Marco's Oyster Bar & Grill (已搬遷) 新店位置

之前見到報紙上Marco’s Restaurant and Bar的廣告，好吸引。剛好有姐妹九月份生日，就約埋去新開的港岛中半山分店晚飯，事實證明無揀錯，惊喜一浪接一浪。生蠔鮮美，鵝肝好香入口溶，牛柳燒得恰到好處⋯⋯因為有报紙的coupon, 有8折，送生蠔，4位仲送支紅酒。美酒佳餚，配上舒適浪漫的環境，再加上有現場歌手為我地獻唱，超值我請歺廳在生日朋友的甜品碟上寫上祝福，歌手為她唱生日歌(中英文），將聚會氣氛推到高潮，完美侍應服務好，外籍歌手唱歌又好聽從地鐵沿半山扶手電梯上，要行差不多二十分鐘。好在我地已有心理准备，齊齊著平底鞋。我地吃得好飽好滿足，慢慢行落中環地鐵站，正好消化一下，好開心！之前睇吃評多，覺得對我揀餐廳好有幫助。今次遇到間新開的，忍吾住寫一篇，推薦大家去試下。

星期日諗住去中西區行吓街，行過依間餐廳，見set lunch 幾平，就決定去試吓。下午一點半去到餐廳，我哋揀咗坐室外位，啱晒食煙嘅男朋友。我哋揀咗飲蘑菇湯，個蘑菇湯好香濃，有勁多蘑菇粒，好creamy。配湯嘅法國飽焗到脆卜卜，搽牛油食勁香口。我嘅主菜係牛柳意粉，賣相好靚。牛柳煎到五成熟，好嫩滑。意粉彈牙，番茄醬都好新鮮。沙律菜配香醋，新鮮爽口。男朋友食辣肉腸薄餅，餅底好薄好脆，芝士同番茄醬夾埋都好好食。侍應嘅招呼都唔錯，值得再去幫襯。