好夠味，鮮味，裡面有蝦肉，雖然系普通蝦肉唔系龍蝦，但係都幾有誠意，因為普遍龍蝦湯都唔會由蝦系入面。呢個鵝肝拼牛柳，好得意佢系會配小小茄汁意粉，可能就返香港人口味，飽d哈哈！個鵝肝外脆內軟，好juicy，同埋好有餘香！個牛柳就係medium，唔”鞋“口，入面粉紅色，肉汁多，外表都幾香口！甜品呢我就點左tiramisu, 都幾大舊既，雖然無真正意大利食既咁地道，但係個人認為比唔少鋪頭或者酒店

今日同朋友過來大館參觀下，順便在中環食個午餐。搵到半山呢間西餐的午餐抵食又多選擇，就入黎食下。餐廳裝修富有格調，好有歐洲風格，有個好開揚的露台，環境舒適亮麗。餐前麵包，鬆軟暖暖的，咬落軟滑。意大利菜湯，蕃茄味香濃，配菜料多，入口爽脆。牛肝菌蘑菇忌廉湯，香濃忌廉味，有蘑菇碎粒更添口感。炸德國豬手配蜜糖黑椒汁，$95,份量好大，外皮炸得香脆，入口卜卜脆，豬手肉質煙韌嫩滑，香甜入味，豬肉味香濃。免翁牛柳伴意粉，$108,牛肉嫩滑入味，用網燒煮的，香味散發，意粉爽口彈牙，撈蕃茄汁好香甜。

第二次過來吃了。上個月我本來想吃pizza hut，才跟媽媽走上羅便臣道，但上來才發現pizza hut只能外賣。所以選了路過看見的這家餐廳，吃了一個lunch，三文魚天使麵，還有雞扒飯。很多三文魚，雞扒也很大份，都是好吃的。那是週末的兩點，沒有太多人，只有兩三桌客人。媽媽很嘴刁的，但他都覺得好吃，那麼真的好吃。服務態度也不錯，那麼就bookmark了。今次是五點多過來的，只有我們兩人。我點了個下午茶，沒有影相。蕃茄沙律（三十幾蚊），芝士焗西蘭花（三十幾蚊），tiramisu（廿幾蚊）。蕃茄沙律那個有點一般，是加了芝士嗎，我不太肯定，但是不太好吃不推介。芝士焗西蘭花，這個很好吃，有點燙口，甜甜的芝士配上軟軟的西蘭花，很配。tiramisu，放得很漂亮，還不錯。龍蝦湯也挺好喝，真的有蝦，有料到。闊條麵沒什麼汁，是媽媽吃的，該也不錯。哈哈其實我真的不太會寫食評，我只會說很好吃很好喝。但為什麼我還要打上openrice呢，是我覺得不值。吃一頓飯不值？不，是我為這店感到不值。中環地段，中半山的地價很貴，租金該是很高昂的。但週末人真的少得可憐，才有三四個客人。而服務態度真的很好很好很好。要強調的

今日到了堅道探望友人，他帶我來到了這間位於羅便臣道的西餐廳，說這裏的lunch set很好味及很經濟。假日lunch set有12款選擇，我們二人分別點了F餐：免翁牛柳伴意粉（$108）， G餐：諾曼第厚切豬扒拌羅勒扁意粉（$92）。Lunch set包餐湯, 有牛肝菌磨菇湯或意大利菜湯供選擇。我們每款各點了一個。餐湯及餐包很快上枱，餐包熱辣辣，外脆內軟，搽上牛油，很香。牛肝菌湯菇味香濃配上少許忌廉更覺香滑。意大利雜菜湯，很足料，很多蔬菜，番茄味濃郁。主菜上枱，豬扒是厚切，有差不多一吋厚，相當有份量，配上香濃蘑菇汁及蘑菇片，。豬扒外層煎得香口，內裏肉質保持嫰滑，一點也沒有過熟及不嚡口。拌碟的還有新鮮沙律菜及茄味濃郁的意粉。免翁牛柳煎得很靚，賣相十分吸引，牛柳同樣外層煎得香脆，內裏肉質保持鮮嫩，是七成熟。牛味香濃配上惹味的牛柳汁，友人讚不絕口。羅勒扁意粉同樣出色，羅勒清新，扁意粉軟硬度適中。今餐吃得非常滿意，下次再來可試其他款式。

星期四中午，剛好放假去半山探朋友及剛出世既BB。離開後，我地就係中環半山閒逛兼覓食，在半山寧靜街道上看到一間特式意大利餐廳，以外國鄉村感覺為裝修概念既西式小餐館及生蠔專門店，從玻璃望向餐廳裡面，感覺一種輕鬆和悠閒既感覺，正好適合放假既心情。看看餐廳menu，set lunch選擇非常多，共12款，價錢由$72 - $88，set lunch包括餐湯，仲可以加錢配餐飲品及甜品，最後決定試試。首先來餐包同餐湯。餐湯有蘑菇湯及羅宋湯，蘑菇湯蘑菇味好香濃，食落去到粒粒蘑菇，有咬口。羅宋湯味道鮮甜濃郁，略帶微辣。而餐包就係法式麵包。C.鵝肝醬焗豬扒飯鵝肝醬焗豬扒飯，有鵝肝醬、肉醬及豬扒，味道出乎意料的夾，豬扒鬆軟多汁，醬汁香濃，味道豐富有層次。F.免翁牛柳伴意粉配上意粉及沙律菜。雖然牛柳叫左七成熟，但又腍又好吃，牛肉味濃。主要係個餐唔貴，性價比黎講都幾高。

周年紀念，必須搵間環境好又有feel 的餐廳！呢間充滿驚喜！有現場唱歌表演，好好聽，首首英文經典歌，引起不少回憶！先叫半打生蠔+兩杯白酒，呢隻白酒好好飲，易入口又香醇！生蠔好大隻，肥美鮮甜，開蠔開得好靚！沙律不錯。忌廉什菌湯好香濃，仲有一粒粒什菌，好飲。估你唔到卡邦尼意粉，我個你對卡邦尼情有獨鐘，呢一碟的確令人佩服！佢你現場炒意粉，之後放入一整樽芝士中再撈，再調味，誠意值門票價！食落意粉軟度適中，超級香濃芝士味，第一次食到咁好食！熱推！龍蝦汁海鮮雜燴配羅勒扁意粉，同樣出色，海鮮好多好鮮甜！

為左慶祝今日呢個特別日子，我特登揀左呢間Marco's Oyster Bar&Grill 黎慶祝，貪佢位於半山羅便臣道，比人一種high end既感覺！雖然位於半山，但其實價錢一d都唔貴唔誇張，反而可能係地理環境較為吊腳關係，感覺上較下面中環，金鐘等價錢便宜。重點係即使位於半山，餐牌上有中英對照，侍應都曉得講中文，唔洗驚老尷！環境方面，裝修概念以歐陸酒吧式既設計，配合駐場歌手既演出表演，十分有情調！至於野食，我叫左一個set dinner, 燒美國雪花肉眼扒，配上Caesar salad同牛肝菌蘑菇忌廉湯沙律就係好傳統既Cesar salad。湯方面菌味好香濃，而且好creamy。雪花肉眼扒方面，始終本人既腸胃唔係咁好，唔敢叫太生，只係叫左medium well，廚師既火喉掌握得十分好，既保留肉汁之餘夠牛肉又唔會太生，肉質十分高質稔滑，相信本身來貨都係靚野！食飽飽waiter問會否叫甜品，見佢做special offer 本來都有d心動，但實在係太飽頂唔順！食完涼涼地仲可以漫步落返中環，絕對推薦！

今日帶A姐沿中環至半山自動扶手電梯系統上半山，睇吓我哋未來，如果中六合彩頭獎，仲要一注獨得，前面嗰座呢，最高頂層嘅複式單位就會係我哋嘅家。面既然一場上到嚟半山區，就食餐飯先再返我哋嘅蝸居啦。呢間位於半山區嘅，原來午餐唔係豪宅價，仲好親民價添。牛肝菌蘑菇忌廉湯Set Lunch包湯，我哋就揀咗牛肝菌蘑菇忌廉湯，牛肝菌同蘑菇打到碎晒，所以個湯好香濃好creamy。仲有2個熱辣辣嘅包，A姐就鍾意點餐廳自家製嘅油同醋，話好香口，而我就鍾意搽牛油喇。免翁牛柳伴意粉牛柳大概五成熟，肉味香濃嫩滑，意粉細心地用咗蕃茄醬先煮，令意份唔會太單調。伴碟仲有新鮮嘅沙律菜配香醋。鵝肝醬焗豬扒飯焗豬扒飯就食得多，想食得更尖，呢個鵝肝醬焗豬扒飯就一定要試。鵝肝醬好香濃，好細滑，一啲都唔膩。豬扒尚算厚切，唔嚡，肉質鮮美。

呢日係港島打等，星期五happy friday當然係想同朋友仔chill下，不過今次想搵達寧靜幽雅既地方hea下，朋友住開呢頭，介紹左半山呢間隱世好店。價錢都算接受到，想試下西餐又多人靜靜地可以叫下special dinner set，有full course又多野食，我就叫左個set dinner，少少地咁食。套餐包含沙律前菜同餐湯，我叫左龍蝦湯，味道極之濃郁，配上清新既沙律，兩者配搭十分合襯，令人食指大動。主菜點左龍蝦汁海鮮大燴配羅勒扁麵，本身係大蝦海鮮愛好者既我大飽口福，海鮮真係啖啖鮮甜，肉質彈牙，羅勒扁麵味道清新，同海鮮既濃郁度中和番，十分味美。最後仲有餐飲。環境氣氛十分幽靜，仲有駐場手彈音樂，令人十分陶醉！

今日去半山羅便臣道宏基國際酒店探朋友,  途經有間裝修得極富歐洲色彩嘅餐廳,   Marco's Oyster Bar & Grill, 門外裝修很獨特, 充滿藝術氣息.看看餐單不錯, 價錢公道, 很親民,  決定在此先吃一個午餐,  餐廳有落地大玻璃窗, 好光猛,  用餐區分內外, 外面可吸煙, 環境不錯. 有大型酒吧, 更備有各國名釀.裝修設計有特式.我們只有兩個人, 侍應給我們座位,很舒適,  檯上藍白色格仔布, 有些去了外國餐廳的感覺. 西人侍應送來餐牌, 有 Saturday, Sunday and Public Holiday 午市套餐,    選擇很多,  主菜 有 13 款, 包餐湯, 主菜,  價由$72 ~ $108 . 餐茶加 $10-.我倆決定點套餐 A & F.朋友選了意大利菜湯,  夠熱, 她說味道濃郁, 好好飲.配上法包,  塗點牛油, 口感豐富.侍應話可以為我把餐湯轉為凱撤沙律.  有羅馬菜, 麵包粒, 煙肉粒, 用芝士粉來調味.什菜夠新鮮爽口,  煙肉粒很香口,  加上脆脆麵包粒.   配陳年醋汁, 非常開胃.我的主菜:  免翁牛柳伴意粉, 賣相好靚.

I was there with my friend to have lunch. I heard about this restaurant and was curious to try. Very nice environment and good service. The Italian manager, I can tell from his unforgettable accent, is friendly, professional and he sure joe about food! He suggest some good dish. We got sure backs oyster with truffle, was fresh and well presented. Plus pumpkin risotto with salmon was totally amazing! Wow very good. We got also Rocket fish filled. Nice taste good balance good presentation. My frie